رواية Window 💞🏡
للكاتبه:sαℓeмα🔏
٭٭٭٭٭٭٭٭٭٭٭٭٭٭٭٭٭٭٭٭
محمود : انا توا بنركب لباتك ولباتها ونحكيلهم ع اللي شفته
هاجر مصبيه وترعش ودموعها ينزلوا
عبدو ببرود: ياريت ماتشوهش صورتها قدام باتها قتلك ايام ونبي نخطبها
محمود : قولي مانكش خاطبها وخلاص
عبدو انفجر فيه : اسمعني انا هاجر نبيها واللي تصير تصير
محمود بحت ف هاجر اللي تمسح ف دموعها : وانتي عاجبك اللي صاير
هاجر خذت نفس وبحتت ف عبدو : مادرت شي غلط حبيت راجل
محمود قعمز وضحك : محلاه منضركم وانتم خايفين
عبدو دفه: نعن ***فجعتني الزح
محمود : داير روحك شخصيه لعند ماعرفتكش 😂😂
هاجر انسحبت وركبت بهدوء
محمود يعيط:مازال ماكمل كلامي امعاك انتي
عبدو :احكي امعايه انا هيا مادخلهش
محمود ضحك: واللهي كنت حاس بيكم ياامسخين
عبدو : وانت طالع شن ادير
محمود انزر وسكت
عبدو قعد يضحك : حلال عليك وحرام علينه
محمود :غير فوتني انا توا انت بجديات بتخطبها
عبدو : شن رايك انت
محمود :انا رايي ماتستعجلش ف الموضوع لان محمد مرات مايوافقش
عبدو استغرب :عليش
محمود : بنته الوحيده ومازالت صغيره وانت ماعندك شي كان تصبر خير عشان لما تدويله مايلقش سبله
عبدو سكت وقعد ايفكر
رن نقال محمود ،محمود سكر وبحت ف عبدو : باهي انت ماتبيش اتريح
عبدو ضحك : اوكي وخش
ثاني يوم 🍃
الساعه 6:30 ص
هاجر ناضت ماشيه للمدرسه
وقعدت تلبس وتوتي في روحها واذكرت الساعه اللي جابها لها عبدو طلعتها وقررت تلبسها عشان اتوريها لصحباتها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
٭٭٭٭٭٭٭٭٭٭٭٭٭٭٭٭٭٭٭٭
عبدو كان ساهر لوطه ع نقاله ومعاه محمود واحمد وسراج ومنذر
وكانت انتصار وباقي البنات راقدت ف الدار الاخره لجين تحكي مع سراج بالمسجات وفرح داكه راسها امعاها ومنى وملاك ايهدرزن انتصار: بنات ازعمك الشباب شن ايديروا
منى عوجت فمها: تي شن دخلك بيهم
انتصار : نسأل بس وصبت بتطلع
ملاك عقدت حواجبها : وين
انتصار : للحمام وطلعت من الدار تباوعت ف دار الشباب لقت احمد ومحمود ومنذر راقدين وسراج قاعد امتركن ف الدار وع نقاله وعبدو امقابل الباب
خشت انتصار للدار:عبدو
عبدو استغرب : ايوه
انتصار : عادي اتشوفلي فوني
عبدو يدوي ومش طايقها : كنه😪
سراج ايبحت فيهم ويضحك
انتصار :مش عارفه يستك
عبدو يوزع فيها : انقني مانفهم فيهن النقالات شوفي سراج
انتصار حمقت : لا خلاص تو انشيله لولد جيرانه
عبدو :به😒
انتصار طلعت وهيا حامقه
عبدو :مبرد دمك الزح😡
سراج يضحك :تي هاجر خير منها صاح
عبدو سكت وبحت فيه
سراج ضحك
عبدو رفع حاجبه: شن دخل هاجر
سراج شيرله بحواجبه ع محمود وقعد يضحك
عبد يضحك: لاحول ولا قوة الا بالله شكله خالك هضا مايدس شي
سراج ضحك وهو يبحت ف محمود الراقد جنبهم وقال :بكل 😅
٭٭٭٭٭٭٭٭٭٭٭٭٭٭٭٭٭٭٭٭
هاجر لبست ونوضت باتها ونزلت لوطه بتكسد مع البنات
خشت بشويه وكانت لابسه سوريه بيضه وعليها الشعار امتاع المدرسه 👚وسروال جنيز 👖ووشاح كريمي وكبوط جيشي وكاويش وشنطه سود 🎒👟
خطمت من قدام دار اللي فيها الشباب عبدو شافها وصفرلها بصوت واطي
هاجر برمت وبحتت فيه
عبدو شيرلها ع سروالها بمعني تغيره
هاجر من برا الدار اتشيرله بمعني لا👋🏻
سراج ايبحت ف عبدو ايشير ومش فاهم كنه
عبدو فنص ف هاجر :امشي غيريه قتلك
هاجر توشوش :تي باهي باهي وطي صوتك
عبدو فنص : لازم تحرقيلي دمي
هاجر تخبط ع خدودها: تييي وطي صوتتتك😩
عبدو قلب وجهه ومازال حامق
هاجر مشت لدار الي فيها البنات وعتلت عليهن الباب
البنات انفجعن
هاجر ضحكت : اخس ياخاينات مازالتن واعيات
انتصار : ماشيه للمدرسه 😅
هاجر : لالا ماشيه ندهور 😒
البنات ضحكن
هاجر سمعت باتها ينادي
طلعت من الدار تجري
محمد : هيا
هاجر ترددت تغير سروالها كيف ماقاللها عبدو ولا تفوته
هاجر : شويه بس وركبت تجري غيرت سروالها ونزلت
٭٭٭٭٭٭٭٭٭٭٭٭٭٭٭٭٭٭٭٭
ف المدرسه
وقت الاستراحه 💗
هاجر امقعمزه هيا و صحباتها ف الساحه
سلمى : احكيلنه شن جديدك
هاجر : تو في حصة الدين نحكيلكن غير قوليلي شن صار صالح
جوري ضحكت : تي ماتحقيش فيه كيف يبرم علينه من بدري مسكين امبهدلته
هاجر ضحكت : واللهي
هبه: صبي عدي شوفيه
سلمى : تي فوتيه
فرح بحتت ف يد هاجر : ساعه جديده
هاجر ضحكت : جابها ليه عبودتي 💘
البنات قعدن يضحكن😂😍
وخطم العيل اللي ضرباته هاجر المره اللي فاتت وكان ايبحت فيهن بغل
سلمى : حي علينه ياهاجر تو اتشوفي مش حيمشيها لنه بالساهل
هاجر : تي خليه ايجي بيش انوريه اخره
هبه : مهما كان مش حيسيبكن
فرح : بنات اليوم جايات لعرس اختي ولا لا
هاجر :انا مانقدرش
البنات استغربن
فرح :عليش
هاجر : نبي نقعد مع عبدو ماصدقت جا مازالت امرايفه عليه وف نفس الوقت مانبيش انخليه مع***اللي اسماها انتصار
سلمى :مازالت بايته اخرى
هاجر نفخت: مانندريش 😪
فرح :غير تعالي انديروا جو
هاجر: مش عارفه
هبه خبطتها ع كراعها :وحق ربي ماتجيش انوريك
هاجر ضحكت :باهي
جوري :انتن اليوم امروحات ع كرعيكن
سلمى:يب انا وهاجر
جوري :انروح امعاكن
هاجر :تمام
سلمى : باهي احكيلنه
هاجر قعدت تحكيلهن
٭٭٭٭٭٭٭٭٭٭٭٭٭٭٭٭٭٭٭٭
أنت تقرأ
Window 💞🏡(مـكتمـلة)
Romanceرواية# بالهجه الليبيه تحكي عند بنت دلوعه ومشاكسه تقع ف حب ولد عمها #العسكري ويعيشو احلا ايام حب بس حتواجهم شوية مشاكل بسبب مرض (سرطان الدم 😢)فهل تنجح قصة حبهم ام تنهار.🔐
