فجيهة اخرى :
خرجت من شركة رحماني و تكركر فرجليها والخوف متملكها ....ركبت فاللوطو ..
عبير:اففف كيفاش ندير درك
حطت راسها على اللور و نفخت ...غمضت عينيها ...قص عليها تيلفون لصونا.....
عبير:خلات راه يعيط
ريبوندات عليه:سلام مسيو
هو:ملخر كيفاش جازت
عبير:مليحة قدرت نقنعهم بالشراكة بصح كاين و سكتت ....
هو:واش كاين ....
عبير: المدام رحماني طلبت الصنع يكون فمصنع تاعهم
هو:اممم عندك عشر دقايق تكوني هنا فالمقر ...
عبير:حاضر و كوبا عليها ....هي قلعت ...
ضرب اليتيلفون عالحيط و مسح على شعرو ....
هو:معليش عرفتها منك يا سناء نعرفك ذكية بصح انت لحبيتي و درك ننتقلو للخطة B .. . ..
و هذا الكل و ريان تسمع من ورا الباب شهقت كي سمعت اسم سناء حست قلبها تزير .... راحت تجري ... و تبكي ....
غلقت الباب و رمات روحها عالسرير ...
هو سمع صوت و هي تجري راح تبعها ....
ريان تحكي:
قلبها:علاش يعني واش ذنبي انا 😭😭نحبو و نعشقو و هو كل همو يبعد سناء على آسر باين بلي يحبها اصلا راهي شابة كثر مني 😭 .......
و عقلها: ريان فيقي لعمرك راكي تضيعي حياتك و تخوني باباك و خدمتك ....
قص عليها صوت الباب لتكسر و دخل كالثور الهايج و شدها من يدها و نوضها ....
هو:تعرفي مليح نكره الحركات هذو تجسسي عليا وقيلا حابة تشوفي وجهي الاخر
ريان:بعد عليا خليني وحدي
هو:ماشي انت لتقوليلي واش ندير
ريان و هي تبكي:تحبها ...
استغرب من سؤالها هو وين يخمم و هي وين
هو:شكون !
ريان:سناء
هو:😕و تفلق بالضحك ههههه
اول نرة يضحك من سنين و ضحك معاها هي بانو سنانو البيض و تبسيمتو لسحرتها و خلاتها طير فالسما .....حط يديه على خدودها..
هو:سناء ؟ راكي من نيتك اتهناي منحبهاش و التجسس هذا اخر مرة فهمتي ....
هزت راسها فوق التحت و نزلز و دموعها مسحهم و باسها من جبينها و تبسم .......
نولو للشركة تمشي رايحة جاية و شادة تيليفون تعيط والو من القلقة رماتو للارض ...
صفيان:ليلى هدي روحك بلاك راهي معاه مقدرتش ترد
ليلى:كل هاك عندها شهر و هي هاك
صفيان:خلاص تهدني
رفد اليتيلفون و شافو تشقق برك و يصوني :هاكي ريبوندي عليها
جبدت اليتيلفون من يدو و تهدر بدون مقدمات ...
ليلى:ريان واش التمسخير هذا راكي في مهمة ماشي لعب اوك نعيطلك نيربوندي ....
ريان:سمحيلي ليلى بصح مقدرتش راكي عارفة و نزلت دمعة منها (حست بالندامة)
ليلى:ريان راكي مليحة؟
ريان:وي حمدالله و انت
ليلى:حمدالله مالا كاش جديد
ريان:والو راني ندير كامل جهدي ...
ليلى:اممم شوفي غدوة على ساعة 11 نتلاقاو فالكافي #*#* مع ماريا وجدي روحك و منبعدا نسحقك انت
ريان:اوك
ليلى:هيا اتهلاي
ريان:باي ......
ليلى:علبالك ني حاسة بيها حاجة معلباليش واش هي
صفيان:متخافيش غير الخير
ليلى؛اففف منين خرجلنا الزمر هذا
صفيان:ليلى انا اكثر واحد متضرر هنا عايلتي بين الحياة و الموت صديقي و خويا كرهني و راني نفذ الاوامر من فوق قلبي .... و حط راسو على البيرو و تنهد .....
غاضها صفيان صح هو اكثر واحد متضرر فالقضية هذي قضية الاختطاف يلي منها تولدت قضايا واحد اخرين .... راحت ليها و رفعتلو راسو لا اراديا حضناتو و هو زير عليها و حط راسو فرقبتها .... تحس بشعور اول مرة تحس بيه حست بالامان ....... و هو حس انو هم و زال منو طبعا حضن الحبيب و الشخص لتعشقو اكثر حضن حنان بعد حضن الام ........
في حضنك من هموم الدنيا خبئيني ....
انا بحاجة الى حنانك يا حبيبتي
ضميني الى صدرك و خففي عني .....
بعد مدة بعدت عليه و هو تاني وشدها من يديها و يشوف فعينيها يلي سحروه .....
صفيان:ليلى merci. على وقفتك معايا
ليلى:بلا مزيا صفيان تعرف بلي انت عزيز ليا و ندير كلش على جالك ....(فاقت على روحها )يعني ....
تبسم و قطعلها كلامها:خلاص ليلى بلا ما تفسري المهم راح الحال عليك ايا نوصلك
ليلى:اوك صحا ...........
_______
الليل طاح و الكل شد طريقو للدارو سناء راحت لدارها و استقبلتها جميلة بروايح الماكلة البنينة يلي لحقت لبرا ....فتحت الباب و دخلت ...تمشي على صباعتين رجليها و نحات الطالون .....و حضنتها من اللور ...
سناء: امم الله على الروايح هذو علبالك راني مايتة بالجوع ..
تبسمت و دورت لعندها و حضنتها :روحي بدلي و غسلي و اهبطي قبل ما تبرد الماكلة
سناء: اممم اوك هاتي بوسة ....
باستها و راحت تجري .....
جميلة:يا ربي خلي البسمة متفارقهاش و اجمعها مع اسر و بين الحقيقة .....
في فيلا رحماني .....
دخل للدار و رمى بروحو على الفوتاي و نحى الكرافات ...... و غمض عينيه ...
تمشي و تتزعبل لابسة شورت جينز و تيشرت قصير و طالقة شعرها .... تمشي جيهتو حتى وصلت لعندو و حطت يدها رقبتو .... فتح عينيه و شاف فيها من فوق للتحت .... قدمت لعندو و قعدت فحضنو و هو مادار حتى ردة فعل ....
آسر:ماريا راني عيان اليوم بليز خليني
عوجت شفايفها و لبست قناع البراءة و هبطت راسها ...
ماريا:اسر انا واش ذنبي علاش تزوجتني مالا ؟
اسر وجعو قلبو صح معندها حتى ذنب علاش يديرلها هاك قربها لعندو و باسها بوسة خفيفة ... و يهدر :معليش ماريا الضغط الخدمة بصح نوعدك نكمل الخدمة نديرلك رايك و حضناتو ....
ماريا:نحبك يا روحي ...
آسر:هيا درك نروحو نتعشاو جعت .
تبمست: هيا ....
