Window 💞🏡(مـكتمـلة)

الحلقه-34💞

رواية : Window 💞🏡

للكاتبة:sαℓeмα🔏

٭٭٭٭٭٭٭٭٭٭٭٭٭٭٭٭٭٭٭
هاجر هزت راسها بمعني لا : بعدين تو انعدي توا بنشوف عبدو💕
لجين : واللهي حرام اللي اديري فيه كولي كان مش ع شانك علي شان البيبي
هاجر كيف بتدوي قاطعها فتح الباب وطلع علاء
هبه صبت : انا تو انجيبلك حاجه تاكليها ومشت
هاجر خشت هي ولجين لعبدو
علاء نزل لوطه يدخن ...🚭 شاف هبه ماشيه للكافيتيريا لحقها
هبه شرت كم حاجه وبرمت شافت علاء وراها
علاء عزق السبسي وعفس عليه وبحت فيها : اءانا ...انا كنت نبي نشكرك لانك صبيتي امعايه بدونك مش عارف ش عارف شن درت ...وطربق صوابعه بتوتر
هبه ابتسمت ع طيبة علاء : ااءا عادي انا مادرت شي
علاء قعد ساكت ويشوفلها
هبه توترت : انا بنعدي انشيل هذينه لهاجر
علاء هز راسه وقال : انا ممكن بنمشي توا ومعش انتلاقوا حبيت انقولك تشرفت بمعرفتك وشكراً مره ثانيه💚
هبه وهي مبتسمه : انا اكثر والله ، والعفو ❤ وبرمت بتمشي
علاء برم بيمشي بعدها رد وقال : هبه...!♥
هبه نبضات قلبها زادت لما سمعت اسمها وبرمت عليه
علاء : حنتلاقوا مره ثانيه صح🔥
هبه : ان شاء الله ومشت بسرعه وهي تحكي لروحها : اهدي اهدي عليش ترعشي😅....هو ماقالك شي ماتتوهميش هو حب يشكرك بس وكملت طريقها لغرفة عبدو
علاء قعد مصبي ف مكانه لثواني وبعدها برم لقا عبدالله جايه
"عبدالله كان كل يوم ايجي ف الصبح يطمن ع عبدو ويمشي "
عبدالله : كيف حال عبدو اليوم مافيش جديد
علاء ضحك : لا الحمدلله ناض وحالته كويسه
عبدالله فرح: تحكي جد .....باهي هي خلي نركب انشوفه
علاء وهو يبحت قدامه : خليك توا امعاه هله بعدين تشوفه
عبدالله سكت شويه بعدين قال : انت كنها نظرت عيونك هكي✨
علاء عقد حواحبه وبحت فيه : كيف يعني ...؟؟
عبدالله بحت قدامه : مش عارف بس كنت انشوف فيها النظره هذي ف عيون عبدو❤✨
علاء فهم قصده بحت قدامه وابتسم وهو ساكت
٭٭٭٭٭٭٭٭٭٭٭٭٭٭٭٭٭٭
ف غرفة عبدو✨💚
العيله كلها جت وقاعدين يهدرزوا ع عبدو
هاجر بحتت ف عبدو : خلاص تريح معش اتعب روحك بدوه 😣
عبدو بصوت تاعب :لالا تمام هانيه  ....امغير امتا نطلع بس
محمد : وين تطلع مزال ع الاقل اسبوع لين نطمنوا عليك
عبدو : لالا وين اسبوع ياعمي تبيني انموت مخنوق ف هلدار تو نروحوا للحوش وهاجر قاعده وانت قاعد كان استحقيت حاجه
محمد ضحك : خلاص زيد بكره بعدها انطلعك
خشت هبه وجايبه امعاها حاجات لهاجر عطتهن لها وسلمت ع العيله وروحت
٭٭٭٭٭٭٭٭٭٭٭٭٭٭٭٭٭٭٭
بعد يومين🍃✨
الساعه 3:29 ف القايله
عبدو روح من المستشفي وقاعد حالياً هو وهاجر ف حوش جدتهم
هاجر راقده ف دار جدتها ومريضه من الحمل🌿
الكل مقعمزين يتغدوا
احمد : هاجر وين
فاطمه : راقده خليها ف حالها
احمد ضحك ورد ياكل : باهيي ماقلتش شي انا😂
خيريه فنصت فيه : نسمعك ماشيلها انوريك
احمد بعياط : بااااااأاهي ☺والله ماني منوضها
اسامه : امبدري اتصل بيه صاحبي عثمان قال بيجي ويجيب هله
نجاة :باهي مرحبتين بيهم
احمد عيونه لمعن وابتسم 💓"لانه هوا مرتبط مع بنت صاحب باته اسمها تسنيم"
محمود وسراج بحتوا ف احمد بمعني "اعقل😂"
وعبدو ياكل وزارته الضحكه ع منظر احمد اللي واضح يخطط لحاجه
كملوا الغداء وطلعوا كلهم من الدار وقعد محمود وسراج وعبدو واحمد اللي هايم ف نقاله 💗
عبدو برم لقا علي ولد لجين يلعب بنقاله
عبدو كر منه النقال : تي كيف فتحته هضا
علي ضحك ببراءه : فعجتني ☺....(فجعتني)
عبدو حط نقاله ف جيبه وعقد حواجبه : شنو ؟
سراج ضحك : فجعته ياراجل كنك 😂
عبدو : والله الاحاله اقسم بالله بدال ماتعلمه كيف يدوي قاعد تضحك
علي رد خذا نقال عبدو من جيبه وقال : نصولو (نصوروا)
عبدو ضحك : به هي هاته خلي نصولو😂😂