Window 💞🏡(مـكتمـلة)

الحلقه الثالثه عشر💔

رواية  Window 💞🏡

للكاتبة:sαℓeмα🔏

٭٭٭٭٭٭٭٭٭٭٭٭٭٭٭٭٭٭٭٭
الساعه 9:55ف الليل
سلمى ولجين قاعدات مع هاجر ف الدار وعبدو مقعمز بره ومريم روحت بعد زن عبدو عليها
لجين تبحت ف نقالها وتحكي : اسمعي ياهاجر راهو امك شبه عرفت بعلاقتك مع عبدو
هاجر انصدمت : شنو
لجين : زرتني بره بروحي ماقدرتش ننكر
هاجر بحت ف سلمى : اتصبي تضربيها انتي ولا انا
لجين : امبدري كانت ف الحماام بعد جت لقت عبدو مش قاعد قالتلي وينه قتلهاا مع هاجر قالتلي شن في بينهم انا تخزرطت وهيا فهمتني من نضرت عيوني هضا عليش روحت هيا عشان اتسيب الساحه فاضيه لعبدو
هاجر بصوت مبحوح : شن نبي انقولك ربي يهديك وخلاص فضحتينه 😷
لجين صبت :انعدي انشوف عبدو شويه
سلمى منطرحه مع هاجر ف السرير : شن جوه عبدو امعاكي
هاجر : ااااااه ماتذكرينيش قاعده مشحورته امعايه
سلمى سكتت
هاجر دموعها ينزلن : اتصدقي كرهت روحي
سلمى بحتت فيها : عليش ياقلبي
هاجر تبكي: بهدلت هلي امعايه انا قعدت زي القنبله او ماحنموت حننفجر حنسبب ضرر لكل الناس اللي يحبوني اولهم عبدو وماما وبابا الي ماعندهمش غيري وجديده اللي ماتحمل فيه شي وانتن وخالاتي والمشكله انه هما كلهم حاطين امل ويقولولي اني حنصح لاكن الكلام هضا مستحيل
سلمى تبكي وتخبط ع السرير : معش اتفاولي ع روحك احكي كويس انتي مش حتموتي 😭 وضبطتها وقعدن يبكن مع بعضهن
خشت عليهن لجين
لجين شهقت :كنكن بسم الله
لجين تفك فيهن :تفاولن خير ان شاء الله اتكمل هاجر علاجها ونجوزوها لعبدو ونفرحوا بيها😊
هاجر تمسح ف دموعها :وينه هوا
لجين :قالي طالع لمحل تو انجي
سلمى ضحكت :طبعا خايفه عليه
هاجر ابتسمت
دق الباب وخش عبدو
عبدو: السلام عليكم
الكل: وعليكم السلام
عبدو بحت ف هاجر :امورك تمام
هاجر كان وجها ااصفر وضاعفه ببكل:الحمد الله
عبدو اضايق بعد ماشاف وجه حبيبته الي ضاعفه خلال يوم بس
٭٭٭٭٭٭٭٭٭٭٭٭٭٭٭٭٭٭٭٭
وآني آتمـنآگ عمـرآ ف لآترخي يدآگ 💙
#عبدو
٭٭٭٭٭٭٭٭٭٭٭٭٭٭٭٭٭٭٭٭
عبدو :لجين نادي الممرضه اتجيب العشاء وهاكي الشكاره تعشي انتي واللي معاك
لجين : حاضر وطلعت
هاجر: خاطرني ف عشاء مطعم 😞
عبدو قعمز جنبها :ي روحي والله مش كويس لصحتك ان شاء الله بعد اتصحي تاكلي اللي خاطرك فيه كلا
هاجر تنهدت وخشت الممرضه بالبرودو
عبدو خذا منها
هاجر عيونها دموع : نحبش
عبدو كان يحايل عليها وكأنها طفل صغير:  بالعكس سمح بكل غير كولي منه
هاجر مكشره وجهها : والله مانحبه ي عبدو فكنيي
عبدو : انتي افتحي فمك بس وجربي
هاجر فتحت فمها وقعد عبدو يوكل فيها لعند كملاته كله
عبدو ضحك قرص هاجر من خدودها : ياناعليا نا من اللي يسمع ف الكلام 💘
هاجر ابتسمت 😊
عبدو مسكها من يدها : هيا صبي نتمشوا شويه
هاجر بتنبله: ماعنديش جهد😔
عبدو : مايصير شي كان قعدتي طول الوقت ع السرير
هاجر صبت امعاه وهي ماسكه ف يده طلعت هيا وعبدو تمشوا شويه ف الممر
عبدو حس بهاجر مش تمام مابش ايكثر عليها وردها للدار
لجين : ماطولتوش
هاجر : ااممم كرعيه وجعني😷
عبدو حط هاجر ع السرير وشاف دم نازل من خشمها خذا كلينكس ومسح الدم
هاجر شافت الدم قعدت تبكي
عبدو : خلاص خلاص حولته هاجر حضنت عبدو وقعدت تبكي
هاجر تبكي وتشهق ف حضنه
عبدو يمسح ع ظهرها قرب من وذنها ويحكيلها : خلاص حبيبي حول الدم 😢
هاجر مستمره تبكي ومرتخيه ف حضن عبدو وخلاص
عبدو خاف عليها رفعلها راسها :خلاص ح...وانصدم لما لقا وجهها دم
هاجر بحتت ف تيشرت عبدو لقتها كلها دم زادت تبكي
لجين وسلمى يابسات ف مكانهن من الخوف ويبحتن ويبكن وخلاص 
عبدو خذا هاجر للحمام غسلها وجهها
ونادا الممرضه عشان اتشوف قصة الدم اللي ماباش يوقف
وهوا كلم علاء يجيبله لبسه
هاجر بعد علقتلها الممرضه التغذيه رقدت ولجين وسلمى قعدن حداها اما عبدو فكان قاعد قدام الدار
.............
ثاني يوم 💙
الساعه 9:35 الصبح
جت مريم ومحمد ومحمود
مريم خشت للدار : السلام عليكم
لجين وسلمى :وعليكم السلام
مريم : مازالت راقده
لجين هزت راسها بمعني ااهاا
مريم : سهرت امعاكن امس
سلمى: لاوالله ياعميمه ممكن من الساعه عشره رقدت
مريم جت لهاجر تنوض فيها : هاجر هاجر
هاجر وهي مسكره عيونها  :نعم
مريم : نوضي يامااما سادك نوم باتك يبي ايشوفك قبل مايعدي للعمل
هاجر ناضت : باهي
مريم : شن تحسي ف روحك
هاجر اتكسل: الحمد الله ، من اللي جا معاكي
مريم : محمود
هاجر : وجديده
مريم: تو اتجي ف العشيه
وخش محمود ومحمد : السلام عليكم
الكل :وعليكم السلام
محمد قعمز جنب هاجر: شن حالك اليوم
هاجر : الحمد الله
محمود ضحك و عطاها كف خفيف لهاجر : شن الجو
هاجر ضحكت : اااييي يابارد
محمد : جاتك الممرضه
لجين : امس ف الليل جت لاكن اليوم لا
محمد صبا : انعدي انشوف الدكتور قبل مانمشي للعمل بعدين ف الليل تو انجيك باهي
هاجر هزت راسها :به 😊
محمد طلع
مريم لحقاتته عشان ايشوفوا الدكتور شن ايقول ع حالة هاجر
محمود ضحك وبحت ف هاجر : لجين عبدو روح
لجين صبت اتشوف فيه : مش عارفه
هاجر ضحكت : كنك اتنابش انت
محمود رقص حواجبه وضحك: كساد
هاجر ضحكت: واللهي كان خاطري انشوف خطيبتك
لجين : اكيده شينه
محمود : هيييه هييه 😡
لجين وهاجر وسلمى ضحكن😂
هاجر : عارف عليش شينه
محمود : عليش
هاجر رقصت حواجبها: لانه مافيش وحده سمحه ترضا بيك
محمود ضحك و صبا : لاهكي تماديتن عاد
هاجر تضحك بصوت مبحوح
محمود طلع : اوكي
هاجر شيرت بيدها: باي
سكتن شويه البنات
هاجر قعدت تحاول تصبي بروحها
لجين صبتلها تجري : لاحول ولا قوة الا بالله وين ماشيه
هاجر : نبي الحمام
سلمى تحول ف الفوطه من عليها : عليش ماتقولي بس
هاجر نفخت : نقدر انصبي بروحي 😡
لجين صبتها :هيا انعدي انا وياك
سلمى : ماتطولنش
هاجر و لجين طلعن
لجين : شكله عبدو روح صاح
هاجر تنهدت : ساده حتي هوا من امس قاعد
لجين : تهيالي عنده جامعه
هاجر سكتت
سلمى قاعده ف الدار بروحها ع نقالها
خشت مريم : وين عدن
سلمى : للحمام
مريم خشت وقعدت تهدرز هيا وسلمى لعند جت هاجر و لجين
هاجر قعمزت وقعدت تسمع فيهن وهنا يهدرزن
مريم : انجيبلك فطور
هاجر : لالا فكيني ياماما
خش الدكتور : كيف حالك ياهاجر
هاجر : الحمد الله
الدكتور: فطرتي
هاجر هزت راسها بمعني لا
الدكتور : عليش
هاجر : انحس ف روحي بvomiting
الدكتور :معناته نعلقولك تغذيه
هاجر هزت راسها بمعني به
الدكتور : خلاص شويه وتجيك الممرضه تعلقها لكي بس بعدين تاكلي
هاجر ابتسمت: ان شاء الله
الدكتور ابتسم وحط يدها ع كتفها : ماشاء الله عليك
هاجر ابتسمتله
الدكتور طلع
سلمى ضحكت : الدكتور اعجب بيك
لجين : حسيته حتي انا
هاجر انطرحت : باهي خلاص خلاص وانتن ماتصدقن
مريم تبحت فيهن وتضحك
دق الباب ✊🏻
لجين صبت فتحت الباب
خش اساامه واحمد
هاجر تحشمت منهم وصبت بتقعمز
اسامه : خليك خليك متريحه
هاجر قعمزت : لا لا تمام
اسامه قعمز ف جنبها : كيف حالك
هاجر : كويسه الحمد الله
اسامه : تاكلي كويس
هاجر هزت راسها بمعني اهاا
لجين رفعت حاجبها : لاااا تاكل بالسيف
اسامه بحت في هاجر : صاحٌ
هاجر ضحكت
احمد ضحك : باهي ممكن تعطوني فرصه نحكي
اسامه : لا مش لازم تحكي قلت كلامك خير انت
هاجر تبحت فيه وتضحك : شن الجو
احمد : كساد واللهي الحوش بدونك
لجين ضحكت : احمد اول مره يقول كلمه كويسه ف حقك
اسامه : لجين تروحي امعانه
لجين : مش عارفه
احمد بحت ف هاجر وضحك: تو بعدين تردي مع عبدو
مريم : عدي يالجين انا قاعده
لجين : باهي بس مرات عبدو ايطول ،وين عدا هوا
اسامه : واللهي مانندري عليه جا بسرعه غير دبشه وطلع
احمد : ماشي للجامعه
لجين: به
......................
في العشيه 🌼
ردت لجين وعبدو ، وشويه وجن خالات هاجر وخوالها وعمتها فوزيه وتهاني ونجاة وجدتها  وفرح وهبه و كانت الدار مليانه واحد يطلع واحد يخش
...........
بعد يومين 🌈