فلاش باك
صهيب موجه السلاح لأسر : نهايتك يا اسر رحماني هه دنيا صغيرة ( تخلطت الضحكة مع البكا ) دنيا واعرا خدات مني يما لي لحد الان ماشفتهاش و زادت بابا 💔 و و ماريا و في لخر كامل بقيت وحدي خلاوني كامل 💔 بصح انتم تخلصوها غالية و كبس على زناذ خرجت رصاصة
سناء : لاااااااااا اسر و غمضت عينيها ماعرفتش واش دير خافت
رصاصة خترقت جسمو طاح و دم يخرج منو
فتحت سناء عينيها لقات سفيان طايح غارق بدمو و اسر بجنبو
ناضت تجري لعندو
سناء : اسر انت مليح
اسر : سفيان سفيان مش انا
تلاحو عليه سناء تحاول توقف دم و تهدر معاه : سفيان ابقا فايق بليز خويا ابقا نايض
من وراهم صهيب 😌 : واااو مشهد رائع تضحية صديق تعرف اسر انت نحسدك لأنك عندك سفيان لكن للأسف 😌 انت فرقت بينكم 😌 و خططت لكلش خليه يمون صافي و مسامح اوموا سفيان خاطيه كنت نهددو بعائلتو لو مو عائلتو عمرو ما يخونك
سفيان : سامحني اسر سامحون.ي اس.ر و .سنا.ء
سناء : سفيان فيق فيق
وجه صهيب السلاح مرة تانية للاسر : الا الاولى سلكت المرة التانية بإذن الله مراحش تسلك
طرق طرق صوت رصاصة اخترقت كتفو
طاح سلاح من يدو يحاول يعاود يرفدو لكن لحقو عليه رماو السلاح بعيد و هو حكموه كلبشوه
صهيب : طلقوني مزال ماخديتش تار عايلتي اطلقوني خلوني نقتلهم انتم مش رجالي !!؟ حا تتحاسبو
خرج من داخل اليخث
كنان : لا رجالي يا سي صهيب رحماني ابن الابن الغير الشرعي لعائلة رحماني
صهيب و هو يحاول يفك روحو كون لقا كون راه قتل هدا لي هدر هكا : واش قلت يا رب العالي اطلقني نروح ندمدم جدو
سناء و اسر تحت الصدمة واشنو هاد تمسخير
كنان : اسر سناء راكم ملاح
سناء: كنان سفيان راهو دايخ ليق نلحقو بيه للمشفى 🥺😭
اسر : سناء خلاص اسكتي سفيان قوي و شاف فيه
: سامحني يا عشيري و صديقي و خويا هانت العشرة و شكيت فيك كنت لازم نتفهم حتى انت كان لازم تحكيلي
سناء : اسكت انت مش وقت الهدرة هادي مش وقتها
كنان : يا شباب ارفدوه للحبس ديراكت
صهيب : خلوني ناخد بتاري خلوني نقتلهم ( خداوه وهو يردد هاد الكلام )
..
تجري في الكلوار تاع سيبيطار و دموعها شلال ........ لحقت لوين كان ...... يبست فبلاصتها تشوف فيه ....
ليلى:😭😭سفيان علاش علاش باك قتلي راح نبقى معاك و حاب تكمل حياتك معايا نوض منقدرش بلابيك 💔... تحكي من المراية ....و تبكي ...تحط يد من موراها ....
سناء: ليلى سفيان راح يتعافى ان شاء الله ....
ترمات في حضنها و تبكي ...
ليلى:😭😭هو هو خداع قالي منخليكش و راح نكون ليك كلش في حياتك درك 😭😭راه بين الحياة و الموت .......
سناء:اشش راح يتعافى متخافيش ....
عند آسر:
قاعم فالسطح يشوف للتحت عينيه مدمعين احساس الذنب يلي يحس بيه فتلو مليار مرة .....
اسر:اه كون يرجع الوقت للور ....
تحطت يد على كتفو و ريح معاه ..
شاف فيه اسر و دور وجهو يمسح دموعو ...
كنان:اسر .....
اسر:امم
كنان:اسر انت غلطت بزاف في حق سناء و سفيان سناء يلي خلات كلش على جالك خلات خدمة احلامها على جالك كون تعرف كي تبدا الهدرة عليك عبنبها يلمعو كانت تسنى في عرسها و وقتاش تكون ليك بصح انت دمرتها و كسرتلها قلبها وقت تزوجت ....
آسر: بصح افهمني تلقى مرتك مع صاحبك في الغابة واش راح دير؟
كنان:بلاك نفس اصرفك بلاك نخوس على الصح بصح غلطت و الندم درك مينفعش روح اطلب السماح و ارجع لمرتك و روح اهدر مع صاحبك راه بين الحياة و الموت باش تعيش انت ......
تبسملو آسر و ناض ....
و كنان موراها حتى صونا تيليفون تاعو .....
كنان:الو
حنين:😒معرفتنيش و لا نسيتني و لا راك لاهي معاها اصلا نعرفكم كتمل كيف كيف......
كنان:حنين اتنفسي شويا و روحي ارقدي و يرحم باباك متزيديش تشوفي mbc bollywood
حنين:😭درك نعيط لعبدو و نروح معاه علبالي راك لاهي
كنان:ههه حنين يا عمري انت هي حياتي و من غيرك متخلعنيش مرا هيا درك واش ندير باش ترضى حبي
حنين: اممم ارواح توحشتك و جيب معاك فراز و تشينة تكون حامضة ...
كنان:امم اوك حبيبي هاني جاي
حنين:ايه
كنان:نحبك
حنين:نموت عليك 💙........
