ناض عمل دوش و خرج لابس سروال بلا تريكو
عمل قهوة و شرب و حظر روحو باه يروح للشركة
..
سناء : ماما جميلة ( و هيا طبطب في الباب )
جميلة : نعم بنتي
سناء : اه جيت نوضك راكي نايضة ماما جميلة
جميلة: مقبيل راني نايضة
سناء : وعلاه ماهبطتيش اهبطي نشربو قهيوة راني حذرتها و حتى هداك راهو لتحت يشرب في القهوة
جميلة : اوك ☺️
هبطو لتحت لقاو أسر يهدر في تلفون
شاف معاهم و كما يهدر
سناء : كيفاش تحبي قهوتك ماما جميلة
اسر يشوف معاها كيفاه لطيفة مع ناس مش كيف ماريا اصلا هو عارف روحو غلط البارح تقريبا جميلة راهي كي امو ولا اكتر هيا لي كبراتو
كوبا تلفون و جا قعد معاهم
سناء : أسر ني حابة نهدر معاك معليش دقيقة
ناض أسر و سناء وراه راحو لصالة
سناء و هيا تفرك في يديها خايفاتو مايوافقش : كيما تعرف يا سي أسر ماما جميلة لبارح تقاست بزاف من هدرتك تهانت كرامتها اولا كي ضربتها هاديك لي ماتتسماش و تانيا انت كمان عليها و بارك الله فيك مسحت بيها الأرض .. مش تهدر مع مرتك و تعاتبها اصلا كيفاه تقدر تضرب انسان كبير تفو ماعندهاش قلب ( هبطتلها دمعة , شافت فيه بعنين يلمعو ) صدقني يا اسر الكلام لي قلتو لماما
انت غلطت مع ماما جميلة بالرغم لي هيا رباتك لكن نكارين العشرة ماعندنا مانديرو لهم
هو يسمع و يشوف في عينيها ( ممكن حس بذنب تفكر واش قال لجميلة قلبو وجعو قداشو وحش مايتعاشرش )
اسر : لحظة غضب للأسف و حا نعتذر منها
و راح وخلاها ماقدرش يزيد يشوف في عينيها يزيد شوي و يروح يعنقها
أتذكر عندما كنت أحزن .. أبكي
كنت تحرق كل شيء يحزنني
كنت لا تقدر على رؤية دموعي
كنت منبع سعادتي .. تضحكني .. تفرحني .. تسميني طفلتك و تدللني
كنت كنت حبيبي الذي لا يقدر على رؤية الدمع في عيني
كنت ... كنت .....كنت ...
لأسف أصبحت انت المنبع الذي يتدفق منه الحزن 💔
اه قلبي يؤلمني حقا سبحان مغير الاحوال
ما ذنبي 😢💔
إن أنا كنت الا ضحية اختطاف
أصبحت أصبحت حقا لا اعرف ماذا اقول هل اقول ضحية زواج ضحية حب فالذي أحببته.. دقيقة ليس حب بل عشق
تزوج علي و ممن ؟!
من من عاهرة
لكن هو في نظره انا العاهرة و هيا الشريفة
