وصل للشركة يمشي بكل ثقة و مش معبر حد بزاف حوايج تبدلو فيه مكشر وجهو و نظراتو تخوف حتى حد ميقدر يشوف فعينيه الكل بقاو واقفين حط الدخل و السكرتيرة تبع فيه رجليها دخلو فبعض من الخوف .....
ليلى: مرحبا مسيو آسر
دارلها اشارة بعينيه تاع ايه المفيد و هو يمشي
ليلى: و اجتماع على ساعة 14h و توقع الملفات و عندك ضيف راه يسنى فيك فالبيرو
ضيق عينبه و هي حست بالدنيا ضياقت اليوم يطردها
آسر:كيفاش يدخل للبيرو تاعي ؟
ليلى:خليني نفهمك مسيو اسر
آسر:منبعد نتفاهم معاكم واحد واحد و راح خلاها و دخل للبيرو
ليلى:الله يلعن الساعة لكنتي فيها صاحبتي يا سناء ....
بمجرد ما فتح الباب و شاف مع شكون قعد رجع ميضويش بصح تحكم فروحي و راح قعد فالكرسي تاعو و حاطط رجل على رجل
آسر:شرفتنا يا صفيان مصطفاوي
صفيان: و الشرف ليا مسيو آسر رحماني
آسر:نظن حسنو ضيافتك
صفيان تبسم برك
اسر:المفيد !؟
صفيان:مسيو اسر نظن بلي اليامات هذو هملت الشركة تاعنا
اسر: ههههه تاعنا عجبتني نيتك
صفيان مدلو الملف لفوق الطابلة و ناض عدل الفاست تاعو و لبس lunette :اقراه مليح و تعرف
اضحك ضحكة استهزاء :ههههه واو جيت باش تقول كاين خاين هنا كشغل ماشي انت.لراك تسيي تبيع اسهم الشركة هذي .. و ناض من الكرسي و قدم جيهتو و نحالو lunette و كمل كلامو :صفيان مصطفاوي نعرف كلش نخدعت
خطرة و مراحش تتكرر و تفمر مليح اذا خسرت الشرمة هذي انت الوحيدة لراح تخسر انا عندي شركات واحدخرين
صفيان بقى يشوف فيه زمان و نحالو النواظر من يديه و يحكي :هههه آسر رحماني نظن لازم تفتح عينيك مليح بزاف حوايج راطيتهم و راحولك و حط يديه فالجيب و تبادلو نظرة تحدي فالزوج و خرج ....
صفيان يحكي فقلبو: النظرة هذيك يا اسر نعرفها نظرة انكسار و حقد لراح تحرق الدنيا ........
تمشي فالمول و فيديها ساشيات شرات الدنيا كامل و على الخلاص مجرد اسم آسر رحماني يعطولها كلش و الباقي عليه راحت قعدت فالكافيتيريا و طلبت jus d'orange
تشرب و تشوف بعيد حتى طاحت عينها على magasin des Robe blanche تحجرت دموع فعينيها و راح تفكيرها للماضي ....
فللش باك :
اسر:سناء سناء ازربي درك نروح و نخليك
سناء:اوف منك اسر خليني نشوف اذا عجبتني الروبة هذي
آسر:يا عمري كلشي يجيك شباب
سناء:شوف هذا عرسي خليني نقيس فغرضي
آسر:حابة نجي ليك
سناء: شو عم تستنى يا بن عمي
ناض من الفوتاي و دخل لعندها و هي تخلعت
سناء:يا و دخلت
و هو يشوف فيها و فالروب كي جاتها صح الروب سامبل بصح حلاتها هي و ركز مع شق يلي فصدرها كتافها المعريني فيهم غير زوج خيوط للديكور قرب لعندها و هي لسقط فالحيط و تحكي:اسر نطلع السونسر و نخرج خليني فغرضي و هي توترت من نظراتو ليها بلا ما يحكي كلمة دورهاعلى الحيط و حط يد على كرشها و زيرها ليه و وحدة فظهرها يطلعلها السونسور تاع الروبا و هي ترجف
هبلتها لمساتو كمل طلعهولها و هبط راسو لرقبتها و حست بنفسو السخون غمضت عينيها و تستمع فاللخظة مع راجلها و حبيبها طبع بوسة على رقبتها و دورها لعندو و جا راسها فصدرو طلعهولها ببدو و شاف فشفايفها يرجفو طلع عينبه و شاف فيها زربت هبطت راسها و طبع بوسة على جبينها ....
قص على سرحتها دمعتها لنزلت سخونة على خدها فدقيقة تفكرت كيف كانت و كيف ولات حياتهم تنهدت و خلات كلش و ناضت و شدت الصاشيات و خرجت من المول ..
