بعد يومين
سناء واقفة مع جميلة لي قلبها حا يخرج حابة تشوف ولدها
فلاش باك ؛
سناء : طاطا جميلة حبيت نقولك حاجة
جميلة : تفضلي بنتي
سناء مشبكة ايديها خايفة تقولها خايفة من ردة فعلها
حكمتلها ايديها : بنتي خوفتيني واش كاين علاه راكي مقلقة هكا
سناء : ماما جميلة لق.ي.ت إبنك اه قصدي ابن عبدالله الولد الغير الشرعي لعائلة رحماني
جميلة : اه سكتت مالقات ماتقول غير دموع يهبطو
سناء : طاطا جميلة خلاص تحبي ناخدك تشوفيه و عنقتها
خلاص ماما جميلة والله نديك تشوفيك ماتبكيش تعرفي كبر الله يبارك
و ووسمو كيما قلتيلي صهيب
باك ؛
دخلو جمعو يسناو يجيبهم باه يقابلهم
..
عند صهيب جاي و في قلبو يقول شكون لي راه جاي يشوفو هو مقطوع من شجرة و ماعندو حد من غير المرحوم و المرحومة اختو و باه
وصل فتحولو الباب
دخل عليهم
جميلة شهقت كي شافتو طبق الاصل على باباه تقول عبدالله راهو قدامها مش صهيب
صهيب وهو واقف : جيتي تستشفي فيا يا مدام سناء رحماني
جميلة حارت واش راهو يقول
سناء : لالا يا صهيب رحماني انا جيت ليوم نوري ماما جميلة ولدها ولد سي عبدالله الله يرحمه
صهيب سكت يشوف في المرأة لي قدامو
و مبعد نطق : جاية هكا زعما ملاك تقوليلي هادي يماك واااو على اخلاقك يا سناء و جا نايض
جميلة ناضت لعندو حكمت يدو و هيا ترجف : اسنا نفهمك يا ولدي علر وجهي اقعد
جميلة : والله يا بني باباك هو لي حرمني منكم انت و اختك انا نعرف لي انو انا زيدت توأم بنت و طفل لكن عمري ماشفتكم ولا حطيتكم في حضني ( تبكي ) باباكم خداكم مني نهار زيدت ماشفتو لا هو لا انتو
صهيب : كيفاش كيفاش حابة تفهميني بلي انت المظلومة و تطلعي بابا الله يرحمو لي ربانا و تعب علينا هو ظالم
جميلة : يا ولدي راه باباك هو لي حرقلي قلبي عليكم
صهيب : و هدا وين تجي اه وينك قبل 30 سنة اه وينك قوليلي ( هاج ولا يعيط )
جميلة تحاول تهدي فيه
دزها قريب طاحت حكمتها سناء
سناء : تعرف انا لي غالطة و قلت هدا بنادم بلاك يتغير و قلت نجيبلو امو يشوفها بلاك يحن و حتى طاطا جميلة تشوف و تريح كبدها لي حرقولها باباك قبل 30 سنة لكن لا حياة لمن تنادي لي قلبو حجر مكانش لي يحنولو و حتى الكره و الحقد لي حاملو تجاه عايلة رحماني عمرك ماعرفت علاه باباك جبد على عايلتو اه عمرك سقسيتو علاه بعدكم على عايلتو علاه عمركم ماشفتو جدكم
جميلة : خلاص بنتي خلاص انا شفت ابني و ياريت ماشفتو هيا خلينا نروحو لكن قبل ما نروح حبيت نعرف برك أختك وينها وين خليتها
صهيب بقهرة : بنتك ربي يرحمها و هدا كل بسباب عايلة رحماني خداو مني اختي الاول خداو بابا و زادو كملولي على ختي
و بدا يعيط و قعد في الارض يبكي مابقالي حد كانت مريا هيا الوحيدة لي مخليا حياتي تمشي كنا سند بعض 💔 راحت وخلاتني
جميلة قلبها وجعها راحت هبطت لمستواه و عنقاتو دخلااتو في حضنها تهدي فيه
سناء تشوف فيهم و دموعها نزلو صح صهيب خربلها حياتها بصح الله غالب هو تاني مضرور عاش بعيد على يماه و تحرم من حنانتها و كلش و زاد خسر اختو التوأم يلي قطعة من روحو.. نزلت لمستواهم و مسحت دموعها حطت يدها و هي ترجف على كتف صهيب .....
سناء:صهيب .... خويا
بعدلها يدها ...صهيب:انن بالذات متقربيش عندي منيش خوك ...
سناء:صهيب احكي يلي تحبو بصح اعرف بلي انا و اسر معندنا حتى يد فواش يلي صرالها لمريا .....
ضحك ضحكة ....صهيب:هههه حبتيني نأمنك .. شفتي ..يهدر مع جميلة بسبتهم بنتك مهيش هنا اليوم ....
جميلة:لا يا ولدي نعرفهم رهم تربيتي محال يديروها 😭و مريت بنتي يلي مشبعتش منها كانت كل يوم قدامي و مهرفتهاش .... و بقات تبكي .....
صهيب:اشش خلاص يما راني معاك انا ....
تبسمت جميلة:عاودها عاودها ...
صهيب:يما الكلمة يلي تحرمت منها حياتي كامل .... ...
سناء تبسمت معاهم و فرحت كي شافت جميلة فرحانة بولدها ...... ..
بعد ساعتين:
الليل طاح .... قاعدة فالكوزينة و تهدر ...
سناء:ماما شفتي اخيرا كل شيء تحل و لقينا ولدك صح ماريا فقدناه ربي يرحمها بصح حمدالله مزال صهيب ....
جميلة:ربي يرحمها و يغفرلها ...شدتها من يدها و تكمل الهدرة...:قوليلي بنتي انت و اسر؟
سناء توردو خدودها:...تصالحنا ......
جميلة:حمدالله بنتي نتمنى تسامحيه لصهيب ....قطعتلها كلامها ..
سناء:ماما واش تهدري و الله سامحتو مهما كان يبقى ولد عمي و هو تاني عاش مظلوم .....
تبسمتلها جميلة و فتحتلها يديها و سناء ترمات في حضنها .....
.....داخل للدار زاهي و فرحان و يصفر .....
آسر:يما جميلة ...
جميلة:انعم ولدي رانا في الكوزينة .....
دخل عندهم سلم على راس جميلة ....و خطف بوسة من سناء من خدها ..... سناء وجها حمار ...
جميلة:شوف واش درت في الطفلة ....
سناء قرحتلو لاسر يلي قاعد يضحك عليها ....
جميلة:ربي يدوم الفرحة بناتكم ولادي انا راني رايحة لبيتي نريح و انت سخني الماكلة لراجلك ...
سناء:ماما خليكي ...
اسر:ايه ماما روحي ريحي .....
ضحكت و ضرباتو على كتفو و راحت ....
بقاو في الزوج في الكوزينة .... بقى يشوف فيها حتى وترها ...
سناء:راك جيعان؟ نسخنلك الماكلة ......
قرب لعندها و هي تراجعت للور بصح بحركة صغيرة جبدها لعندو .....حط يدو على خدها يمررو عليه و ردلها خصلات شعرها للور ...و عي غمضت عينيها ...من قوة الاحساس يلي تحس فيه ...... حط خدو على خدها و يحكي في وذنها
آسر:سناء ....يكفي عام يلي عشتو بعيد عليك خلينا نبداو حياتنا من الاول و نوعدك حاجة ما تقيسك .....
دورت يديها عليها و حضناتو .... فرح من الجاست يلي دارتو ..... حط شفافو على شفايفها و غرق معاها في بوسة طويلة ..... بعد عليها يشوف فيها .... و حط خشمو على خشمها ...
اسر:نحبك سناء
سناء:حبك ادمان اسر ادمنت عليك ...حبك يمشي في دمي ❤
اسر:يا روح اسر .....
رفدها و داها للشومبرا .و دخلو في عالمهم الخاص .......
________
صباح جديد.......:
ناضت على ضو الشمس يلي دخل ....فتحت عينيها ...يلي كي العادة منفخين من البكاء ..عدلت روحها ...و حطت يدها على كرشها تتحس فيها ....
ريان:صباح الخير يا روح الماما 💙يا املي الوحيد فهذي الدنيا ..ً....
شافت التيليفون تاعها ...دخلت ليميساج ....
مدام ريان وجدي روحك على العشرة نخرجو 😌صديقك الوفي ليث//
تبسمت و بعثتلو اوك و ناضت توجد روحها.........
____
راقدة في حضنو كي الملاك بقى يتأمل فيها كيفاش راقدة مش مآمن كيفاش سمح فيها عام و هي بعيدة عليه ....
حس بيها تتحرك حط يدو على خدها ..و يتحسي فيه ...فتحت عينيها ...تبسمتلو ...
آسر:صباح الخير يا روحي ...
سناء حطت يدها على خدو ...و بساتو بوسة خفيفة:صباح النور 💙....
آسر:اممم واش راكي حابة على صباح
حمرو خدودها و ضحكت :حابة تبعد هاك ...بعداتو و لفت الملحفة على روحها .....و ناضت بقى يشوف فيها ...
اسر:لوين ...
قدمت خطواتها للباب الدوش...
سناء:للهنا 😝😝و دخلت غلقت الباب ...
اسر:سناء افتحي جدو نكسرو عليك
سناء:طير خليني ندوش
اسر حك على راسو ضحك :هه اوك يا مدام اوك ...
سناء:هههه 😂😂...... ...
___
في جيهة اخرى قاعدة فالصالون رايحة جاية .....حتى صونا تيليفون تاعها ...
ليلى:وشبيك مزروب زيد شويا خير
سفيان:ههه صباح الخير ..
ليلى:😏😒وقت تحتارم المواعد تما كاين خير
سفيان:ارواحي ارواحي راني نسنى فيك ...
خرجت من الدار و دخلت ليه اللوطو ....سلمت عليه ..
ليلى:راك مليح ؟
سفيان:و يلي يشوفك اكيد راح يكون مليح يا روحي ❤
ليلى:لممم باش متعيطش راك تخشيلي بالهدرة هات هات المفتاح راح نسوق انا ..
سفيان: يوك استغفر الله شوفي عندي يومين ملي رجعت من الموت منيش حابة نزيد نموت
ليلى:😏😏😒سانط انا البهلولة يلي نخمم فيك ....
ضحك عليها ..و شدلها يدها و باسها و حطلها المفتاح ... هيا ...
تبادلو البلايص ....
ليلى:هيه نروحو للسبيطار للكنترول منبعد لوين؟
سفيان: اي بلاصة تعجبك نروحو ليها ...
ليلى تبسمتلو:اوك💙يا روحي
سفيان:عاودي عاودي مسمعتش
ليلى:😒😑يا روحي ....
جبدها لعندو...غرق في معها في بوسة طويلة ...
