تمشي فالطريق و تجري تشوف فالساعة .......و تحكي وحدها الناس تشوف فيها صح يقولو مهبولة ...
ليلى:افففف يا ليلى اليوم مراحش تسلكي من العياط تاعو يا ربي كون نقدر نقتلو اسر هذاك اففف مزيا لبست باسكت و هي تلهث يا ربي ما نتلقاش مع صفيان يا ربي ...........
يسوق كي العادة بفيتاس و لابس lunette و شوميز بيضة مزيرة عليه يعني خرج تقول هارب من عالم احلام البنات ...و صوت الغناء يسمعوه من الجيهة الاخرى ........حتى قطعت عليه الطريق وحدة
صفيان:الله اكبر شكون المهبولة هذي يخي *#*##*
طاحت فالارض و شدت فرجلها توجع فيها .....
ليلى:الله يلعنك يا#*#*#
فتح الباب و خرج ليها ......
صفيان:واشبيك متشوفيش قدامك وقيلا تقطعي الطريق هكا
رفعت راسها شافت فيه و شاف فيها
ليلى:هذا انت راس الماصئب
صفيان و هبط امستواها:راكي مليحة؟
ليلى:راك تشوف قريب قتلتني و تسقسيني
صفيان:انت لقطتي طريق ايا درك نوضي نوصلك و حط يدو على رجلها توجع فيك؟
ليلى تفكرت ليلة البارح حمرو خدودها :لا عادي نروح وحدي
راخت تنوض مقدرتش ...
صفيان:😒باينة
حط يد في خصرها و الاخر من رجليها و حملها ...
ليلى:واش راكي دير نزلني
صفيان:رايحين لنفس البلاصة ايا ...
دورت يديها على رقبتو ... و حملها و حطها في الجيهة الامامية فاللوطو ... نزلها و السلسلة تاعها علقت فالشوميز جا يبعد مقدرش ...ليلى حست بفراشات فكرشها تدغدغها ...
ليلى:..درك ن.نحيها ....
تبسملها صفيان و زاد قرب لعندها حتى وين خشمو تحط على خشمها حس بتسارع نبضات قلبو و هي حست قلبها حبس .... ثلاث دقايق و نحى السلسلة و جبد روحو منها محبش يتعاود نفس السيناريو تاع البارح صفيان:احم اه خلاص نحيتها .......
ليلى:اه اوك حمدالله
صفيان:كاش ما قلتي؟
ليلى:لا والو
ديماراا و و السكوت سيد الموقف .....
عند اسر:
قاعد و يفرك بين يديه و جميلة مقابلاتو ....
اسر:يما ... و دور راسو
جميلة:انعم ولدي اسر قلقتني عندك ساعة و انت هاكا
اسر:يما جميلة منعرف كيفاش غلطت و قلت الهدرة هذيك تعرفيني و الله كنت مقلق و انت في مقام يما ربي يرحمها سمحيلي ....
جميلة:خلاص ولدي علاش تطلب سماح نعرف و تربية يدي صح تبان قاسي بصح قلبك بيض ...
آسر:غلطت في حقك بزاف سمحيلي ..
ناضت من بلاصتها و راحت لعندو و حضناتو جميلة:اسر ولدي راني حاسة بيك و بسناء فالزوج راكم تتعذبو ....
تمشي فالدروج حتى سمعت هدرتهم حبست نزلت دمعتها زربت مسحتها و كملت طريقها ....
جميلة:ولدي سيي نهار و سمع لتبريرها
سناء كسمعت كلام جميلة محبتش خافت يقول هي يلي لعبت بعقل جميلة ....
قطعتلهم كلامهم كي دخلت للصالون ..
سناء:صباح الخير ماما و راحت سلمت عليها ...و شافت فاسر نظن راح الحال على الخدمة ...
____
فشركة عايلة رحماني .....
ڨارا اللوطو تاعو و خرج و راح للجيهة ثانية فتح الباب و حملها بين يديها تقول شي ريشة ...
ليلى:صفيان هبطني واش راك دير
سمطها و غلق الباب . كمل يمشي بيها و هي تضرب في صدرو الكل بقاو يضحكو عليهم داخل الشركة ...حتى وصلو للبيرو تاعها هبطها و قعدها الكرسي...
ليلى:سامط بعد طير روح ....
ساند على الباب و يضحكو عليها تقول شيء طفلة صغيرة ...و هو يقلد كل حركة ديرها ...
ليلى:بركا يا خي زمر
صفيان:هههه شحال فعمرك يرحم.باباك
ليلى:قد.جدك ايا طير
صفيان:ههههه قصدك قد بنتي ختي وي فهمتك
تيرات عليها بكلاسور و هو شاد كرشو من الضحك ..(نعم يا سادة الحب) ...
قص عليهم صوت الطالون برا ......
شاف صفيان و لقاها هي نفخ و دور عينيها مش حامل يشوفها ....
نحات النواظر و هدرت ...
ماريا:صباح الخير
ليلى:اه ماريا صباح النور توحشناك واش راكي
ماريا:حمدالله و انت نظن راكي مليحة و غمزتلها و شافت في صفيان ...
صفيان:يا جماعة انا نروح للبيرو تاعي...
ماريا:اممم ليلى اسر مزال ما جى؟
ليلى:وي مزال روحي اسنايه فالبيرو و لا اقعدي معايا هنا نحكو شويا ...(نفهمكم شويا ليلى تقربت من ماريا هي و ريان و ماريا متعرفش بلي سناء صاحبتهم بكري) ...
قطع عليهم صوتو الرجولي ...:ليلى جيبي الملفات لببيرو و جدول تاع اليوم و راح بلا ما يشوف و سناء .. ماريا كي شافتهم الجن طلعلها للراس .......
