Window 💞🏡(مـكتمـلة)

الحلقه الثامنه عشر💞

رواية Window 💞🏡

للكاتبه :sαℓeмα🔏

٭٭٭٭٭٭٭٭٭٭٭٭٭٭٭٭٭٭٭
ثاني يوم❤🌷
عبدو يكلم ف هاجر ف هاجر فيديو
:صباح الخير
هاجر : صباح النور وتثاوب
عبدو :هذي النوضه مالا
هاجر اتكسل :اها نضت ع رنتك
عبدو :فتحتي فيس
هاجر انفجعت :لا شن فيه 😨
عبدو :لاشي نسأل بس
هاجر :اها
عبدو يمسح ع لحيته :كلمنكش صحباتك
هاجر: امس كنت نكلم فيهن
عبدو بتوتر: اها
هاجر بأندفاع: الشهاده طلعت صاح
عبدو ارتبك :لا من قالها 😅
هاجر: كنت حاسه ماتكذبش عليا😭
عبدو :تي كنك تبكي ان شاء الله خير
هاجر تبكي :حي حي عليا تخايل نسقط 😭😭
عبدو تعصب : تي معش تبكي الزح
هاجر تمسح ف دموعها : مش قادره نسكت خايفه😭
عبدو :هدي روحك وخشي اغسلي وافطري قالوا الرابط يفتح بعد ساعتين مزال بدري
هاجر: باهي تمام ف اي صفحه لقيت الرابط
عبد: ف صفحة التعليم
هاجر: بعد تسمع حاجه قولي
عبدو :دزيلي رقم جلوسك ف رساله
هاجر بتوتر :باه بس اول ماتطلعها كلمني
عبدو : حاضر غير هدي روحك بس
هاجر صكرت غسلت وجهها وطلعت لي امها وباتها ف الصاله : الشهاده اليوم 💔😢
و قعمزت ف الصاله وقاعده ع النقال ومرتبكه
مريم :هدي روحك اكيده مزالت ماطلعت
هاجر :خايفه ...بابا تجيبلي رصيد
محمد :مش عندك
هاجر :نبي نتصل ع لجين ف ليبيا بلكي سامعه حاجه
محمد: اكيده ناجحه 💚
هاجر بخوف :وكاني سقطت
محمد :عادي ف حاجه اسمها دور ثاني
هاجر: من جدك انا هاااجر بنتك انخش للدور الثاني يابابا😭
محمد: وكان يعني الناس كلها تغلط المهم الصحه
هاجر: غير هيا يابابااا نبي رصيد
مريم شهقت :معقوله بطلعي باتك في المطر والصقع هضا😨
هاجر تخبط بكرعيها ع الوطا : معقوله اتخلوني انا نراجي ونحرق ع الشهاده😢
محمد ضحك : عدي جيبي بروحك
هاجر : خلاص انعدي ومشت للدار تلبس
مريم : من جدك بتخليها تطلع بروحها تو تمرض
محمد : قريب المحل تو انشوفها من البلكوني وكانك ع المرض عادي خليها بيش المناعه امتاعها تقوه
مريم تنهدت : شي يوم تجلطني انت وبنتك🔥
محمد ضحك : بعيد السو💘
هاجر طلعت من الدار لابسه وتعيط : كاويشييي ويييين
مريم تنهدت وغمضت عيونها وقالت : عند الباب😪
هاجر لبست كاويشها وجت لباتها :هات الفلوس😊✋🏼
محمد ضحك: هاكي ومدلها الفلوس
مريم : بشويش وافطني لروحك
هاجر فتحت الباب :باهي باه وطلعت جري 😂
نزلت تجري وهي كيف بتطلع من الفندق
تامر ولد الدكتور عيسي "صاحب محمد ودكتور هاجر تذكرتوه" : معليش
هاجر برمت وهي مستغربه : نعم
تامر : انتي بنت الدكتور محمد صاح
هاجر هزت راسها وجت بتطلع لانها كانت مستعجله
تامر ابتسم : باهي وين ماشيه
هاجر برمت وهي تشقلب ف عيونها : للمحل
تامر : وبتطلعي ف المطر هذي ؟
هاجر حطت يديها ف جيوبها : اهاا نبي نطلع لو سمحتلي يعني  😒
تامر مدلها الشمسيه امتاعه : باهي خودي هذي
هاجر : لا شكراً ولبست الطربوش امتاع كبوطها وطلعت وهي اتمتم بروحها مشت للمحل وردت وركبت لجناحهم
محمد : شن صار
هاجر : ف واحد ثقيل يعرفك لوطه مانندريش عليه من "وخشت للدار"
محمد ومريم ضحكواا😂
خشت هاجر عبت رصيد وكلمت لجين بس قالتلها انه عبدو قاعد ايدور وماحصلش
وهاجرر ماكنتش محصله تغطية النت من المطر ☁💦
قعدت مقعمزه ع السرير وتراجي ف عبدو
بعد شويه اتصل بيها "عبدو"
هاجر ردت : الو
عبدو ضحك : ياروحي انتي💘
هاجر : نعم 😳
عبدو : مبروك النجاح😻
هاجر صبت : واللهي 😱
عبدو ضحك : والله شنو بنكذب عليك مثلاً
هاجر ضحكت : مش مصدقه
عبدو : لا صدقي تعبك ماراحش ع الفاضي😍
هاجر ضحكت  : باهي صورها ليه بشن نجحت
عبدو : تمام وسكر ودزلها الصور وكانت هاجر ناجحه بتقدير ممتاز
هاجر ضحكت وعيطت
مريم ومحمد انفجعوا وجوها جري
هاجر ضحكت وقعدت توري فيهم ف صور وباركولها
٭٭٭٭٭٭٭٭٭٭٭٭٭٭٭٭٭٭٭٭
الساعه 5:00 ف العشيه
جاهم صاحب محمد عيسى الدكتور امتاع هاجر وهو اللي عالجها وولده تامر واخته حواء يباركوا ع نجاح هاجر 💐
لاكن هاجر كانت اغلب الوقت ف الدار وع نقالها وكل مره ايكلم فيها حد ويباركلها
هاجر تحكي هي واحمد
احمد : شن الجو
هاجر : تمام واللهي
احمد سمع صوت تهدريزهم : عندكم حد
هاجر : اهاا صاحب بابا وعياله لاكن مافهمش جو بذات ولده ثقيل دم
احمد ضحك : اوكي 
هاجر : شن جو الجامعه
احمد قعد يحكيلها ع علاقته بأسيل
هاجر ضحكت : لا لازم تعرفني عليها هذي
احمد : ان شاء الله انتي خير روحي بس
هاجر : كساد من دوني
احمد ضحك: بكل وعبدو قريب ينكلب عشانك مش قاعده
هاجر ضحكت بخجل: باهي بطل صماطه
احمد : اوكي توا انخليك مع ضيوفك ثقيلين الدم
هاجر ضحكت : باي سلملي ع جديده 😊
وسكرت وطلعت للصاله قعمزت معاهم شويه
٭٭٭٭٭٭٭٭٭٭٭٭٭٭٭٭٭٭٭
بعد شهرين ونص📅❤
يوم الخميس ف الصبح هاجر توتي ف روحها هي وهلها عشان اتروح لحوشهم 🏠وكانت طيارتهم ف الصبح✈
هاجر كانت توتي ف روحها وتلبس وفرحانه
لبست بدله جاكيت وسروال واسع كريمي وسوريه سوده حاطتها ف السروال ووشاح اسود
طلعت هاجر من الدار وطلعت شنطتها وماسكه الدب امتاعها ف يدها 🐻
مريم : كنك ماحطيتيه ف الساكو
هاجر ضحكت : تي كبييير مافيش مكان
محمد : هي هي وقت ع الطياره
وطلعوا وماكانش يندري عليهم حد انهم مروحين الا اسامه
حتي هاجر ماقالتش لعبدو وخلتها لاه مفاجأه
٭٭٭٭٭٭٭٭٭٭٭٭٭٭٭٭٭٭٭
بعد ساعات🕑
يوم الجمعه ف ليبيا💞
الساعه 3:30 ف القايله
كلهم قاعدين لوطه ف الدار يراجو ف اسامه ع الغداء 🍝
اسامه كان ماشي ايجيب ف هاجر وهلها من المطار
سراج يحكي لأحمد : تي وينه باتك ياراجل
احمد :مانندريش عليه
سراج : تي باهي رن عليه شوفه
احمد بحت ف عبدو : رن ع باتك
عبدو بحت فيه : شنو 😒
احمد :رن ع باتنه😂
سراج ومحمود ضحكوا 
عبدو : اكيده عنده شغل تو ايديره ويجي ماتقدرش تصبر
احمد : مش الي مش قادر يصبر هذا نسيبك😁
سراج بوجه البرائه : توتو عليك كذب 😂
عبدو : عارفه حتي انا كذاب
احمد بصدمه : تي واللهي هوا باهي
عبدو : باهي خلاص اسكت
محمود يبحت فيهم ويضحك وخلاص
منى ولجين كل شويه يصبن للكوجينه ياكلن ويردن محمود بحت فيهن وهن رادات من الكوجينه : كمل الغداء
منى بضحكه صفرا : ماقربنش شي☺
محمود : وكنه فمك ملبز😏
منى تمسح ف فمها : تي هذي لجين كلت
لجين فنصت فيها
محمود : لجين كلت وانتي فمك تلبز 😂😏
احمد ضحك : خشي قعمزي ياكذابه
منى ولجين قعمزن وهن يضحكن
وكانت خيريه وفاطمه وتهاني ونجاة يهدرزن مع بعضهن
خش اسامه يضحك : السلام عليكم
فاطمه : وعليكم السلام وينك
اسامه : جايب امعايه ضيوف
خيريه شهقت : من‼
خش محمد ومريم
خيريه تفجأت : محمممدد ....لاعاد هضومه اصحاب الحوش مش ضيوف 😍
كلهم تفاجؤا وضحكوا وقعدوا يسلموا عليهم وطبعاً لايخلوا الامر من الدموع والاحضان 🙊💛
هاجر كانت امصبيه بره الدار وماسكه الدب امتاعها فرحانه وفي نفس الوقت متحشمه ومش عارفه كيف اتخش
اسامه امصبي امعاها بره ويضحك عليها
خيريه بفرحه : هاجر بنيتي وين ...؟💓
هاجر حطت الدب امتاعها بره وخشت وهي تضحك وعيونها دموع :نعم
كلهم تفاجؤا من منظر هاجر اللي كان ايهبل 😍ومش نفس البنت اللي كانت امعاهم من 6اشهور📅وزادت حلاوتها عن قبل
هاجر خشت للدار واول واحد جا وحضنها كان عمها محمود
احمد ضحك : تي كيف صار ياعمي محمد بدلتوا هاجر بوحده من المانيا😂😂
هاجر بعدت من حضن محمود و سلمت عليه سلمت ع احمد وهي تضحك : مبردك 😂
وصلت ف عبدو مدتله يدها وهي مبتسمه و عيونها يضحكن وقلبها قريب ايطير من الفرحه💓
عبدو مد يده وسلم عليها وهو مبتسم وفرحان بيها: الحمد الله ع السلامه💘
هاجر ضحكت : الله يسلمك
وسلمت ع سراج ومنى
لجين جتها تجري وحضنتها :ياكلبهههه رايحه اتهبلي
هاجر تضحك : رايفت عليك😍
لجين طلقتها وقعدت تبحت فيها بعدها ردت حضنتها: حتي انا واللهي رايفت عليك😻
هاجر سلمت ع جدتها واكثر وحده قعدت مضبطتها وخيريه بكت من فرحتها وسلمت هاجر ع الباقي وقعمزت بين لجين ومنى
وحطت يدها ع وشاحها وتبي اتحوله كلهم بحتوا فيها ويبوا ايشوفوا شعرها
هاجر ضحكت : معش سالحته 😂
منى ضربتها ع كتفها بالشويه : تي هيا بلا صماطه شن جو التشويق هضا
هاجر سلحت وشاحها وحولت مساكتها
ونطلق شعرها و كان لعند اكتوفها💇 وهاجر كانت سابغته من لوطه ومغيره لونه
لجين : ايهبللللل😍
عبدو يبحت ف هاجر ومبتسم
مريم: امس كيف دارته
هاجر وشوشت : وكان تندري شن درت اخره
لجين : شن درتي اخره
هاجر توشوش : وشم☺
لجين شهقت : شنووو😨
كلهم بحتوا فيهن
هاجر ضحكت وقرصت لجين : كنك بسم الله 😅
لجين توشوش : وين 😨
هاجر : بعدين بعدين تو نحكوا انا هلي مايندروش عليه
بعد الغداء 🍝
كلهم مقعمزين ف الدار ومنى ولجين يغسلن ف الماعين
هاجر مقعمزه حدا جدتها وتهدرز هي وياها
عبدو يبحت فيها ويشيرلها بعيونه معني يبيها بره وطلع
هاجر قعدت شويه وصبت
خيريه : ووين ماشيه
هاجر كيف بتحكي
فاطمه : خليك الماعين تو يغسلنهن البنات
هاجر : ااااءا .....نبي نعدي للحمام
تهاني ضحكت : ماتطوليش مازلنه مرايفين عليك
هاجر ضحكت : حاضر وطلعت صبت ف الصاله تدور ف عبدو
لجين شيرتلها من المطبخ بمعني تعالي👋🏻
هاجر خشت للمطبخ : وين عدا
لجين :طلع للصور وفتحت باب الكوجينه الي يطلع ع الصور :هي عدي بسرعه
هاجر ضحكت وطلعت : بااااي.✋🏼
  طلعت لقت عبدو ورا الحوش
هاجر مشتله وهي مبتسمه ولقت عبدو عطيها بظهره ويدخن🚬
هاجر حضناته من لاوره : راايفت علييك 💘
عبدو عزق السبسي وبرم عليها حضنها بكل قوته وهو مبتسم : حتي انا يا روحي
هاجر كانت طالقه شعرها : ماقتليش شن رايك ف قصة وصبغة شعري💇
عبدو طلقها وبحت فيها وهو مبتسم: الواحد شن بيقول قدام الجمال هضا كله😍💞
وحط يده ع حنكها وباسها ع خدها وبرم ع فمها
هاجر وخرت وهي قريب تموت من الحشمه: فكنه منه الجو هضا راه نخش 😳
عبدو : باهي خلاص وانتي لازم تخربي ام اللقطه😅
هاجر ضحكت وتنقز ف مكانها : عندي مفاجأه اخره😂
عبدو : شنو....؟
هاجر تضحك : درت وشم😄
عبدو بحت فيها بشك : بلا كذب
هاجر كانت دايره الوشم ع كتفها : واللهي الله ونزلت السوريه توري فيه ف الوشم وكان حمر وفيه شويه دم واضح انه مزال جديد وكان شكله نفس الوشم اللي ع صدر عبدو💕
عبدو يشوف فيه ومصدوم : كيف درتيه .....وهلك؟
هاجر ضحكت : امس مشيت لصالون التجميل انا وبنت صاحب بابا غيرت لون شعري ودرته
عبدو : تي قزدي واعر كيف تحملتيه 😩
هاجر : تي والنبي انا تحملت كيماوي مانبيش انتحمل وشم.......بس مازال يوجع فيه يالقنه واعر 😩
عبدو طبست وباسها ع كتفها مكان الوشم : ياروحي يوجع فيك واجد😻
هاجر سخنت مع بعضها و قعد وجهها احمر وهزت راسه
عبدو كان مطبس ع كتفها ويلمس فيه بحنيه ورافع عيونه ويبحت ف عيون هاجر
هاجر توترت من قرب عبدو ونضراته وانفاسه الساخنه الي تخبط ف رقبتها وكتفها وجهها قعد احمر : عبدو كم مره قتلك نتوتر لما حد يقرب مني ويبحت ف عيوني هكي😞
عبدو بصوت هادي ويذوب : بس لازم اتعودي 😏...وجه نظره لعيونها 💘
هاجر غطت كتفها بسرعه ووخرت خطوتين وبتغير الموضوع قالت :ماما مازالت ماتعلمش عليه ....حي عليه 😫
عبدو ضحك وبعد من عليها : كلا انتي طروح😂
وكملوا هدرزتهم عادي
٭٭٭٭٭٭٭٭٭٭٭٭٭٭٭٭٭٭٭
الساعه 5:03 ف العشيه 🌸
جت عمتهم فوزيه وقعمزوا كلهم ف الدار
مريم طلعت هي ومحمد مشت لهلها
فوزيه : عليش ماعديتش مع امك ياهاجر
هاجر ضحكت : اللي يبيني يجيني انا كنت امسافره هما مفروض ايجوني ومازلت مرايفه عليكم
خيريه ضحكت
نجاة : واللهي ف هذي عندك الحق 
هاجر بغرور مصتنع: تي انا ديمه عندي حق 😁
سراج : شن جوها ياهاجر برلين سمحه
هاجر : مش عارفه م....
انتصار قاطعتها : من اللي بيعرف اماله
هاجر ماعدلتش عليها : قزدي ياسراج انا مدهورتش فيها ف اول شهور كملتهن  كلهن ف المستشفى وبعد روحت من المستشفى قعدت نطلع للمحلات اللي قدام الفندق كان استحقيت حاجه بس
احمد : تطلعي بروحك
هاجر هزت راسها : اهاا بس مش ديمه
خيريه طلعت من الدار وردت : البمبلينه الي بره شور من 😡
هاجر ضحكت وبحتت ف عبدو : امتاعي انا
خيريه : عارفتيني منحبهنش ياهاجر ولالا
هاجر صبت جبتها امعاها للدار :خلاص تو انحطها حدايه 🐻
خيريه سكتت وطلعت
احمد جاب الصوني : من بيلعب
منذر : انا وعبدو نبي نخسره😋
عبدو ابتسم ع جنب :تي تحلم انت😏
منذر : تو انشوفوا
احمد قعمز يركب ف الصوني : كم بتفوز عليه ياعبدو
عبدو : مش عارف كم تبي انت...؟؟
نطت هاجر :خمسه شي
محمود ضحك :بلكي واجد عليه😂
هاجر : لا يجيبها عبدو  وبحتت ف عبدو :صاح
عبدو شيرلها ع عيونه👀: حاااااااضر من عيوني
وقعد يلعب عبدو ومنذر ودقائق وكانت النتيجه 4_0 لصالح عبدو طبعاً
منذر قرب يسجل قول ⚽
هاجر تعيط وتخبط ع خدودها : لالالا ياعبدو افطن 😨
احمد صبا يجري قدام منذر : منذر عندك شحن
منذر يعيط : تي حولللللل حووووول من قداااامي
سراج ومحمود يضحكوا
رن نقال احمد "اسيل"
احمد بحت ف نقاله وتغيرن ملامحه وجهه وطلع
سراج ضحك : نداء الواجب 😂😂❤
محمود بعياط : تعال ياااااااحمد
احمد طلع وماردش عليهم
لجين ومنى بحتن ف هاجر لانهن عارفات ان هاجر صحبة احمد ويحكيلها ف كل شي
لجين : باهي احكيلي ياهاجر
هاجر هزت راسها بنفي ورفعت كتوفها : لا سر😗
احمد يعيط لهاجر من برا الدار : هاجررر تحكي انوريك
هاجر بعياط : بااااااهي ماقلت شي
عبدو سجل القول الخامس وقعد يضحك
سراج يبحت ف منذر : ياااافصخه يااااامهزبب عليش اتقول نبي نلعب كانك مش قدها😂
منذر: تي عدي انعن وفطن لروحه سكت
هاجر تضحك: ووووواااو امسك روحك يارجل كنك
عبدو يضحك بستهزاء : عدي عدي ابكي ف الصور 😂😂
٭٭٭٭٭٭٭٭٭٭٭٭٭٭٭٭٭٭٭٭
الساعه 12:18ف الليل🌸   
هاجر : ماما وين بنرقدوا
مريم : هنا عشان الحوش لاه واجد مسكر واكيده مسخ
هاجر : انا بنخش ندوش معناته خشت هاجر للحمام
بعد ساعه تقريباً طلعت هاجر من الحمام ولابسه بيجامتها وطالقه شعرها المبلول لقت عبدو ف الصاله والباقي كلهم راقدين
عبدو صبا بسرعه طفا المكيف:معقوله طالعه هكي
هاجر تلف ف شعرها :مش مصقع واجد
عبدو :وين بتعدي
هاجر :بنخش نرقد نعسااااانه 💤
عبدو بنظرات ترجي : غير تعالي خليك مزلت مرايف عليك☹
هاجر: والله جديات نعسانه بكل 😩
عبدو كرها من يدها وقعمزت حداه ماسك يديها الأثنين بحت ف الدبله وابتسم وقال بهدوء وهو يبحت ليديها :ماسلحتيهش
هاجر ابتسمت بخفه : وانا نقدر نسلحها❤
عبدو رفع راسه وبحت فيها : مفش حد سألك عليها
هاجر :ف برلين من لما روحت معش قعدت نطلع من داري واجد ي دوبك نطلع انا وبابا وماما يحطوني ف المستشفى ويعدوا
عبدو هز راسه:اها
هاجر شهقت: حيي نسيت حاجه
عبدو انفجع :كنك 😨
هاجر: اصبر شويا ومشت بالشويش طلعت شنطتها وطلعت منه بوكس متوسط الحجم وجت حدا عبدو :افتحه 🎁
عبدو ضحك :رايحه اتديري ف مفاجأات
هاجر: الحق مرا طولوا عليا نزلت للسوق خذيتلك وخذيت حاجات بسيطه للمقربين لقلبي واجد والباقي فتتهم 😂💔
عبدو يضحك : عيب عليك
هاجر :تو ناخذلهم من هنا وانقوللهم من برلين😂😂غير هيا افتح هديتك
عبدو فتح لقا فيها ساعه وعطر وسوريه يطلع ف السوريه : حلو لونها
هاجر :حلي ايامك عجبك 😚
عبدو شم العطر : عطري..؟
هاجر ضحكت : حفضته من كثر ماشميته عليك😂وعرفت ماتستعملش ف عطر خاطيه فاجبته لكي خصيصاً
عبدو باس خدها :مفروض تعبتيش روحك
هاجر: مش خساره فيك 😍
فجأه سمعوا صوت كحه
هااجر شهقت : هههي هذي جديده 😨
عبدو :اكرسي اكرسي
هاجر تشير بيديها وتخبط وقالت :وين انعدي
عبدو :رفع البطانيه خشي هنا😂
هاجر خشت وكانت واضحه😂
خيريه :عبدو شن ادير واعي
عبدو : ........

*كتبت حلقه طويله عشان طولت ف التنزيل 😊
*نبي تفاعلللللل حتي بلايك بس لان اللي يتابعوا ف الروايه 400 اواكثر والايكات 91 بس مش معقول راه 😩😕 "بنات عشان خاطر عبدو الكل يحط لايك ويعطي رايه ف الروايه😉😋"
*طلب وليس امر كل حد شاف الروايه امتاعي نبيه يقيمها يعني كم يعطيها ع 10🌸وشكراً

  انحبكم وووواجد💋