Another World: X Parallel

Chapter 18

"Hindi din siya ang uri ng nilalang na maramot at wala din siyang hilig sa mga materyal na bagay. Pareho kaming beginner nong nilapitan nya ako, nong oras na yon walang-wala ako kahit na ano. Ako lang bumubuhay sa tribe namin, kung hindi ako makagagawa ng pera siguradong mahihirapan ang tribe ko na makasurvive sa labas ng Border" dagdag pa nito

"Nakita mo ba ang suot na hikaw ng alipin na yon?" sabay turo ni Moze kay Luna

"Wag mo sabihing Wizard's Jewelry yon?" ani Firra

"Hindi ka nagkamali, at hindi lang yon may suot pa syang kwentas" ani Moze

"Kung ikaw ay magkakaroon ng alipin, pasusuutin mo ba ng ganyang item?" tanong ni Moze

"Syempre hindi... hindi ako tanga para ilagay lang sa alipin ang mamahaling bagay" sagot nito

"Kita mo na... iba ang pananaw ni Kyu kesa sa atin, pantay-pantay lang tayo para sa kanya at hindi siya nanghihinayang sa mamahaling bagay" ani Moze

Nagpatuloy si Moze at Firra sa pagkolekta ng mga Soul Core mula sa mga Demon Beast. Hanggang sa napansin agad ni Moze ang isa sa mga Core, nagbabago ang kulay ng apoy nito sa loob. Mula sa kulay na dilaw at nagiging orange, green, blue at babalik sa dilaw na kulay. Alam na agad ni Moze ang ibigsabihin niyon, nakakuha nanaman sila ng Soul Core na mayroong Stats. Ilang besis na syang nakahawak ng gaanong Core, hindi lang siya sigurado kung anong Stats ang laman niyon. Agad na niyang tinawag si Firra at ipinakita kung ano ang hawak niya sa kamay.

"Ganito mag-hunt si Kyu" ani Moze

"Woaaah... seryoso? Meron ka nanamang ganyang item" ani Firra, hindi ito makapaniwala.

"Sa loob lang ng tatlong buwan mahigit, nakaka-apat na kami" ani Moze

Nakumbinsi si Moze na hindi gumagamit si Kyu ng kung anong Spell para gumawa ng Soul Core na mayroong permanent stats, tulad ng hinala nya dati. Iniisip ni Moze na nakukuha lang talaga ni Kyu ang mga Core by regular hunting. Agad na lumapit si Moze kay Kyu at ipinagbigay alam nito na naka-loot nanaman sila ng isang Soul Core na mayroong stats na taglay sa loob.

"Gamitan mo na ng True-Sight Naither, para malaman mo ang laman" utos ni Kyu rito

Agad na naglabas si Moze ng kapirasong papel, inilapit sa Core ang kwadernong papel na iyon at lumabas ang stats nito roon. Permanent Stats +6 Damage ang laman ng Soul Core na kanilang nakuha, agad na nagsalita si Kyu na ikinagulat ni Firra.

"Sige sayo nalang yan total sumama ka dito ng walang bayad" ani Kyu.

"Talaga? Ibibigay mo lang yan nang ganon-ganon lang?" tanong ni Firra

"Ah oo... di ko naman yan kailangan" sagot ni Kyu sa kanya.

"Tapos na kayo? Alis na tayo..." ani Kyu. Habang nakatingin sa mga ito.

Ayaw nyang magstay ng matagal sa lokasyon na iyon. Napifeel niya na daanan iyon ng mga Demon Beast na lumalabas galing sa Inner Layer ng Luciferium Mountains. Ilang kilometro mula sa pinaghintuan nila ay muli silang tumigil, nakaramdam nanaman si Kyu ng mga Demon Beast. Kaunti lang ang mga ito, pumasok ito sa kanyang detection field kaya agad niyang binilang kung ilan, nasa anim lang ang mga ito.

Ganon pa man, pinapakiramdam ni Kyu kung meron pa itong mga kasama, kung napansin ba sila or papunta ba ang mga ito sa kanilang direksyon. Mukang hindi sila ang target ng mga ito, naisip niyang wag nalang pansinin dahil maaantala lamang sila sa kanilang pag-usad. Agad na inutos ni Kyu na magpatuloy ulit sa paglalakad ngunit ilang kilometro mula roon ay nakaramdam siya ng tatlong Medium Level Demon Beast. Siguradong mapapansin sila ng mga ito dahil doon sila dadaan malapit sa lugar kung saan nakatayo ang mga ito.