Window 💞🏡(مـكتمـلة)

الحلقه-30💞

رواية : Window 💞🏡

للكاتبه :sαℓeмα🔏

٭٭٭٭٭٭٭٭٭٭٭٭٭٭٭٭٭٭٭
هاجر فرحت وبرمت عليها : باهي مبروك
لجين هزت كتوفها: مانبيش انا
هاجر خبطتها علي يدها : معش تقولي هكي ماملي تتمني تحمل
لجين سكتت
هاجر ابتسمت :  حتى ساره حامل صاح❤
لجين : اهاا تي من قبل ساره قريب تجيب حتي الجياب
هاجر ضحكت : تصدقي هضا وين فطنت
لجين تضحك : واللهي، ان شاء الله حتي انتي ربي يعطيك
هاجر ابتسمت : ان شاء الله 💘
عبدو مصبي ف فم الدار الاخره  : لجين وهاجر وتلاقن عاد ويش يخلصنه
مريم ابتسمت : ناديلها مش حيكملن هدرزه راه
عبدو ينادي: هاجر ...ياهاجر هيا
هاجر طلعت من الدار هيا و لجين : هيا جيت
خيريه عقدت جواجبها : تي كنك مستعجل
فاطمه بترجي: اه والله مازلت مرايفه عليكم
عبدو يتكسل : واللهي نعسان وتاعب و عندي عمل بكره الصبح
احمد مقعمز ف جنب عبدو ويحكيله بصوت واطي : عمل ولا وغمزله😉
عبدو زراته الضحكه وعطاه كانشو : سكر فمك ياحيوان 😂
هاجر مصبيه ف جنب عبدو ودايره روحها ماتسمعش فيهم وماسكه ضحكتها بالسيف
عبدو ضحك ومد علي للجين: هاكي ولدك انتي
لجين خذاته
علي يشير لعبدو بيده ويقوله: باااي👶🏼
عبدو ضحك وباسه : هي تصبحوا ع خير
الكل ردو عليه
هاجر سلمت عليهم وطلعت امعاه
وهما طالعين تلاقوا مع سراج كيف جاي بيخش
عبدو رفع حواجبه: اهلا
سراج ابتسم : اهلين شن الامور
عبدو ضحك : ماشيه🏃🏽
طلعت هاجر : خير ياسراج كيف حالك
سراج : اهلاً كيف حالك انتي
هاجر ابتسمت: الحمد لله
سراج بحت ف عبدو : من ف جوا
عبدو فتح باب الحوش بيطلع: كلهم خش خش يراجوا فيك
سراج خش : اوكي
طلعوا عبدو وهاجر وروحوا لحوشهم
.................
الساعه4:09 الفجر🌸
هاجر راقده وعبدو حاضنها من لاوره ولاف يديه ع خصرها وهما الاثنين غاطسين ف النوم😴💤
ناضت هاجر وتسمع ف صوت حاجه تخربش برمت علي عبدو لقاته راقد مسكت ف يده وهيا ساكته وخايفه وتسمع ف الصوت مره الصوت يعلى ومره ينقص 👹
هاجر قعدت امكرشه ف عبدو وداكه راسها ف صدره
عبدو حس بيها حضنها وبحت فيها بعين وحده : كنك ..؟
هاجر وعيونها مدمعات وصوت يرجف : ف صوت بره
عبدو قرب منها :شنو
هاجر حطت يدها ع فمه وتوشوش : اشششش ف حاجه تخربش بره
عبدو قعمز : حاجة شنو
هاجر ماسكه ف يده ودموعها ينزلوا :مش عارفه😭😭
عبدو : باهي حولي خليني انشوف
هاجر ماسكه فيه : لالا ماتخلينيش 😭
عبدو ضحك : تي غير حولي شويه بس 😂
هاجر طلقت يده بشويه وهي مقعمزه ع السرير ومضبطه الفوطه
طلع عبدو شويه ورد لقا عمتك هاجر غارقه ف دموعها😂😂
عبدو قعمز ف جنبها وهو يضحك
هاجر تمسح ف دموعها : شنو😢
عبدو ميت ضحك: شكاره تحرك فيها الريح شن بتكون يعني😂👻
هاجر تبحت فيه ومش مقتنعه
عبدو رد رقد
هاجر قعدت مقعمزه شويا وبعدها برمت ع عبدو
هاجر : عبودتي روحي 💞
عبدو كان نعسان ع الاخر :همممم😴
هاجر ابتسمت: مش جايني نوم 😃
عبدو كرها لحضنه وحاوط ايديه ع رقبتها ورقد
هاجر قعدت اتأمل ف عبدو وكل مايرقد اتنوضه مسكين 😂مره اتقوله نبي نقولك حاجه ومره تقعد تتلمس فيه وتخربشله ع وجهه لعند⤵
الساعه7:00 الصبح
هاجر ناضت علي صوت المنبه امتاع نقال عبدو (عنده عمل)
وكانت الحكايه منقلبه بعد مارقدت هاجر ف حضن عبدو ناضت لقت عبدو ف حضنها🙉😂كان حاط راسه ع صدرها ولاف ايديه ع خصرها
هاجر اتحاول توصل ف النقال : ووووووه عليه عبدودتي نوض
عبدو:....😴
هاجر تهمسله ف وذنه : عبدوووو
عبدو رفع راسه وبحت فيها: نعم ياروح عبدو
هاجر تضحك وتمشي ف يدها ع شعره : وقت علي العمل امتاعك هيا نوض ياخميره😂
عبدو بصوت ناعس : ماهو كله منك ماخلتنيش نرقد
هاجر تضحك : هيا صبي وخليني انوتيلك فطورك
عبدو صبا وخش لحمام الدار يدوش وهاجر خشت لحمام الصاله وبعدها مشت توتي ف الفطور وتحط فيه ع الطاوله
طلع عبدو للصاله لابس اللبسه العسكريه (البحث الجنائي 💕)ويلبس ف ساعته قعمز ع ألكرسي وقعد يفطر وهاجر حاطه يدها ع خدها وتفرج علي عبدو ❤
عبدو بحت فيها : كنك ماتبيش تفطري؟
هاجر ضحكت : بنرد نرقد😁
عبدو ضحك : مشطرك يبقي انا امس ماخليتينش نرقد وتوا انتي بترقدي 😂
كمل عبدو فطوره وهوا بيطلع قعد يتلمس ف جيوبه قال : هاجر وين مفتاح السياره
هاجر صبت تجري من الصاله للدار:  مش عارفه تو اندوره 🏃
عبدو قعد ايولع ف السبسي ويضحك عليها
هاجر جت وجابت معاها المفتاح ومداته لاه
عبدو خذاه منها وبيطلع: ماتبي شي من بره
هاجر باساته ع خده : سلامتك ياروحي💖
مشا عبدو  للعمل اول من وصل كانوا كلهم يرحبوا بيه لانه اول يوم عمل بعدما تجوز😊💜
علاء ضحك : اهلا اهلا بالعريس ☺
عبدو عقد حواجبه : عريس عينك ليه شهر متزوج
عبدالله : علاء ذكرني عبدو شن كان ايقول ع الزواج قبل 3سنين فاتوا
علاء ايقلد ف صوت عبدو: لالالا مستحيل انخش فيه السريب هضا😂
عبدو حاط السبسي في فمه ويدوي: عادي الواحد ايغير ف اقواله عليك محسديه الزح ومشا وسيبهم وهو يضحك😂
اما هاجر ردت ررقدت لعند الساعه 10 ناضت وتت الغداء ودوشت لبست قفطان حوش ابيض لعند الركبه من فوق دانتيل ودارت مكياج خفيف وفتحت شعرها وبرمت ع الحوش🏠
وطلعت ترتب ف الطاوله امتاع الغداء خش عبدو عزق المفاتيح علي الطاوله : السلام عليكم
هاجر ابتسمت : وعليكم السلام .شن جو العمل
عبدو حضنها من لاوره وحط راسه علي كتفها :تمام رايفت عليك بس 😻
هاجر برمت عليه : حتي انا ياقلبي وباسته
عبدو رفعها وقعمزها ع الطاوله اتكا بيديه ع الطاوله وحاصرها
هاجر تضحك وتحرك ف كرعيها ف الهواء : شن تبي حول😌
عبدو ضحك من قلبه : قويه هذي 😂
هاجر ابتسمت : ينحرق الغداء منك راه مش شوري
عبدو يبحت ف فمها: اممم عادي عادي
هاجر ساكت
عبدو طبس ع رقبتها يبوس فيها لانه عارفها ماتتحملش الحركه هذي🙊
هاجر حست بانفاس عبدو يضربن ف رقبتها وشفايفه كيف ايتحركن عليها ولحيته يبست ف مكانها
عبدو مستمر يبوس فيها
هاجر ذابت : عبدو لالالا انشليت 😂😂
عبدو ضحك ووخر: شنو صارلك😂
هاجر ادف فيه وهي تضحك
عبدو قدم بسرعه عضها ف خدها ووخر : عدي هي
هاجرر حطت يدها ع خدها : ايييييي مبردك عليش هكي توا ونزلت من ع الطاوله وخشت للكوجينه
وعبدو خش للدار يبدل ف دبشه عشان يتغدوا
................
الساعه 5:00 ف العشيه 🌸
عبدو منطرح ع الكنبه ويتفرج ع التلفزون وهاجر راقده فوقه🙈 ولافه يديها ع رقبته وحاطه راسها ع كتفه وراقده ف نوم عميق  💤
عبدو لاف يد ع خصر هاجر ويد الاخره يلعب ع شعرها ويحط فيه ع يده ووجه ومنسجم ف التلفزون
هاجر :......

*الله الله ف التفاعل والتعليقات الحلوه ❤