Window 💞🏡(مـكتمـلة)

الحلقه الرابعه عشر 💔

رواية  Window 💞🏡

للكاتبة :sαℓeмα🔏

٭٭٭٭٭٭٭٭٭٭٭٭٭٭٭٭٭٭٭٭
الساعه 4:03 الفجر
خش عبدو ولجين واحمد لحوشهم جدتهم
عبدو : السلام عليكم
نجاة وفاطمه : وعليكم السلام
خيريه : شن حالها هاجر
لجين : زادولها .....
عبدو عفس ع كراعها : كويسه الحمد الله ،احسن من امبدري
لجين كرت عراكها من تحت كراع عبدو : اححححح💔😁
خيريه : الحمد لله وشيرت ع احمد وين لقيته الجربوع هضا
عبدو ضحك : كان ف الشارع
لجين : محمود وين
نجاة :راقد من الساعه 10
عبدو : تصبحوا ع خير وركب
فاطمه شيرت لاحمد ولجين : هيا اركبوا باتك امبدري جا وسأل عليكم
عبدو ركب خش لداره كان مايحقش ف الدنيه قدامه نعسان وتاعب نفسياً قبل جسدياً، عدل منبه نقاله ع الساعه 6 وطاح رقد من دون مايغير حتي دبشه💤
٭٭٭٭٭٭٭٭٭٭٭٭٭٭٭٭٭٭٭٭
آنتِ آلنعمـهہ آلتي آغمـضـ عيني نهہآية گل يومـ وآدعوآ آللهہ آن لآ آفقدهہآ💌🔆
#عبدو
٭٭٭٭٭٭٭٭٭٭٭٭٭٭٭٭٭٭٭
هاجر رقدت ومعاها باتها وامها ف الدار ❤
.......................
الساعه 6:00 الصبح
رن منبه امتاع عبدو ناض وخش دوش ولبس دبشه عشان يمشي لهاجر ايشوفها وبعدها ايعدي للجامعه 🏬
طلع لقا امه ف الكوجينه
عبدو ابتسم: صباح الخير
فاطمه استغربت : صباح النور ،وين ماشي
عبدو : بنعدي للمستشفى وبعدها عندي للجامعه وقعمز امعاها يفطر
فاطمه : تي مش المحاضره امتاعك الساعه 8
عبدو هز راسه
فاطمه : باهي وليش نايض من توا كان نضت الساعه 8 ومشيت للجامعه وبعدين ف العشيه مشيت لهاجر بلمهل
عبدو هز راسه بمعني لا
فاطمه : عدي نوض احمد عنده محاضره حتي هوا تو يشيطلي ريقي
عبدو : تمام وخش لأحمد ف داره
عبدو يخبط ف احمد بكراعه : هياااا نوض وقت ع الجامعه
احمد بعياط : تي هاااا ااالزح جامعة شنو ع الفجرر😡
عبدو يخبط فيه بكراعه وزارته الضحكه : نووووض فجر عينك الساعه عشره 😁
احمد كان راقد ع بطنه انقلب ع ظهره وبحت ف عبدو زين : علي من تكذب انت
فاطمه خشت للدار : انا قلت لعبدو ينوضك...صبي هياااا
احمد رد رقد ع بطنه وحط المخده فوق راسه : ي أمي نعسااااان خطوني
فاطمه : صبي وانت راقد طول الوقت لاشغل ولاقرايه
احمد يتهزا : حصلت شغل ف ميناء الكفره تو نعدي وتفتكوا مني😁
فاطمه فرحت : صاح ٌ
عبدو واحمد انفلقوا ضحك 😂
عبدو يضحك : توا ياامي من جدك صدقتيه ...الكفره صحراء وين الميناء اللي فيها 😂
احمد صبا : واللهي امي طروح 😂وخش للحمام
فاطمه تعييط لاحمد : واللهي انوريك عليهااا ياقرد بااااهي
عبدو يضحك : ماتبي شي ياأمي
فاطمه : لاسلامتك
عبدو طلع
٭٭٭٭٭٭٭٭٭٭٭٭٭٭٭٭٭٭٭٭
الساعه 7:00 ف الصبح 🌸
عبدو وصل للمسشفى وخش للممر اللي فيه غرفة هاجر لقا مريم كيف طالعه من الدار
عبدو : صباح الخير
مريم : اهلين صباح النور جيت وجابك ربي خليك مع هاجر لعند انكلم الممرضه
عبدو :تمام
مشت مريم وعبدو دق ع الباب ✊🏻وخش
عبدو ابتسم : صباح الخير حبيبي 😍
هاجر ابتسمت بتعب : اهلين 😔💚
عبدو قعمز جنبها : كيف حالك اليوم
هاجر تجاهلت سؤاله وقالت :عليش جيت توا كنك ماتريحت😞💔
عبدو مسك يدها وباسها : هنا لما نقعد امعاكي انتريح اكثر 💘
هاجر : بس انت مارقدتش و..
عبدو قاطعها وهو يضحك : شنو تلزي فيه انتي ولا خلاص معش حبيبك😉
هاجر ردت بأندفاع :لاااا انا انحبك 💙
عبدو ضحك: ي نعليا منه اللي يحبني وخلاص 😚
هاجر ضحكت وعيونها دموع
٭٭٭٭٭٭٭٭٭٭٭٭٭٭٭٭٭٭٭٭
مـآآعرفهہ آن وجودگ ولو ف آلبعد هہو سـند هہآئل لي✨💜
#هاجر
٭٭٭٭٭٭٭٭٭٭٭٭٭٭٭٭٭٭
عبدو ابتسم: اليوم بتنوريلنه الحوش صاح ♥
هاجر ابتسمت بخجل وهزت راسها بمعني اها
سكتوا شويه
هاجر تشوف ف الساعه ف نقاله : تأخرت ع المحاضره امتاعك
عبدو بحت ف الساعه امتاعه : خلي اتجي امك وبعدها انعدي
هاجر : لالا عدي توا تو تتأخر😔
عبدو هز راسه بمعني لا وقعد يراجي لعند جت مريم وطلع
مشا للجامعه وطبعاً وصل متأخر بس الدكتور خششه
علاء : كنك طولت
عبدو ياخذ ف نفس : كنت ف المستشفى
علاء : كيف حالها هاجر
عبدو هز راسه : الحمدلله
الدكتور : ياطالب انت وياه جاي متاخر وتهدرز اخره
عبدو بحت ف علاء : خلاص اسكت
٭٭٭٭٭٭٭٭٭٭٭٭٭٭٭٭٭٭٭٭
الساعه 6:04 ف العشيه 🌸
هاجر روحت للحوش ولقت عمتها تهاني وفوزيه وجدتها يستنوا فيها قعدت امعاهم
اما عبدو عدا لصاحبه "منصور" عشان ايديرله التأشيره وإجراءات السفر لالمانيا لان محمد اب هاجر وافق ع انه يسافرها ف اقرب فرصه
....
الكل مقعمزين ف الدار ويهدرزوا وهاجر قاعده ف تركينه بروحها ومتغطيه😷
خش عبدو : السلام عليكم
الكل رد السلام
عبدو سلم ع عماته وعيالهن وقعمز جنب عمه محمد 
محمد : شن صار
عبدو ضحك وطلعله التذاكر : بعد بكره
محمد تفاجأ : بعد بكره 😰
عبدو هز راسه : مش انت قتلي ف اقرب وقت
محمد :اهاا بس مانحسابكش تجيبهن بالسرعه هذي
هاجر ركزت ف التذاكر الي في يد باتها لقتهن اربعه💕
هاجر بتعب : لمن التذكره الرابعه
محمد :لعبدو 💞
هاجر بحتت ف عبدو بصدمه وعبدو ابتسملها
انتصار : عارف ياعبدو من بدري انراجوا فيك
عبدو رفع حواجبه :ليش ان شاء الله😒
سراج : نبوا نلعبوا كارطه تلعب امعانه
عبدو : تمام وقعمز سراج ومحمود واحمد ومنذر ولجين وانتصار وفرح ومنى وملاك
الصبايا طلعن للصاله
اسامه كان ف حوشهم ومازال مايندريش ع موضوع السفر،محمد طلع يوتي ف روحه للسفر
محمود: هيا ياهاجر 
هاجر هزت راسها بمعني لا
لجين بحتت فيها وضحكت : بترقدي
هاجر بصوت واطي من التعب : اهاا😌
انتصار ضحكت بهزوه: ماعرفتكش ،مش من قبل كان صوتك يلعلع
لجين رفعت حاجبها : واللهي 😠
هاجر بصوت واطي وتعبان : فوتيها فوتيها ياقلبي هذي مريضه نفسيه مانعدلش ع كلامها 😏وعطتها نضره من فوق للوطه 😒
الكل قعدوا يضحكوا
انتصار مسكت كباية الميه تبي تشرب تبزعت عليها
قعدوا يضحكوا عليها
منى: حشم فيك ربي 😂
احمد كان مقعمز ف جنبها تنطرت عليه الميه💦
احمد : تي هيييييه ياماماااا كان خاطرك تسبحي وانتي مقعمزه عدي غادي مش احدايه
انتصار حمقت وصبت : بااااهي خلاص 
ملاك : هجوري تبي ترقدي نطلعوا بره
هاجر : لالا مانبيش نرقد توا خليها ف الليل مره وحده
ملاك : اوكي فهمت عليك
عبدو يبحت ف هاجر وساكت
سراج خبطه ع كراعه :هيا العب
هاجر خذت نقالها وقعدت عليه 📱
احمد خسر وقعمز احدا هاجر
احمد: صقع غطيني امعاكي
هاجر غطاته امعاها وتكت راسها ع كتفه وقالت بتعب : اااااه
احمد ضحك وشوش : مش عبدو راني😂😂
هاجر قرصاته : بطل براده 😅
احمد ضحك: اححححح باهي قلت بلكي متلخبطه بس
هاجر : لا نعرف مانيش مودره اصلاً عبدو وين وانت وين بيش نلخبط بينكم 😂😍
احمد : ياعيني ياعيني 😂
وطلع نقاله قعدوا هما الاثنين ع نقالتهم ويهدرزوا مع بعضهم
عبدو يلعب ويبحت فيهم
منذر : اووووي انت تلعب امعانه ولا امعاهم 😅
عبدو بحت فيه وسكت 😒
٭٭٭٭٭٭٭٭٭٭٭٭٭٭٭٭٭٭٭٭
الساعه 9:30 ف الليل🌸
كلهم قاعدين ايتعشوا ماعدا هاجر مقعمزه ف تركينه بروحها
تهاني : هاجر تعالي كولي امعانه
فوزيه ردت عليها : ممنوع عليها الوكال العادي
مريم : انجيبلك البرودو ماما
هاجر هزت راسها بمعني لا
خيريه : امتا كليتي اخر مره
مريم : تهيالي من امس ولا اول امس
خيريه شهقت : وكيف قاعده هكي
هاجر ابتسمت: قاعده ع التغذيه ياجديده
اسامه يضحك : باب النجار مخلع باتك دكتور ومسيبك مريضه
محمد ضحك : وين مسيبها اهو عبدو دار الاوراق وبنطلعوها بره
اسامه بأستغراب : وين ،ماعنديش بيه علم الموضوع
محمد ضحك : عبدو اختارلنه المانيا
عبدو ضحك وحك راسه وبحت ف باته : قتلك انا ماشي امعاهم
اسامه يضحك : ماشاء الله ماشاء الله قعدتوا تخططوا من ورايه انت وعمك
محمد : ولدك هضا حطني ف الامر الواقع وقالي بعد بكره نمشوا
عبدو بحت ف محمد : كيف صار 😂
اسامه : باهي ان شاء الله فيها خيره وبحت ف عبدو :وامتحاناتك
عبدو :تو بعد يبدن نروح
٭٭٭٭٭٭٭٭٭٭٭٭٭٭٭٭٭٭٭٭
الساعه 1:30 ص🌸
كلهم قاعدين ف الدار ايهدرزوا
هاجر صبت وخذت نقالها : انا بنركب نرقد
فرح : خليك باتي امعانه
هاجر هزت راسها بمعني لا وضحكت : ليا واجد مارقدتش ف سريري
فرح :براحتك
هاجر : تصبحوا ع خير
مريم جت تبي تلحقها
هاجر : لا لا خليك ياماما تو انعدي بروحي 
مريم كيف بتحكي
محمد بحت فيها : خلاص خليها
مريم تنهدت : زيد علمها تسكير الراس 😪
هاجر طلعت
عبدو قعد شويه ونسحب حتى هو
سراج شافه وهو راكب زق محمود وضحك
محمود ضحك وشوش : عدا ورا هاجر 😂
سراج هز راسه بمعني اهااا وقعدوا يضحكوا
عبدو طلع لقا هاجر امقعمزه ع الدروج الفوقانيات
عبدو ضحك : شن تعبتي من اول درجتين
هاجر ضحكت : مفروض انديروا مصعد
عبدو قعمز احداها : شن الجو
هاجر : تمام نعسانه شويه بس
عبدو : صاح مكليتيش
هاجر ماسكه نقالها بيدها وتدرجح بيه
عبدو بحت فيها ورفع حاجبه : نحكي امعاك
هاجر هزت راسها بمعني اهاا😔
عبدو : وشن اتفقنه نحنه
هاجر هزت كتوفها: ماعنديش نيه🍴
عبدو : مره اخره نسمع انك مش واكله اتشوفي شن ايصيرلك ،هيا صبي
هاجر صبت وتمشي بشويه
عبدو قدم بسرعه ورفعها و ركب بيها
هاجر فنصت فيه وهي زارتها الضحكه : نزلنيييي
عبدو ضحك : مش عليه انا دور الواعره😂😂
هاجر وجهها قعد احمر من الحشمه: باهي نزلني
عبدو يغير ف الموضوع : قعدتي خفيفه
هاجر : قزدك من قبل كنت سمينه
عبدو : لا قزدي ناقصه واجد وحطها قدام حوشهم
هاجر سكتت
عبدو يبحت فيها وساكت
هاجر تخزرطت : شكراً
عبدو : ع شنو
هاجر : ع التوصيله 😊
عبدو باسها ع خدها: مش بيناتنه 😍وركب
هاجر خشت لحوشهم بسرعه ووجهها احمر وقريب يطربق من الحراره رقدت ع سريرها وهي تخايل ف عبدو لعند ماخذاها النوم♥
وعبدو خش لحوشهم وقرا شويه ورقد
٭٭٭٭٭٭٭٭٭٭٭٭٭٭٭٭٭٭٭٭
ثاني يوم ⛅
الساعه 5:00 العشيه
مريم مقعمزه ف الدار مع هاجر وتلملها ف دبشها
مريم رفعتلها التيشرت : هذي تبيها
هاجر: مش عارفه
مريم : باهي من اللي بيعرف
هاجر : خليه ياماما تو بعدين انلمه
مريم : امتا بعدين تره قوليلي
دق الباب ✊🏻
مريم طلعت فتحت باب الحوش
لجين :  خير ياعمتي مريم كيف حالك
مريم : كويسه الحمد الله خشي
لجين : هاجر واعيه
مريم هزت راسها بمعني اهاا
خشت لجين لهاجر ف دارها
هاجر :اهلا
لجين باستها ع خدها : شن الجو
هاجر : تمام
لجين : شن اديري
هاجر ضحكت: دروحني انلم ف دبشي 😂
لجين قعدت اتلم امعاها :عمتي فوزيه روحت
هاجر : احسن
لجين ضحكت : واللهي صدقتي
هاجر : عمتي تهاني ومنى وسراج مازالوا قاعدين
لجين ضحكت : قاعدين مقيمين
هاجر ضحكت : توا بتاخذوا راحتكم عبدو مش قاعد
لجين : اهاا ماتحقيش فيه فرحانه 😂
هاجر ابتسمت
لجين : باهيي انتم شن اسمها المدينه اللي ماشيلها
هاجر : العاصمه
لجين : وشن هيا
هاجر : عليك فضيحه مش عارفه عاصمة المانيا 😅
لجين ضحكت : لامش عارفه😁
هاجر ابتسمت: برلين
لجين : شكلي حنكسد واجد بعد اتعدوا
هاجر : وين بتكسدي وسراج امعاكي
لجين : مايبيش يقعد ديما هوا اسبوع اسبوعين ويروح
هاجر سكتت
٭٭٭٭٭٭٭٭٭٭٭٭٭٭٭٭٭٭٭٭
الساعه9:00ف الليل 🌸
عبدو روح للحوش كان عند علاء يقرا هو وياه وته دبشه ورن ع هاجر بس هاجر ماردتش لانها كانت راقده💤✋🏼
٭٭٭٭٭٭٭٭٭٭٭٭٭٭٭٭٭٭٭٭
ثاني يوم✈
الساعه 6:00 الصبح🌸
هاجر ناضت خشت للحمام ادوش وتت روحها وهي مصدومه وتبحت ف شعرها اللي قعد ربعه بس
وطلعت لقت امها ف الكوجينه
مريم : تعالي افطري
هاجر دوب ماتمشي : ماعنديش نيه
مريم : تعالي قتلك وقعدت توكل فيها بالغصب
بعد فطرت هاجر
قعمزت ع تلفونها
وصلها مسج "صباح النور❤" من عبدو
هاجر" صباح الورد🍁"
عبدو "وتيتي روحك "
هاجر "مازلت بنلبس بس "
عبدو "باهي تمام "
هاجر خشت للحمام وهيا تمشي بالسيف
مريم خايفه عليها : جوجي خليني انخششك انا للحمام
هاجر : لالا ياماما نقدر وخشت للحمام
لبست جاكيت لتحت الركبه مصكر ب خيط ولبست وشاح لونه beby pink مع سروال جينز وكاويش وردي
محمد ع الدروج ينزل ف الشناطي
هاجر ماسكه ف حديد الدروج وعيونها دموع  : اااه
مريم : اتحسي ف حاجه
هاجر قعمزت ع الدروج وتبكي 😭
مريم انفجعت :كنك بسم الله
ع نزلت عبدو ولجين وفاطمه
فاطمه : كنها هاجر
لجين طبست ع هاجر : كنك ياقلبي تحسي ف حاجه😢
مريم: مش عارفه كنا بننزلوا قعدت تبكي😭
عبدو يشيرلهم بأنه يحولوا من حداها
فااطمه توشوش لمريم: خليها مع عبدو ولجين عارفتيهم قريبين من بعضهم
مريم هزت براسها ونزلن
عبدو : حبيبتي هاجر
هاجر حاطه راسها بين يديها وتبكي😭
عبدو حضنها : خلاص اسس انا معاك
هاجر: عبدو انا خايفه 😭
عبدو: تخافيش وانا معاك مش حيصير شي
هاجر :......

*بليز😩اضغطي ع 🌟 وماتنسيش تعلقي برايك اللي اكيد يهمني
وشكراً☺

انحبكم وووواجد💋