Window 💞🏡(مـكتمـلة)

الحلقه -21💞

روايه : Window 💞🏡

للكاتبه :sαℓeмα🔏

٭٭٭٭٭٭٭٭٭٭٭٭٭٭٭٭٭٭٭
بعد مرور شهر ونص📅
-مازال ايام ع عرس" لجين وسراج" و "محمود وساره "
-عبدو خطب هاجر رسمي ❤💍
الساعه 4:32م
هاجر توتي ف روحها تبي تطلع مع عبدو ولجين تشري دبش
مريم : اسمعي
هاجر برمت عليها : نعم
مريم : ماطوليش باهي باتك قريب ايجي
هاجر : شن يعني اول مره نطلع امعاهم
مريم : لا مش اول مره بس توا تفرق مش كيف قبل كنه انقولوا كيف خوك وعادي لاكن توا خطيبك
هاجرر طالعه : باهي باهي
وهي نازله تقابلت هي وعمها اسامه
هاجر ابتسمت : خير ياعمي اسامه كيف حالك
اسامه : الحمد الله كيف حالك بنيتي
هاجر ضحكت : كويسه الحمد لله 💗
اسامه ابتسم : ماشيه مع لجين
هاجر هزت راسها بمعني اهاا
اسامه : قاعده اتراجي فيك لوطه عدي بسرعه
هاجر : تمام ونزلت لوطه
لقت عبدو ولجين يستنوا فيها
٭٭٭٭٭٭٭٭٭٭٭٭٭٭٭٭٭٭٭
الساعه 6:09 العشيه 💜
لجين تنهدت: هضا اخر محل كان مالقيتيش فيه حاجه ياهاجر بنروحوا
هاجر ضحكت
عبدو ضحك : تي والله مانك مروحه لعند هاجر تشري قفطان باهي
لجين بتبكي: كرعيه😥
هاجر وشوشتلها : تستاهلي ...مش تبي تجوزي تحملي معناته😂
لجين : باهي انا شن دخلني كملته دبشي وبعدين ع اساس انتي ماتبيش تجوزي 😅
هاجر ابتسمت
لجين رن تلفونها: انا بنستناكم هنا
عبدو :تمام
ونزل هوا وهاجر وخشوا للمحل
عبدو فتح باب المحل :السلام عليكم
صاحب المحل: وعلييكم السلام
هاجر لفت ف المحل وهمست لعبدو: ماحصلتش
عبدو فنص فيها :عنجد ماحصلتيش ف ال5 دقايق هذينا
هاجر هزت كتوفها : هاا شووف مافيش
عبدو التف وجت عينه ع قفطان ححلو بكل وانيق🙊❤: شوفي هضا
هاجر ابتسمت : الله محلاه
عبدو :واتقوليلي مافيش
هاجر ضحكت :ماشفتش الحق😂
عبدو : بسرعه عدي خشي قيسيه
هاجر : باهي نزله ليا
عبدو ابتسم ع جنب:بعد انقولك قصيره تقولي لا😏 ونزله لها
هاجر خذاته وضحكت :وانت طويل😅
خشت هاجر قاست القفطان وطلع يجنن عليها💓
طلعت من حجزت القياس
عبدو :ها كويس
هاجر :اها تمام
مشوا لصاحب المحل
عبدو حط القفطان ع الكاصه وحط يده ف جيبه بيطلع الفلوس وقال: بكم
الراجل :والله هضا بـ 950
هاجر 😨توشوش لعبدو : لالا فوته " هو صاح كان القفطان حلو وانيق بس بسيط يعني مش لدرجة 950 😂 وفي نفس الوقت هاجر عارفه انه عبدو هو اللي يبي يدفع فامتبيش اتكثر عليه"
الراجل يبحت ف هاجر :القطعه هذي اول قطعه نزلت ف بنغازي ماتلقش منها والصراحه القفطان يستحق " طبعاً كلنه عارفين طروح اصحاب المحلات لما يشكروا بضاعتهم😂😂"
عبدو تعصب من صاحب المحل كيف يبحت ف هاجر :باهي تمام وبحت هنا 😡
صاحب المحل نزل عيونه "خاف من نظرات عبدو😡😂😂"
هاجر تهمس لعبدو : ي عبدو فكنا منه اكيد حنلقوا واحد اخر
عبدو بنفس همسها : والله سمح ونبي انشوفه عليك مايمشيش ف خاطري
هاجر تنهدت : باهي انا وياك ندفعوا نص بالنص
عبدو فنص فيها : هضا اللي ناقص
سلك عبدو حقه وطلعوا😍❤
٭٭٭٭٭٭٭٭٭٭٭٭٭٭٭٭٭٭٭
بعد ثلاثة ايام 🌹
يوم الحنه امتاع لجين💙
الساعه 4:00 ف العشيه
هاجر ف الكوجينه مع نجاة وبنات خالت عبدو" موده ورحمه "وفرح بنت عمتها فوزيه
هاجر تبحت ف الصاله اللي كانت مليانه : هضوما كلهم بتشربيهم قهوه ياعمتي نجاة😂
نجاة اطلع ف القهوه : امالاه شنو
فرح ضحكت : تبيلك طنجرة قهوه😂😂
هاجر ضحكت : شن الفكره العبيطه هذي😂
نجاة كرت هاجر : غير تعالي وصلي هذي للرجاله وبعدها ساهل
هاجر تتأفأف : ووووووه عليه خلاص نبي راحه انا مالحقتش حتي انغير دبشي😳
نجاة رفعت حاجبها : انقول لي موده ولا رحمه اطلعها لعبدو
هاجر كرت منها السفره : تي لا خلاص تو انشيلها😩😁
نجاة ضحكت وطلعت
هاجر ماسكه السفره : فرح خوذي نقالي وديري رنه لعبدو
رحمه بحتت ف هاجر من فوق للوطه : بتطلعيله هكي😨
هاجر كانت لابسه شورت جينز قصييييير وكت كحلي ودايره شعرها كعكه مع اكسسورات بسيطه وكانت لبستها عمليه لانها كانت توتي امعاهم ف الغداء وتحوس
هاجر بضحكه مستفزه : مش شورك😏
موده رفعت حواجبها : تي لا هي قزدها هو خاطبك مش قاري فيك فاتحه بيش تطلعي هكي
هاجر قلبت عيونها : وانا قزدي انك انتي وياه مالكنش علاقه بِيه كيف بنطلعله😡
رحمه بضحكه مستفزه: ع راحتك وطلعت هيا وموده
فرح بحتت ف هاجر بصدمه : هذينه كنهن 😩
هاجر : تي فوتي هضينه توا و رني ع عبدو القهوه بردت
فرح :بااااااهي ورنت ع عبدو بنقال هاجر
هاجر ابتسمت : خلاص توكلي
فرح : باهيي وووك حتى انا طالعه😩
هاجر كانت متواريه ورا الباب
جا عبدو من باب الكوجينه اللي يطلع ع الصور و خذا منها السفره : كنك كارسه ورا الباب☺
هاجر ضحكت وزادت خشت ورا الباب : مش كارسه بس ...."وسكتت شويه " خوذ القهوه بسرعه بردت
عبدو ضحك ع جنب : اوكي ومشا
هاجر مشت للدار بدلت لبست قفطان اسود منقط بالابيض ومكيجت وطلقت شعرها ولبست اكسسوارتها وطلعت تهبل كالعاده 💜💋
وطلعت قعدت تحوس مع البنات ويوتن لعزومة العشاء وبعد العشاء دارن شوط دربوكه وولعن الدنيا😻🔥
الساعه 1:30ف الليل
هاجر قاعده ف الكوجينه ومسكره الباب وتحكي مع عبدو الي كان مصبي من عند باب الكوجينه اللي يفتح ع الصور
عبدو يبحت ف فونه : شن الجو
هاجر : تمام كان خلني بنات خالتك الباردات
عبدو ضحك وحط نقاله ف جيبه : كنهن
هاجر : شي كيف الهم وين مانمشي لاحقاتني خايفات انقابلك توا مسكتهن لجين عشان انجي هنا
عبدو ابتسم وقرب منها : اخخخخخ لو يتعلمن من الجمال هضا بس😍
رن نقال هاجر "لجين "
هاجر بحتت ف الباب: حي عليه معناته ف حد دورني
عبدو يبحت فيها وساكت
هاجر باساته ع خده: تصبح ع خير💋
عبدو ابتسم : وانتي من اهله
هاجر ضحكت وقعدت تمسحله ف خده : الروج علم 😅
عبدو عقد حواجبه وقعد يمسح ف خده بالقوه: حي عليييييك
هاجر تمسح وهي ميته ضحك : تو يحول 😂
عبدو يبحت فيها وذاب ف ضحكتها 😍
هاجر حولت يدها من ع خده : حول الروج عدي هيا
عبدو يبحت فيها 💞
هاجر دفاته : خلاااااص اطلع وانت ماتشبع بكل😂
عبدو قدم بسرعه وحضنها💘
هاجر ابتسمت و رخت روحها ف حضنه
عبدو باسها ع خدها وطلع
وهو ماشي ف الصور قابله محمود
محمود بحت فيه بشك : ويين كنت😄
عبدو ببتسامه صفرا :تي خطاني ياراجل و انت قاعد كيف الشوكه ف رقبتي 😂
محمود ضحك
عبدو :بس خلاص انتحملوك اليوم هضا
محمود : عادي تو نحط احمد مكاني 😂
عبدو طلع للشارع يكمل ف باقي سهرته مع شباب العيله والجيران
هاجر بعد ماطلع عبدو شربت اميه واستنشقت ريحت ملابسها اللي كانت مليانه عطر عبدو وابتسمت
٭٭٭٭٭٭٭٭٭٭٭٭٭٭٭٭٭٭٭
-العِناق هو أن تأتي بِعطر وتَذهب بعطِرين 🍭💛
#هاجر
٭٭٭٭٭٭٭٭٭٭٭٭٭٭٭٭٭٭٭
وفتحت الباب تبي تطلع لقت موده قاعده قدام الباب هاجر انفجعت : كنك بسم الله😨
موده حركة حواجبها :شي نبي نشرب ميه
هاجر طلعت وهي اتمتم : ليه ان شاء الله😤😡
هاجر لبست بيجامتها ومشت للدار لقت لجين راقده انطرحت ف جنبها ورقدت
٭٭٭٭٭٭٭٭٭٭٭٭٭٭٭٭٭٭٭
ثاني يوم 🍃
يوم الزفه 💓
الساعه 7:00ف الصبح 💘
هاجر ناضت لقت لجين واعيه والباقي كلهم راقدين
لجين قاعده ع نقالها : صباح الخير
هاجر ابتسمت : صباح العسل ع الناس الحلوين كنك واعيه توا
لجين متوتره : ماجانيش نوم
هاجر ضحكت وهي تلم ف شعرها : شن شعورك
لجين ابتسمت : فرحانه اكيده بس خايفه ومتوتره واجد
هاجر بنظره خبيثه : من شن خايفه..؟
لجين ضحكت وضربتها كف خفيييف : من اليوم هضا كله....مش قزي اللي فكرتي فيه ي حيوانه😂😂
وقعدن يهدرزن مع بعضهن بصوت واطي
لعند ناضوا الباقي فطروا ومشت لجين هي وعمتها نجاة للكوافير وشالهم عبدو طبعاً
٭٭٭٭٭٭٭٭٭٭٭٭٭٭٭٭٭٭٭
الساعه 3:03 بعد الغداء
هاجر والبنات ف الكوجينه يغسلن ف الماعين امتاع الغداء وحايسات
فرح غاطسه ف الطنجره وتحك فيها وهاجر ف جنبها تمصمص ف القصاعي 😣
منى خطمت من تالاهن تمد لانتصار ف الكواشيك
هاجر تعيط : هيييييه بليتيني😓
منى ضحكت : سوري ......حي يابنات شكلها المرا جت (البنات كانوا جايبين كوافيره للحوش عشان توتيهن)
هاجر تنفض ف يديها : الحمد لله جت بدري ....بنات اللي كملت شغلها تطلعلها
منى تمسح ف يديها :انا كملت خلي نشوفها
ملاك : ارجي اني لاحقتك وطلعن
شويه وكملت هاجر وفرح وانتصار وطلعن ودوشن
فرح تعدل ف مكياجها بعدما كملتلها الكوافير
منى تتعاند هي وشخشيرها اللحمي 😂
وهاجر مقعمزه وتستشورلها الكوافير ف شعرها