في البيت
داخل أسر لقا ماريا في الصالون
ستقبلاتو بالبوسان و الاحضان تقزز منها تصرفاتها تاع وحدة عاهرة
اسر : خلاص ماريا مش وقتك خلي الواحد يريح و بعدها عليه
ناض طلع فات على غرفتها شاف الضوء طافي راح يتفقد ماكاشها
اسر : ماريااااا
ماريا سمعت صوتو طلعت تجري : شابيك
اسر أشار لغرفتها : و قالها وينها
ماريا : اووف على هادي خلعت جدي
اسر : ماريا ماتخلينيش نتقلق اهدري
ماريا : الخانو خرجت من صباح ماولتش ماعرف وين هملت
اسر تقلق خلاص حا يطرطق حتى عروقو بانو
: و انت كيفاش تخلي جدها تخرج و علاه ماعيطتش
ماريا و هيا تلعبها : يا حبيبي جيت نهدر معاها صدتني و قاتلي انت مكان مادخلك نخرج كيما نحب و ندخل كيما نحب
و على هدا دخلت سناء تدعي في ربي مايكونش جا يا رب
طلعت لبيتها كي جات داخلة سمعت صوت وراها : شرفتي يا لالا
جات تهدر دخل غلق الباب
سناء عرفت اخرتها اليوم
سكتت ماعرفت ماتقول و هو نحا الحزام تاع سروال و تقدم لها
سناء : أسر اسمعني بليز
اسر : واش حا نسمع متلا وين كنت من صباح يعني كنتي مع هداك ** لي خليتيني على جالو هداك نهار و رفع السبتة و عطاها
سناء يي😭 : بليز أسر والله ماكنت و تلاح عليها بضرب حتى زرقها
خرج و خلاها غارقة بدموعها
كم أشتهي الموت يا الله
لو ما كان الانتحار حراما لا انتحرت 💔
قعدت هكا في الأرض ماقدرتش تنوض حتى جات جميلة ساعدتها وجدتلها البينوار و الما سخون باه ترتاح و دخلتها
سناء : يي اه طاطا حابة نموت كرهت طااطا والله غير كنت في المول و بعدها رحت للبحر و ماحسيتش بالوقت 😢🥺
جميلة و هيا تمسح على رأسها : عيش بنتي خلاص اسكتي ربي يهديه بنتي خلاص اسكتي جاه ربي بنتي
سناء : طااطا حابة نرقد في حضنك 😢 توحشت يما و توحشت طااطا فاطيما ( ام اسر )
جميلة : اتهدي شوي بنتي اقعدي هنا ترتاحي و انا نروح نوجدلك حاجة تلبسيها
خرجت جميلة قلبها مقطع عليها مااقدر ديرلها والو من غير تصبرها
خرجت من دوش لابسة المنشفة نشفت روحها و لبست روب خفيفة و جات جميلة صرحتلها شعرها الطويل و قعدتها في السرير في حضنها تمسحلها على شعرها حتى رقدت
..
قاعد على الفوتاي و يد شاد بيه ڨارو و الاخر شاد بيه راسو و يتكيف عينيه حمرو من الدخان ...و يخمم ...
آسر يحكي:
انا هو البنادم لكان يحب الناس و يوثق فليحبهم انا لكانت حياتي كلها فرح و سعادة انا لكنت نسنى فالنهار لراح نوفي بوعدي ليها ......طعنتني فظهري انا لحبيتها و هديتلها قلبي راحت تخلات عليا مع شكون مع خويا و صاحبي ....
ضحك على جنب على روحو شحال كان بهيم لعبو لعبتهم عليه و درك راه مربوط الايدي من وعدو لباباه باش ميطلقهاش. و صاحبو لهو شركاء فالشركة تاعهم يلي بيها قدر يبين روحو فالسوق ...
آسر:اه يا آسر مرا لعبت بيك و بقلبك و ضحك ضحكة و ضرب الطابلة و قلبها و تكسرت و الصدى تاعها وصل لاخر بلاصة فالفيلا ....
ناضت على صوت التكسار ترجف شعلت الضو و بلا ما تخمم خرجت توجهت ليه اصلا علبالها بلي هو قلبها يتقسم عليه بصح عيات و هي تفهمو والو حتى هي تتعذب معاه وصلت لعندو ترددت تفتح الباب و لا لا غمضت عينيها و فتحت الباب ....
قاعد و الدنيا كلها مكسرة رفع راسو شافها واقفة عالباب
آسر:واش هههه جيتي تشوفي حالتي راني مليح حمدالله
قربت لعندو حبسها صوتو:خليك تما فبلاصتك ..
سناء:آسر اسمعني علاش دير لروحك هكا
قرب لعندها و شدها من يدها و زير عليها و يهدر
آسر: واش دخلك انت متزيديش توريلي وجهك
سناء:آسر اسمعني راني نتعذب معاك روحك هي روحي
آسر: ههههه يضحك و زاد قربها ليه قولي و الله
سناء تخدرت من قربو ليها زاد حط يدو على خصرها و جبدها كثر ليه و هبط لرقبتها يهدر: شحال تعرفي تمثلي
سناء:اسمعني ولو لمرة ... بصوت مبحوح و هي فعالم آخر مذوبتها لمساتو و نفس ليضرب فرقبتها ما حست غير بشفايفو كطبعو بزسة على رقبتها حست كرشها دغدغ فيها و غمضت عينيها و قلبها يضرب بالقاوي فيقها هدرتو تقول واحد صب عليها كاس ماء بارد
آسر:الزين هذا شحال لليلة وحدة
بعدت عليه و ضرباتو بكف و دزاتو بعيد
سناء:خلاص يا آسر مرڨتها بزاف عندي شحال و انا ساكتة بصح اليوم لا نقولك حاجة لصارالي sois بارادتي و لا لا نقولك درتها بلعاني و دير لتقدر عليه و راحت تجري جبدها كثر ليه و هبط لرقبتها يهدر: شحال تعرفي تمثلي دزاتو و خرجت تجري لبيتها
