Window 💞🏡(مـكتمـلة)

الحلقه الخامسه💞

رواية Window 💞🏡

للكاتبه:sαℓeмα🔏

٭٭٭٭٭٭٭٭٭٭٭٭٭٭٭٭٭٭٭٭
الساعه2:00ف الليل
هاجر طلعت من دارها تسلس وخايفه حد يفطنلها وفي نفس الوقت مش قادره تمشي بسرعه من كرعها نزلت للجنان لقت عبدو امقعمز ع كرسي وينظف في سلاحه
هاجر : هاااااي
عبدو بحت فيها وابتسم : اهلا
هاجر قدمت وشافت السلاح خافت : حوووله
عبدو :غير تعالي بس فاضي مافيه شي
هاجر قعدت ادور بعيونها : مافيش وين انقعمز...!!
عبدو مسكها من يدها  : تعالي هنا  وقعمزها علي كراعه
هاجر متخزرطه : ياقلة حد يزرق عليك ياعبدو
عبدو ضحك: يزرق علينه نحنه الاثنين✌
هاجر ضحكت ع جنب وعضت شاربها وهي الحركه هذي متعوده عليها وديمه ادير فيها😂
عبدو ذاب : احييه.... فكينه منها الحركه هذي😍💘
هاجر تحشمت وصبت بسرعه : انا بنركب
عبدو : لاالا واللهي خلاص
هاجر : مش مقعمزه ع كراعك راه
عبدو : خليك امصبيه معناته
هاجر تنهدت: انا عليش نزلت
عبدو بحت فيها : لانك تبي تقعدي امعايه😉
هاجر سارحه : لاوالله جديات انا عليش نزلت وعليش انتقرب منك ونهدرز امعاك اكثر من قبل 😕
عبدو حس انه مشاعر هاجر متلخبطه مسك ايديها : هاجر انا انحبك❤
هاجر ووجها قعد احمر : عبدو انت استعجلت
عبدو : ممكن انا قلتها لكي بسرعه بس انا متأكد من شعوري والايام حتثبتلك انتي بس عطيني فرصه هاجر سحبت ايديها منه بالشويه : اوكى
عبدو سكت ورفع راسه يبحت ف السماء بعدها رد نضره ع عيون هاجر وكأنه ايدير ف مقارنه بينهن وقال:
●وگأن جمـيع نجومـ آلفضـآء مـترآصـهہ دآخل عينيگ 👀😙
هاجر تبحت فيه بإرتباك مع ابتسامه بسيطه وساكته
عبدو سكت ورد اينضف ف السلاح وهاجر قعدت امصبيه شويه بعدها كراعها وجعتها
هاجر نفخت: حول يدك نبي نقعمز 😪
عبدو حول يده وهاجر قعمزت ع كراعه
عبدو يمسح ع شعرها: عليش العناد كان درتيها من الاول
هاجر حطت يدها ع راسها :هك
عبدو مسك المسدس ايحط في المخزن
هاجر : وريني كيف تسحبه
عبدو سحبله لها
هاجر تضحك بحماس : عطيني انجربه
عبدو : بشويه بس
هاجر تمسك فيه : كنه ثقيل وووووه
عبدو : مش من هنا يمسكوا فيه ومسك يدها وحطها لها فوق المسدس
هاجر تضحك : تي كنه امعصي
عبدو : افطني بس امعبا راه اديري فروه في الصور😂
ومسك يدها وكر هوا وياها
هاجر تضحك : وووووولاييي واخيراً
كانت هاجر  قاعده بين ايدين عبدو وسايحه من الضحك وكانت فرحانه عبدو لف ايديه عليها وباسها ع كتفها 🙊💗
هاجر عيونها دمعن : ماتخلينيش نبكي
عبدو : عليش
هاجر : شهر كامل ياظالم مانشوفكش فيه بترد كيف قبل
عبدو: لاتو انديرلك زيارات شن رايك
٭٭٭٭٭٭٭٭٭٭٭٭٭٭٭٭٭٭٭٭
خلي نحكيلكم شويه هاجر شن تقصد👆
زمان هاجر لما كانت صغيره كانت صحبة لجين واجد ولحد الان وكانن هنا الاثنين متعلقات بعبدو لدرجه لاتوصف كان بنسبه لهن الاخ الكبير اللي يلعب فيهن و يدلع فيهن ويطلع فيهن ،لاكن عبدو كان فاشل ف قرايته فااول ماكمل الثانوي اسامه اللي هوا باته حطه ف الكليه العسكريه وهاجر ولجين انحرمن من عبدو شهور وحتي بعد ماتخرج ماردش للحوش كيف قبل وقعد يمسك بالاسابيع والشهور وهاجر ولجين تأقلمن ع الوضع
٭٭٭٭٭٭٭٭٭٭٭٭٭٭٭٭٭٭٭٭
عبدو: لاتو انديرلك زيارات شن رايك
هاجر سكتت وهزت راسها
عبدو :بس نبي نطلب منك طلب
هاجر تحاول تمسك دموعها : شنو😢
عبدو: ديمه خلي روشن دارك مفتوح
هاجر تمسح في دموعها ومتكيه ع كتفه : حاضر
سكتوا شويه
هاجر : نبي حتي انا نطلب منك طلب
عبدو ابتسم : ادللي
هاجر : توعدني انك تروح وماتسيبنيش بروحي
عبدو مسك يدها وباسها : وعد 😚
هاجر صبت: خلاص انا انخليك بيش تركب ترقد وانشوفك بكره الصبح
عبدو صبا وحط يده ع وجهها يمسحلها ف دموعها : تمام
هاجر تكت راسها ع صدره ونهارت من البكا مش متحمله فكرت انه يعدي مره اخرى
عبدو حضنها : هااجر خلاص بكا عاد
هاجر تهز في راسها بمعني لا
عبدو ضحك : طلعتي حتي انتي طايحه بوجهك😏😍
هاجر رفعت راسها وضرباته ع كتفه : بطل صماطه 😸
ركبت هاجر لدارها وقعدت واعيه ع نقالها
ركب عبدو لداره لم دبشه وحاول انه يرقد بس ماجشي نوم دز لهاجر مسج:"واعييه؟!"
هاجر ردت عليه :" ماجانيش نوم"
عبدو اتصل بيها هاجر ردت عليه
عبدو : محلا صوتك 🎶🎵
هاجر ضحكت
وقعدوا ايهدرزوا لعند ارقدوا وكانت هذي اول مكالمه بينهم 
٭٭٭٭٭٭٭٭٭٭٭٭٭٭٭٭٭٭٭٭
ثاني يوم🍃☀
الساعه 6:00ص
هاجر ناضت ع صوت منبه فونها لبست سروال جينز وتيشرت ونزلت
هيا وباتها وامها وكانوا كلهم فاطرين لوطه
هاجر خشت للكوجينه طول ماتبيش اتشوف عبدو عشان ماتبكيش و يفطنلها حد
هاجر : صباح الخير
لجين وفاطمه ونجاة : صباح النور
هاجر قعمزت ع الكرسي : شن اندير امعاكم
نجاة : هاكي قطعي الخيار والطماطم🍅وانتي مقعمزه (علي شان كراعها طبعاً)
هاجر قعدت اتقطع وساكته
لجين: كنك لاويه وجهك
فاطمه : بلكي زعلانه ع مشيت عبدو حتي هيا
هاجر ابتسمت مجامله
خش احمد : نعسااااان
فاطمه مضايقه ع مشيت عبدو : تره خطاني مضايقه بروحي انا
احمد قعمز امقابل هاجر : شن الجو
هاجر سارحه وماسمعاتش
نجاة فطنتلها
خش عبدو : امي .......و جت عينه في عين هاجر ابتسم: اهلللاً
هاجر تنهدت : اهلين
فاطمه:نعم
عبدو : علاء جاي ف الطريق
نجاة : خلاص قريب انحطو
شويه وحطوا الفطور
هاجر امقعمزه وماتاكلش
نجاة : كنك ياهاجر اليوم مش طبيعيه
كلهم بحتوا في هاجر
مريم : لها كمين يوم ترقد من غير عشاء تخش لدارها تطاير
هاجر تخزرطت : ماكني شي امغير مش راقده كويس بس
عبدو ايبحت فيها وزارته الضحكه😂
في الصور 🏡
فاطمه حاضنه عبدو وتبكي
عبدو : تي خلاص ياامي
هاجر متكيه راسها ع الساس ودموعها ينزلوا مبتسمه ماتبيش اتبين لعبدو انها زعلانه وتنكد عليه
عبدو سلم عليهم وبحت في هاجر وسلم عليها اخر وحده وطلع لقا علاء بره يستنا فيه
هاجر ركبت لدارها بكت بكت لعند رقدت وكملت اليوم كله راقده كل ما تنوض وتذكر انه عبدو مش قاعد ترد ترقد وتحس انه حياتها مالهش معنه فاتهرب للنوم 😭💔
٭٭٭٭٭٭٭٭٭٭٭٭٭٭٭٭٭٭٭٭
بعد مرور اسبوعين💞
هاجر كل يوم في الليل تكتب لي عبدو رساله عن يومها وشن دارت فيه وكيف كان وعبدو في الليل يهرب هوا وعلاء ايدور في تغطيه بيش توصله رسالتها، وهاجر تقعد تستنا في الليل بيش توصلها رساله منه ومرات ميدزلهش لما يقعد مش فاضي 💔✋🏼
٭٭٭٭٭٭٭٭٭٭٭٭٭٭٭٭٭٭٭٭
الساعه 4:00 ف العشيه
مريم : هاجر نوضي البسي واطلعي مع باتك بيش تشري دبش للمدرسه معش ف وقت بكره راهي كنك ناسيه
هاجر : ياماما كراعي وقصه ماعنديش نيه
مريم : باتك يستنه فيك ي لوطه
هاجر ناضت تنفتر : عليك قصه وقعدت تطلع في الدبش
وطلعت هيا وباتها تشري ف دبش للمدرسه
في الليل هاجر نزلت لجدتها
هاجر امقعمزه مع خيريه وفاطمه
خيريه : ماكلمكمش عبدو
فاطمه : اول امس حصلته لاكن هو قريب ايروح
هاجر : مازال اسبوع وثلاث ايام
خيريه بحتت فيها: وانتي شن حما رزك
هاجر ارتبكت :شي😰😪
٭٭٭٭٭٭٭٭٭٭٭٭٭٭٭٭٭٭٭٭