خرجت سناء تكركر في فاليزتها
ركبت في طنوبيل هيا و جميلة لي كانت دموعها يسيحو
سناء : و راسك يا ماما جميلة غير نجيبلك حقك منو خلاص اسكتي هو باباه الله يرحمو و نفرو
جميلة : وين حا نروحو يا بنتي في نساس ليالي
سناء : كاين بلايص ماما جميلة ارض ربي واسعة هيا نسهلو على ربي
جات تحرك شعلت الضوء الطنوبيل لقاتو واقف قبالها
أسر اشارلها بيدو تاع انزلي
ولات مشاريال و قلعت وخلاتو هكا واقف
جميلة : يا بنتي انعلي شيطان هيا نولو راه ليل يا بنتي هدا اسر و تعرفيه أنا موالفو بيه عقليتو صعيبة صح يهدر هكا بصح مكاش اطيب من قلبو
سناء ضحكت : هه يا ماما جميلة انتي لي مكاش اطيب من قلبك 😘 و كملت تسوق بعد شوي وصلت قدام فيلا صغيرة
نزلت خدات فاليزتها و غلقت طنوبيل
فتحت باب و دخلت هيا و جميلة حطت لافاليز شعلت ضوء
سناء : مرحبا بيك مااما جميلة في بيتي و بيتك الجديد ❤️
جميلة : يا بنتي طول عمري معاكم و جامي جيت لهنا
سناء : هدا هداهلي بابا ربي يرحمو قبل موتو بعام 🥺 في عيد ميلادي هو و سيارتي هاديك لي كانت عندي قبل
جميلة : معليش بنتي كل نفس ذائقة الموت ربي يرحمو و يعرفه أسر ؟!
سناء : وي نظن مي مراحش يشك
بلي جينا لهنا
جميلة : هيه يا بنتي هيا نحي قشك و رواحي عاونيني نظفو الحالة
سناء : وي صح ماما جميلة البيت عندو بزاف ماتنظفش و ناضو يسيقو
..
في بيت سفيان
خارج من دوش يتقاطر يغير يا ما خايتي 🤤
سمع الباب يطبطب
راح فتح
سفيان : اه اهلا ليلى تفضلي
ليلى : سفيان شابيك تردش على اتصالات مقبيل نعيط و شافت فيه و هيا داخلة
شهقت دورت وجها
ليلى : اححم
سفيان : تفضلي البيت بيتك أنا نروح نلبس و نجي
ليلى : اوك ☺️
راح سفيان و ليلى مروحت بيديها على روحها و تمشات تستكشف البيت
ماهي إلى دقايق و كان سفيان عندها
من وراها : عجباتك داري واش رايك في ديكور أنا صممتو
ليلى : اه !! انت مهندس معماري
سفيان و هو يقعد : ايه يا ليلى و مزال تعرفي صوالح عليا انشاء الله
: نشالله
سفيان : تفضلي قعدي اهيه
ليلى : شوف سفيان باه نكونو واضحين انت و ريان شابيكم كل واحد نعيطلو ما يحبش يرفد مراناش نتمسخرو رانا نخدمو لا و انا في إطار خدمتي مانحبش لي معايا يكونو متعاونين هكا !!
سفيان : يا ليلى راكي تشوفي جيتي لقيتيني هداك وين خرجت من دوش مش عوايدي مانريبونديش على اتصالاتك ☺️ سمحيني و حتى انا مانيش نتمسخر
ليلى .
ليلى : اوك pas prblm ميسيو سفيان نتمنا ماتتعاودش
سفيان شافيها شعال ( قداشها شخصية قوية ) : نشالله
ليلى : أنا نتفضل نخليك باين عيان و مش قادر للخدمة دروك
سفيان : اه لالا تعبك راحة و تبسم
ليلى : متأكد !! باسكو فيها سهرة
