رواية : Window 💞🏡
للكاتبه :sαℓeмα🔏
٭٭٭٭٭٭٭٭٭٭٭٭٭٭٭٭٭٭٭
بعد نص ساعه وصلوا وخشوا للقاعه استقبلت هاجر امها وعمتها فاطمه سلمن عليها وطبعاً لايخلوا الامر من الدموع 😢
دارت هاجر لمساتها الاخيره وتأكدت ان كل شي تمام وخشت للقاعه بخطوات ثابته💘 ع اغنيه هاديه و كل اللي يشوفها ينبهر بيها وبجمالها ومايقدرش ينزل عيونه من عليها 😍
وصلت للمسرح (الكوشه) ساعدتها لجين وقعمزت بعد ممكن ساعه الاربع وصلت لهاجر رساله ع فونها من "عبدو❤"
"رغمـ گل آلمـعآرگ وآلحروب آللي خشـيتهہن بسـ هہذي آصـعب معرگه😕❤"
ورساله ثانيه :
"معش عندي صبر امتا انجي ناخذك"
هاجر رد عليه برساله :
"بتخش"
عبدو : "لالا "
هاجر كتبت وهي متنرفزه: "بتخش هضا امر مش سؤال والله ماني طالعه بروحي"
بعد فتره دزلها عبدو وهو يضحك :" حاضر😂"
شويه وصبت هاجر ونزلولها الطرحه خش عبدو وبسرعه ماوصل للمسرح 😂
قرب منها ورفع الطرحه وباس راسها ويديها وقاللها : اخخخخ ربي يصبرني وخلاص
هاجر ترعش مع بعضها ومعش عرفت ترد
قعمزوا شويه
عبدو بحت ف هاجر وهو ماسك يدها:رسالة التهديد اللي دزيتيها ليه قروها اصحابي ع فكره 😆😪
هاجر ضحكت
عبدو ضحك : تضحكي فرحانه اه😂 تو انوريك الضحك شن شكله اصبري شويه بس
هاجر ابتسمت وقالت ببراءه : كيف ...؟☺
عبدو بحت قدامه : تو بعدين لما نحصلك بروحك انقولك كيف 😉💜
هاجر فهمت قزده حولت عيونها من عليه ووجها انحمر😳
قعدوا شويه وصبوا صوروا وطلعوا لبست هاجر برنوصها وهي ترقي فيه وعبدو ينزل وكل واحد يكر من جهه 😂لعند طلعوا ونقلبت الدنيا برصاص من اصحاب عبدو اللي جايبين اسلاح يسد كتيبه كامله 🔫💣
هاجر ماسكه ف يد عبدو وقريب تبكي من الخوف وصوت الرصاص العالي
٭٭٭٭٭٭٭٭٭٭٭٭٭٭٭٭٭٭٭
الساعه 12:03 الليل🌸
خشت هاجر وعبدو لحوشهم🏡💘
هاجر تبحت ف الحوش وساكته
عبدو بحت فيها وابتسم بحنيه : شنو ؟
هاجر ابتسمت وهي متوتره وهزت راسها بمعني عجبها وهي تبحت ف الحوش
عبدو قرب منها ومسك يدها
هاجر كانت متوتره وخايفه ع الاخر وفمها ويديها يرعشن 😊
عبدو ضحك بعد شافها ترعش وقال : شنو حبيبي خايفه مني....😍😂
هاجر خبطاته ع كتفه بشويه وقالت وهي قريب تبكي : يا بارد😣
عبدو حط يده ع كتفه مكان الضربه وضحك : ايوه هكي عرفتك هاجر 😂
هاجر ابتسمت وبحتت ف الصاله تتجاهل ف نظرات عبدو ليها شافت الصلايه
هاجر تحرك ف باقة الورد اللي بين يديها: هيا نصلوا
عبدو ابتسم : عمري ماشفتك مستعجله ع الصلاه للدرجه هذي شن خطرها اليوم😂
هاجر سكتت و زرتها الضحكه
عبدو مسكها من يدها : هي ياستي انصلو
صبا عبدو بعدما حول جاكيته وهاجر وراه وصلو💞
بعد ماكملو الصلاه هاجر انسحبت بسرعه وخشت للدار
عبدو ضحك : سيبتك بجوي راه ماطوليش😁
هاجر تصكر ف باب الدار : باه باه خمس دقايق بس وسكرت الباب
سلحت الفيلو ولبست روب ابيض شفاف ومن فوق دانتيل وطلقت شعرها وخففت مكياجها
عبدو غير دبشه ف الدار الاخره ولبس شورت بس
مشا لدار النوم قعد ايدق عليها : هاجر ....جوجي ..حبيبي💚
هاجر تبحت ف المرايه وتحكي مع روحه بصوت واطي : خلاص كله تماام....... لعند امتا بنقعد امسكره الدار.. خليه ايخش يا هاجر
هاجر خذت نفس عميق وهي ف قمت توترها وقالت: خش 😳
عبدو فتح الباب واتكا عليه وقعد ايبحت فيها وهو مبتسم ومربع يديه
هاجر تبحت فيه وشابكه يديها ف بعض وساكته وقلبها يدق بسرعه
قعدو دقايق ع نفس الحاله يبحتو ف بعضهم وساكتين وعبدو يلعب بأعصاب هاجر ويبحت فيها بنظرات تقتل 😍
هاجر قعدت تكر ف الروب وتنزل فيه ع امل انه يطول شويييه 😂وعيونها قعدن مليانات دموع من الحشمه والتوتر
عبدو ضحك وقدم جهتها وحط يده ع خدها : واخيراً حبيبي
هاجر تعلقت ف رقبته وحضناته بالقوه
عبدو لف يديه ع خصرها وحضنها بقوه اكبر
وكانت هاجر حاضنته بالقوه وعبدو اقوى وكأنهم ايتنافسوا بضمهم لبعض من يحب الثاني اكثر💕
عبدو بعدها من عليه بهدوء وقعد ايشوف لعيونها
هاجر دقات قلبها زادت : عيونك💚
عبدو رفع حاجبه :كنهن ؟
هاجر تلكلك من التوتر ومش عارفه ترتب كلامها : معش تبحت بيهن
عبدو ضحك : تبيني نبحت بخشمي اماله😂😂
هاجر ابتسمت وبحتت ف الوطا : مش قزدي هكي مـ....
عبدو قاطعها : باهي تعالي تعالي بس ومسك يدها وجبدها جهة السرير
هاجر وقفت وتحاول تفك يدها من عبدو : وو....وين😳
عبدو ضحك : تي كنك خايفه انتي تعالي بس نحكو 😋
عبدو قعمز ع السرير وقعمز هاجر ع كراعه
هاجر ضحكت
عبدو ابتسم وهو يحرك في يده ع كتف هاجر : كنك تضحكي💜
هاجر مبتسمه: اذكرت اول مره لما قعمزت ع كراعك ف الصور😍
عبدو مسك يدها وباسها وحطها ع لحيته : وعارفه انا شن اذكرت
هاجر مبتسمه تحرك ف يدها ع خده : شنو 💞
عبدو ابتسم بخفه وقال بصوت هادئ : اول يوم بتنه فيه مع بعضنه واول مره مسكت فيها يدك
هاجر ضحكت وعضت شاربها التحتي ❤(بدون قصد)😂
عبدو ابتسم بخبث : احيييييييي مش قتلك انا معش اديريها هذي😻 وقرب منها وقعد وجهه لاصق ف وجهها
هاجر بتوتر : مش قزدي م.....
قاطعها عبدو ببوسه طويييييييله💘
هاجر تخذرت وغمضت عيونها
عبدو رفعها وحطها ع السرير.....💞
...................
ثاني يوم ..⛅
هاجر ناضت تتكسل بحتت لقت عبدو مش قاعد جنبها قعدت تبحت ف الصقف ثواني وهي مبتسمه وتذكر شن صار امعاها امس 💓
بعدها قعمزت وقعدت ادور ف عبدو بعيونها شافاته مقعمز ف الصاله خشت لحمام الدار
دوشت ولبست بيجامه ورديه ومشطت شعرها ولفاته كعكه وطلعت بسيف وكأن فيه حد يدف فيها من لاوره
هاجر طلعت وهي شابكه يديها ف بعضهن :صباح الخير 💓
عبدو صبا وباسها ع خدها : صبااااح العسلل😚
هاجر بحتت لقاته موتي الفطور بحتت ف عبدو وعلامات الصدمه ع وجهها : انت الي درته هضا😃
عبدو ضحك وهز راسه
هاجر ابتسمت : ياما يطلع منك ☺
عبدو حضنها من لاوره وحط راسه ع كتفها : مازال ف مفاجأت واااجد بكل لليوم
هاجر برمت بسرعه : شنو باهي قولي 😍
عبدو ابتسم وغمزلها: كل شي ف وقته حلو 😉
هاجر سكتت وقعمزوا يفطروا
وكل مايتلاقن عيون عبدو وهاجر ،هاجر تنزل عيونها بسرعه وهي منحرجه ووجهها احمر
عبدو يضحك ويقلد ف هاجر وكيف كانت تبكي امس
هاجر وجهها احمر من الحشمه والغضب : تضحك تحسابها حاجه سمحه .....وجعتني جديات امس😞
عبدو مسك يدها وجبدها لحضنه وقعمزها ع كرعيه ويبوس فيها ع رقبتها :اسف ياقلبي💙
بعد الفطور هاجر لمت الطاوله وغسلت الماعين ومشت للدار لقت عبدو راقد ع السرير
عبدو حاط يديه ورا راسه : حبي مديلي الاوراق اللي ع الزيانه
هاجر بحتت ف الاوراق ولقتهن تذكرتين طيران
هاجر بحتت ف عبدو وابتسمت بصدمه : لمن هذينه....؟
عبدو ضحك وقعمز : لنا لمن يعني 😚
هاجر عيونها قلوب : وين....؟
عبدو ابتسم : لبرلين💙
هاجر صبت فوق السرير وقعدت تنط وتعيط من الفرحه
(طبعاً عبدو كان سامع هاجر وهي تقول انه خاطرها تسافر لبرلين مره اخره وتعاود التجربه لاكن تكون المره هذي خاليه من الالم❤)
عبدو يبحت فيها ويضحك : تي قعمزي يامكلوبه😂
هاجر مستمره ف التنطيز والعياط
عبدو فنص فيها وهو يضحك : خلاص راه انوضلك
هاجر قفزت علي عبدو واضبطاته : انحبك ...انحبك ...انحبك😍
عبدو يتألم ويضحك: اااااااااااه ياعظامي كسرتيني وووااك😂
هاجر بحتت ف عبدو :امتا بنعدو
عبدو : اليوم ف العشيه الطياره الساعه 5 هيا عدي وتي دبشك
هاجر ادور ف نقالها : باهي بس انكلم ماما نعلمها
عبدو ابتسم : كلهم عارفيني
هاجر ابتسمت : وحق ربي انحبك😋
عبدو ميل راسه ومد خده لهاجر بمعني اتبوسه ع خده
هاجر باساته 😘
عبدو لف ومدلها خده الاخر
هاجر باساته😘
عبدو ضحك وشيرلها ع فمه
هاجر : خلاص عاد متخليكش طماع😏
عبدو عقد حواجبه : يعني لازم ناخذها بروحي 😒
*خلاص وحقربي حلقه طويله😋
*اعتقد ان اللايك مش خصاره ف الحلقه هذي هيا انشطوا بيش انزل فيسع
انحبكم🙊
أنت تقرأ
Window 💞🏡(مـكتمـلة)
عاطفيةرواية# بالهجه الليبيه تحكي عند بنت دلوعه ومشاكسه تقع ف حب ولد عمها #العسكري ويعيشو احلا ايام حب بس حتواجهم شوية مشاكل بسبب مرض (سرطان الدم 😢)فهل تنجح قصة حبهم ام تنهار.🔐
