Window 💞🏡(مـكتمـلة)

الحلقه -27💞

رواية : Window 💞🏡

للكاتبه :sαℓeмα🔏

٭٭٭٭٭٭٭٭٭٭٭٭٭٭٭٭٭٭٭
احمد طلع وهوا يتمايع ويضحك
شويه وعبدو نزل  ورن ع هاجر عشان تطلعله
هاجر كانت تسقم ف شعرها شافت نقالها يرن "عبدو" طلعتله وردت الباب وراها
هاجر ابتسمت لما شافاته نازل
هاجر : اهلا☺
عبدو مسك يديها : اهلين ،كل سنه وانتي طيبه ياروحي
هاجر : وانت طيب ياحبيبي
...........
الساعه 10:54الصبح🌸
هاجر مقعمزه ف الصور مع احمد وعبدو ولجين وسراج ومنى وخيريه ومحمود وسااره بعدما كملوا حوست الذبح والتقطيع
احمد ينش ع الكانون
هاجر مقعمزه ف جنبه وتكح من الدخان : تي بطل يااحمممد
خيريه فنصت فيه: احمد ريح روحك
احمد يدف ف هاجر : عدي غادي عدي راك تموتي 😂
هاجر تضحك
خيريه تفص : تي تبطل ولا انصبيلك
احمد ضحك وبحت ف هاجر : جدتي شويه اخره وطلع ليزر من عيونها من كثر التفنيص 😂
هاجر ضحكت لعند شرقت وقعدت تكح
احمد خبطها ع ظهرها
لجين خبطت ع وجهها: بشويه ع البنت يااحمد😨
عبدو مقعمز ع الكرسي وحاط كرعيه ع الطاوله وقاعد ع نقاله ويبحت فيهم بدرقه
فاطمه طلعت من الكوجينه : بنات وحده منكن اتجي اتساعدي ف الدواره
عبدو يحكي وزارته الضحكه : هاجر من بدري تبي اتساعد ☺
هاجر انصدمت : ااااه😨
كلهم ضحكو
محمود : هيا ياهاجر 😂😂
هاجر بلعت ريقها : وين ياعيون هاجر😰
منى مقعمزه جنب هاجر وسايحه من الضحك
هاجر دفتها : شن الي يضحك فيك انتي
منى تضحك : عدي عدي للكوجينه😂😂
هاجر صبت وهي لاويه وجهه وتبحت ف عبدو 
خشت للكوجينه : وووووووه هضا شنو😓
نجاة تخرط ف المصارين : تعالي تعلمي
هاجر حاطه يدها ع وجهها : ماعندي ماندير بيه
خشت لجين للكوحينه : خلاص عدي ياهاجر توا اندير انا مع ماما
هاجر مكشره وجهها : لا تو اندير امعاها عادي
لجين ضحكت : تي خلاص والله مانك لامستيها عدي
هاجر طلعت من الكوجينه دارت برمه ف الصاله وردت طلعت للصور
احمد حط يديه ف جيوبه :كيف صار
هاجر ضحكت  : كملت 😁
خيريه عقدة حواجبها  : شن كملتي
احمد : الدواره ؟
خيريه شهقت : هيا غير تعلم تقلي الدحي وبعدها الدواره ساهل
الكل قعدوا يضحكوا
هاجر خذت نقالها وقعمزت وهي متعقده ولاويه وجهه : اييييوه مافيش الا هاجر اليوم تضحكوا عليها واديروها مهزله
احمد يضحك : اوووووه بدينه ف جو الزعل
هاجر تبحت فيه وساكته
احمد : بس واللهي انقولوا ف الحق 😂
سراج يضحك : خلاص يااحمد ماتشوفش في وجهها كيف قعد احمر من الحمق فوتها راهي تطربق علينه 😂😂
عبدو يسمع فيهم وساكت مش قادر يحكي ويدافع عليها خايفهم يتهزوا عليه حتي هوا😂
هاجر صبت وخشت للحوش وهي تحكي مع روحها
انطرحت ف الدار علي نقالها لعند خذاها النوم
الساعه 2:45م🌸
هاجر ناضت وتغدوا كلهم شويه وجت عمتهم فوزيه وكانوا كلهم ف الصور مع بعضهم ويهدرزوا
و في العشيه 🍭
طلعن الصبايه يعيدن ع الجيران واسامه ومحمد طلعوا من بعضهم
قعد ف الحوش سراج ولجين وعبدو واحمد وهاجر ومنى وانتصار ومنذر وملاك
الشباب مقعمزين ع الكراسي ف الصور وف جنبهم لجين ويهدرزوا وهاجر وباقي البنات يغسلن ف الفرش امتاع حوش جدتهن
هاجر تصب ف الميه : حتي ف عيد ربي مانه متريحين توا من امته نغسلوا ف الفرش ف العيد بس
انتصار قعمزت  : اخخخخ كرعيه خلاص
منى حطت يديها ف نصها: شن درتي انتي بيش تقولي كرعيه
انتصار طلعت نقالها : عدي ملحي معش غاسله انا
ملاك تكد ف الفرشه : كنها لجين ماتصبي امعانه
لجين بتوشويش عشان مايسمعوهش الشباب : انا حامل تبيني انكد امعاك الفرشه مصح وجهك
هاجر وشوشت : حتي انا حامل 😂
منى ضحكت وتوشوش : من امتا😃
هاجر ضحكت بستهزاء وحطت يدها ع قلبها : امس ❤
وانفجرن البنات ضحك
والشباب مركزين يبوا يعرفوا الموضوع😂
انتصار ماسكه نقالها وهايمه فيه ضربتها هاجر بعصات المكنسه علي يدها
انتصار عيطت : احححح
هاجر تأشر بالمكنسه : صبي ديري امعانه
انتصار صبت : والله انوريك عليها الضربه كان مارديتها مايقعد اسمي انتصار
احمد ضحك : شن يقعد بعدها😂
منى ترفع ف سروالها : يقعد رجعه 😂
احمد ضحك وطقوا ايديهم ع بعض
منى عقدت حواجبها : صبي صبي وانت ماصدقت
احمد : شنو ؟!😳
منى : انشر الفرشه ولا ننشرها انا
احمد قعد يبحت ف عبدو وسراج ومنذر : هيا صبوا
عبدو يتألم من كراعه : صبوا انتم انا كراعي تسطر اقسم بالله صبيت واجد
صبا سراج واحمد ينشروا ف الفرشه
وهما لاهيين مشت انتصار عبت سطل اميه وجت وراء هاجر وصباته عليها
هاجر كانت مصبيه ف جنب الكرسي اللي مقعمز عليه عبدو وفجأه نزلت عليها الميه بلتها كلها من راسه لعند كرعيها
هاجر تعيط وتنقز : لالا ...نقالي نقاالي ف جيبي  واطلع ف نقالها
عبدو صبا بسرعه خذا منها النقال اللي كان يقطر وقعد يمسح فيه ف تيشرته
هاجر تبكي وتنوح ع النقال 😂
منى صبت ف جنب عبدو : تره ولعه ولعه
عبدو زر ع البطمه وولع النقال
هاجر سكتت وقعدت تمسح ف دموعها
منى : خلاص عدي بدلي تو انشوفه لكي انا النقال
هاجر هزت راسها وخشت لحوش جدتها وخشت للحمام وخلت الباب محلول وسلحت التيشرت تعصر فيه ف الحوض وقاعده بكت ابيض لاصق ع الجسم وراسمها رسم
هاجر وهي تعصر ف تيشرتها وتتمتم بروحها سمعت صوت انفاس وراها❤ رفعت عيونها بتدريج ف المرايه شافت عبدو وراها تخذرت وقعدت يابسه ف مكانها
عبدو ابتسم ع جنب : احييييييييه ....جبتلك نقالك وحط النقال ع الغساله وهو يبحت فيها 😍
هاجر خذت نقالها وتراجي ف عبدو يطلع بيش تطلع وراه لاكن هوا جامد ف مكانه
هاجر بتوتر: ننن نب نبي وخذت نفس نطلع
عبدو ابتسم بخبث وبعد شوييييه من ع الباب وقاللها : اطلعي
هاجر تبحت ف الباب وتفكر لو تبي تطلع لازم تلصق ف عبدو لانه المسافه اللي فتحها لها كانت صغيره وفي نفس الوقت تحس ف روحها لو قعدت امعاه اكثر من هكي حيغمي عليها من الحشمه
قدمت بخطوات سريعه تبي تهرب من عبدو بس مسكها قعدت جامده ف مكانه وراها الباب وعبدو قدامها ويديه ع خصرها
هاجر صوتها هرب وتجمدت وتخذرت قعدن عيونها ف عيون عبدو وبس 💕
عبدو وهو لاف يديه ع خصرها نزل راسه شويه وكأنه بيبوسها
هاجر غمضت عيونها بقوة وكانت حطيح من طولها لولا عبدو ماسكها
عبدو ضحك ووخر : باهي خلاص عدي لاكن العرس قريب وماعندك وين هاربه وغمزلها😉
هاجر سخنت مع بعضها وركبت تجري لحوشهم 😂💞
................
بعد مرور فتره من الزمن💕
هاجر قاعده ف الكوفيره مع لجين وهبه وفرح صحباتها
هبه تسقم لهاجر ف الطرحه : هكي تمام
هاجر ضحكت : نحس ف قلبي بيطلع من مكانه من الفرحه 💞
فرح ضحكت : ياعمري انا طالعه تهبلي
لجين كانت تهز بولدها اللي مازال ماسكرش شهر وهوا شادها عياط👶🏼
لجين متعصبه : تي هضا شنو 😩😪
هاجر والبنات يضحكن عليها
شويه وجا احمد عشان ايشيلهن للصاله
ركبت لجين من قدام وهاجر وصحباتها من لاوره بعد تمزيط ومعانها مع الفيلو
احمد يضحك : شن الجو ياهاجر😊
هاجر ابتسمت : تمام التمام
احمد : توا بعد اتعدي انتي وعبدو لحوشكم انا نقعد ف دار العجزه بروحي😂
لجين ضحكت : خزيييه
احمد يسوق: تي واللهي ايجيني التوحد بعد نقعد مع امي وباتي وجدتي وعمتي نجاة وعمي محمد وعمتي مريم😂
هاجر : تو انديرولك زيارات متخافش 😂
علي ولد لجين قعد يبكي
احمد انفجع : تي سكتي الخرا
لجين تهز ف ولدها : ووووه عليه منك😳
بعد نص ساعه وصلوا وخشوا للقاعه استقبلت هاجر امها وعمتها فاطمه سلمن عليها وطبعاً لايخلوا الامر من الدموع 😢
دارت هاجر لمساتها الاخيره وتأكدت ان كل شي تمام وخشت للقاعه بخطوات ثابته💘 ع اغنيه هاديه و كل اللي يشوفها ينبهر بيها وبجمالها ومايقدرش ينزل عيونه من عليها 😍🌸

*شن رايكم انكملوا الباقي الحلقه الجايه والله تعبت 😳
*لايك ع شان خاطري 😚
انحبكم 💋