Window 💞🏡(مـكتمـلة)

الحلقه -35💞

رواية : Window 💞🏡

للكاتبه :sαℓeмα🔏

٭٭٭٭٭٭٭٭٭٭٭٭٭٭٭٭٭٭٭
عبدو يضحك : تؤتؤتوؤ وباسها ع فمها
هاجر ضحكت وقعمزت ع الوطاه وقعدت اتلقا ف السبول اللي يطير وتاكل وفرحانه
عبدو ضحك : ريت البارده تاكل😂
هاجر: انت بارد 😌 وقعدت تاكل
عبدو قعمز ف جنبها وتكا راسه ع كتفها : عطيني😞😂
هاجر ضحكت وقعدت تاكل وتوكل ف عبدو
٭٭٭٭٭٭٭٭٭٭٭٭٭٭٭٭٭٭٭
سـنشـيخ مـعاً وسـيبقى حُبنا آبدياً وليحتضـن گتفِي رأسـگ آلعنيد ولتبقى بجانبِي دائماً ...💗
#هاجر ✨
٭٭٭٭٭٭٭٭٭٭٭٭٭٭٭٭٭٭٭
هاجر تثاوب: هيا خلاص بنرقد نعسانه 😴
عبدو رفع راسه من ع كتفها : والماعين
هاجر : خليهن بكره ف الصبح ومشت للدار
عبدو طفا ع الطنجره وغطاها ولحق هاجر
هاجر خشت للدار ورقدت ع السرير
عبدو حاط يده ع الجرح : والله 😃 حولي بنرقد انا هنا
هاجر مدت يديها لعبدو وتضحك : نرقدوا مع بعض 😍
عبدو تمدد جنبها وهاجر غمضت عيونها بترقد
عبدو قعد يتقلب ويتحرك لانه جرحه يوجع فيه
هاجر ناضت قعمزت : كنك ياروحي💜
عبدو قعمز : عادي تفكيها ليه مقمطيني تقميط مش قادر انتنفس منها(يقصد ع الفاشه ولصقت الجرح)
هاجر عدلت تقعميزتها : به خلي نشوفها لكي
عبدو سلح تيشرته بعدما ساعداته هاجر
وكان مقعمز وعاطيها بظهره هاجر رختله الفاشه اللي ملفوفه ع كتفه وصدره
عبدو يتنفس بصعوبه : فكيها بكل😩
هاجر : لالا خليها هكي مرخيه انخاف انفكها وجرحك مزال جديد ومالتمش
عبدو : مضايقتني فكيها حتي شويه
هاجر طبست تبوس فيه ع ظهره : حبيبي ..خلاص تحملها شويه😔
عبدو تنفس بقوه وسكت
وهاجر قعدت متكيه ع ظهره وتبوسله ف كتفه وتمسحله عليها لعند خف الالم
لبس عبدو تيشرته ورد اتكا ف جنب هاجر وقعد يبوس فيها ع خدها بوسات ورا بعض
هاجر شبه راقده هزت راسها: لا بطلل انا نبي نرقد هنا وخشت ف حضنه
عبدو ضمها بقوه: تمام نني حبيبي 💓
هاجر رفعت راسها وبحتت في عبدو : عبدو !
عبدو بحت ف عيونها  : نعم ياروح وقلب وعيون عبدو
هاجر حطت يدها ع بطنها : زعمك يطلع البيبي يشبهلك !.💙
عبدو هز راسه : تؤتؤ نبيه يشبهلك وعنده عييون زيك تخيلي ياقلبي كيف يطلع محلاه 😍
هاجر ابتسمت ورقدت ف حضنه وتستنشق ف ريحته وعبدو لاف يده عليها
٭٭٭٭٭٭٭٭٭٭٭٭٭٭٭٭٭٭٭
الساعه 10:30 الصبح 💕
عبدو فتح عيونه لقا هاجر راقده ع صدره وماسكه ف التيشرت امتاعه فك يديها بشويه وصبا غطاها وطلع من الدار خش للحمام وطلع صلى ومشا للكوجينه لقا جدته مقعمزه وتفطر
عبدو : صباح الخير
خيريه باساته ع خده : صباح الورد علي غزالي 💘
عبدو ضحك وقعمز جنبها
خيريه : شن تحس ف روحك اليوم احسن ..؟! ويدك تقدر تحركها؟
عبدو حرك يده شويه: لالا تمام الحمد لله
خيريه : الحمد لله
عبدو : وين عمتي نجاة
خيريه : طلعت للعمل من بدريييي
عبدو هز راسه وسكت
خيريه : هاجر مازالت راقده
عبدو هز راسه : امس رقدت متأخر مابيتش انوضها توا💛
خيريه : باهي خليها ترقد بمهلها
قعد عبدو يفطر هو وجدته ويهدرزوا شويه وخشت هاجر
هاجر تثاوب : صباح الخير
عبدو ابتسم: صباح النور
خيريه : صباح الورد كنك نضتي توا ليش مازدتي تريحتي
هاجر حضنت جدتها : طار النوم 😁
خيريه باستها ع راسها : تعالي افطري
هاجر قعمزت امعاهم 🍵🍞
....
الساعه 12:09م⭐
هاجر تغسل ف الماعين وكيف بتبدا ف الغداء
خش عليها عبدو لابس سروال جينز اسود وتيشرت ابيض ومخربش بالاسود وماسك مفتاح السياره
عبدو : هيا
هاجر انصدمت : وين ؟
عبدو : بسرعه بس قبل مايكبسنه حد تو نقولك بعدين وين انعدوا
هاجر طلعت مشت للدار ولبست سوريه ورديه عليها جاكيت رصاصيه مع وشاح حريري وردي مخربش بالرصاصي والابيض وسروال جينز 🌹😚
وطلعت لقت عبدو ف الصور يدخن 🚬
هاجر تلبس ف كاويشها : وين بنمشوا
عبدو عزق الدخان وعفس عليه : نمشوا للمستشفي نبي نشوف ولدي شن رايك😉
هاجر ضحكت : معش تقول ولدي شن عرفك مرات تطلع بنتك 😊
عبدو ابتسم : اللي هوا بسرعه قبل تطلع جدتي وتكرش فينه
هاجر : باهي تقدر تسوق
عبدو : تمام التمام👍🏽
وطلعوا ركبوا للسياره
هاجر : اممم ذكرتني مانظفتش الجرح اليوم
عبدو طلع بسياره : تو بعدين
بعد ساعه 🕐
هاجر وعبدو خشوا للدكتوره
هاجر رقدت ع السرير وعبدو قعمز ع الكرسي اللي جنبها والدكتوره من الجهه الاخره
هاجر مسكت ف يد عبدو وابتسمت
دقايق والدكتوره تحرك ف الجهاز ع بطن هاجر وكلهم يبحتوا ف الشاشه بس ماكانتش ف صوره ولا صوت🚫🔥
فجأه سمعوا صوت نبضات قلب البيبي هاجر ضحكت ودموعها ينزلن من الفرحه
عبدو يبوس ف يد هاجر ومبتسم
الدكتوره: مازال مش باين واجد بس شوفي شكله شيطان حركته واجد 😅
هاجر وعبدو ضحكوا😂❤
هاجر تمسح ف دموعها : امتا نعرفوه بنت ولا عيل
الدكتوره : لامازال صعب شويه توا حتى الجسم مش واضح منه شي
هاجر هزت راسها وسكتت
شويه وطلعوا من عند الدكتوره
عبدو مسك يد هاجر : شن رايك انروحوا للشقه ❤
هاجر : تمام حتي انا مانبيش انروح اكيده ف العشيه الدنيا كلها تلتم 😪
عبدو ابتسم : خلاص اتصلي بأمك قوليلها انك مش جايه
٭٭٭٭٭٭٭٭٭٭٭٭٭٭٭٭٭٭٭
الساعه 4:08 ف العشيه ف حوش عبدو وهاجر💘🏡
عبدو طلع يجيب ف كم حاجه للحوش وخلا هاجر راقده
خش للحوش🚪
لقا هاجر مقعمزه ع الكنبه بالمقلوب يعني راسها لوطه وكرعيها مشنقلات فوق😁وتفرج ع التلفزون وتاكل ف ايس كريم ولابسه شورت ابيض قصييييير وكت احمر
عبدو بحت فيها وضحك
هاجر رفعت راسها من الوطا : وين كنت .. ..؟
عبدو ماشي للكوجينه يحط ف الشكاير : كنت انجيب ف حاجات للحوش
هاجر ردت اتفرج وتاكل
عبدو قعمز ف جبنها : تي كيف اتفرجي هكي 😅
هاجر ضحكت : هذي اسمها مشاهدة التلفاز بالمقلوب ياحبيبي تعلمها سمحه
عبدو : ربي يهدي وخلاص
هاجر كيف بتحكي وانقطع الضي🔌💡
هاجر : لااأاااااا وعدلت تقعميزتها ليش هكي😭
عبدو صبا : ان شاء الله ماتنقطعش تغطية النت بس
هاجر نطت: شن رايك نلعبوا😊
عبدو مشا لدار النوم : ماناقص غير نلعبوا 😂
هاجر لحقاته : بليييييز بليييز باهي خاطرني فيها
عبدو عقد حواجبه: يا بنت اعقلي 😒
هاجر قدمت حدا عبدو وتقرص ف خدوده : بليز😞
عبدو : شن بتلعبي😒
هاجر : تو انقولك وطلعت تجري من الدار
عبدو بعياط : معش تجرييييي
شويه وخشت هاجر وجايبه امعاها شيشة 😕
عبدو رفع حاجبه وزارته الضحكه : توا هوا الرجاله كلهم صباياهم اهبال ولاانا بس😂
هاجر دفاته ع السرير : قعمز وانت ساكت وخلي نلعبوا😡 وقعمزت ف جنبه
هاجر: نلعبوا لعبة الصراحه تمام
عبدو هز راسه
هاجر تربعت ع السرير😅ولفت الشيشه وجت ع عبدو يسأل هاجر
عبدو حاط يده ع جرح رقبته ويتلمس فيه
هاجر: يوجع فيك 😳
عبدو هز راسه : لالا تمام ،امم شن الحاجه الي هكي ... تحبيها فيه جسدياً يعني
هاجر خبطت يدها ع السرير : ارفض الاسئله المفخخه يااستاذ عبدو 😒
عبدو ضحك بالقوه واخخخ ع صوته وهو يضحك😻: ياغبيه..... قصدي بشكلي يعني
هاجر سكتت شويه : اممم خمسة حاجات هنا ..... انت طويل وهذا من حسن حظك لاني نحب راجلي طويل 😂..انحب عيونك لاني نشوف فيهن دوه واجد
عبدو قاطعها :  وتعتقدي انك تقدري تقري شن فيهن؟!❤
هاجر ابتسمت: انا مش نعتقد انا متأكده ...وانحب شعرك لما تقعد فتره ماتحلقش ولحيتك💙
عبدو ابتسم ع جنب: وشن اخره....؟
هاجر : وصوتك القوي كيف مقدمي نشرة الاخبار ☺
عبدو يتهزا: احم احممم😂
هاجر ضحكت : ماتتحمسش واجد😂
عبدو : والخامس شنو ؟🌹
هاجر : الخامس ياحبيبي .....عروق يدك البارزه اخخخ محلاها😍
عبدو ضحك وبحت ف يده بنظره خاطفه وبحت ف هاجر : انتي غريبه
هاجر عقدت حواجبها : ليش😞
عبدو رفع حواجبه: اول مره نسمع بنت تحب ف حبيبها عروق يده ....شن الجاذبيه ف الموضوع؟
هاجر خذت يده وتحسس ف عروقه بصبعها : مش عارفه ..انحبها💛
عبدو ابتسم : تحبي عروقي لانك تجري فيها ؟❤
هاجر ابتسمت وحطت راسها ع كرعين عبدو و يده ف حضنها : بلكي😊
عبدو بنظره خبيثه : هاجر ....انقولك انا شن يجذبني فيك !💜
هاجر طلقت يده وعيطت :لا
عبدو : ليش😞
هاجر : قريت الاجابه ف عيونك مش قتلك اني نعرف الي فيهن 😒
عبدو : وشن قريتي😏
هاجر وجهها انحمر : ما لا يليق 😔😂
عبدو انفجر بضحك 😂😂
٭٭٭٭٭٭٭٭٭٭٭٭٭٭٭٭٭٭٭
بعد مرور7 شهور 🍃❤
- هبه وهاجر تخرجن من الطب هبه دكتورة نساء وهاجر تشتغل ف نفس المستشفي بس ف قسم الحوادث وف الوقت الحالي هي مبطله شغل عشانها
حامل طبعاً ف الشهر الثامن
-اما علاء فكان يلاحق ف هبه ويراقب فيها ومش قادر يسيبها ولما يتقابل هو وياها يدير روحه جاي صدفه اما هبه فكانت تحس امعاه ف شعور حلو ومعجبه بيه بس تبعد فيه عليها بقدر الامكان لاسباب حنعرفوها بعدين
........
الساعه 2:30 ف القايله
عبدو روح من العمل خش للحوش لقاه مظلم عرف هاجر راقده خشلها للدار
لقاها راقده وخاشه ف بعضها وحاطه يديها ع بطنها وحاضنه تيشرت امتاع عبدو💚
عبدو ضحك ع منظرها وصبا قدام الزيانه ويسلح ف جاكيته
عبدو : قطوستي هيا نوضي😍
هاجر:😴😴
عبدو علق جاكيته وحل الستاره وخش الضي للدار
عبدو : هيا هاجر نوضي😊
هاجر كشرت وجهها : نبييي نرقققد☹😭 وقعدت تبكي
عبدو سلح تيشرته : باهي ارقدي خلاص وصكر الستاره ونطرح جنبها
هاجر .....

*ممكن مازال حلقتين او اربعه بـِ الكثير طولتها ع شانكم
*نبي تفاعل😊واسفه ع التأخير

انحبكم واجد واجد واجد💋🙈