Window 💞🏡(مـكتمـلة)

الحلقه -23💞

رواية : Window 💞🏡

للكاتبه:sαℓeмα🔏

٭٭٭٭٭٭٭٭٭٭٭٭٭٭٭٭٭٭٭
ف الحوش 🏡
الساعه 6:30 العشيه
روحن عمات هاجر فوزيه وتهاني
هاجر كانت تسيق ف الصور و كاانن عندهم جاراتهم ومقعمزه امعاهن خيريه ووفاطمه ومريم ونجاة ف الكوجينه
هاجر تسيق وتغنى
شافت عبدو خش للحوش مستعجل
هاجر مشت وراه لاكن ماطقتش فيه
هاجر : ربي يستر هضا كنه
شويه ونزل عبدو يجري
هاجر صبت قددامه : كنك شن في 😳
عبدو : بعدين بعدين
هاجر : تي كنك 😨
عبدو وقف ياخذ ف نفس ويدوي : احمد
هاجر رعشت : كنه😱
عبدو : توا اتصل بيه واحد من مركز الشرطه وقالي انه ماسكينه متعارك هوا واحد ف الشارع
هاجر حطت يدها ع راسها : حي علي أمه
عبدو : ماتحكيش لحد ولا كلمه لعند انروح
هاجر : تمام تمام
عبدو طلع
هاجر قعمزت وتفكر : زعمك اسيل لها علاقه بالموضوع .....تي لاشن دخلها هيا ربي يستر ان شاء الله احمد مش ملبز بس
نجاة طلعتلها من باب الكوجينه : تي شنو ياهاجر
هاجر انفجعت : نعم
نجاة : ساعه علي شان تسيقي الصور
هاجر : باهي خلاص كملت
كملت هاجر الصور وقعمزت تراجي ف عبدو احمد
٭٭٭٭٭٭٭٭٭٭٭٭٭٭٭٭٭٭٭
الساعه 8:03 العشيه
هاجر قاعده ف الصور وتراجي
انحل الباب وخش عبدو وراه احمد
هاجر صبت وانصدمت من منضر احمد كانت سوريته كلها دم وفيه فجخه ف راسه ويده مجروحه ووجه كله دم
هاجر جت لاحمد : شن درت انت احكيلي شن صار
احمد ساكت وحاامق
عبدو : امي وين
هاجر : في صبايه جوا خليها ماتقوللهش توا ،وبحتت ف احمد: اركب فوق بسرعه قبل مايجي حد
عبدو حط يده ع كتف احمد : هيا اركب 😪
ركب احمد وعبدو
هاجر قعدت لوطه شويه وبعدها لحقت عبدو واحمد
دقت الباب فتحلها عبدو
هاجر توشوش : شن صار
عبدو : مش عارف المشكله بالزبط مابش يحكي بس معجن عيل ف الشارع وماحوتك ماطلعته من المركز
هاجر : باهي وينه هوا
عبدو : ف داره
هاجر مشت لدار احمد دقت الباب وخشت
لقاته مقعمز ع السرير وحاط راسه بين ايديه
هاجر قربت منه : احمد
احمد ساكت
هاجر : احمد احكيلي شن صار اسيل لها علاقه بالموضوع
خش عبدو جايب امعاه قطن ومعقم : ديريله فصخته بسرعه قبل ماتجي امي تشوفه
هاجر خذت منه الحاجات
عبدو طلع يبرم ف الصاله
هاجر تمسح لاحمد ف وجهه : احمد احكيلي انت عارفني مش حنحكي لحد .....صاح اسيل تكلم ف واحد اخر والي تعاركت امعاه لاه علاقه بيها
احمد تنهد وبصوت مبحوح : تقابلت انا وياها وحكيت امعاه وطلعت صاح تكلم ف واحد اخر
هاجر تمسحله : باهي
احمد : وبعدما طلعت من الكافي خبطت ف واحد وقعدت انتعارك انا وياه فشيت فيه غلي
هاجر تنهددت وسكتت ماتبيش تكثر امعاه دوه ع شان ماينفجرش فيها لفتله يده وحطت لصقه ع فجخته
عبدو صبا ف فم الدار
هاجر بحتت ف احمد : خلاص الموضوع هضا يقعد بيناتنه وانت ع اساس تعاركت انت واحد وماتقولش لحد ع موضوع المركز
عبدو حامق : بس موضوعه مازال ماكملش
هاجر : شنو
عبدو : المحضر مااصكرش و الي ضاربه مازال ماتنازل
هاجر خايفه : يعني شنو
عبدو : لو ماتنازلش العيل حيجو ياخذوه 
هاجر صبت بحتت ف احمد : غير دبشك بسرعه
وطلعت سكرت الباب وبحتت ف عبدو : باهي ماتقدرش تصرف
عبدو  : مش عارف
هاجر مسكت يده : امك لازم ماتعرفش بالقصه تو تمرض
عبدو : هضا اللي قاهرني كان مش امي راه خليته معزوق ف الحبس لعند يتربا
هاجر : معش تحكي هكي قدامه حتي هوا نفسيته مدمره الموضوع اللي صار امعاه اليوم مش ساهل
عبدو عقد حواجبه : والي هوا
هاجر قعدت توشوش وتحكيله ع علاقته بأسيل  
شويه وخش عبدو ع احمد لقاه مبدل دبشه ومنطرح ع السرير وحاط المخده ع وجهه
عبدو خذا السوريه والسروال امتاع احمد الي كانن مليانات دم العيل اللي ضربه احمد وسكر الباب وطلع
عبدو يبرم: وين اندسهن هذينه
هاجر خذتهن منه : تو نغسلهن وننشرهن ف حوشنه عشان امك ماتشوفهنش
عبدو : تمام وبحت ف هاجر بنضرت حب : مش عارف شن كنت حندير بلاك 💓
هاجر ابتسمت وجت تبي تركب بعدها برمت ع عبدو الي كان يبي يطلع
هاجر : شن حالته العيل اللي ضربه متأزم واجد
عبدو زراته الضحكه : امغيرله ملامح وجهه ماتعرفيش وجهه من كراعه 😂😂
هاجر ضحكت : ربي يستر
عبدو : خلاص انا نعدي للمركز نجداهم بلكي يتنازلوا 😁
هاجر : عطيه فلوس تو بلكي يسكت
عبدو : زعمك توا انشوف
هاجر : باي وركبت لحوشهم
وعبدو طلع
هاجر ركبت غسلت دبش احمد ونشراته بين دبشهم عشان ماحد يشوفوه
٭٭٭٭٭٭٭٭٭٭٭٭٭٭٭٭٭٭٭
الساعه 11:00 ف الليل
هاجر مقعمزه هي وباتها وعمها اسامه وخيريه وفاطمه ومريم ونجاة ويهدرزوا
خش احمد للدار
فاطمه انصدمت : احمد كنك  ..... وكنها يدك من جرحك😨
احمد لاوي وجهه: مافيه شي
اسامه يعيط : تي هضا شنو احكي
احمد : تعاركت انا واحد خلاص
خيريه : والله انا قتلكم من الاول العيل هضا بلا منزع ياريتك خذيت من عقل ولا ركاحت عبدو شويه
فاطمه تبكي وتبحت ف احمد
محمد : باهي مشيت للمستشفي
هاجر : الخبطه اللي ف راسه ساهله لاكن يده ممكن تبي خياطه بس حاجه بسيطه
نجاة : انتي تعلمي من بدري وساكته ياهاجر
هاجر خافت وسكتت
احمد : انا قتلها ماتقوليش
اسامه : باهي ولد من اللي تعاركت انت وياه وعليش
احمد : تي مانعرفش
خش عبدو : السلام عليكم
فاطمه تبكي :تعالي ياعبدو شوف خوك بيجلطني
اسامه : تعرف متعارك مع ولد منو
عبدو : خلاص ياباتي فوت الموضوع واحد غلط و احمد ضربه وعطاه حقاته
اسامه سكت
محمد صبا وخذا احمد امعاه للصاله ايشوفله ف الجرح
عبدو قعمز ف جنب فاطمه ويسكت فيها
٭٭٭٭٭٭٭٭٭٭٭٭٭٭٭٭٭٭٭
الساعه 3:25 الليل
عبدو مصبي ع الدروج ويحكي مع هاجر من Window دارها
هاجر : شن صار تنازل العيل
عبدو : اااهاا بس بعد ما شردني هو وهله نقنع واحد اينوض الاخر
هاجر : وكيف قنعتهم
عبدو ضحك: كذبت عليهم انه بات ميت وانا خوه وهوا عندها حاله نفسيه بيش اقتنعوا
هاجر ضحكت
عبدو : عطيته 500 جنيه وتكفلت بالعلاج امتاعه الحيوان بيش تنازالو
هاجر : عليك الي يشحط
عبدو : تي عنده الحق خربله وجهه حتي هوا 😅
هاجر سكتت
عبدو قعد ساكت شويه ويفكر
عبدو حرك راسه: هاجر
هاجر :نعم ❤
عبدو تردد قبل مايسألها : حئم  شن كنتي توشوشي انتي واحمد امبدري
هاجر ماتت ع روحها من الضحك : كنك غرت 😂
عبدو قلب وجهه : فضول بس
هاجر تضحك : ااممممم  كان يحكيلي ع البنت الي كان داير هو وياها علاقه
عبدو سكت
هاجر تضحك : تريحت ياسي الفضولي 😂
عبدو ابتسم ع جنب : تصبحي ع خير
هاجر : وانت من اهله
عبدو بحت فيها زين : مش ناسيه حاجه
هاجر ضحكت : ااااهاا
عبدو فرح يحسابها بتبوسه ع خده كالعاده
هاجر تضحك : نسيت دبش احمد ومداته لاه
عبدو ضحك وقرصها من خدودها : رايحه شيطانه انتي 😂
هاجر شهقت : تحق فيه فرختك 😃
عبدو خذا دبش احمد وهو يضحك : امالاه شنو ❤
هاجر ابتسمت:باي
ركب عبدو لحوشهم
وهاجر خشت رقدت
٭٭٭٭٭٭٭٭٭٭٭٭٭٭٭٭٭٭٭
ثاني يوم 🍃
الساعه 6:03 العشيه
هاجر كانت تبي تمشي لخالتها
عبدو كان طالع من الصبح ومايردش ع تلفونه
مريم : هاجر هيا بااتك يراجي
هاجر : باهي شويه ونازله
لبست ونزلت لحوش عيت عمها اسامه
دقت الباب✊🏻
فتحتلها فاطمه : خير ياهاجر
هاجر : كيف حالك اليوم
فاطمه : كويسه الحمد لله وانتي
هاجر : تمام كيف حال احمد
فاطمه : كويس خشي شوفيه قاعد ف داره
هاجر سلحت كندرتها وخشت
فاطمه تسكر ف الباب : لابسه بتطلعي ؟!
هاجر : اهاا ماشيه لخالتي وخشت لاحمد
هاجر : شن الجو
احمد ابتسم : تماام نحس ف جسمي كله مدقدق بس
هاجر ضحكت : كان انت اللي ضارب جسمك مدقدق المضروب شن صار فيه😂
احمد ضحك وعض ع شاربه:واللهي ماني عارف 😂😂😂
وسكتوا شويه
احمد قعد يبحت قدامه وسارح
هاجر تنهدت وقعمزت احداه : مازالت تفكر فيها
احمد ضحك وهز راسه بمعني لا : اصلا انا اللي غلطان انخدعت بمنضرها 😃
هاجر سكتت شويه وبعدها قالت : خوك وين 😊
احمد سقم تقعميزته :ايوه خشي للموضوع طول
هاجر : من الصبح نرن عليه عشان انقوله اني ماشيه لخالتي ماردش
احمد : مش عارف وينه بس طالع من الصبح ومتغدي بره ، ردي بالك تطلعي وماتوقوليلش راه يدير نهارات سود نفس المره اللي فاتت
هاجر : لالا هوا خالتي عادي
احمد سكت
هاجر صبت : ع المهم لما يجي قوله اني مشيت لخالتي ورنيت عليه ماردش
احمد : اوكي
هاجر : باي وطلعت
نزلت لوطه لقت باتها يراجي فيها طلعت هيا وياه
مشت لخالتها ابتسام
الساعه 10:03 الليل
هاجر ماسكه نقالها وترن ع عبدو
ميار : تي حولي التلفون من يدك واحكي امعانه قبل ماباتك ايجي
هاجر :.....

*بجد اسفه اسفه واجد ع التاخير بس مش بيدي والله صارلي ظرف
*كل سنه وانتم طيبين وينعاد عليكم يارب❤
*ماتنسوش تحطوا اللايك وتعليق عن رايك وانا حنعوضكم ع التأخير