Window 💞🏡(مـكتمـلة)

الحلقه الحاديه عشر 💔

رواية  Window 💞🏡

لكاتبه :sαℓeмα🔏

٭٭٭٭٭٭٭٭٭٭٭٭٭٭٭٭٭٭٭٭

عبدو قرب منها : غير خلينه منهم وقوليلي توا😍
هاجر بدلع : شنو
عبدو : وين ع الجمال هضا كله ❤
هاجر ضحكت : ....
وكملوا هدرزتهم عادي

٭٭٭٭٭٭٭٭٭٭٭٭٭٭٭٭٭٭٭٭

بعد مرور اسابيع 🍃
وكانوا ع نفس الحاله عبدو وهاجر ايتقابلوا من Window وسراج ولجين يحكوا مع بعضهم ويخططوا لمستقبلهم
بدت الامتحانات النهائيه امتاع هاجر وكانت تقرا بجد ليل نهار وتسهر وكان باين عليها الارهاق والتعب وكان عبدو مرات لما ايجيها من الروشن اتسمع عليه او لما تقعد عندها حاجه مش فاهمتها يشرحها لها وهكي كانت تذكر ف المعلومات ويرسخن عندها لانهن طالعات من فم عبدو😊
الساعه 7:30ص
هاجر امقعمزه ع الدروج تلبس ف كاويشها وتراجع وكانت اخر ماده عندها  E
محمد : هيا
هاجر خذت شنطتها :هي
محمد : شن اليوم بيروح بيك عبدو ولا عنده جامعه
هاجر غاطسته ف المذكره: مش عارفه
محمد : تو بعدين نسأله
ونزلوا لوطه لقوا عبدو يسخن ف سيارته ماشي للجامعه
محمد : صباح الخير
عبدو : صباح النور وبحت ف هاجر وحركلها حواجبه
هاجر ابتسمتله
محمد : اليوم بتروح بهاجر ولاعندك محاضرات
عبدو : لا تو انروح بيها
محمد : عادي كان عندك تو انروح بيها انا
عبدو: لالاتمام
وركبت هاجر هيا وباتها للسياره ومشت للمدرسه
٭٭٭٭٭٭٭٭٭٭٭٭٭٭٭٭٭٭٭٭
الساعه 9:30 ف الصبح
كانن البنات كيف طالعات من الامتحان
سلمى: حليتي
هاجر : سااااااهل
جوري تبكي :وينه الساهل 😭
هبه : اللي يقرا يحل ولا لا ياهاجر
هاجر هزت راسها بمعني اهاا
جوري : واللهي قريت
هاجر تمسحلها ف دموعها : خلاص ياروحي اهم حاجه حليتي ف الامتحانات اللخرات
جوري مسحت دموعها: قريت انا وتعبت ع الفاضي يعني
هاجر : اكيده مش ع الفاضي
هبه :سلمى وين
جوري ضحكت : مع صلوحه
هاجر باين عليها التعب : ااااه ياراسي😷
فرح : كنك
هاجر : ليا ثلاث ايام مش راقده حتي الوكال ناكل ف العشيه بس
جوري : حي عليك تو تمرضي
هاجر : واللهي حتي ماما تقولي هكي بس ماعنديش نيه
فرح : تو خلاص عطله ترقدي وتاكلي لعند تشبعي
هاجر : انراجي فيها بالساعه والدقيقه بيش انتفكه منكن
جوري وفرح ضربنها
جوري : حيوانه
فرح : خزيه
هبه عيطت : انا كنت بنقولك انرايف عليك
هاجر ضحكت : حتي انا حنرايف عليكن لاكن تو انتلاقوا واجد يعني 😁
٭٭٭٭٭٭٭٭٭٭٭٭٭٭٭٭٭٭٭٭
الساعه 1:30م
عبدو كانت عنده محاضره كملها ومشا لهاجر وكانت عنده محاضره اخرى بعدها
هاجر ركبت مع عبدو ف السياره : هاااي
عبدو : اهلا ،شن جو الامتحان " طبعاً عبدو هو اللي كان امقريها ف امتحان ال E لانه هو تخصصه"
هاجر ضحكت :  Fabulous  ، Enjoyable  ، Nice
عبدو ضحك : ماشاء الله هضا كله من قرايت امس
هاجر تنهدت: ااااااااه واخيراً  عطله وغمضت عيونها
عبدو ضحك وقدم بسرعه باسها ع خدها 💘
هاجر فتحت عيونها وعيطت : لااااا وحطت يدها ع خدها
عبدو فنص فيها وهو يضحك : صوتك عالي راك قاعده ف شارع
هاجر حمقت : معش تعاودها .....فاهم 👈🏼
عبدو ضحك :حاضر
سكتوا شويه
عبدو بحت ف ساعته: اوووووو عليك قصه
هاجر : كنك
عبدو : المحاضره بدت
هاجر : ماهو قالك بابا من بدري ايروح بيه هوا
عبدو ضحك : تي لا عادي القصه كلها ف علاء اللي قاعد يستنه فيه قدام الحوش 😂
هاجر سكتت
بعد نص ساعه
عبدو حط هاجر ف الحوش وخذا علاء ومشوا للجامعه
هاجر خشت لجدتها :السلام عليكم
خيريه : وعليكم السلام اهلين وباست هاجر ع راسها
هاجر قعمزت بتعب: ااااه
خيريه : بسم الله ع بنيتي كنه وجهك اصفر
هاجر: من تعب الامتحانات بس
نجاة : بتمشي امعانه اليوم ياجوجي
هاجر بإستغراب : وين
نجاة : ماقالتلكش امك اليوم ماشيين نخطبوا لمحمود
هاجر ضحكت : واللهي ، وينه هوا
خيريه : ماشي للشغل من الصبح ،بتمشي
هاجر بتفكير : فكيني ماعندي عليش ماشيه
خش احمد
احمد : سلام
هاجر : اهلين
خيريه : وعليكم السلام ورحمة الله
هاجر واحمد ضحكوا
هاجر : انا بنركب وطلعت من الدار
احمد لحقها : عبدو وين
هاجر كشخت عليه: ماندريش وركبت ع الدروج (ماتبيش اتقوله لانها كانت متعاركه امعاه الايام اللي فاتن😁)
احمد يمشي وراه: غير قولي هيا
هاجر تأفأفت: مش عارفه قتلك
احمد : تي غير هيا عارفك عارفه
هاجر عصبت: خطاني
احمد ينق عليها : هيا ياهاجر ....قوليلي ..قوليلي عارفك عارفتيه وين هيا
هاجر حست روحها داخت والدنيا برمت قعمزت ع الدروج وحطت يدها ع راسها
احمد : كنك
هاجر : راسي داخ
احمد ضحك وصباها : بلكي علشان دوينه ع عبدو تلخبطتي
هاجر ضحكت ودفاته وركبت لحوشهم
خشت لقت امها تستشور ف شعرها🙆🏻
مريم : شن صار ف الامتحان
هاجر عزقت شنطتها : تمام
مريم : حليتي كويس هاجر هزت راسها بمعني اهاا
مريم : هجوري سلم بلم بنيتي حطي الغداء باتك قريب ايجي
هاجر: ماشيه امعاهم لخطبت محمود انتي وبابا
مريم هزت راسها بمعني اها :انتي اقعدي مع لجين باهي
هاجر :به 😥
مريم : كنك اليوم وامس انحس فيك مش علي بعضك
هاجر : مش عارفه كلكم تسألوا فيه
٭٭٭٭٭٭٭٭٭٭٭٭٭٭٭٭٭٭٭٭
الساعه 5:00 ف العشيه🌸
هاجر قاعده مع لجين ف حوشهم ف الصاله ايتفرجن ع التلفزون
واحمد ف داره ، وعبدو ف الجامعه
لجين تقلب ف القنوات : عليك قصه كلما نبي انتفرج مانلقش حاجه سمحه
هاجر مقعمزه وساكته وتحس ف روحها دايخه
لجين : كنك ياقلبي
هاجر صبت: شي شي انعدي انجيب شحن نقالي
لجين : ماطوليش
هاجر قعدت تمشي بشويه وماسكه ف الساس وصلت قدام باب الحوش وطاحت اغمى عليها
لجين عيطت : هااااااجر وصبتلها تجري
احمد سمع عياطها طلع : كنهااااا 😨
لجين تهز ف هاجر وتنوض فيها لاكن من دون فايده
احمد خذا مفتاح امتاع سيارة باته : ابسرعى البسي
لجين خشت للدار تجري تلبس ف عبايتها
احمد شال هاجر ونزل بيها
لجين لبست ونزلت ركبت السياره ودزت مسج لعبدو " هاجر مرضت وشلناها لمستشفى ...... تعال بسرعه"مابتش ترن عليه لانه ف الجامعه وعارفته مش حيرد
.....................
عبدو قاعد ف وسط المحاضره وصلاته رسالة لجين قراها وانصدم قعد مش مصدق ويقرا ف الرساله من جديد لعند استوعب الموضوع طلع يجري وركب سيارته ومشا للمستشفى اللي قالتله عليه لجين
......
هاجر مازال ايعاين فيها الدكتور
واحمد ولجين امصبيين قدام الدار
جاهم عبدو وقال بخوف : كنها هاجر
احمد : مافيها شي امغير اغمى عليها وجبناها للمستشفى
طلع الدكتور
احمد وعبدو بحتو فيه
الدكتور : حالتها اكويسه اطمنوا بس جسمها تاعب وتبي راحه ودرنالها مجموعة تحاليل ويطلعن بكره الصبح واليوم حتقعد ف المستشفي وعدا الدكتور
عبدو حط ايديه ع وجهه وتنهد بعدها برم ع لجين خبطها ع كتفها : غبيه فجعتيني ماتعرفيش تحكي نحسابه الا انضر شن صار
لجين بخوف : احيييه شن دخلني انا اللي صار كتبته لكي
احمد : انقول  لعمي محمد ولاكيف ايصير
عبدو : لالا ماتفجعهمش خليها لعند مايروحوا
احمد : وكيف نعرفهم روحوا
عبدو : امشي اقعد ف الحوش بعد ايروحوا قوللهم وتعال انت وياه 
احمد : تمام ومشا
لجين طلعت نقالها وقعمزت قدام الدار : واللهي النت قوي هنا
عبدو بحت فيها وخش لهاجر لقاها راقده
عبدو قعمز ف جنبها ع الكرسي ومسك يدها
هاجر ناضت ترمش ف عيونها : ع..عبدو
عبدو قرب منها : نعم ياروح عبدو
هاجر تبكي : نبي ماما
عبدو يمسح ف دموعها : باهي باهي حاضر شويه واتجي
هاجر سكتت وقعد ياخذ فيها النوم
عبدو قعد ايشوف لهاجر لعند رقدت وبعدها وجه نظره للتغذيه قعد ايشوف فيها كيف تنزل بالنقطه ويتبع فيها بعيونه لعند اتخش ف يدها 💉