Window 💞🏡(مـكتمـلة)

الحلقه الثانيه عشر💔

رواية Window 💞🏡

للكاتبه :sαℓeмα🔏

٭٭٭٭٭٭٭٭٭٭٭٭٭٭٭٭٭٭٭٭
هاجر :تي بطل 😥
عبدو يذغذغ فيها ويضحك
هاجر قعمزت وهيا متعقده و تحك ف عيونها ونعسانه : حول من احدايه هي
عبدو : لالا خلاص هيا ارقدي
هاجر : احلف قول معش تنابشني
عبدو يضحك : وراس هجوري حبيبتي معش انابشك خلاص هي😂
هاجر ردت رقدت ع صدره : ماعنديش فيك ثقه علي فكره
عبدو ضحك وطلع نقاله قعد عليه لعند هاجر رقدت
شويه وقعد ينسحب بالشويه لعند حول من احداها وطلع
لقا لجين امقعمزه برا ع نقالها
عبدو يوشوش: خشي ياانسه
لجين صبت : هاجر رقدت
عبدو : اااها وطي صوتك
٭٭٭٭٭٭٭٭٭٭٭٭٭٭٭٭٭٭٭٭
ثاني يوم☀🌿
الساعه 9:45ص
هاجر ناضت لقت لجين راقده تحت كرعيها وعبدو راقد ع الكرسي
هاجر توشوش : لجين ....لجين
لجين ناضت: نعم
هاجر : نبي انعدي للحمام
لجين صبت : تو انوض عبدو
هاجر : لالا خليه راقد انعدي انا وياك
لجين : هيا
طلعت هاجر دبشها ومشت للحمام هي ولجين
لجين عضت علي شفايفها : حي علينه من عبدو
هاجر : تو ندويله انا
لبست هاجر سروال جينز و سوريه بيضه ووشاح وردي
وردت هيا ولجين للدار
لقن عبدو واعي ويراجي فيهن
عبدو عاقد حواجبه : وين
هاجر : صباح الخير
عبدو : صباح  النور
هاجر : كنه ف الحمام
عبدو رافع حاجبه : وكنك مانوضتيني
هاجر : كنت مستعجله
عبدو : معش تعاوديها صبح وماعنديش نيه انهزب كان هضا وريتك انتي وياها
هاجر قعمزت ع السرير بخوف وتحاول تغير الموضوع : ووووووه حمو
لجين انصدمت: حمو😨
هاجر هزت راسها بمعني اهااا
لجين جت لمستها : انتي عندك حراره يامااما مش حمو
عبدو : الدكتور قريب ايجي تو ايشوفك
عبدو طلع قعمز بره يدخن 🚬وايراجي ف عمه محمد
وهاجر ولجين قعدات ع نقالاتهن
شويه ولجين بحتت ف هاجر تبي تدويلها انصدمت : كنه خشمك
هاجر : كنه وحطت يدها حست حاجه تنزل من خشمها لقاته دم
لجين خافت ووخرت
هاجر رفعت راسها : مديلي منديل
لجين مدتلها المنديل وهي ترعش : انكلم عبدو
هاجر : لالا خلاص و مسحت خشمها
شويه وخش الدكتور وشخص حالة هاجر طبعاً بعد ماشاف التحاليل وشاف هاجر
الدكتور وهوا طالع بحت ف عبدو: تفضل امعايه بره نحكي امعاك
عبدو طلع وراه وهو مستغرب
عبدو :نعم
الدكتور : انت خوها
عبدو : لالا عليش
الدكتور : نبي باتها ولاخوها
عبدو : باتها قريب ايجي عليش طمني
الدكتور نزل عيونه لوطه ويحكي بتوتر : اااء المريضه عندها سرطان الدم (اللوكيميا) ونبي حد من هلها عشان يقوللها
عبدو انصدم وجسمه صقع اول ماسمع كلام الدكتور قعد امصبي شويه وساكت
الدكتور كيف بيحكي عبدو مسكه من سوريته : شن تخرط انت 😡
الدكتور بخوف : وسع بالك يااستاذ التحالليل طلعن هكي انا شن دخلني
عبدو طلقه وغمض عيونه ويحاول يهدئ: عاود التحليل وماتخلهش تحس بشي
الدكتور : حاضر ومشا يحكي مع الممرضه عشان تعاود تاخذ عينة دم من هاجر
عبدو قعمز وحط راسه بين ايديه وسارح 💔😢 وخانقته العبره وقعد يفكر وكان عارف انه كلام الدكتور ممكن 70%يطلع صح لانه هاجر الفتره الاخيره طلعن عليها الاعراض ..فقد الشهيه ..ووجه شاحب ...وضيق تنفس ..وحراره...والاهم ولما قعد يذكر كانت ف يد هاجر بقع دم متجلط
قعد يهز ف راسه ويحاول ايبعد الافكار هذينه عنه ومش مستوعب فكرت انه هاجر حبيبته واغلي شي عنده ف الدنيا ممكن تريح منه بسبب مرض 💔
لجين طلعت من الدار: عبدو
عبدو مطمبس راسه قعد يمسح ف دموعه اللي ع وشك النزول :نعم
لجين : هاجر ادور فيك
عبدو : باهي خشي تو نلحقك
لجين خشت وعبدو مسح ع وجهه وخذا نفس وخش
هاجر : كنك طولت
عبدو ابتسم : شي
هاجر : شن قالك الدكتور
عبدو تخزرط : يسأل فيه ع باتك شكله يعرفه
هاجر سكتت وقعدت تبحت فيه وحاسه انه ف حاجه غلط : باهي عليش الممرضه خذت عينة دم مش امس دارولي تحاليل
عبدو : لااالا ف تحليل ناقص
هاجر سكتت وتبحت ف عبدو
عبدو سرح شويه ويفكر بعدها بحت ف يد هاجر وقال : هجوري من شنو الخبطه اللي ف يدك هذي وحط صبعه بحنان ع الكدمه اللي ف يد هاجر
هاجر : مش عارفه من شنو كمين مره انشوف فيهن يطلعن ويختفين بروحن
عبدو رفع حواجبه بصدمه ووخر اتكا ع الكرسي بعدما تأكد من كلام الدكتور كان عارف انها مش خبطه بس حاول يسألها بطريقه غير مباشره
قعد ساكت وهاجر تبحت فيه ومستغرب من تصرفاته
ولجين تبحت وخلاص مش فاهم شي
٭٭٭٭٭٭٭٭٭٭٭٭٭٭٭٭٭٭٭٭
آنتي ذخيرتي آلآخيرهہ ،آرجوگي لآتنفذي 💜
#عبدو
٭٭٭٭٭٭٭٭٭٭٭٭٭٭٭٭٭٭٭٭
دق الباب وخشت مريم و محمد واسامه ومحمود
هاجر فرحت لما شافت امها :مامي
مريم جت حضنتها
محمود بحت ف عبدو : شن الامور
عبدو كره بشويه من دون ماحد يفطن وطلعه برا الدار
محمود حس انه ف حاجه مش تمام من تعابير وجه عبدو :كنك
عبدو وخر شعره بيده بالقوه :........... وقاله الكلام اللي قاله الدكتور كله
محمود انصدم : اكيده تبصر
عبدو يبرم ف المامر : ياريت😢
محمود : وهاجر عندها علم
عبدو خانقته العبره : ماحد عنده علم ولد ال**** قالها ليه وعدا ككيف بنقولها انا توا .......شن بندير
محمود حط يده ع كتفه : خلاص تو نحكي امعاه انا محمد وانت كلم الدكتور
بعد نص ساعه
محمد ومحمود وعبدو واسامه والدكتور قاعدين ف المامر يحكوا عن حالة هاجر و كل واحد قلبه من جوه ايتقطع عليها💔
محمد بتوتر : باهي نقدر اليوم انروح بيها
الدكتور : ممكن بس لازم من الاسبوع الجاي تبدا ف جلاسات الكيماوي هو المرض مازال ف بداية فلازم نبدوا علاج بدري
محمد مسح ع وجهه : خلاص معناته تو بعد انروحوا للحوش نحكيلها 
اسامه تنهد: لاحول ولاقوة الا بالله
الساعه 3:00 ف القايله
طلعت هاجر من المستشفى وروحوا كلهم للحوش شويه شويه بدا ينتقل موضوع مرض هاجر بس هيا كانت ماتعلمش
..............