Window 💞🏡(مـكتمـلة)

الحلقه-24💞

رواية : Window 💞🏡

للكاتبه:sαℓeмα🔏

٭٭٭٭٭٭٭٭٭٭٭٭٭٭٭٭٭٭٭
الساعه 10:03 الليل
هاجر ماسكه نقالها وترن ع عبدو
ميار : تي حولي التلفون من يدك واحكي امعانه قبل ماباتك ايجي
هاجر ترن ع عبدو : باهي شويه
صفيه : تي خلي البنت تطمن ع خطيبها شن دخلك انتي
ميار : احكيلنه ع جو العرس
هاجر طفت فونها وحطاته ف جنبها: صاح بعد خطرها كنكن ماجيتن
ميار : من بيجيبنه بابا عنده عمل
هاجر : وايهاب
صفيه ضحكت : تبي الاجرب هضا يجيبنه
ميار رفعت حواجبها : تحلمي انتي
ابتسام طلعت من دارها : هاجر شن حالها امك كنها ماجتش
هاجر : قالتلي بنبرم ع الحوش من حوست العرس
ابتسام ابتسمت : باهي سلميلي عليها
هاجر : يوصل
وقعدت تهدرز هيا وميار وصفيه
٭٭٭٭٭٭٭٭٭٭٭٭٭٭٭٭٭٭٭
الساعه 11:00 الليل
هاجر روحت هي وباتها
محمد ركب للحوش وهاجر خشت لحوش جدتها
لقت عبدو واحمد ونجاة وخيريه مقعمزين ف الدار
هاجر : السلام عليكم
الكل : وعليكم السلام
نجاة : وين كنتي
هاجر : عند خالتي
خيريه : خشي قعمزي
هاجر قعمزت قريب من عبدو
احمد قعد يحكي هو وخيريه ونجاة اتفرج ع التلفزون
هاجر تبحت قدامها وتوشوس لعبدو : مااشفتش تلفونك
عبدو : طافي مافيشي شحن ، عليش
هاجر : رنيت عليك قريب 17 مره كنت نبي انقولك اني طالعه
عبدو بحت ف احمد : احمد حطلي النقال ف الشحن ومدا له
احمد بنفتره : تي حطه بروحك
عبدو علا صوته : صبي قتلك
احمد صبا وخذاه منه : باهي باهي بلا عياط
هاجر توشوش : باهي انت وين كنت
عبدو : اندير ف اروراق امتاع العمل
هاجر فنصت : عمل شنو ماتقوليش العسكريه
عبدو : اااهاا بنحول من المعسكر ونخش ف البحث الجنائي
هاجر حامقه: مافيش خدمه غير هذي
عبدو رفع حواجبه وهز راسه
هاجر مبتسمه وهي حامقه : امتا بتبدا 😡
عبدو ببرود :مازال بعد رمضان
هاجر وهي تحاول تسيطر ع غضبها: تصبح ع خير وصبت
خيريه : بتركبي ياهاجرر
هاجر : اهاا ياجديده نعدي نساعد مااما ف العشاء تصبحوا ع خير وطلعت ركبت لحوشهم لبست توتتها وخشت مع امها للمطبخ 
هاجر مقعمزه ع الطاوله وسارحه
ومريم تحرك ف الطنجره وتبحت فيها
مريم ضيقت عيونها : كنك
هاجر شيرت بيدها  : شي
مريم : وضعك مايطمنش قولي كنك
هاجر تنهدت : عبدو
مريم فنصت فيها : كنه .......ماتقوليليش متعاركه امعاه😡
هاجر : تي لالا يبي يرد للعسكريه ياماما خايفه عليه وهوا مسكر راسه
مريم : هو ادرا بمصلحته ياهاجر هو يحب شغله
هاجر بخوف : انتي شفتي المره الاوله شن صار فيه وستر ربي.... توا لاقدر الله تصير فيه حاجه ننهبل انا💔
مريم : مش حيصيرله شي وحتي كان صارتله حاجه هذي مكتوبتله ماعنده وين يهرب منها ...انتي معش تنقي عليه وتندميه ان يحكيلك بس
هاجر تنهدت وسكتت
٭٭٭٭٭٭٭٭٭٭٭٭٭٭٭٭٭٭٭
بعد مرور اسبوعين 💓
هاجر كانت اول ماتبدا يومها تساعد امها ف الحوش وتضمه وبعدها تنزل لي عمتها فاطمه تساعدها ف مكان لجين وكانت هي لي تحدد لي احمد وعبدو ف دبشهم وكانت دايره هي وياهم جو مش طبيعي بأعتبار انه هاجر ماعندهش مع من تكسد ف الحوش خاطيهم 💘
الساعه 12:00 ف الليل
كان عندهم اول يوم ف رمضان 🌛
عبدو يحكي مع هاجر من روشن دارها
عبدو يمشي ف يده ع وجهه هاجر : ياربي مش مصدق بننحرم من شوفتك نهار كامل
هاجر تضحك عليه : شهر كامل وانت الصادق😂
عبدو : معش تذكيرني توا قصدي مافيهش كيف يعني عادي نحنه مخطوبين
هاجر حركت صبعها بمعني لا وهي تضحك بشماته: توتؤ عارفتك انت ماتريحش في روحك فاخطاني اليوم كله😂😂
عبدو عقد حواجبه: تي كيف بنخطاك ونحنه بنقعدوا لوطه مع بعضنه
هاجر ضحكت: دبر راسك مش شوري
عبدو : باهي انتي شن بديري توا
هاجر : بنرقد بيش بعدين انوض ونقعد امصحصحه
عبدو : تماام بعد تنوضي ديريلي رنه حبيبي
هاجر : اوكي 😃
ركب عبدو لحوشهم
وهاجر رقدت
٭٭٭٭٭٭٭٭٭٭٭٭٭٭٭٭٭٭٭
ف الحوش لوطه🏡
ساره ومحمود قاعدين مع خيريه ونجاة
خيريه حامقه من محمود : اسكت نفختلي راسي
محمود يضحك وينابش فيها
خيريه : امتا بتروح انت
محمود : مش مرروح نبي نسحر امعاكم وبكره انجي نفطر امعاكم
خيريه تعزق ف الكلام لي ساره : تجي ع المغرب انلزك
محمود ضحك وبحت ف ساره
ساره لاويه وجهه وساكته
٭٭٭٭٭٭٭٭٭٭٭٭٭٭٭٭٭٭٭
ثاني يوم 🌈
الساعه 1:30 الظهر
مريم خشت لهاجر ف الدار : هاجر صبي نوضي ساادك نوم
هاجر تغطي ف وجهها: ياماما باهي رقدت الساعه سبعه انا
مريم : بسم الله مازال بدري ع السهر ،صبي هيا انزلي امعايه
هاجر صبت تلم ف شعرها : باهي باهي
خشت هاجر للحمام دوشت ولبست سروال جينز وماليه بيضه مخربشه بالاسود
نزلت لقت ساره جايه هي ومحمود وعمتها فاطمه قاعده لوطه
هاجر نعسانه : السلام عليكم
الكل : وعليكم السلام
هاجر قعمزت
نجاة : هيا ياهاجر للكوجينه
هاجر : باهي عدن شويه تو انجيكن
طلعت مريم وفاطمه ونجاة وساره للكوجينه وخيريه قاعده ف الصاله
هاجر طاحت رقدت ف الدار💤
الساعه 5:00 م
عبدو ناض خش للحمام دوش وبدل ونزل لوطه
دار برمه عليهم ويشوف كان ف حاجه ناقصتهم وطلع
الساعه 6:30 م
كلهم مقعمزين ف الصاله ويراجوا ف المغرب
اسامه بحت ف هاجر وضحك : هاجر شن درتيلنه اليوم
خيريه بستهزاء  : هاجر اوووو ماخذت الا الحاجه الكبيره
محمود واحمد استغربوا : شن هيا
خيريه ضحكت : صبت الميه ......والله مادارت حاجه خاطيها
الكل قعدوا يضحكوا
هاجر حامقه : انا مش شوري التطيب نغسل الماعين بس 😅
احمد : اساساً انتي كان جيتي شورك الكوجينه تخرب ع بعضها
هاجر شقلبت عيونها : يعني اليوم كلكم مستلميني
خيريه بحتت ف فاطمه : اليوم جايه لجين
فاطمه : واللهي ماني عارفه بلكي اتجي
بعد الفطور 🍲😍
هاجر تغسل ف الماعين هيا وساره
ساره : عبدو خاطبك ع علاقه ياهاجر ولا هكي وخلاص
هاجر ابتسمت : لالا علاقه
ساره : وكم لكم
هاجر : لنه سنه ونص علاقه بس مخطوبين مازالنه ماسكرنه السنه
ساره ضحكت وتنهدت : انا ليه اربع سنين علاقه مع عمك بيش جا خطبني
هاجر شهقت : وووه واجد
ساره ضحكت
هاجر : والله مش عارفه كيف صبرتي
وسكتن شويه
ساره : محمود امس كان يحكيلي انه انتي كنتي مريضه بـِCancer وبعدها صحيتي
هاجر : اهاا ؛ كانت تجربه واعره😁بس الحمدلله
ساره : توا صحيتي بكل صاح
هاجر : اها الحمد لله بس كل شهر اندير ف تحليل عشان انتأكد انه ماعودش المرض وناخذ ف ادويه
ساره تمسح ف الغاز: وقرايتك
هاجر ترد ف الماعين  :مازالت بعد العيد بنبدا ف الجامعه
وكملت ساره شغلها وطلعت تشوف ف محمود اللي ينادي فيها وهاجر ترد ف الماعين خش عليها عبدو قعدت تهدرز هيا وياه وعبدو يساعد فيها ومره مره يعطيها بوسه ولا حضن ❤
٭٭٭٭٭٭٭٭٭٭٭٭٭٭٭٭٭٭٭
الساعه 9:30 الليل
هاجر مقعمزه ع نقالها ف الصاله مع فاطمه ومريم وخيريه ونجاة وساره
دق الباب ✊🏻
فاطمه : اكيده لجين
هاجر صبت فرحانه:تو نفتحلها ومشت تجري
طلعت للصور فتحت الباب خشت لجين وكانت هذي ثاني جيه لها بعد ماجوزت
هاجر حضنتها : ياروحي انا
لجين ضحكت : رايفتي عليه
هاجر تضحك: واجد
لجين ابتسمت: حتي انا واللهي
هاجر طلقت لجين وسلمت ع سراج
سراج : شن الامور
هاجر ضحكت : تمام ،كنك معش تجيبلنه ف لجين🙍😅
سراج : مجوزها عشان انجيبها لكم انا😁
لجين ضحكت : هضا الجواب اللي يسكت فيه
سراج : عبدو قاعد
هاجر هزت راسها بمعني لا
سراج : اوكي وجا يبي يطلع
لجين : ماتبيش اتخش
سراج : تو بعدين
لجين : اوكي
وسكرت هاجر الباب وخشت هيا ولجين
قعدوا يهدرزوا وكانت هاجر فرحانه بلجين
الساعه 2:34م🌸
روح عبدو للحوش قعد امعاهم شويه وجا سراج قعدوا يهدرزوا مع بعضهم وبعدها روح سراج ولجين ومحمود وساره
..............
بعد مرور عدة ايام 🌈
الساعه 4:03 العشيه
نجاة ومريم وفاطمه ف الكوجينه و خيريه ف دارها
هاجر راقده ف الدار
نجاة : مافيش خبزه للفطور راه
مريم: كان هضا تو نرن ع محمد انقوله وهو مروح من العمل ايجيب
فاطمه : لالا نوضت عبدو تو يجيب
عبدو نزل وهو عاقد حواجبه لانه مايتكيفش الا بالقهوه ودخانه وهنه الاثنين محروم منهن وكان مازال خاطره يرقد😁
دار برمه ع الحوش جت عينه ع الدار الي راقده فيها هاجر
خشلها
عبدو يوشوش : هاجر....!!
هاجر راقده
عبدو قعد........

*الله الله ف الايك والتعليق والتاغ مابينقص من عمرك شي كان درتيهن وفرحتيني💜