ركبت في طنوبيل تاعها خلات ريح وراها
الحارس دخل عند جميلة
الحارس : السلام عليكم طاطا جميلة
: اهلا بني واش راك لاباس حمدلله
: حمدالله طاطا حبيت نسقسيك اسكو نقول لميسيو أسر بلي سناء خرجت خايف يجي يطردني هو منبه عليا بلي مانخليهاش تخرج
: لا ولدي متخافش سناء تعرف وقت أسر لي يرجع فيه ( هه مسكينة مش عبالها بلي سماء راحتلو برجليها )
تبسم معاها و عملها براسو اوك و خرج
..
حبست طنوبيل قدام شركة رحماني
حلت الباب و نزلت وقفت خدات نفس
سناء : مليوم مكاش خوف .. حتى انا عندي حق في هاد الشركة و تقدمت تمشي داخلة للشركة
عند آسر
قاعد فالبيرو زعما يخدم اصلا هو مخو بعيد عندها يخمم كيفاش قدرت دير فيه هذاك شي كيفاش
من ورا ظهرو جرتها مات باباه و سندو فالدنيا تنهد و هدر
آسر:اه يا سناء علاش طعنتيني فظهري و مع شكون مع صاحبي و حبوني نصدقكم مكان والو بيناتكم و انا لقيتكم محضنين بعض فالغابة ........
عليه صوت الطالون لدار سمفونية و عم الهدوء برا تملكو الفضول يشوف شكون جا نايض حتى سمع الصوت قرب للبيرو تاعو دور الكرسي تاعو يشوفو للتاقة و تفتح الباب و دخلت و حطت ساكها عالبيرو و نطقت بكل صوت انوثي مخلط بقوة : مسيو آسر رحماني وين راه البيرو تاعي
سمع صوتها تفاجأ اصلا كيفاش ميعرفوش دار ليها شافها من تحت الفوق و ناض من الكرسي بكل برود و سڨم الفاست تاعو ...
آسر ضحك :واش من بيرو
شافت فيه بنظرة تحدي و نطقت : حقي فهذا الشركة و لا نسيت بلي تاعب بابا و 50٪ من الاسهم تاعي و 50 تاعك و قسمتها انت و صاحبك درك جيت نطلب بحقي
آسر قحرلها: سناء للدار ازربي
ضحكت ضحكة
ضحكت ضحكة استهزاء شيء لاستفزوا كثر لآسر
توجه ليها و راح يشدها من يدها حبساتو فبلاصتو
سناء: بلاك تقدم خطوة يا ولد عمي العزيز منيش سناء تاع بكري يا ما كسرت راسي باش تفهمني بصح لا ميبس راسك مالا متربطنا حتى علاقة غير تاع الخدمة و حتى علاقة الدم لبناتنا ماتت من نهار هذاك و درك جيت نطالب بحقي و منكترش الكلام وين راه البيرو تاعي
آسر تحكم فروحو و كلامها صحيح عندها حق فالشركات تاعهم :البيرو تاعك هاهو تما شافت لوين شارلها فنفس البيرو فارقتهم غير زجاج محبتش تبين بلي مهيش حابة
سناء: قولهم يجيبولي الملفات للبيرو ..
آسر:خدام عندك وقيلا
قحرتلو و مشات للبيرو تاعها .....
