Window 💞🏡(مـكتمـلة)

الحلقه -26💞

رواية : Window 💞🏡

للكاتبه :sαℓeмα🔏

٭٭٭٭٭٭٭٭٭٭٭٭٭٭٭٭٭٭٭
الساعه 1:00ص🌸
خشت هاجر لدار عبدو خذت شههيق😍 وكانت البنه امتاعه ف كل مكان انطرحت ع سرريره وخذت مخدته ف حضنها❤ وتفكيرها ف عبدو وبس💕
الساعه 4:08ص🌸
خش عبدو بكل هدوء للحوش ،خش لدار امه لقاها راقده شافها وطلع
خش لداره ف الظلام وتفاجأ بهاجر راقده ف سريره وكانت هذي احلي مفاجأه لاه بعد يوم طويل من الشغل
كان ضي القمر الي جاي من الروشن عاكس ع سريره اللي كانت راقده فيه ابتسم وطلع مفاتيحه ونقاله ودخانه وسلاحه 🔫و حطهن ع الزيانه قعمز ع حافة السرير قرب ع هاجر يلمس ف خدها ويتحسس فيه حط صبعه ع شفايفها ويممرر فيها😍❤
هاجر فتحت عيونها ببطأ :عبدو
عبدو :عيونه
هاجر مزالت نعسانه :نحبك
عبدو ابتسم ع منظرها اللي يجنن كانت نص راقده ونص واعيه : وانا نموت فيك 💘
هاجر رفعت راسها وحطاته ع صدره ومسكت فيه :تسيبنيش نحبك وردت رقدت
عبدو باسها ع خذها❤ ويمرر ف يده ع شعرها
هاجر حضناته وهي مغمضه عيونها ورقدت ع صدره
عبدو انطرح ف جنبها بدبش العمل وخلها راقده ف حضنه وقعد يتأمل فيها
بعد وقت  🕔
حول راسها من حضنه وخش حمام داره دوش وغير دبشه طلع لقا هاجر مقعمزه ع السرير واعيه
عبدو يوشوش : كنك نضتي
هاجر توشوش ومتحشمه : نبي ننزل
عبدو : لالا خلاص مشي الليله هذي وارقدي هنا
هاجر خايفه: وانت وين بترقد ......وكان يجي عمي اسامه ويفطن انك روحت ولا يخش علينه احمد
عبدو : تو نرقد ف الصاله انا
هاجر توشوش وخايفه : لالا
عبدو كيف بيحكي وسمعوا صوت فاطمه تنادي ع هاجر
هاجر مشت لعمتها فاطمه بسرعه وعبدو لحقها
هاجر ولعت الضي: نعم
فاطمه كانت ترعش و حرارتها العاليه : جيبيلي دواء
هاجر خافت لما شافت حالتها ومشت للكوجينه اتجيبلها ف الدواء
عبدو قعمز ع السرير ف جنبها ومسك يدها
فاطمه : عبدو .....امتا روحت
عبدو : امبدري شويه ....شن تحسي ف روحك ياامي
فاطمه : كويسه كويسه شوية حراره
خشت هاجر جايبه الدواء و كوب ميه قعمزت من الجهه الاخر من السرير ف جنب عمتها فاطمه وقعدت تعطي فيها ف الدواء
شويه وردت فاطمه رقدت وهاجر وعبدو قعدوا ايديرولها ف الكمادات لعند خفت حرارتها وغفوا هما الاثنين ف جنبها من دون مايحسوا
.............

الساعه 9:00 الصبح🌸
ناضت فاطمه وكانت حاسه روحها مصحصحه وكأنه امس ماصارلها شي بحتت لقت عبدو راقد ف جنبها وف الجنب الاخر هاجر صبت وغطتهم وطلعت من دارها وهي تضحك علي منضرهم وكيف راقدين مع بعضهم💞
مشت للكوجينه توتي ف الفطور شويه وناض احمد وقعد امعاها
..............
الساعه 11:30🌸
هاجر فتحت عيونها وتفاجأة بوجه عبدو امقابله وهوا راقد قعمزت وهي تبحت ف الدار ومصدومه وتذكر شن جيبها ف دار عمها ومراته مع عبدو 😂💘
صبت مصدومه وتبحت ف روحها ف المرايه وتحاول تذكر شن صار ليلة امس قعمزت ع حاشيت السرير وتخبط ف راسها وتقول : اذكري اذكري ياهاجر
صبت تبرم ف الدار وتحكي بروحها بعدما اذكرت ليلة امس وشن رقدها ف جنب عبدو : تي حي علي ام الفضايح انا كيف نبي نطلع توا 😔
هاجر تخبط ع وجهها  : حي حي ياهاجر عليك عااااار مافي حاجه مادرتها مع العيل رقاد ورقدت امعاه شيل وشالني بوس وباسني ......
عبدو قاطعها وهو يضحك : عيل ؟!
هاجر كانت عاطيته بظهرها جمدت من الصدمه : حي علي أمه 😨
عبدو يضحك : صار طلعت عيل ياهاجر
هاجر زمطت ريقها وبرمت : انت شن نوضك😳
عبدو ابتسم : نايض من قبلك 😏
هاجر سكتت شويه وتفكر كيف نايض قبلها : يعني نضت وانا راقده😓
عبدو يبحت ف فيها ويحركلها ف حواجبه
هاجر حمقت:  هضا وجهي كان خشيت لحوشكم مره اخري وطلعت من الدار
عبدو منطرح ف السرير وميت علي روحه من الضحك😂
هاجر بعد ماطلعت من الدار مالقتش حد ف الصاله طلعت من الحوش ونزلت لحوشهم تجري خشت
مريم : هاجر كيف حالها عمتك فاطمه
هاجر حامقه : كويسه
وخشت لدارها وانطرحت ف سريرها وهي ترعش من الصدمه وتلوم ف روحها :
الله يعطيني البلا نرقد وخلاص كيف الميته ......مش عارففه ربي وين حاطني😭....حي زعمك كيف كان منضري وانا راقده😳