كبس على يدو و من الزعاف عينيه ولا حمورا و عيط بكل صوتو ...
آسر: ليلى ....(بالعياط)
دخلت و هي ترجف صوتو زصل لبرا شركة ...
ليلى:ا.ن.ن.عم مسيو آسر
آسر: عندك زوج دقايق تروحي تعيطي ل### تاع صفيان
ليلى:حاضر مسيو ...و خرجت ..
سناء بقات تشوف من الزجاج هذاك و صوتو خلعها آسر يتصرف هكا في الشركة ... رمات الملف من يدها و دخلت لعندو و سندت عالباب و ربعت يديها ..
سناء:واش صرا؟
آسر:ا *##*# روحي منا قبل ما نفسدلك وجهك و رمى الملف بعيد و شد راسو ...
قدمت خطوتين و هبطت رفدت الملف من عالارض و فتحاتو تقرا واش فيه وساعو عينيها و حطت يدها على فمها .....
عند ليلى ... رفدت السماعة و هي ترجف ..بعد مدة ريبوندا
صفيان:وي ليلى
ليلى:صفيان ازرب ارواح آسر يزيد دقيقة يقلب الشركة
صفيان:اوبس درك نجي ..
ليلى:بصح سناء ..
صفيان:وشبيها؟
ليلى:راهي هنا
صفيان:تخلطت كيفاش راح نجي كتشوفني واش هي ردة فعلها
ليلى:دبر راسك اجري درك ....
عند ماريا ...
قاعدة فالصالون حاطة رجل على رجل فوق الطابلة و تهدر فالتيلفون ....
ماريا:متخافش خو مراحش يرتاج بالي حتى نفرقهم و آشر يكون ليا
...............
ماريا:ايه باين يكون شاف واش صرا
............
ماريا:ايه راني رايحة ...
هبطت رجليها و نفخت لبست الطالون و رفدت ساكها خارجة قابلتها جميلة عالباب ..
ماريا:اوه جميلة الخدام بعدي على طريقي منيش حابة نحط يدي عليك معنديش وقت نروح نغسل ...
جميلة : استغفر الله نقولك كلمتين الله يهديك لسناء و اسر يحبو بعض من صغرهم فرقهم و جا الزمان كل واحد وين قرا رجع الوقت وين ولات هي. مرا و هو راجل و اتاحدو مرة اخرى قداش من شخص وقف فوجههم بصح واحد ما قدر يدمر حبهم مهما يصير بيناتهم آسر لسناء و سناء لاسر ....
دزتها ماريا على الحيط و خنقتها حتى ولات تكح
ماريا: تزيدي تعاودي الهدرة هذي تشوفي انا هي الفيروس لراح يفرقهم على بعض
و نحات يدها :يخي موسخة يخي اففف جيبولي نغسل يدي .....
فالشركة بتحديد فبيرو آسر:
سناء:واش هذا آسر 15٪ من الاسهم لشخص واحد اخر و مجهول الهوية واش هذا ؟ هذي هي الثقة لعطاهالك بابا و عمي رحت تبيع الاسهم
آسر:سناء تبلعي snn تي حاجة نصرا منيش مسؤول عليها
قربت للبيرو و ضربت يديها عليه
سناء:واش هذا التخبيص حاب تدمر شركاتنا و لا ؟
شدها من يدها و قربها ليه عينو جات فعينيها
آسر:احسنلك تبلعي بنفسي مش عارف واش راه صاري
بقاو على نفس الوضعية و يتبادلو نظرات كلها حقد و تحدي ...
سناء:و توقيع هذا تاعي وقيلا و توقيع تاع هذاك تاع شريكك
آسر:يجي نفهمو الحكاية
سناء:تاكد يا اسر تصرا حاجة للشركة هذي نتواجهوا
قص عليهم صوت الباب تفتح بعدو على بعض و تلفتو ليه
صفيان:سلام يا جماعة
راح ليه آسر و جبدو من الشوميز
اسر:تقدر تفهمني واش راه صاري ؟
صفيان؛واش؟
قدمت لعندهم سناء :صفيان مصطفاوي متلعبهاش هنا قدامنا كامل نعرفو حقيقتك ...قص عليه اسر
اسر:حقيقتكم
سناء:سمعت اسمك؟ لا مالا راني نهدر معاه هو هيه اسمع مليح يكون فعلمك من اليوم راح نكون الكابوس تاعك كيما درتها و دمرتني و درك تحاول تدمر الشركة ههه لا متقدرش يا روحي و زادت قربت ليه و هي مربعة يديها
سناء:روح نقولك 15٪ لبعتوهوم نتوما الزوج راح يكون من حقكم فالشركة هذي اي راح يولي شريك معاكم pcq 50% الاخرين راهم تحت تصرفي و اليوم رجعت نخدم و نكمل طريق بابا ر
رجعت للور و تشوف فيهم نظرت تحدي و ضحكت ضحكة انتصار و راحت للبيرو تاعها ...
