Window 💞🏡(مـكتمـلة)

الحلقه التاسعه💞

رواية  Window 💞🏡

للكاتبه:sαℓeмα🔏

٭٭٭٭٭٭٭٭٭٭٭٭٭٭٭٭٭٭٭٭
هاجر مغمضه عيونها
عبدو يمرر ف اصابعه ع شفايفها
هاجر مغمضه عيونها : عبدو قتلك من قبل نتوتر لما حد يقرب مني هكي
عبدو باسها بعمق..بشهوه..بحب..بعشق
هاجر ذابت بين ايديه 🔥
بعد مرور ثواني
هاجر انقطع عليها النفس دفاته
عبدو كيف بيحكي سمعوا  صوت لجين
لجين تعيط: هااااجر هيا يضبحولك
هاجر شهقت :ههههي 😨
عبدو: تي كنك مادرت شي حلالي راك
هاجر: قاري فيا فاتحه وانا ماعندي علم
عبدو قدم بسرعه باس خذها :قريب ان شاء الله
عبدو طلع بسرعه من الدار
لجين انفجعت :هههي
عبدو رفع حاجبه : كنك ؟!
لجين مستغربه : تي شن ادير جوا
عبدو :مش شورك
لجين سكتت وهي ف حالة صدمه
ع طلعت هاجر مبدله ولابسه توته حلوه ورافعه شعرها
هاجر: هيا
عبدو : وين نازله
هاجر عقدت حواجبها :كيف وين نازله
عبدو: البسي وشاح الزح قدام الخرا اللي لوطه
هاجر :تي كيف نلبس شن انقول
عبدو : انا قتلك ياهاجر مافيش انزول لين تلبسيه
لجين : عبدو تو يفطنولها
عبدو بحت ف هاجر : انا العندي قلته ونزل
لجين بحتت ف هاجر : هيا البسي واحقيني وفكينه منه وطلع
هاجر لبست وشاح ونزلت
مريم بحتت فيها وهي مستغربه : كنك لابسه وشاح
هاجر تبحت ف عبدو ولجين : اءءء
لجين : وذانها يوجعن فيها
هاجر خبطت يديها ع بعضهن: اهاااا وذاني😁
عبدو مدلها جاكته : هاكي البسي هذي من الصقع وذانك
محمود يبحت ف عبدو ويضحك : الصقع يوجع الوذان ؟!😂😂
عبدو ابتسم : تي ياما ايدير الصقع كنك انت 😁
هاجر قربت خذت جاكة عبدو
عبدو يوشوشلها : مغطيه شعرك ومسيبه ذرعانك لسي منذر
هاجر لبست الجاكه وهي زارتها الضحكه وكانت ريحة الجاكه 🔥حاجه خيال بنة الدخان مع بنة العطر امتاع عبدو😍 كانت هاجر مقعمزه امعاهم وفي نفس الوقت مش معاه غارقه ف بنة العطر وذايبه ف تركينه بروحها😂
٭٭٭٭٭٭٭٭٭٭٭٭٭٭٭٭٭٭٭٭

*هہمـ يحبون إبتسـآمـتگ وآنآ آحب عقدة حآجبيگ ، هہمـ يحبون آحآديثگ وآنآ آحب صـمـتگ ، هہمـ يريدونگ جمـيل دآئمـآ وآنآ آريدگ گمـآ آنت 💙
#هہآجر

٭٭٭٭٭٭٭٭٭٭٭٭٭٭٭٭٭٭٭٭
الساعه 12:30 الليل
عبدو قاعد ف الدار ع السرير
والكل طلعوا عشان ايخلوه يتريح وقعمزوا ف الصاله
هاجر مقعمزه ف جنب لجين وتوشوش : انا نبي انعدي انشوف عبدو
لجين توشوش وتضحك: رايفتي لحبيب القلب
هاجر : من بدري ايقول كراعه توجع فيه انشوفه تحسنت ولا لا
لجين : خلاص عدي وانا تو انغطي عليك
هاجر :تمام وصبت خش للدار اللي فيها عبدو من دون مايفطنلها حد
هاجر خشت وهي مبتسمه :عبدو ❤
عبدو كان راقد ع السرير وقاعد ف حاله كان وجهه احمر ومضبط المخده ويأن من كثر الالم 😷
هاجر تلاشت الابتسامه من ع وجهها بعد شافاته بالحاله هذي وخشتله وهي تجري:عبدو حبيبي كنك
عبدو ايبحت فيها وكان شبه فاقد الوعي
هاجر حطت يدها ع خده ونزلتها ع لحيته ورقبته تشوف ف حرارته
عبدو جسمه قشعر من لمست يدها الحنونه والدافيه ابتسم رغم وجعه هاجر سيباته وطلعت لباتها تجري:بابا عبدو عنده حراره وكراعه توجع فيه
محمد صبا : وانتي كيف عرفتي
هاجر تخزرطت: ااء شفته وانا خاطمه من جنب الدار
محمد مشا للدار ولحقوه العيله كلها للدار
محمد امصبي عند راس عبدو ويشوف ف حرارته وفاطمه ف جنبه وبعدها هاجر وباقي العيله وراهم ايبحتوا وخلاص 
فاطمه: ياربي كنه كيف اللي دايخ
هاجر بخوف : عبدو واعي
عبدو دافن راسه ف المخده ويأن
هاجر :عبدو صحح ماتخليش النوم ياخذك
عبدو بصوت مبحوح: واعي واعي
محمد بحت ف محمود : خلينه انشيلوه للمستشفى
عبدو قعمز: لا خلوني بس
فاطمه : انعدي انادي اسامه
محمد : خليه متريح
عبدو صبا وهو ماسك راسه وخش للحمام عشان يغسل وجهه ويصحصح
طلعوا الشباب من الدار وطلعن الصبايا والبنات
هاجر قعدت دروحها اتسقم ف وشاحها
لين طلع عبدو من الحمام
هاجر جاته تجري تبي تمسكه
عبدو : خليك نقدر نمشي
هاجر : كويس توا
عبدو قعمز ع السرير : تمام تمام
هاجر مدتله تيشرته : هاك البس وانا طالعه بابا يسخن ف سيارته عشان يشيلك للمستشفى
عبدو :عمي محمد بعد يصكر راسه محد يجي شوره و سلح تيشرته
هاجر التفتت متحشمه بس فطنت لحاجه : شنو هضا
عبدو عقد حواجبه :شنو
هاجر بدهشه : هذا وشم
عبدو ضحك عليها كيف متفاجأه وقال: اها هذا وشم
هاجر : ححي يهبل ع من دايره
عبدو ضحك بأستفزاز : دايره ع وحده
هاجر رفعت حاجبها : امم باه ربي يهنيك وجت تبي تطلع
عبدو ضحك ولبس تيشرته بسرعه وقال :ي هبله والله مرا سافرت انا وصحابي ودرته لاوحده ولاوحدات
هاجر سكتت 
خش محمود للدار
محمود : هيا يا عبدو
عبدو صبا وهوا ينفتر و طلع هو ومحمود
هاجر قعدت شويه وطلعت من الدار قعمزت امعاهم ف الصاله
وانتبهت انه لجين وسراج مش قاعدين  زراتها الضحكه
وقعدوا ايهدرزوا
فاطمه : لجين وين
احمد صبا : تو اندورها
هاجر وفرح بحتن ف بعضهن وخافن
احمد مشا للباب وبيطلع للصور هاجر خافت وعيطت: احمممممد
احمد انفجع وبرم :نعم
لجين وسراج سمعوا هاجر تعيط عرفوا احمد جايهم سراج طلع ولجين خشت من باب الكوجينه
احمد :كنك تعيطي
هاجر : نبيك تركب امعايه
احمد : عليش
هاجر : الدروج ظلام 😅
احمد : ولعي الضي
هاجر شافت لجين خاشه : باهي خلاص
احمد بحت ف لجين : وين كنتي انتي
لجين  : كنت نشرب ف اميه
منذر بحت فيها : سراج وين😏
لجين بحتت فيه ومابتش ترد😒
الساعه 2:04ص
عبدو ومحمود ومحمد مازالوا ماروحوا من المستشفي
والكل قاعدين لوطه ايراجوا فيهم
هاجر امقعمزه ومتكيه ع الساس وراقده
مريم تنوض ف هاجر :  صبي ارقدي ياهاجر فوق
هاجر ناضت: لالا نبي انراجيهم لعند ايروحو من المستشفي
خيريه : عدي ارقدي وبعد ايروحوا انوضوك
هاجر حمقت : لالا
فوزيه: خلاص السوداني سكر راسه😂
تهاني ابتسمت : بكل 😂
انتصار تضحك
هاجر نفخت : اضحكي زين انتي باهي 😠
وخش عبدو ومحمود : السلام عليكم
الكل : وعليكم السلام
عبدو قعمز ع كرسي ف الصاله
نجاة وفاطمه : شن صار
محمود : نظفوله الجرح وروحنه
هاجر كانت تبحت ف عبدو وباين انها نعسانه
خش محمد : السلام عليكم
الكل : وعليكم السلام
محمد قعمز
نجاة قعدت تسأل فيه ع حالت عبدو
محمد : لالا توا كويس امغير كان يحافظ ويقعد اينظف ف الجرح
نجاة : هيا ياهاجر باتك جا عدي ارقدي
هاجر تبحت ف عبدو  ونعسانه بس تبي تعرف وين يبي يرقد (تبي اتهنه عليه من انتصار😂)
محمد: كنها
مريم : من بدري ترقد وهيا امقعزه انقولولها ارقدي اتقول انراجيهم لعند ايروحو
عبدو صبا وهو مبتسم : نبي نرقد فوق انا
فاطمه: تقدر تركب
عبدو  مشا وهز راسه بمعني اهاا
شويه وركبت هاجر وباتها
خشت هاجر لدارها رنت ع عبدو بس ماردش رقدت
عبدو اول ماركب خش لداره عزق روحه ع السرير و رقد وكان نقاله
سايلنت مافطنش لما هاجر رنت
٭٭٭٭٭٭٭٭٭٭٭٭٭٭٭٭٭٭٭٭