Window 💞🏡(مـكتمـلة)

الحلقه-32💞

رواية : Window 💞🏡

للكاتبه :sαℓeмα🔏

٭٭٭٭٭٭٭٭٭٭٭٭٭٭٭٭٭٭٭
الساعه 12:30 الظهر🌸
هاجر وهبه مشن للمستشفى وهاجر دارت تحليل وفعلاً طلعت حامل💞
هاجر وهبه قاعدات ف غرفه ف وسط الطلبه و الدكتور يشرحلهم ع مريض رن نقاله هاجر "عبدو❤" هاجر ابتسمت وطلعت برا الدار وردت
هاجر : الو عبودتي💞واستغربت من الصوت اللي سمعاته
علاء تحنحن : الو ...هاجر...انا علاء
هاجر عقد حواجبها : اهلين علاء عبدو وين......؟
علاء : انتي قاعده ف مستشفي ال......صاح
هاجر عقدت حواجبها : اها شن في
علاء بتوتر: عبدو يبيك فوق
هاجر ابتسمت : ف قسم العنايه
علاء : اااها وسكر
هاجر خشت لهبه وخذتها امعاها لانها كانت ماله من شرح الدكتور وركبن فوق هاجر كانت مستغربه ليش علاء كلمها وليش عبدو فوق اصلاً بس ماعدلتش وماكنتش متوقعه اللي صاير فوق
وصلت فوق وشافت علاء مصبي بروحه
هاجر بخوف : عبدو وين
علاء يبحت ف الوطا بنضرات توتر وساكت
هبه تبحت فيهم ومش فاهمه
هاجر : علاء نحكي امعاك ...عبدو وين😰
علاء رفع عيونه اللي كانن حمر ف هاجر شافلها شويه وبعدها برم وجهه ويبحت جنبهم
هاجر : علاء م.....وبحتت وين مايبحت وهنا كانت الصدمه
هاجر دموعها نزلوا وقعدت ترعش : لالالاالا ...عبدو لا😭💔
هبه : تي شن فيه وبحتت ف  Window💔احد غرف العنايه وكان راقد فيها عبدو وغايب عن الوعي والاجهزه عليه ف كل مكان
هاجر مشت تجري للغرفه وحلت الباب بقوه وكيف بتخش مسكها الدكتور والممرضه اللي طالعين من عند عبدو
الدكتور : يامماما مايصيرش هكي هذي عنايه
هاجر تبكي و تعيط ع طول رقبتها ودف فيهم بكل قوتها : حولللل 😭.....لالالالللا نبي عبدو اطلقني ....عببببببدو💔😭
هبه وعلاء جوها يجروا
هبه اول ماشافت الدكتور والممرضه كيف ايدفوا ف هاجر عيطت عليهم وقعدت ادف فيهم من عليهم ٌ: حوووول يدك من عليهاا......بالشويه البنت حاااااامممل😡
علاء اول ماسمع كلام هبه ولعت فيه نار ورفع سلاحه وحطه ف راس الدكتور وقال بعياط : اطلقهااااا واطلللع بببببببره😠
الدكتور طلع يجري والممرضه وراه
هاجر عدت تجري لعبدو وارتمت ف حضنه وتبكي بالعبره: عبدووو💔......عببببببدو لااااا ياحبيبي نوض ياعبدووووو😭ماتسيبنيش
علاء معش قدر يشوف منظرهم الي يقطع القلب وطلع💔
هبه وهي تبكي وحاطه يدها ع فمها قربت من هاجر بخطوات مهزووه : هاجر حبيبتي ......هيا خلينه نطلعوا
هاجر مسكت ف عبدو : لالاااااا .....انا نبي عبببدو وو نبي نقعد امعاه......انا نبيه 😭
هبه طلعت وهي تبكي
هاجر رفعت راسها وحطت يديها ع وجهه عبدو وتبكي بالعبره : عبدوو حبيبي ه ..هياا نو..وض .....هضا عليش انت ياحبيبي اتقولي مانبيش نمشي😭......كنت حاسس هضا عليش قلت ماعنديش نيه ي روحي .......انت ق...قتلي مانبيش انسيبك 💔...انت مش حتسيبني صاح ....ياريتني ماخليتك..تمشي ...ياريتني خليتك راقد ف جنبي😭 .....عبدو انت حتنوض مش حتسيبنه صاح .....ومسكت يد عبدو وحطتها ع بطنها وضحكت وسط دموعها : ع...عب..بدو انا حامل 💔.....عبدو بيجينه البيبي اللي تمنيناه هيا نوض عشانه ...وشهقت بالبكا.....هيا نوض نعدوا للدكتوره ونشوفوه هيا عبدو.......هيا وارتمت ف حضنه وتبكي 😭 بس عبدو ف عالم ثاني🌌
٭٭٭٭٭٭٭٭٭٭٭٭٭٭٭٭٭٭٭
" تماسك ! لقد كُنت في وضعٍ أسوأ مرات عدة ، المسألة مسألة صمود."
#هاجر
٭٭٭٭٭٭٭٭٭٭٭٭٭٭٭٭٭٭٭
علاء مقعمز بره قدام الدار وحاط راسه بين يديه
هبه تبرم ف المامر وتبكي 💔🔥
علاء رفع راسه وبحت فيها : صاح هاجر حامل💔
هبه وقفت وبحتت فيه بأستغراب وهزت راسها
علاء رجع راسه بين يديه ويحكي والعبره خانقته : يعني كان عبدو صارتله حاجه نقعد انا سبب ف تيتيم ولده😢🔥
هبه قعمزت ف جنبه وهي مصدومه : لا ان شاء الله مايصيرله شي ، عليش انت السبب شن دخلك
علاء : ..........
٭٭٭٭٭٭٭٭٭٭٭٭٭٭٭٭٭٭٭
نرجعوا بالوقت قبل ساعتين ...🍃
علاء بعدما اقنع عبدو بالمهمه جمع الجنود اللي طلبهم عبدو ف المكتب وقعد عبدو يشرحلهم ف المهمه بحكم انه المهمه تحت قيادته وكانوا كلهم متحمسين وعبدو مش متريح🔥
نص ساعه وكان الكل واتي وركبوا سياراتهم ومشوا للحوش او الفيلا اللي بيداهموها
خشوا للصور وكان المكان هدوء 🔇
عبدو شير للجنود بمعنه يلفوا ع الصور ويأمنوه
علاء بحماس : هيا نخشوا جوه
عبدو : استنى مش متريح للهدوء هضا ممكن كامين
عبدالله : اكيده ياراقدين ولا مافيش حد من وين بيجيب عقلهم مدامه الساعه 10 الصبح
علاء رفع سلاحه وتقدم شويه : هيا ياعبدو هيا كنك خايف
عبدو تنهد ورفع سلاحه بملل وقدم قدامه : ماتنسش ان انا المسؤل هنا معش تقدم قبلي وشير لعبدالله بعتل الباب وعتل عبدالله الباب ووخر وقدم عبدو وعلاء
وتفاجؤا انه صارت عليهم رمايه وكانت العصابه مسلحه ويراجوا فيهم
واشتبكوا مع بعضهم
دقايق 🕒وعبدو نفذت ذخيرته خش ورا خزان كبير وقعد يركب ف مخزن جديد لسلاحه
علاء صبه ف جنبه وياخذ ف نفس
عبدو يركب ف الذخيره :  تريحت يا %$&# حطيتنه ف مصيبه اكبر من راسك
علاء بوجه بريء : وين نندري نا😊
عبدو متعصب ويعيط : وربي غير نطلع من هنا بس انوريك انت وامر البطيخ امتاعك اللي حطنه ف قعر جهنم 🔥
علاء ياخذ ف نفس ويتباوع من ورا الخزن : ووووه عيال &%$@ واجدين
عبدو كره : غطي عليه من الجهه هذي خلي نوصل غادي
علاء :تمام وقعد يرمي عليهم
وعبدو ماشي جري للجهه الاخره ويرمي وفجأه🔥😵
حس بحاجه ساخنه خشت صدره واختل توازنه طاح منه سلاحه بس هو قاعد مصبي ع كرعيه حط يده ع مكان الرصاصه وطبس بسرعه بياخذ السلاح بس جاته رصاصه اخره ف كتفه وطاح وغرق ف دمه 💔😭
علاء جاه يجري وقعمز جنبه ورفع راس عبدو حطه ع كرعيه و حط يده ع كتفه ويضغط عليه ويحكي بعياط وعيونه دموع: عبدو خليك امعايه ....عبدو ماتغمضش عيونك 💔بحت فيه هنا خليك مصحصح
عبدو حاط يده ع صدره وضاغط ع الجراح وكان شبه فاقد للوعي ابتسم لما جت صورت هاجر قدامه وهي حاضنته وتقوله : عدي بسرعه وتعال بسرعه تلقاني ف الحوش نراجي فيك💔 عبدو غمض عيونه وارتخا وهو مبتسم ومشا ف عالم ثاني🌌
شويه وانتهت المعركه وماتوا افراد العصابه وف منهم من هرب وجت الاسعاف وطاروا بعبدو للمستشفي
٭٭٭٭٭٭٭٭٭٭٭٭٭٭٭٭٭٭٭
ف الوقت الحالي 💔
هاجر ف حضن عبدو وتبكي بقهره وتسمع ف علاء وهو يحكي لهبه علي اللي صار
هبه قعدت تواسي ف علاء وتقوله انه هوا مالشي علاقه وقضاء وقدر ووو
شويه وخشت هبه لهاجر اللي حالتها اتقطع القلب 😢
هبه تمسح ف دموعها : هاجر ماتبيش اتقولي لهلك
هاجر تبكي وتحكي بصوت مقطع : خايفه .....نن نفجعهم عليه ومرات مايقدروش يجو اليوم 😭
هبه تمسح ف دموعها : اتصلي بعمك محمود واحكيله
هاجر هزت راسه وهي تفكر وفجأه اذكرت سراج لانه صاحب عبدو واكثر واحد يعرف يصرف وقريب من هاجر
هاجر تحاول تمسك دموعها: سراج تو انرن ع سراج
هبه سندتها : باهي هيا اطلعي كلميه برا وطلعت هاجر وهبه💔
علي خشت الأمر امتاع المقر اللي يشتغل فيه عبدو جاي هوا وكم واحد ع اساس شاغله عبدو جاي بيسأل ع حاله ، علاء اول ماشافه صبا وعطاه التحيه اما هاجر وهبه امصبيات ومش فاهمات شي 😔
الأمر يحكي بكل تعجرف وغرور: غرفة الملازم عبدالرحٰمن وين ياجندي (يقصد ع عبدو 😁)
علاء شيرله ع الغرفه
الأمر هز راسه : اممم شن حالته الصحيه توا
علاء: الدكتور قال انها متدهوره لانهن طلقتين وحده منهن جهة القلب و فقد دم واجد😞
الأمر بنضرة غرور : مافيش اي حد من اهله
علاء والحزن معبي وجهه : هله مسافرين قاعده مراته بس وشيير ع هاجر
الامر برم ع هاجر ومد يده ببرود: الف سلامه عليه
هاجر عيونها دموع وتبحت فيه بـِ غل لانها حساته هوا المسؤل ع اللي صار كله ، مابتش تمد يدها وتسلم عليه واكتفت بـٍ الله يسلمك وبحتت فيه من فوق للوطه🔥
الكل انصدموا من حركة هاجر والجنود اللي ورا الأمر يضحكوا بدرقه 😂
الأمر وجهه قعد ازرق من الحشمه😂 وسحب يده بشويه وحطها ف الجاكه طلع ظرف الواضح انه كان فلوس ومده لهاجر وقال: هضا مبلغ بسيط عشان تكاليف العلاج امتاع الملازم وهكي
هاجر رقا الدم لراسها من الحركه امتاعه وكيف مدلها الفلوس وكأنه يجمل عليهم ،دفت هاجر يد الأمر المدوده قدامها وفيها الظرف بهدوء وقالت : خليهن عندك توا داير روحك خايف عليه بعد ماخليته يخش لمهمه مش مستعدلها لا هو ولا اللي امعاه😡
الأمر يفنص ف هاجر وهو مصدوم وبعدها بحت ف علاء (بمعني اصرف)
علاء كر هاجر من يدها بشويه ويوشوش : هاجر خلاص......هضا اللواء و الامر امتاع المقر
هاجر تبكي وتدوي بصوت مسموع: لواء يلوي رقبته و أمر ع روحه شن دخلني فيه انا 🔥😡💔
الأمر بحت فيها وطلع وهو يتمتم : فرخه شبر ونص تهزا عليه انا 😠
هاجر بعدما هدت شويه كلمت سراج حكتله ع اللي صار ودموعها خط ع خدها قاللها انه حيحاول يروح بيهم من دون مايعلموا عشان ماينفجعوش ،خشت هاجر لدار العنايه اللي فيها عبدو وتبكي رقدت ف جنبه ع السرير ولفت يديه عليها وكأن عبدو حاضنها وقعدت تبكـــــي لعند رقدت او بالاحرى لعند فقدت الوعي 😭
٭٭٭٭٭٭٭٭٭٭٭٭٭٭٭٭٭٭٭
الساعه 8:30 المغرب🌠
هبه خشت ع هاجر ف الدار لقتها راقده ف جنب عبدو وعلي نفس الوضعيه قربت منها بهدوء
هبه :هاجر ....هاجر
هاجر :
هبه توتررت : هاجر تسمعي فيه ....نوضي ياهاجر

* التفاعل يحدد موعد التنزيل 😫
*ماتنسوش يفصلنه ع نهاية الروايه يمكن خمس حلقات فامتبخلوش بالايك او التعليق

انحبكم💋