تعرفيه
جميلة : يا بنتي كان جاي فرحان باين ناوي خير انت بهدرتك هاديك مع صحبتك هو فكر راكب تهدري مع راجل و صرا لي صرا معليش بنتي دوك يهدأ و نفهمه أنا اسناي دقيقة نجيب واش كان رافد و طيح
هبطت جابت بوكس كبير عطاتهولها
سناء : هدا ليا ؟! جابو أسر
جميلة : وي
فتحاتو شحقت
يااا و حطت يدها جبدت بوات صغيرة فتحتها وساعو عينيها ...سلسلة من الالماس على شكل قلب بسيطة بصح تدي القلب تبسمت و زادت جبدت تيليفون من نوع آيفون آخر طراز و سورتات من الورد اليايسمين و شوكولا من صنع dL .....
سناء من الفرحة ولا تنقز من بلاصة لبلاصة ...
سناء:يااا نحبك آسر نحبك .....
و جميلة بقات تشوف فيها و تضحك على هبالها تقول شيء طفلة صغيرة
جميلة:ربي يجمعكم مع بعض
سناء:يعني 😑غلطت منحبوش بصح شوفي 😍السلسلة هذي تخطف القلوب و التيليفون هذا يا مامي 😍😍 و رفدت السورتات حطاتو على راسها شوفي كيفاش جاني 😍...
جميلة:يا بنتي بلعقل اتنفسي ههه و روحي عيطيلو و اشكريه
سناء:😑لا
جميلة:هيا بركا
سناء:اوك منبعد كيتنحالي الزعاف 😌
جميلة:راسك حجرة
سناء ضحكت :ههه خرجت لولد عمي طبعا 😌...
قاعد داخل الطوموبيل و تلعب بالبورطال ..
ماريا:يا ربي وين راه المصيبة هذا.... زعما توأمي راح يحس بيا سامط 😑...
كملت كلامها برك شافت ضو الطوموبيل ...و ڨارا حداها ..هبط و هبطت هي ..
ماريا:واش كون زدت شويا خير 😑
هو:بركاي ارواحي لهنا
و جبدها لحضنو ...
هو:واش متوحشتيش توأمك يا روحي
بعدت عليه و شافت فيه
ماريا:واش شكون فورماطالك راسك
دزها و بعدها
هو:ايا بعدي 😒ميليقش ليهدر معاك بحنانة المهم واش صرا
ماريا:😒تحاوزت من الدار و ها اعطاني دار واحد اخرى
هو: اممم علاش
ماريا: bon صرا دبزة بيني و بين لالة سناء و هي خرجت من الدار و البارح رقد عندها و اليوم كنا نورمال و فالليل هبط قالي راح نروح نرجعها هي و جميلة و انا تزايدت معاه فالهدرة ايا ناض عايرني ......
هو:خليه خليه حسابو معايا مراحش يطولو فالدنيا هذي و راح نجيب حقك منهم و حق بابا
ماريا:ان شاء الله خويا ايا انا نروح
هو:تصبحي بخير
ماريا:و انت من اهلي ...
توجه للوطو تاعو حبسو صوتها ..
ماريا:صهيب اسنى
صهيب:وي؟
راحت رمات روحها فحضنو ...و تبكي و تشهق
هو:وشبيك ماريا ؟
ماريا:والو حابة نبقى فحضنك انت الوحيد لبقتلي فالدنيا هذي الوحيد لتحن عليا 😢 زير عليها و سند على اللوطو تاعو و يمسح على شعرها ....
هو: ماريا راكي روحي تتمس شعرة منك نحس بيك .. و مدامني عايش ريح و متقيسكش
ماريا: صهيب بصح علاش حياتنا هاكا علاش تحرمنا من حنان الام و الاب فنفس الوقت 😭 مزال مزالني نشفى على هذاك نهار يلي لقيتو فيه مرمي عالارض و دم يخرج منو ... هذا شيء كامل بسبة العايلة هذيك نكرههم ... و رسالة تاعو مزالها تتعاود فراسي كلام لكتبو فيها تقول موس و تغرس فقلبي ...
هو:اشش ماريا خلاص و مسحلها دموعها .. متبكيش اختي نسيتي وعدنا راح ندمروهم واحد واحد و نردوا ثار بابا و يمانا يلي سمحت فينا متزيديش تخممي فيها ...
ماريا:خايفة تروح و تبعد عليا انت تاني راني خسرت كلش فحياتي بقيتلي غير انت
هو:محال ايا درك يا البكاية منعرفكش هكا امسحي خناينك و هيا تجي معايا للدار ....
بعدت عليه و تبسمت
ماريا:لا نروح للدار هذيك و نعيط لعبير و نفهم منها كلش
هو:اوك ايا تصبحي بخير
ماريا:و انت من اهلي .....
