The Dieties Heiress(Completed but Editing)

Chapter 14: Seeing you again

Martha's POV

Pumasok kami sa isang lagusan ni Mizore. Akala ko ay ipapahatid lamang ako nito. Balak pala nito akong samahan sa mundo ng mga tao.

"Mizore, asaan ang aking kapatid?"pagbasag ko sa katahimikan na bumabalot saamin kanina pa.

Lumingon ito sa direksyon ko at ngumiti saakin.

"Magkikita narin kayo maya maya, Prinsesa."wika nito saakin saka ibinaling nito ang tingin sa dinaraanan.

Nang makatawid kami sa liwanag ay agad naman naming nakita si Maverick na mukhang kanina pa nag aantay sa aming pagdating.

"Mizore."agad na wika nito ng makita kaming dalawa.

"Maverick."wika ko dito. Napakunot noo na lamang ito habang tinititigan ako.

"Mizore, sino siya?"pagtatanong nito kay Mizore na dahilan upang titigan ko ito ng masama.

Alam kong malaki ang galit niya saamin ni Ina dahil una sa lahat ay pinaslang siya ni Ina upang hindi malaman ng aking Ama na may iba itong kalaguyo noon pa. Pangalawa ay hindi ko ito nagawang tulungan nung araw na iyon.

Paano ko siya matutulungan? Napakabata ko pa noon. Wala akong sapat na lakas upang kalabanin si Ina.

"Maverick, siya ang iyong nakababatang kapatid na si Martha."ani ni Mizore dito. Tinitigan naman ako ni Maverick ng pataas at pababang direksyon matapos itong sambitin ni Mizore.

"Wala akong ganiyang klaseng kapatid, halata namang mahina ang isang iyan."wika nito na naging dahilan para mag labas ako ng pangil dito at lumabas ang berde at pula kong mata na kagaya ng mata ni Morioka.

Agad din naman itong naghanda upang sugurin ako.

"Tama na iyan. Siya ang Prinsesa ng Lavreska."awat saamin ni Mizore.

"Bakit siya ganyan? Bakit hindi niya ako kilala?"inis kong sabi kay Mizore. Hindi rin naman kasi ako makapaniwalang hindi ako nito makikilala, eh magkapatid kami sa Inang Reyna.

Hinawakan ako ni Mizore sa balikat bago ito magsalita.

"Ganiyan ang nangyayari sa mga patay na, na muli kong binubuhay."pagpapaliwanag nito saakin at saka ako tinitigan nito ng diretso sa mata. Maya maya pa ay ibinaling nito ang tingin nito kay Maverick.

"Gusto kong ituro mo saakin kong asaan ang kakambal ni Morioka."wika ni Mizore dito. Agad namang tumango ito saamin.

Agad namang inilahad ni Mizore ang kamay nito at humulma ng hugis bilog sa hangin at saka kami pumasok doon kasama si Maverick.

Dinala kami ng lagusang iyon sa isang bahay.

"Anong gagawin namin dito?"tanong ko sa aking kapatid. Tinitigan lamang ako nito at hindi sinagot. Nakakabadtrip magkaroon ng ganitong kapatid. Ewan ko ba.

"Mizore, sa tabi ng bahay na ito ang bahay ng kakambal ni Morioka."wika nito kay Mizore. Napataas ang isang kilay ko dahil sa ginawa nito. Aba, ako ang nagtatanong tapos ako ang hindi sinagot, ano iyon?

"Hoy, ikaw! Tinatanong kita bakit hindi mo ako sinagot?"wika ko dito. Tinitigan naman ako nito ng masama. Aba, ang kapal ng mukha.

"Dapat ba kitang sagutin? Hindi naman ikaw ang master ko."sabi nito saakin. Ahy, wow ha!

Hinawakan muli ako ni Mizore sa balikat at tinitigan ako sa mata. Hindi ko alam ngunit parang ang mga mata nito ay tila ba nangungusap na pagpasensiyahan na lamang ang kapatid ko.