Window 💞🏡(مـكتمـلة)

الحلقه الثالثه💞

رواية Window 💞🏡

للكاتبه:sαℓeмα🔏

٭٭٭٭٭٭٭٭٭٭٭٭٭٭٭٭٭٭٭٭

هاجر طلقاته فيه
طب الكاس في ظهر عبدو برم بحت فيها وطلع بكل برود
هاجر حطت راسها ع الطاوله وقعدت تبكي : الحيوان هضا حمار السخيف خزيه قليل الادب
خش عبدو :نسمع فيك راه 😁
هاجر رفعت راسها ووجها احمر وكله دموع : نقول في الحق
عبدو يضحك وقدملها: له له له عليش الدموع هذينه كلهن ياهجوري
هاجر :اخطانييي حووووول
عبدو قعمز ع الطاوله امقابلها وحط يده ع خدها يمسحلها في دموعها
هاجر سكتت ونست روحها وقعدت تبحت فيه "ذابت😂❤"
عبدو :خلاص فكينه من البكا عاد
هاجر :تمحاهن انبطل بكا
عبدو :خليهن عندي بيش لما انرايف عليك انشوفهن💘
هاجر تلخبطت وسكتت
عبدو صبا وابتسم :تمام
هاجر ساكته تبحت فيه وقلبها يدق بسرعه💓 لعند طلع هاجر تحكي بروحها (ليش سكتي ياهاجر ليش تنازلتي ...غبيه😕
الساعه 8:00 ف آلليل
هااجر ولجين واحمد ومحمود امقعمزين مع خيريه في الدار
احمد :جدتي حطينه ع حاجه انتفرجوا عليها
خيريه: انا بنتفرج ع النشره كان مش عاجبك امشي لحوشكم
احمد غمز لي هاجر عشان اتقوللها هيا لانه جدتها ماترفضلهش طلب
هاجر ضحكت ومدت يدها ل احمد :بوس 😚
محمود يضحك: عليك استغلال الزح
لجين : ماديرش حاجه بي البلاش
هاجر تبحت فيهم وتضحك
خش عبدو :السلام عليكم
خيريه : عليكم  السلام قعمز تريح ياعبوده
عبدو :لالا بنركب
خيريه : باهي شيل اوخيتك هاجر من بدري بتركب وهلها مش قاعدين
عبدو بحت في محمود :وكنا مايشيلها هضا
محمود يضحك : تحشم انا عمكم
هاجر تبحت في عبدو وعبدو ايبحت فيها
محمود يبحت في عبدو ويضحك :تي عادي ياامي مادوري شي مش اول مره يرفعها وبحت في هاجر: ولا لا
هاجر وجهها قعد احمر وانحرجت :ااااااه😰
عبدو رفعها وطلعوا من الدار اول ماوصلوا للدروج
هاجر :sorry   ديمه امتعبتك امعايه
عبدو يضحك : من وين نزل الادب هضا كله مش كيف البنت اللي كنت امعاها امبدري بكل 😂
هاجر تعصبت وجت تبي تضربه علي كتفه وبعدها مسكت روحها وحطت يدها ع كتفه بهدوئ : ماهو انته تنرفز فيه هضا عليش البنت اللي امبدري مش نفس توا
عبدو : شن رايك انطيحك توا 👿ع الكلام اللي تقولي فيه
هاجر : ياربي الصبر، فكني منه الجو هضا الله يربحك
عبدو وقف ع دروج و قعد يرخي في ايديه
هاجر خافت ومسكت في تيشرته وقعدت توشوش: لا لا.........اطيحني ياعبدو تطيحني تكسرلي قعقوصي 😰ساد كراعي 😭
عبدو وقف وبحت فيها وعقد حواجبه :شن قعقوصك
هاجر ماسكه فيه : حاجه مش شورك 😪😸
عبدو ضحك وفهمها :تمام وركب بيها للحوش
عبدو: الباب امسكر
هاجر: لالا بابا امبدري خلاه مفتوح وقعدت اتلاحق في الباب تبي ادفه
عبدو :تي خلي تو اندفه بكراعيى
هاجر وهيا اتلاحق في الباب قريب طاحت عيطت ومسكت في رقبة عبدو و تيشرته
هاجر مكرشه في عبدو: ووووووه عليه ياماما😩
عبدو يضحك:هضا الربيش قتلك انا ريحي روحك ودف الباب
هاجر رخت يدها وبحتت في عبدو وهوا قعد ايبحت فيها ومبتسم حطها علي الصالون وقعد ايبحت فيها
هاجر تلعب بشعرها :خليك امعايه
عم السكوت ثواني وهاجر استغربت من روحها لما قالتله خليك اعبدو قرر انه مايوافقش طول ويتغلا عليها شويه كشر وجهه : هلك قريب ايجوا ولالا
هاجر : لا مطولين
عبدو :تمام بكل
وقعمز قعد ايهدرز هوا وياها
هاجر :شن رايك انديروا سبول
عبدو :كيف
هاجر: حي عليك في تطورات قعدت نقدر نمشي لاكن لازم نتكي ع عصاة المكنسه😂
عبدو : الحمد لله 😂
هاجر : عليش الحمد لله
عبدو : عشان ظهري تكسر من شيل الاوزان
هاجر شهقت بعلو صوتها : انا اوزان😨
عبدو يضحك : انبصر انبصر وانتي ترعشي علي روحك
هاجر :هيا عدي جيبلي مكنستي عشان انصبي و اندير السبول
عبدو: حااااااضر ومشا جابلها عصاة المكنسه 😁
هاجر تكت عليه و قعدت تمشي وعبدو يمشي وراها بالزبط لعند توترت
هاجر برمت بحتت فيه وردت تمشي عبدو رد يمشي وراها
هاجر توترت ومعش عرفت تمشي بحتت  فيه : حول من وراي
عبدو :كنك
هاجر : تي قعدت نرعش مع بعضي معش تبحت فيه
عبدو ضحك:للدرجه هذي نخوف انا
هاجر :مش قصة تخوف بس مش عارفه كيف...
عبدو قاطعها : قزدك شعور الي يجيكي نفس شعوري 😏💞
هاجر ضحكت ونزلت راسها :شن هو شعورك
عبدو حط يده علي حنكها ورفعلها راسها :هاجر
هاجر تبحت فيه وقلبها يدق بسرعه :نعم
عبدو ضحك وبدون اي مقدمات :صاح انا انحبك .......بس مش عارف عليش 😂
هاجر خبطاته بالعصا ع كراعه :يابارد😳
عبدو يضحك: اححححح واللهي بجديات
هاجر قعدت تبحت فيه عبدو ايبحت فيها وسارح وتفكيره 😍
٭٭٭٭٭٭٭٭٭٭٭٭٭٭٭٭٭٭٭٭
○بين تفآصـيل مـلآمـحگ يختبأ آلورد🌹
٭٭٭٭٭٭٭٭٭٭٭٭٭٭٭٭٭٭٭٭
هاجر تلبخطت :السبول
عبدو رفع حواجبه  :كيف وقعد ايقرب
هاجر : ووووووووووواوووو .......هيا خليك بعيد
عبدو يضحك : وكان ماقعدتش بعيد
هاجر :انمحطك بالعصا
عبدو مشا :تمُ
هاجراستغربت :كيف صار
عبدو يستفز فيها : نبي نرقد بكره عندي جامعه
هاجر : عدي عدي ........وانت بتكلب عليها الجامعه وسكرت الباب في وجهه
عبدو نزل وهو يضحك ويهز ف راسه
هاجر قعمزت ورا الباب وتفكر في الكلام اللي حكاه لها وتضحك
٭٭٭٭٭٭٭٭٭٭٭٭٭٭٭٭٭٭٭٭
ثاني يوم🍃
هاجر نازله من ع الدروج بروحها وتتكا علي الساس
مريم تعيطلها من فوق: الله يهديك ياهاجر راجي انزلك انا
هاجر: تي لالا يامااما نقدر
نزل احمد من حوشهم :هجوري
هاجر: اهلا ياحمادي
احمد : تي وين تمشي بروحك وجو
هاجر: اهااا تعودت خلاص ، لجين وين
احمد : لوطه عند جدتي تفطر هيا وياها عشان عمتي نجاة مش قاعده
هاجر قعدت تنزل : وين ماشي
احمد :انا طالع      
هاجر ترددت قبل ماتسأله : عبدو وين
احمد : مش عارفه نضت مالقيتش ياطالع يامازال راقد
هاجر ضحكت : باهي انا نختار يعني ياهذي ياهذي
احمد ضحك : واللهي ماني عارف
وطلع احمد وخشت هاجر لجدتها لقتها تفطر هيا ولجين
هاجر: صباح الخير
خيريه : اهي جت الغاليه صباح النور ياحنه كنك امتعبه روحك
هاجر هزت كتوفها بعدم مبالاه : كسدت بروحي
لجين بحتت في هاجر ورفعتلها حواجبها : شن الجو
هاجر : تمام
خيريه: تعالي افطري امعانه
هاجر : لالا صحه فطرت
خش سراج ولد عمتهم تهاني
هاجر بحتت في لجين وشوشت :قوليلي .....هضا عليش نازله انتي😁
سراج سلم ع خيريه :جتي كيف الحال
خيريه : كويسه يا باتي قعمز تريح
سراج مد يده لجين وسلم عليها من بعيد وهوا مبتسم وبعدها سلم ع هاجر
خيريه بحتت في لجين : فزي ديري قهوه
لجين انصدمت وشيرت ع روحها: انا👉
خيريه : امالا من هاجر تنوض اديرها
سراج : تي لا ياجتي وبحت في لجين ماتعبيش روحك نبي نمشي للعمل انا توا
خيريه :نوضي قتلك انا
لجين ناضت وهيا تنفتر وسراج يضحك عليها
لحقتها هاجر للكوجينه
هاجر: عدي قعمزي تو انديرها انا
لجين : لا خلاص تو انديرها
هاجر : تي واللهي ماصارت امشي قعممزي مع سراج اشويه تو بعد انطيبها اناديك اتشيليها
لجين ضحكت وباست هاجر ع خدها ومشت للدار بدت هاجر ادير في القهوه سمعت صوت عبدو قعدت ادير بسرعه عشان تطلع
عبدو : اووووووه سروجه شن الامور
سراج : تمام واللهي شن امورك انت
عبدو :ماشي الحال  سمع صوت في المطبخ بحت لقاها هاجر
عبدو قعد شويه ونسحب للكوجينه
عبدو :شن الجو 💞
هاجر: اهلاً ،تمام
عبدو :شن اديري
هاجر :قهوه
عبدو :عليش مادارتهش لجين
هاجر:قبل بديرها اشويه قتلها خليني انديرها انا .....مليت بنتحرك شويه
عبدو : باهي كويس واحد يشرب قهوه من ايديك الحلوين 😊
هاجر ضحكت : وين ع الكلام المعسول ع الصبح 😁
عبدو : الواحد يحكي هكي وياله يعطيك حقك😍
هاجر ضحكت :باهي وين كنت
عبدو :كنت ف الجامعه
هاجر وتت السفره وبحتت في عبدو :شيلها 
في الدار
سراج داير روحه يهدرز مع جته خيريه وهو ايبحت ف لجين ولجين تبحت فيه ومبتسمه
سراج غمزلها لجين تفنص فيه وتضحك
خيريه خبطاته ع كراعه : نحكي امعاك انا
سراج فط لروحه :نعم نعم
خيريه : شن حال امك
وخش عبدو شايل السفره ووراه هاجر
وقعمزوا يشربوا القهوه ويهدرزوا
خشت نجاة مبتسمه : اااووه العيله ملتمه
سراج صبا سلم عليها: تي وين ياخالتي ع الصبح 
نجاة : واللهي كنت في  العمل
سراج : اهاا اوكي
خيريه : روحتي بدري اليوم
نجاة قعمزت: ااااه مافيش خدمه واجد
سراج : هي سلامات
نجاة :خليك مازال بدري
سراج : لا وقت ع العمل
خيريه :توكل ياباتي علي عملك ماتسمعش كلامها هذي تعطلك
سراج : مع السلامه وطلع
خيريه بحتت في لجين : تي فزي يابنت كان بديري حاجه مع امك
لجين تعقدت وصبت
هاجر وعبدو ايبحتوا في بعضهم ويضحكوا
لجين طلعت لقت سراج في السقيفه يلبس في كاويشه
سراج : كنه العسل زعلان
لجين : تي جدتي حاطه راسي من راسها
سراج ضحك : لزاتك 😂
لجين هزت راسها بمعني اهاا
سراج مبتسم: تي خلاص امعاها هاجر وعبدو معش ادور حد
لجين ساكته ومازالت حامقه
سراج قررب منها :تعالي انراضيك 😚
لجين : فكنه توا مرات حد ينزل ولا ايجي من بره
سراج قرب: تي حبكت مايبيش ايجي حد الا علي اللقطه هذي☺
لجين مكشخه : خليييك بعيييد😡
سراج قرب منها بسرعه باسها في خدها وطلع 😘
لجين قعدت امصبيه في مكانه لعند طلع برمت تبي تركب لقت باتها اسامه مصبي ع الدروج
لجين انصدمت :بابا .....

بليز تفاعلوا حبايبي وعطوني رايكم حلوه ولالا😢😁