Window 💞🏡(مـكتمـلة)

الحلقه -31💞

رواية : Window 💞🏡

للكاتبه :sαℓeмα🔏

٭٭٭٭٭٭٭٭٭٭٭٭٭٭٭٭٭٭٭
الساعه 5:00 ف العشيه 🌸
عبدو منطرح ع الكنبه ويتفرج ع التلفزون وهاجر راقده فوقه🙈 ولافه يديها ع رقبته وحاطه راسها ع كتفه وراقده ف نوم عميق 💤
عبدو لاف يد ع خصر هاجر ويد الاخره يلعب ع شعرها ويحط فيه ع يده ووجه ومنسجم ف التلفزون
هااجر بصوت نعسان : مازال ماكمل الفيلم😩
عبدو ابتسم ووشوش ف وذنها: لاكمل من بدري كسدت امتا بتنوضي انتي
هاجر صبت وهي تتكسل خذت مساكتها من ع الطاوله الي قدامها وقعمزت ع بطن عبدو وتلم ف شعرها
عبدو يضحك: بني ادم اللي تحتك راه😂
هاجر ابتسمت وهي تلم ف شعرها : عادي اصلاً البني ادم هضا ملكي اندير فيه مانبي😂💜
عبدو ضحك : واللهي وانتي ملك من يامدام وغمزلها😉
هاجر ضحكت وهزت راسها: مش مهم ااوووووووف كساد خلينه نطلعوا
عبدو ماسك الريموت ويقلب ف القنوات: وين..؟؟
هاجر تحرك ف يدها ع يد عبدو : مش عارفه اي مكان😔
عبدو بحت فيها: باه بسرعه عدي البسي وطلعيلي امعاكي دبش
هاجر مشت تجري للدار :تمام 😊
عبدو طفا التلفزون وصبا كيف بيخش للحمام رن نقاله "علاء"
عبدو رد : ايوووه
علاء: شن الجو
عبدو ابتسم: ميه ميه
علاء : طالعين نحنه والشباب لمزرعة معتصم اتجي..؟!
عبدو يمسح ع لحيته : لالا واللهي مش فاضي
علاء : تي اوكي الجو تمام انت اجوزت وبعتنه 😒
عبدو ضحك : تي شن تبيني انرقدك جبني امالا ولاكيف ياغيوره انتي😂
علاء ماسك ضحكته : تم ياخوافه انتي بس دبري كيف اتجي 😏
عبدو ضحك : تو انشوف وسكروا
هاجر وتت روحها وطلعت دبش عبدو ووتاته لاه وطلعوا يدهورو
.........................
بعد مرور 4شهور🍃
٭ ساره مرات محمود جابت بنيه ولا اروع وسموها وصال لاكن للاسف كانت عندها مشكله ف يدها وقرر الدكتور ان يديرولها عمليه ف تونس بعد فتره💜
٭احمد تعرف ع بنت صاحب باته (تسنيم) بعد ماجمعتهم اكثر من صدفه وحبوا بعض 😍
٭لجين طبعا حامل ببنوته وخشت شهرها و علي و سراج بيهبلوها💓
٭ اما عبدو فكان زواج هاجر خير عليه وترقىٰ في عمله لرتبة ملازم اول💞
٭هاجر بدت تكمل ف قرايتها ف الطب وكانوا نص شباب الجامعه بيموتوا عليها والبنات ذايبات ف عبدو مع انه عارفين انهم متجوزين 😻
٭اما صحبات هاجر جوري اجوزت بعد علاقة حب وسلمي سافرت هيا وهلها وهبه مازالت تقرا مع هاجر ف الطب بس طبعا كلهن مازالن علي تواصل مع بعض 💟
٭بس كانت فيه مشكله بنسبه لهاجر لانها مازالت ماحملتش مع انها لها ست شهور مجوزه بس💗
...........
الساعه 12:30 ف الليل🌸
هاجر مقعمزه ع السرير وماسكه شيتاتها وتقرا لانه بكرا عندها امتحان وعبدو مازال ماروحش من العمل لانه عنده دوام كامل
خش عبدو وعزق مفاتيحه ع الطاوله كاالعاده وخش لهاجر ف الدار : السلام عليكم
هاجر ابتسمت : وعليكم السلام ،شن جو العمل 😊
عبدو : بهدله شويه بس ماشي الجو ،شنو انتي قريتي ...؟!
هاجر هزت راسها بمعني اها : بس نبي نسمع عليك كم حاجه ونراجعوا مع بعض
عبدو يسلح ف جاكيته : تمام راجعيهن انتي عليمه ما دوشت وبعدها نسمع عليك
هاجر خذت منه الجاكه ومسكت ف يده : يديك مصقعات
عبدو هز راسه: اها صقع بره
هاجر حضناته بلقوه : اممممم رايفت عليك معش اطول☹
عبدو مسكها من خدودها وقعد يبوس فيها ع فمها 💋:حاضر
وبعدها خش عبدو دوش وهاجر كملت تقره
طلع عبدو من الحمام اينشف ف شعره
هاجر : صحه😊
عبدو : سلمك هيا وين اللي تبي اتسمعيه
هاجر قعدت اتوري فيه
عبدو رقد ع بطنه ع السرير : باهي عطينه تعفيسه ع السريع ظهري يوجع فيه
هاجر تمام وصبت علي ظهر عبدو وتعفس فيه وطايحه فيها عمتك هاجر تشرح وتسمع علي عبدو وكان منظرهم يجنن💘
عبدو راقد ع بطنه وهاجر مصبيه ع ظهره وتعفس فيه : النقطه الاخيره غلط
هاجر قاعده ع ظهره : شنو لالا مش غلط
عبدو بعياط : تي غللللللللللللط
هاجر تخبط فيه علي ظهره: صح مش غلط
عبدو يضحك ويعيط من الالم وهي تخبط فيه ع ظهره
عبدو ضحك: تو انصبيلك يامشفشه راه😂
هاجر نزلت من عليه وخذت شيتاتها تلم فيهن : واخيراً كملت وكله صااااااح
عبدو برم ورقد ع ظهره :به به😒
هاجر طلعت تشرب ف ميه وردت للدار لقت عبدو راقد من التعب
هاجر تضحك: وووه عليه حتي وهو راقد ايهبل وقعدت اتبوس فيه ع خده وجنب فمه💛
عبدو وهو راقد انزعج منها عقد حواجبه وحرك راسه
هاجر قعدت تضحك وتصور فيه بعدها طفت ضي الدار وانطرحت ف جنبه وقعدت ع نقالها
عبدو فتح عين وحده وبحت فيها حول فونها من يديها و حط راسه ع صدرها وحاوط ايديه عليها ورد رقد🙊💞
هاجر قعدت تمسحله ع شعره لعند رقدت حتي هيا❤
.....................
ثاني يوم 🍃
الساعه 7:09 المغرب🌸
هاجر تكلم ف عبدو بنقالها وماسكه النقال بكتفها : تمام تمام شويه نوتي روحي بس
عبدو : اوكي انا قريب نوصل
وسكروا هاجر لبست ووتت روحها عشان بتمشي للجين ف المستشفي لانها جابت بنيه👶 شويه وعبدو وصل للحوش وطلع هو وهاجر للمستشفي
وهما خاشين تلاقوا مع محمود وساره سلموا ع بعضهم
هاجر خذت وصال من ساره : نجيها بنت عمي اتهببببل وقعدت تبوس فيها 😚
عبدو يشوف لوصال وابتسم : رايحه طرف 💓
محمود ضحك : عادي كان تبيها راه انزوجها لكي
عبدو ضحك : زعمك 😅
محمود هز راسه: يشكروا فيها الجيزه الثانيه
هاجر بحتت ف محمود وتضحك : واللهي انت بتتهنا ع بنتك وتخربلي حوشي نا 😂
ساره فنصت ف محمود ببصاره: شن قزدك بيشكروا فيها الثانيه 😏
محمود ابتسم: شي شي 😊
عبدو ضحك : خووووف 😂😂👏🏿
وخشوا لغرفة لجين اللي كانت فيها باقي العيله
.....................
الساعه 8:30 المغرب 🌸
هاجر وعبدو امروحين ومعاهم" علي "ولد لجين روحوا بيه لانه كان يبكي ويبي عبدو
ركبت هاجر ف السياره وعبدو فتح الباب اللي لاوره يبي ايحط "علي "لاوره
هاجر : لالالا جيبه هذا عندي ويالله يركح
عبدو : تمام قعمز علي ف كتر/ حجر هاجر وصكر الباب وركب ف مكانه
عليوه امقعمز ف كتر هاجر ومتكي ع صدرها وراقد
هاجر لافه ايديها عليه وسارحه ف الروشن
وعبدو ايسوق فطن لهاجر وهي سارحه مسك يدها وباسها : كنك....؟
هاجر ابتسمت : لاشي بس كنت سارحه ف المطر 😊☁🌁
عبدو سكت وصلوا للحوش وهاجر حطت علي ع السرير
وطلعت لقت عبدو يبرم ف الصاله : هاجر وين باكو الدخان 🚬
هاجر هز كتوفها بشماته :كمل😏
عبدو يعياط : تي كيف كمل😳
هاجر ضحكت :وين نندري عليك ندخن امعاك انا☺لقيت الباكو فاضي عزقته
عبدو خذا مفاتيحه : معناته بنطلع نشري وانجي تبي حاجه من بره
هاجر مشت للكوجينه : لالاسلامتك حبيبي
عبدو طلع وهاجر خشت للكوجينه توتي ف العشاء سمعت حركه ف الدار مشت لقت علي واعي ويلعب ع السرير
هاجر : نضتي ياحلوه 😄
علي ضحك وجاها يجري هاجر رفعاته وطلعت بيه للصاله حطاته قدام Tv وخشت للكوجينه شويه وبرمت لقاته مش قاعد😨
هاجر تمسح ف يديها : وين عدا هذااا وطلعت تجري ادور عليه
هاجر تنادي وادور : علي علييوه وينك😫
علي طلع من الدار ومشا جري شور باب الحوش 🏃
هاجر تجري وراه وخايفته يطلع للشارع وبعدها وين بتلحق عليه😂
علي كيف بيحط يده ع الباب ويحله وخش عبدو
علي حضن كرعين عبدو وضحك
هاجر جت داهشه : خزي الحيوان 😒
عبدو رفعه وباسه ع خده : قوللها انتي حيوانه
علي طلع لسانه: حوانه 😋
هاجر فنصت ف عبدو : علمه الكلام باهي😤
عبدو ضحك وخش هو وعلي للصاله وهاجر ردت للكوجينه
٭٭٭٭٭٭٭٭٭٭٭٭٭٭٭٭٭٭٭٭
الساعه 1:38 ف الليل🌸
هاجر مقعمزه ع السرير وتقرا ومقعمز امقابلها علي ،وعبدو ف الحمام
طلع عبدو من الحمام
هاجر ميته ضحك : عبدو عبدو تعال اسمعه شن يقول
عبدو قعمز ع السرير : شنو ...؟؟
هاجر : عليوه هذي شنو" وشيرتله ع شعره "
علي ضحك: جعرها (شعرها😁)
هاجر طاحت من الضحك
عبدو يضحك وهو مصدوم : يحكي ع روحه بتأنيث ..؟😂 يلعنجد جعرها بكل😂😂
هاجر قعمزت تضحك : وووه عليه وهذا شنو عليوه" وشيرتله ع فمه"
علي وهو مبتسم : فمها 😁
عبدو ضحك وانطرح ع السرير بيرقد
علي جاه يجري ورقد ع صدر عبدو 💞
عبدو قعد يبوس ويلعب فيه
هاجر تبحت فيهم وعيونها تعبو دموع تمنت ايكون ولدها هيا وعبدو اللي قاعد بينهم 💔
خذت شيتها وجت تبي تطلع علشان عبدو مايشوفش دموعها
عبدو برم عليها: وين ماشيه حبيبي
هاجر من دون ماتبرم عليه :بنقرا بره وطلعت
الساعه 3:00 ف الفجر
هاجر كملت قرايه وخشت للدار 💛
لقت علي قاعد ف حضن عبدو وراقدين هما الاثنين