ضو خفيف شاعل فالبيت و الهدوء فالدار كامل تقول مكانش فيه عباد غير صوت القلم على الورقة و هي قاعدة فالبيرو تاعها تكتب كالعادة .....
لا زال حبك يسري فدمي
اعشقك رغم كرهك لي
ظلمتني قبل ان تسمع لتبريري
اين انت يا حبيبي
يا من كان يقول لي سأكون لك سندك يا حبيبتي
لو كان صحيحا لما خطفوني فليلة احلامي
بينما انا انتظرك لانقاذي يا فارسي
انت كنت تتهمني في شرفي
بين ليلة و ضحاها اصبحت يتيمة من جديد فقد خسرت اغلى انسان على قلبي معه خسرت روحي
يا الله اغفرلي و ساعدني......
قص عليها العياط لبرا حطت القلم و خرجت تجري عارفة اصلا متعودة عليه لحقت للصالون ....
.......:وين كنتي؟
.....:فالدار فبيتي وين حبيتني نكون
.....:وين كنتي على ساعة11
....:علاش تحوس
قدم لعندها ضربها بكف حست بخدها طار حطت يدها على خدها و تشوف فيه و ضحكت ضحكة استهزاء ...:علاش راك تحاسبني روح حاسب مرتك و حبيبتك لراهي درك مجاتش للدار
...:ههه انت تقارني روحك بيها ههه
....: يا مسيو آسر رحماني تفكر كلامي هذا مليح راح يجي نهار وين راح تعرف الحق بصح يكون فعلمك هذاك نهار مراحش تلقاني قدامك ... و دزاتو و راح تجري فاروج و تلفتت عندو :يكون في علمك اليوم ذكرى موت ماما و بابا رحت لقبرهم و كملت طريقها
آسر: سناء (بالعياط) و راح من وراها و شدها من يدها و دزها عالحيط و يقرب لعندها
آسر:قتلك انا روحي ؟
سناء: علاش شكون انت باش تمنعني
شدها من شعرها و كركرها لبيتها و رمها عالارض
آسر:انا هو الكابوس تاعك
و هبط لمستواها و شدها من وجهها و يهدر:آخر مرة تخرجي بلا متقولي يا ****** و الله اعلم الا رحتي للغابة تاني
بعدتلو يدو و تهدر :آسر احترم روحك
زاد ضربها بكف
سناء:آسر غير متعييش روحك مراحش نبكي فهمت البكا بكري و درك لا
شاف فيها زمان و راح ضرب الباب و خرج ....
شاف فيها زمان و راح ضرب الباب و خرج ....
رمى روحو عالسرير و شاف الساعة راهي 11 و نص و ماريا مزالها مجاتش
آسر:اففف واش دخلني فيها
ناض دخل لدوش و شعل الما و بقى تحتو و حط يديه على الحيط و منزل راسو اصلا كلما يشوفها يتمنى يسامحها بصح ميقدرش الخيانة لتعرضلها صعيب ينساها و جرتها خسر باباه ضرب الحيط و كمل الدوش و خرج ....
عند سناء:
ناضت من الارض قعدت على فراشها ...
سناء تحكي: يا آسر عييتك و انا نسيي نفهمك بصح مزال الايام و الحق راح يبان ...
ناضت راحت للبيرو تاعها جبدت دفتر يومياتها و تكتب و تفرغ قلبها ....
فالبار:
ماريا:هههه كيما حكيتلك هههه
ليلى:ههه قولي و الله هههه شح
ماريا:هههههه و الله
ريان تخنزر فيهم:عيب عليكم نتوما الزوج و نتي هند متنسايش نتي لزدتي عليها ضرة ماشي هي
ماريا:ليلى يرحم والديك متزيديش تجيبيها معاك
ليلى:ريان هبلتي راكي معانا و لا معاها؟
ريان:اممم معاكم خلاص
ماريا:خيرلك snn تعرفي وين تلقاي روحك
ريان بلعت ريقها و تبسمت
ماريا:انا نروح يكون لحق للدار نروح نتفرج و لا نشعلها بيناتهم
ليلى :ههههه عيطيلي نتفرج معاك
ماريا:ههههه ايا تشاو ...و خرجت ركبت فطوميبل تاعها
ليلى:حمارة هبلتي نتي
ريان:اففف ليلى ماشي بيدي متنسايش راهي على ....
سكتتها ليلى (قرصتها)...
