دخلت ليلى هازة الملف
ليلى : تفضل سي اسر الملف لي طلبتو
اسر : صحيتي حكمو منها
ليلى : تحتاج حاجة
اسر : نعم وجديلي اجراءات الطرد
تمشي للارشيف و الغاز طلعلها للراس صوت الكالون واصل لبرا الشركة من الغش تمشي و كابسة على يدها حابة تضربو و تفسدلو وجهو ...
ليلى:يخي حالة يخي الخدام يخدم عندو من عامين هذا وين تفكر يشوف الملف تاعو و انا نقول علاش السيد المجهول قدر يفككلو حياتو و يدمرها سامط نكرهو مش عارفة سناء واش عجبها فيه...... محست غير كضربت راسها فصدرو ...
ليلى:بعد من طريقي انت تاني ...رفعت راسها شافتو واقف يخزرلها باستغراب ...
ليلى:واش راك تشوف جن قدامك
سفيان:نخاف منك كي تتقلقي و منخافش من الجن هيا قوليلي واشبيك ...
ليلى:هيا طير من قدامي ....
و كانت راح تروح بصح شدها من يدها و رجعها ...
ليلى:واش حاسبك روحك
سفيان:ليلى لمي لسانك و قولي واشبيك ...
ليلى:مكان ما دخلك روح سقسي عبير بلاك حابة تشرب حاجة واحداخرى
ضحك على جنب ..
سفيان:مزالكي زعفانة ....
ليلى:لا انت حسابك وحدك منبعد ...
سفيان جبدها كثر: واش ديري ..
ليلى:اطلق جدي خير ما نقتلك انت و نزيد نعوق صاحبك المغرور ..
سفيان ضحك باعلى صوتو: 😂😂هههه
الشيء يلي استفزها كثر و جات تخدعو بحركة (😌عضو من الشرطة تعرف الكاراتي) بصح صدها و دزها للحيط .... و حاصرها
سفيان: لا .لا (هذيك لنديروها بالصوت تسوتسو تخيلو معايا🐸)معاك بطل الدولي فالكاراتي ف 2012 و بعد عليها و راح .....
حست قلبها خرج من بلاصتو ...من قربو و لا من الاحساس لتحس فيه و لا فالامان لتحسو كي تكون معاه جننها البنادم هذا ...كبست على يدها ...
ليلى:ركزي على خدمتك ... و راحت كملت طريقها ...
قاعد يقرا فالملف تاعو من القلقة رماه بعيد و نفخ .... رفد التيليفون و عيط ....
ليلى:وي مسيو
اسر:عيطي لادم يجي
ليلى:اوك .....
بعد 5 دقايق ...
طبطب فالباب ....
اسر:ادخل
آدم:سلام مسيو آسر قالولي طلبتني ...
آسر:وي
آدم:خير ان شاء الله ...
تكى على الكرسي و حط رجل على رجل و اشارلو بيدو تاع اقعد ...
راح ادم و قعد .... و اسر رفد ورقة بيضة و ستيلو و مدها لادم...
ادم:مسيو واش ندير بيها ...
اسر:اكتب استقالتك...
وساعو عينيه كيفاش في رمشة عين راح يخسر خدمتو ...
ادم:بصح مسيو اسر علاش ؟
اسر : بدون نقاش اكتب استقالتك خير ما تخرج مطرود ....
غمض عينيه و تفكر كيفاش و واش راح يصرا فيه مصدر رزقو الوحيد ...بصح كرامتو قبل كل شيء ...رفد الستيلو و بدا يكتب .... جا يسيني الورقة حبسو صوت الباب كتحل ..
سمناء:آدم حبس
آسر ناض من البيرو :واش مدام سناء هذي شركة ماشي سوق
سناء:الشركة عندها قوانين و درك انت راك نسيت القوانين اكيد راخ تولي سوق ...
ادم:انسة سناء ..
اسر بالعياط:مدام سناء آسر رحماني .... و ناض من الكرسي
ادم:غلطت سماح مدام سناء نظن خدمتي هنا خلصت و ربي يكثر خيرك انت و المسيو الكبير الله يرحمو ....
سناء راحت جبدت الورقة من يدو و اتجهت عند آسر و تشوف فيه و هي تقطع فالورقة و رماتها ....
سناء:ادم تقدر تروح لخدمتك ....
اسر خبط البيرو و راح جبدها من يدو ...
اسر:واش درتي شكون سمحلك بهذا شيء
ادم:مدام سناء مسيو اسر سمحولس انا سباب المشاكل خلاص راح نخرج ...
سناء شافت فيه :ادم لخدمتك روح و بلاك تعاود كلامك هذا ...
خرج ادم و غلق الباب من وراها ... دزها اسر و تراجعت للور
ضحك على جنب
اسر:هه خلاص فهمت كلش من سفيان لادم يا درا غدوة لشكون
سناء: للشريك تاعنا ....
رجع لعندها و شدها من يدها و دزها جية البيرو و هي حطت يديه على حافة تاعو و هو دنى لمستواها و حط صبعو على شفايفها يمرر فيه ...
اسر:تعيدي الكلام هذا تاكدي نقتلك بيديا ..
سناء:عندك عام ملي قتلتني
اسر: قتلتك و قتلتيني ...
تجرو دموع فعينيها.من كلامو ....
سناء:ادم انا و عمي يلي جبنها لهنا هو قرا محاسبة و ملقاش خدمة جا باش يخدم شوفور و كعرف عمي لحالتو و حالة يماه المريضة.و عرف مستواه الدراسي عينو هنا محاسب ...... و درك بعد عليا .....
اسر حس بقلبو تزير يعني كان راح يرتكب اكبر خطأ في حياتو ... بعد عليها و هي تتنفس بالزربة باش متبكيش ...
سناء: مسيو اسر متتسرعش بزاف في قرارتك اما ظلم ناس عادة عندك .... و من صوتها باين بلي حابة تبكي .......
راحت تفتح الباب بصح سكرو بيدو و دورها لعندو و حط يديه على خدودها ...
آسر:سناء بلاكي تبكي و الله غير نحرق جد البلاصة هذي .....
تسيي تحكم دمعتها ... و بقات تشوف فالارض و صدرها يتهز و تتنفس بالزربة ....
اسر:سناء ..... و جبدها ليه كثر ... رفعلها راسها بيدو شاف فعيونها لسحروه ....جات تهدر قطع عليها كي حط شفايفو على شفايفها و باسها .........
