سناء : هه كان يحبني .. لأنو هدا يا ماما جميلة مابقاش تفتت شفتي زجاج كي يتكسر فتات فتات هكا رآه قلبي واش يلمو
جميلة : إستهدي بالله بنتي
سناء : سبحانه ماما جميلة قوليلي
جميلة : نعم بنتي
سناء : انت حبيتي في حياتك ؟!
جميلة : يا بنتي حكايتي طويلة
سناء : ( متحمسة ) احكي احكي يعني حبيتي 😃😃 وينو الا مات ربي يرحمو و الا حي ربي يحفظه وينو بصح
جميلة : يا بنيتي اسناي مزال مانطقتش بكلمة 😂
سناء: احكي ماما جميلة بليز احكي هيا
جميلة : صحا صراحة حبيت واحد و غذرني ( طاحت دمعة ) شوالي كبدتي على ولادي
سناء ناضت عنقتها : خلاص ماما جميلة خلاص سمحيني فكرتك في الماضي
جميلة : طلع ولد حرام صح
فلاش باك :
العياط في فيلاة رحماني
الجد : برا عليا مانحتاجكش هنا مانحتاجش تاجر في المخدرات في داري برا عليااااااااا برا متبري منك ليوم دين
جميلة : يا عمي مصطفى اسمعلو .. صحا اهدا نجيبلك دواك ؟! العياط هدا حت يمرضك اكتر
الجد : كيفاش يا بنتي قدرتي تتحملي واحد كيما هدا
عبد الرحمان : يا بابا اسمعني غلطة و صرات سمحلي جميلة اجري جبيلو دواه
الجد : مزالت هنا يا بني الكلب برا برا
شاف فيه عبد الرحمان : يا بابا العزيز هادي الدار حتى انا نسال فيها
الجد تنرفز اكتر : اسمع طلعت بنت الحرامية هاديك طبق الاصل واش حا يجيني من وحدة خداعة و طماعة
اب اسر (اسماعيل ): يا بابا انعل شيطان سامحو رآه ولدك
الجد : سماعيل انت اسكت مادخلش يا ولدي ربي رآه يخلص فيا لي خدعت يماك
جميلة جرات جابت دواء للجد (جد بابات أسر ) (عبد الرحمان الابن الغير الشرعي )
جميلة : تفضل عمي هدي روحك
بابات أسر : يا بابا علاه دير لروحك هاك خليه ربي يهديه دوك كي يحبسوه أما يعرف المخدرات لوين وصلوه و يفيق
الجد : مانحتاجش الحرام يدخلي لداري .. أنا طالع لبيتي نرتاح
بابات أسر : راحتك بابا
باك :
جميلة بعدما حكاتلها واش صرا بين الجد و ولدو الغير الشرعي ( عبد الرحمن )
سناء : وولادك يا ماما جميلة وين
جميلة : في هادوك اليامات كنت حامل بتوأمين و عبد الرحمن كي خرج من دار كنا نتلاقاو برا برا يعني يشوفني و نشوفو برك بعدها كي زيدت نهار الاول في سبيطار نعقل عليها مليح سمعت صوت ولادي بأذني ( تبكي ) هادي ،، لكن عبد الرحمن طلع ولد حرام و شواني في كبدتي مخلانيش حتى نرفدهم بين ايديا ولا نشربهم حليبي ولا حتى نشم ريحتهم ( عنقتها سناء ) خداهم و راح و ليومين هدا ماشفتوش ولا هداه ربي جابلي ولادي يكونو قدك في العمر والله ماني سامحتلو لا دنيا لا آخرة كان يقول هادو ولادنا نربوهم مع بعض مشكلة عائلة صغيرة و حتى قبل مانزيد خترنا اسماء ولادنا ماريا و صهيب
سناء : خلاص ماماتي هاني هنا أنا بنتك و راح نذل بنتك خلاص ماماتي لا تحبيني اسكتي سكتت جميلة
..
عند أسر
في بيروه قاعد يلهي في روحو باه مايحكمش تلفون و يعيطلها يخدم بلبيسي تاعه حتى ماقدرش ولا حكم تلفون
شاف صورتها لي مخبيها عندو و دار نيميروها
..
ترن ترن ترن رفعت تلفون تشوف المتصل 😑 لقاتو اسم كابوسي الأسود نفخت
سناء : اووووف (بصح قلبها كلاها حبت ترد قالت في قلبها فضول ولش رآه حاب متلا )
جميلة : ردي بنتي باين شكون يعيطلك ردي اكي تعرفيه مقلق ماترديش يجي يعد البيت على راسنا
سناء ردت و حطاتو على وذنها
سناء : نعم ( بتشناف )
اسر : عندكم زوج دقائق توجدو رواحكم كلش فاليز كلش مايهمنيش أنا جاي
سناء : بصح لا لا. .أسر .. أسر .. بييييب تكوبا (كوبالها في وجها 😂) اففففف رمات تلفون
جميلة : واش بيه بنتي
سناء : رآه جاي يا طاطا قالك زوج دقايق توجدو صوالحكم
جميلة : يا بنتي نوضي نوضي تعرفيه منرفز مدام قال كلمته ماتتعاودش
سناء : اففف مش حابة نشوف خليقتهم لزوج
و تكسلت في الفوتاي
ناضت جميلة : هيا نوضي بنتي نوضي
..
هابط مع الدرج
قابلاتو و ايديها في خصرها
ماريا : وين بيها
اسر : خارج عندك مشكل
ماريا : وي وين رايح في هاد الوقت
اسر : يا ماريا .. (تمالك أعصابه ) اوك رايح نجيب سناء و و يما جميلة
ماريا (عقدت شنايفها) : و علاه ماصدقت تهنيت منهم ####
اسر خرج عن سيطرة : انظف منك و من الوسخ لي جبتك منه لمي قشك اطلعي خفي مش حا نردك لوسخك في سبيل الله ندير الخير و نعطيك دار و غدوة توصلك ورقتي ( رفع صبعه ) و يا ويلك لا درتي كاش عفسة مقودة ولا حاولتي تستخدمي ذكاء معايا و بالنسبة لسناء راهي مرتي ليوم و غدوة و نقعد نحبها و نموت عليها و قررت نسامحها و مبعد سكت و قالها و نتي علاش راني نخبر فيك ايا طيري لمي حوايجك
خزرت فيه : دارك مانحتاجهاش مدام عندي خويا يا سي أسر و تذكر كلامي حا تندم على لي هنتني و طلعت تلم بعد شوي هبطت تكركر في فاليزتها
اسر رمالها مفاتح
اسر : مفاتيح طنوبيل و البيت لي جايا في **** كلهم ليك يلا برا
رفدت مفاتح ضحك
اسر : مش كنتي تقولي مانحتاجش شي منك
ماريا بكل افتخار : ليالي لي قضيتهم معايا يا البي مش بلاش 😘 و خرجت تتمايل
اسر :. وحدة رخيسة اوف يا ربي واش درت دخلت الرخس لداري
و خرج ركب طنوبيل رايح لبيت سناء
في طريقو فات للمول لقاه مزال فاتح شرا كادوات اسماء و جميلة
..
تسوق في طنوبيل و دموع شلال حاسة بالإهانة كان عليها تتقوا و تقول الكلام لي قالتو قبل ماتخرج
ندمت رفدت تلفون : الو وينك
X : في داري
ماريا : نقدر نجي عندك
X : ضحك اقعدي مع راجلك لاه جايا عندي
ماريا : صهيب إذا مش حابني نجي قولي اصلا انت وينتا وقفت معايا باي باي نشالله نموت و اتهنو مني .. اه لالا تهنا مني انت برك ماعنديش غيرك و قعدت تبكي كل حياتنا و حنا وحيدين علاه دنيا دارتلنا هاك يا ربي
X: وينك راكي تسوقي
ماريا : في طريق ****
X: احبسي ماتكمليش تسوقي دقائق و نكون عندك
كوبات عليه تبكي
( نظن فهمتو لي رجع ماريا و خوها الانتقام من عائلة رحماني )
..
واقف عند الباب متحمس فرحان واقف يساوي في لبستو و رافد كأدوات بيد لخرى و قاعد يخمم واش يقول كيفاش يهدر متلبك شوي
صونا في الباب
تفتح الباب قبلاتو جميلة بضحكتها
جميلة : ادخل أسر ولدي ادخل
دخل سلم عليها مدلها المادة تاعها
جميلة شافت فيه و تبسمت شافتو يحوس ع
بعينيه عليها : راهي في صالون
مشا بخطوات متتاقلة سمعها تهدر في تلفون
سناء : اوك حبي غدوة نشالله نتلاقاو ههه وي وي صحا باي عمري 😘
رما جد المادة في الأرض
سناء تفجعت حسبت جميلة طاحت ناضت لقاتو هو واقف و عينيه حمر
سناء : أسر
اسر بين سنيه : معام.ن كنتي تهدري
سناء : ااا مع ااا ( لسانها خانها ) تقدم بخطوتين لعندها حكمها من شعرها
سناء : ييي اسر طلقني وجعتني بيي ماما جميلة اجريلي
جات جميلة تجري مين سمعت العياط لقاتهم في هاديك الحالة
جميلة : يا ولدي أطلقها الا عندي معزة كي معزة يماك حكمتلو يدو لي كان حاكم شعر سناء بيها
رجع بخطوات
اسر : سمحيني يما جميلة أما معزتك كبيرة عندي ولا الا كنت عملت كل كتر هاك
جميلة : ريح ولدي نجيبلك قهوة اهدا
و قالت لسناء اطلعي بعينيها فهمتها طلعت تجري لبيتها
اسر : يما جميلة ماتعبيش روحك أنا رايح باسكو مش قادر نتحمل اكتر راني شاد روحي برك شوي تلقيني طلعتلها قتلتها و ناض
جميلة : يا ولدي اهدا و حضناتو
اسر بادلها الحضن : سمحني يما جميلة اما يلزم عليا نروح قبل مانعمل جريمة فيها
بعدت عليه و قاتله : ربي يسطرك ولدي سوق بشوي
خرج
طلعت لسناء
جميلة : بنتي واش كاين واش قلتيلو
سناء : والله ماقلت شي أنا كنت نهدر في تلفون مع صحبتي قلتلها اوك عمري غدوة نشالله نتلاقاو سمعت صوت حاجة طاحت في بالي انت طحتي نضت نجري لقيتو واقف و عينيه جمر
قتلو اسر جا هاد عليا و الباقي
