فتحت عينيها على لمسات يدو على خدها بحنية ....ترسمت تبسيمة على شفايفها و عيونها ناعسين ....
هو:صباح الخير حبي
ريان:صباح النور
هو:نظن راكي خير من البارح ....
ريان: ياك مرانيش في حلم ياك و نفيق منو و تجيني صدمة حياتي ...
حضنها لعندو و حط جبينو على جبينها و خشمو على خشمها و شفايفو تلامس شفايفها .....
هو:مهبولة انت علاش من وقتاش و انا نخلي ممتلكاتي انت ملكي انا.....
ريان:بصح ...قص عليها
هو:لا بصح لا والو من اليوم انت من ممتلكاتي انا
ريان:هذا تملك و لا واش
هو:احسبيها كيما تحبي تملك غرور المهم انت تاعي
ريان:تاع شكون تاع السيد مجهول يلي منعرف عليها والو ...
هو:غمضي عينيك
ريان:علاش
هو:غمضي
غمضت عينيها و هو حط يدو على صدرها جيهة قلبها و يدها على صدرو جيهة قلبو ...
هو:ريان يا ريان واش راكي تحسي
ريان:نحس بالحب و الامان و يعني حب من طرف واحد ..
تبسم على جنب: تعرفي القلب هذا 26 سنة ملي مات بصح تقدري تحييه من جديد ...
حلت عينيها ... جات تهدر حط صبعو على شفايفها ...
هو:اشش علبالي اسئلة بزاف دور فراسك بصح راح يجي نهار تعرفي شكون انا برك كوني وفية معايا و متكونيش غدارة ....
حست بغصة فقلبها و دموع تحجرو في عينيها ....
ريان:ان شاء الله ... و هبطت عينيها باش ما يشوفش دموعها ....و الحل الوحيد يلي لقاتو هي تترمى فحضنو كبشت و حطت راسها فرقبتو و هو زير عليها و تبسم ......
