اسر : كنت حا نسطير على الامر غير انت و جيتي لعبيتها بطلة يا لالا و لا كنتو انت و هداك لي هربتي معاه نهار عرسك مع بعض و تفاهمتو تبيعو الاسهم. فوق راسي و بعدها رديتيهم..
سناء: ... تشوف فيه
اسر : تأكدي مليح يا وسمك هاد اللعبة لي راكي تلعبي فيها مراحش تخرجك و حا نكتشف كلش و تما تنذمي ندم كبير
سناء وفقت من الكرسي و وجهت صبعها و لزت على سنيها : اسمع يا هدا احترم روحك انا مانخونش تقة بابا و نهد واش هو تعب عليه ربي يرحمو راك كترت علابالك و انا نشوف النادم الوحيد لي راح يندم اكتر في الاخير هو انت يا سي اسر ( خبطت البيرو ) و دروك تفضل برا ماتنساش راك في بيرويا
جا رايح ليها
الموظف : ماتموزال سناء تفضلي الملفات لي وصيتيني نجيبهملك من الارشيف لتحت
سناء رجعت شعرها تنفست و قعدت : صحيت ادم هات
مدهملها
جا خارج
اسر : يا وسمك
ادم : تحكي معايا انا مسيو اسر
اسر ( مابقاش فيه ) : لالا اكيد نهدر مع الحيط يا وسمك هادي مش ماتموزال هادي مدام المرة الجايا اعرف واش تهدر و زيد المرة الجايا طبطب في الباب مش تزدم
ادم : سمحلنا ميسيو اسر ( و ضحك على جنب ) دار عند سناء
ادم : تبقي على خير مدام سناء تحتاجي حاجة ؟!
سناء : و... قطع اسر : ماتحتاجش تفضل برا الراجل و مرتو يهدرو ( من كترة القلقة ماولاش يعرف واش يقول )
خرج ادم ( و هو يشوف في اسر شوفات سناء مافهمتهمش كي شغل يتحدا فيه )
سناء جات تهدر معاه خرج
..
ليلى قاعدة مع الملفات ترتب فيهم
قطع عليها اسر و هو فايت فات وعاود ولا
وقف يشوف فيها
ليلى : ميسيو اسر تحتاج حاجة
اسر : نحب على ملف واحد هنا موظف وسمو ادم جيبلي معلوماتو الكل
ليلى : اه ادم محاسب المالية يخدم لتحت
اسر : نحب ملفو كامل يوصل خلي لي بين يديك و جيبيلي ملفه دروك و قولي لسفيان يعمل الإجراءات اللازمة غدوة مكاش خدمة الموظفين غدوة عندهم اجازة قوله يعطيهم تصريحات و انت تاني غدوة مكاش خدمة
ليلى : d'accord monsieur aser
راح لمكتبو
..
في بيت صهيب
قاعد يشرب في قهوة قاطعة مرة باه يصحصح
طبطب لباب حط لكاس و راح يفتح
..دخلت تتمايل بجسمها الشبه عاري ( يابسة عظم )
عبير : هلوو حبي و جات تسلم عليه
صهيب و هو يبعد : ملخر واش عندك قولي مش قاعد
شافت فيه و راحت تقعد
صهيب : ماعرضتكش تدخلي اما قاطعاتو : شكلها هاديك ( ريان ) دوراتك عليا حبي نسيت العشرة
راح قعد : مكاشنتش حاجة تستاهل نتفكرها ما نستني لا ريان لا غيرها تفضلي اهدري لي عندك و اخرجي
عبير : صهيب علاش تعذب فيا كلامك كي الخنجر يدخل قلبي تعرفني نحبك و كل نديراه على جالك
صهيب : يا عبير ليلة و فاتت
عبير : مانقدرش مانقدرش ننسا هاديك ليلة مانقدرش يا صهيب حس بيا
صهيب : عبير يرحم باباك تعرفيني خاطيني الخرطي تاع الحب و داك شي
عبير : و هاديك لي راك ذل معاها اه كل ليوم معاها حتى ماولتش تخرج من دارك اه
صهيب : تراقبي فيا . اما . ريان ماتهمنيش وقت مانحب نروح و نخليها انا نسا عندي كل كيف كيف خداعين و ماعنديش ثقة و ماعندي اصلا قلب لي يحب
( كانت تسمع فيه و قلبها يتقسم مع كل كلمة يقولها )
عبير : صهيب انا نحبك انا احسن منها هاديك ماتحبكش و تذكر كلامي غير انا لي تلقاني اصلا يا صهيب احنا متشابهين في كلش طريقنا وحدة و انا مستعدة نفديك بعمري
صهيب .. مالقا مايقول
عبير : بخصوص عايلة رحماني تحلت المشكلة و غدوة يتم القضاء عليهم و تصبح عايلة رحماني كل في ذمة الله
صهيب : حتى سفيان حا يروح معاهم مانحتاج حتى واحد منهم عايش
عبير : اكيد كلش مخططلو كيما تحب يا روحي انت ريحلي حالك و قربت عندو
صهيب : مانفسيش عبير بليز
عنقاتو
ريان مزالها واقفة تسمع طلت بشوي تشوف 💔 ( واعرة الخديعة ) خرجت تجري
عبير : يلا تشاو حبي 😘
