Window 💞🏡(مـكتمـلة)

الحلقه العشرون💞

رواية : Window 💞🏡

للكاتبة:sαℓeмα🔏

٭٭٭٭٭٭٭٭٭٭٭٭٭٭٭٭٭٭

شويه وروحوا وخشن البنات للحوش وهن يضحكن ع احمد كيف ناعس و الصدمه كانت 😨عبدو مقعمز ف الصور يراجي فيهن احمد ركب للحوش وهاجر ولجين صبن قدام عبدو
عبدو رفع حاجبه وبحت في هاجر وهو متعصب🔥 : وين كنتي..؟
هاجر بخوف : ااءاالء
لجين قطعت عليها :عبدو انا قلتلها
عبدو قرب من لجين وهو متعصبببب :انتي صكري فمك واركبي فوق شويه ونلحقك
لجين :بسس
عبدو ضغط ع سنونه ويحكي بهدوء : قتلك اركبي انا
لجين خافت وركبت
عبدو مسك هاجر من يدها والشر يتطاير من عيونه :انا شن قتلك 😡
هاجر خافت لانها اول مره تشوف عبدو متعصب هكي عيونها دمعوا : اااه يدي بشويه والله كان خاطري ف المشيه
عبدو رفع حواجبه :كان خاطري ف المشيه وسكت شويه وطلق يدها وقعد يولع ف السبسي اللي ف فمه  .....اايوه المهم انتي ترضي خاطرك وانا ف الساس يعني
هاجر تبكي :وانت كنك مشاء الله عليك تطلع تدهور وانا لا 😭
عبدو : اول حاجه انا طالع من الصبح نجري ع حوش عشان نجوزوا مش طالع ندهور كيف ماقلتي ......."ورد الدخان ف فمه وخذا شفففطه 😁" وثاني حاجه انا جيت ف العشيه وقلت بنطلع هاجر يقولولي هاجر طلعت مع احمد شن منضري اناا اهه
هاجر زادت ف البكى :اسفه والله اسفه بس نحسابكش اتجي ع خاطري😭
عبدو يحكي بعياط :وانا ياما داير ع خاطرك مافكرتيش انجي ناخذك
هاجر تعصبت وتمسح ف دموعها بالقوه : ترا ماتجملش عليا وبعدين من انت عشان نشاورك😡
عبدو عزق دخانه وفنص فيها  : نعم شن قلتي
هاجر تمسح ف دموعها :ااها صاح من انت عشان انقولك انا طالعه خطيبي راجلي باتي خويا هذينا كلهن لا معناها ماعندكش حق عليا
عبدو رفع صبعه بتهديد : تمام ياهاجر تمام خليك قد كلامك
هاجر دفاته من قدامها وركبت
ركبت هاجر وهيا ماسكه دموعها وأول ماوصلت لدارها انفجرت بكــــي😭
شافت من البلكوني لقات عبدو ف الصور يددخن ويبرم
هاجر قعدت تبكي وتحكي مع روحها : عليش طلعت اانا بس عليك غبااااء 😭
بدلت دبشها ونزلت لعبدو ف الصور وهي تبكي 😢
عبدو كان امصبي ويدخن لما شاف هاجر برم وجهه
هاجر خانقتها العبره : عبدو😭
عبدو ماردش عليها
هاجر تبكي: اسفه واللهي مش قزدي
عبدو برم يبي يركب
هاجر مسكته من يده : رد عليه باهي
عبدو بارم وجهه ومايبيش يبحت فيها : هاجر حولي خليني نركب عشان مانلبزش امعاكي ف الدوه
هاجر طلقت يده
عبدو ركب
هاجر قعمزت ع كرسي وقعدت تبكي
الساعه 3:09 الفجر
لجين نزلت تاخذ ف خبزه من حوش جدتها حست انه ف حد ف الصور طلعت لقت هاجر مقعمزه بروحها وتبكي
لجين انصدمت : هاااجر وقربت منها
هاجر تمسح ف دموعها : نعم😢
لجين : شن اديري هنا صبي
هاجر تغطي ف وجهها : مانبيش خليني هنا
لجين : باهي كنك تبكي من عبدو صاح
هاجر : مااكني شي خلاص عدي
لجين : امتا بتركبي
هاجر بعياط: نبي انبات هنا خلاص اخطيني 😭
لجين حمقت من عبدو وركبتله
مشت لداره ودقت الباب✊🏻
عبدو مازال متنرفز من الموضوع  : خشي
لجين خشت وهي حامقه لقت عبدو منطرح ع سريره وعازق التيشرت امتاعه وقالب وجهه
لجين : انت قاعد هنا 😡
عبدو رفع حاجبه : لا قاعد غادي ...اختصري
لجين تنهدت وسكرت باب الدار وقعمزت ف جنبه : هاجر قاعده بروحها لوطه ف الصور تبكي ..... انت عليش درتها القصه هذي كلها تو شن فيها كان طلعت امعانه
عبدو يسمع فيها وساكت
لجين صبت : المهم انا درت اللي عليه وقتلك ...وانت اكثر واحد عارفها هبله وشكلها ناويه تبات ف الصور اليوم
وطلعت وهي تمتم : هبله والله الي اتحبك 😒😅
عبدو لبس تيشرته ونزللها
هاجر مقعمزه ع الكرسي ومتكيه راسها ع الطاوله ومرتخيه من كثر البكى😥اول ماشفت عبدو رفعت راسها وقعدت تمسح ف دموعها
عبدو رفع حواجبه : شن بايته هنا اليوم
هاجر سكتت
عبدو حط يده ع وجهها ويمسحلها ف دموعها: خلاص صبي
هاجر حطت راسها ع الطاوله وردت تبكي : مانبيش😭
عبدو يضحك عليها ويكر فيها من يديها : صبي قتلك
هااجر تبكي : مانبيييييش😭
عبدو ضحك: صبي فكينه من طروح العيال الصغار
هاجر تكر ف يديها من عبدو : سيبني
عبدو تعصب: نعد لعند الثلاثه ماتصبيش تشوفي😡
هاجر صبت وهي تبكي ومنزله راسها : تي باهي شن تبي انت
عبدو رفعلها راسها وقعد يبحت فيها
هاجر عزقت روحها عليه و زادت ف البكى: سامحني واللهي ماكان قزدي انزعلك😭
عبدو حضنها : تي خلاص بكا الزح
هاجر رفعت راسها : باهي انت مش زعلان مني صاح
عبدو ضحك ع جنب وقعد يحول ف شعرها من ع وجهها بصبعه : مزال زعلان منه الكلام اللي قلتيه امبدري بس تو انتفاهموا فيه ونعرف كيف انردها لكي😏
هاجر وخرت و تمسح ف دموعها
عبدو : هيا اركبي قدامي
هاجر تمشي وهي تحك ف عيونها ومتحقش ف الطريق قدامها شويه وقريب خبطت ف الساس
عبدو كرها من يدها : من هنا الطريق 😩😂
هاجر :😒
عبدو دفها : اركبي راكبي
٭٭٭٭٭٭٭٭٭٭٭٭٭٭٭٭٭٭٭
ثاني يوم ⛅
الساعه 12:30 الصبح
عبدو طلع من داره لأمه ف الكوجينه
عبدو : أمي
فاطمه تكلم ف اختها ع النقال
عبدو يبحت ف روحه ف قزاز الدولاب امتاع الكوجينه ويسقم ف شعره
فاطمه سكرت من اختها واتحرك ف الطنجره : شن تبي وانت تنق
عبدو ضحك : يامظلوم امعاك الله انا دويت مره وحده درتيني انق
فاطمه ضحكت : باهي شن تبي
عبدو : كنت نبي انقولك انا اليوم مش جاي للغداء
فاطمه : ليش وين ماشي
عبدو لبس طاقيته : عند واحد صاحب عندي امعاه موضوع
فاطمه : وشن هوا الموضوع
عبدو ضحك : ريتي من ينق توا وطلع
فاطمه ضحكت وردت اتكمل ف باقي الغداء
عبدو نزل صبح ع جدته اللي كانت ف الصور وطلع وكان منضره😍من الاخير كان لابس سروال جينز وتيشرت اسود فوقه جاكه جينز نفس درجة السروال وكويش اسود وطاقيه سوده ولابسها بالعكس 💜
٭٭٭٭٭٭٭٭٭٭٭٭٭٭٭٭٭٭٭
الساعه 4:46 ف العشيه 🌸
عبدو روح للحوش اول ماخش قابلنه هاجر ولجين مقعمزات ع الطاوله ويشربن ف قهوه ف الصور
عبدو صبا احداهن وهو ماسك اوراق ف يده ويضحك : مافيش مبروك 😏
لجين استغربت :عليش
هاجر رفعت فنجان القهوه امتاعها وتشرب
عبدو : شريت حوش 😏
هاجر نزلت فنجان بسرعه :وكيف ماتقوليش
عبدو ضحك بأستفزاز: ومن انتِ عشان انقولك بنشري حوش
هاجر ولجين انصدمن
عبدو : اهاا صاح مراتي خطيبتي امي اختي هذينه كلهن لا😏
هاجر تعصبت : تردلي فيها ياعبدو
عبدو ابتسم : امممم حاجه زي هكي وخش وسيبهن
هاجر بحتت ف لجين بصدمه : شفتيه
لجين ضحكت: والله قلتها لكي مستحيل يمشي الموضوع بساهل
هاجر : هيا هيا نركبوا خلاص مليت من القعده هنا
لجين صبت :هيا وركبن
٭٭٭٭٭٭٭٭٭
الساعه 5:00 ف العشيه🌸
عبدو نزل لجدته وقاللها انه بيخطب هاجر وجدته فرحت قريب طارت وكلمت محمد واسامه وحكتلهم ووافقوا وفرحوا "عبدو دار هضا كله بدون علم هاجر عشان يزيد يقهرها
محمد : بس انا مانقدرش ناخذ القرار من راسي لازم نسأل هاجر
اسامه : اكيد اكيد لازم موافقتها
خيريه : تو نكلمها
شويه ونزلت هاجر وهي كيف الاطرش ف الزفه وبعد فتحولها الموضوع وسألوها هل موافقه او لا قعدت اتصفر واتخضر ومتحشمه من باتها وعمها وجدتها وعبدو يبحت فيها من تحت لتحت بنظرت شماته ع الموقف اللي نحطت فيها وف الاخير قالت هاجر موافقه وطلعت من الدار وهي تتحلف لعبدو
بعد نص ساعه 💚
طلع عبدو للصور يدخن قابلاته هاجر الحامقه
هاجر : انت كيف تحطني ف موقف زي هضا وماتقوليش
عبدو ماسك ضحكته : وانتي كنك ماجاوبتي وخلصتينه لازم يعني جو باب الحاره😏
هاجر تغلي : اححححح
عبدو ابتسم
هاجر : شن اللي يضحك فيك😒 ولفت تبي تركب
عبدو حضنها من لاوره ويحكي ف وذنها بصوت يذوب : مش ملاحظه انك رايحه نكديه وحتي ف لحظه زي هذي بدل ماتفرحي قاعده تعيطي💞
هاجر ابتسمت 💓
٭٭٭٭٭٭٭٭٭٭٭٭٭٭٭٭٭٭٭

بعد مرور شهر ونص📅
-مازال ايام ع عرس لجين وسراج و محمود وساره
-عبدو خطب هاجر رسمي ❤💍
الساعه 4:32ف العشيه
هاجر توتي ف روحها تبي تطلع مع عبدو ولجين تشري دبش
مريم خشت لدار هاجر: اسمعي
هاجر برمت عليها: نعم
مريم : ماطوليش باهي باتك قريب ايجي
هاجر : شن يعني اول مره نطلع امعاهم
مريم : لا مش اول مره بس توا تفرق مش كيف قبل كنه انقولوا كيف خوك وعادي لاكن توا خطيبك
هاجرر طالعه  : باهي باهي
وهي نازله تقابلت هي وعمها اسامه
هاجر :........

*كل حد يقرا ف الروايه يثبت وجوده بـ لايك او تعليق🌸

انحبكم وووووواجد💋