Window 💞🏡(مـكتمـلة)

الحلقه السابعه💞

رواية Window 💞🏡

للكاتبه :sαℓeмα🔏

٭٭٭٭٭٭٭٭٭٭٭٭٭٭٭٭٭٭٭٭

مريم ماسكه يد هاجر وتنوض فيها: هااجر....هاجر
هاجر تحرك في راسها:عبدو.. ..
خيريه : صبي يالجين جيبيلها اميه
لجين صبت تجري جابتلها اميه وشربتها
هاجر ناضت مصدومه وتستوعب ف اللي صار وصبت بتركب لحوشهم تتصل بعبدو
مريم :وين ماشيه
هاجر ركبت تجري وماردتش عليها
خشت لحوشهم وخذت نقالها وخشت للدار رنت ع عبدو وحطت النقال ع السرير وحطت يديها ع راسها منهاره من البكا وتدعي: ياربي ياربي .....ان شاء الله يرد
وقعد ايرن النقال لعند فصل وماردش عبدو
هاجر زادت خافت وقعدت اتخبط بيدها ع السرير ورنت مره اخره وقعدن ايديها يرعشن و الدموع عبن النقال
رد عبدو :ايوه
هاجر تبكي : عبدو
عبدو ضحك :مازالتي تبكي
هاجر تبكي وخانقتها العبره : ااا...انت ..صاح ..انصبت😭
عبدو :تي بسيطه ماتكبريش الموضوع بعدين من وين عرفتي
هاجر تبكي : عمتي فاطمه قالتها 😭
عبدو : تي من وين عرفوا الزف انا مش مروح اليوم
هاجر :باهي وين وين انصبت
عبدو :كراعي ساهله والله
هاجر زدات في البكا: فجعونييي وحق ربي قلبي قريبب وقف😭😭😭
عبدو : سلامتك ياحبيبتي خلاص عاد بطلي بكا
هاجر : باهي كيف وانا امس في الليل كنت انكلم فيك
..................
ونرجعوا لليلة امس
عبدو كان ايكلم في هاجر وهوا في السياره بعد رقدت طلع
علاء : تعاال انعدوا في نت قوي غادي
عبدو :هي
قعد يمشي علاء وعبدو وراه لاكن بمسافه بعيده🏃
وفجأه 💥
صارت رمايه وانضرب علاء في صدره
عبدو يعيط : علاااااء ومشاله يجري
عبدالله صاحبهم الاخر: ماتعديش ياعبدوووو يضربوووك ياعبدووووو
عبدو ماعدلش عليه ومشاله يجري
علاء حاط يده ع صدره ويتألم وكله دم
عبدو مسكه وقعد ايكرف فيه وصارت عليهم رمايه اخره
قعد يجري ويكر ف علاء طبت فيه رصاصه في كراعه
عبدو طاح ع ركابه :نعن **** وصبا قعد ايكر ف علاء لعند كرسوا وراء عارصه
عبدو يضغط لعلاء ع جرحه عشان يوقف النزيف: تحمل تحمل يا علاء
علاء يتألم وبيغيب عن الوعي
شويه وجوهم الشباب اللخرين وحطوا علاء وعبدو في سيارة اسعاف
علاء يضحك ويبحت في عبدو ويدوي وهوا داهش : شي يارا وين مانمشي لاحقني
عبدو ضحك وهو يتألم : من الحب ، احييييه تحرق صاح😂💔
علاء: جاتك ساهله شكله الجماعه اللي في الحوش يدعولك
عبدو ضحك وسكت
علاء تكا راسه ويضحك وداهش وياخذ ف نفس بين الكلمات : حي علمه ....قريب نقعد كيف الكسكاس😂
......................
نزلت هاجر لوطه
خيريه : وين مشيتي
هاجر حطت يدها ع راسها ودارت روحها دايخه :مشيت للحمام
وقعمزت تستعبط : شن صار ف عبدو
نجاة : لعند توا مازلنه مافهمنه شي
فاطمه تبكي: احمد اتصل بيه صاحب عبدو قاله عبدو انصاب وبعدها سكر معش حصلناه
هاجر : تي باهي بلكي اصابته مش خطيره
نجاة :ان شاء الله
فاطمه تبكي :مش عارفه مش عارفه
لجين :باهي بابا وعمي محمود واسامه وين
مريم :اسامه ماشي للسوق وباتك ف العمل ماتقوليللاش
خيريه : ومحمود ماشي لمصر عنده اوراق امتاع شغل بيديرهن غادي
.....................
الساعه 5:22ف الليل
هاجر خلت الحوش هدا وكلهم رقدوا ورنت ع عبدو
عبدو رد بصوت جاف: ايوه
هاجر استغربت : اهلين
عبدو : مش قاعد بروحي تبي حاجه مهمه
هاجر بدت تبكي : لابس كنت نبيك ..امتا بتروح ياعبدو
عبدو يحكي بصوت واطي : ساعه ولا اثنين ونكون ف الحوش
هاجر فرحت: معناته نراجيك لوطه
عبدو : راه يفطنلك باتك ولاامك
هاجر : لاراقدين ف العسل💞
عبدو ضحك : شنو
هاجر تلخبطت وانحرجت: شي شي هيا انراجي فيك
عبدو : تمام
هاجر :باي
وسكرت ونزلت لوطه
قعمزت ف نهاية الدروج امقابله الباب الخارجي امتاع الحوش تراجي
الساعه 6:50ص
هاجر مقعمزه ع الدروج صقعانه ونعسانه لانها مش راقده كويس من اليوم اللي قبله تبحت ف الباب ومتكيه راسها ع الساس وتستنا 💔✋🏼
شويه وشافت الباب الخارجي انحل صبت وقعدت تراجي من ايخش ،خش عبدو
هاجر ضحكت وجاته تجري
عبدو شافها جايه حط شنطته وفتحلها يديه
هاجر جاته تجري حضناته بكل قوتها وهي لافه ايديها ع رقبته وراسها ع كتف عبدو وكرعيها ف الهوا 💘👫
عبدو لف ايديه ع خصرها وحضنها بالقوه 💞😻
هاجر حضناته بالقوه ودموعها ينزلن : انحبك انحبك ....انحبك معش تسيبني 😫😚
عبدو يسمع فيها وساكت فرحان 😍
هاجر تبكي بالعبره: خوفتني عليك وحق ربي قريب متت😢
عبدو نزلها وحط ايديه ع وجهها :خلاص ياعمري انتي بلا بكا
هاجر سكتت وبحتت في كراعه من لوطه كانت ملفوفه وفيها شوية دم
عبدو رفع راسها بيده : حي حي فكيتي الجبس وقعدتي تجري
هاجر ضحكت : صحت كراعي انا وانت كراعك دارت
عبدو : لا وفي نفس المكان 😂
هاجر ضحكت😂
عبدو قعد ايبحت فيها 😍: كلهم راقدين
هاجر هزت راسها
عبدو : يعني نحنه بروحنه ♥
هاجر هزت راسها
عبدو قرب منها : عطيني بوسه😍
هاجر وخرت واتكت ع الساس : عليش قاري فاتحه مثلاً😏
عبدو هز راسه:تو..تو بس انتي يلي جيتيني وقدم
هاجر لصقت ف الساس : عبدو حول
عبدو قرب من وجهها
هاجر : وووه عليه ياماما انا شن نزلني بس ........عبدو انت شارب حاجه
عبدو قدم بسرعه باسها ع خشمها 💕ووخر وهو يضحك ع كلامها
هاجر فشلت وقعمزت ع الوطا ووجهها منحمر : وووه رعشتني😳
عبدو مسك يدها : هيا صبي صقع عليك وباتك قريب يطلع للعمل
هاجر مسكت ف يده وصبت
عبدو باس يدها : رايفت عليك💙
هاجر ضحكت : حتي انا ووووووووووواجد بكل
عبدو يمشي بصعوبه من كراعه
هاجر بحتت فيه وهي تضحك : تبي انشيلك 😁
عبدو ضحك بصوت عالي
وخشوا
هاجر اضبح : جديده جديده ......عبدو روح
عبدو : شن بتقولي بعدما ايشوفوك امعايه
هاجر شيرت بيدها بعدم مبالاه
عبدو ضحك : هضا الصح😂
خيريه طلعت : عبدو ...واضبطاته وقعدت تبوس وتحضن وحاله
وهاجر تبحت فيهم ومبتسمه ومش سايعتها الارض من الفرحه
خيريه : خلي انكلم امك
عبدو : لالا امي امس كلمتها وطمنتها عليه خليها راقده توا وبعد اتنوض كلميها وانا خليني نرقد شويه
خيريه من فرحتها بعبدو مانتبهتش لهاجر :حاضر خش تريح وانا نعدي نرقد من امس وانا واعيه
عبدو تمام وقعمز ع السرير وجته طلعت بترقد ف الدار الاخره
عبدو بحت لقا هاجر امقعمزه ع الصالون وراقده لانها لها يومين مش راقده تقريباً
عبدو :هاجر
هاجر : هممم
عبدو : ارقدي كويس
هاجر رقدت ع الصالون و عبدو رقد ع السرير وقعد ايتأمل فيها لعند رقد
٭٭٭٭٭٭٭٭٭٭٭٭٭٭٭٭٭٭٭٭
الساعه3:29م
بعد الغداء
عبدو رد رقد اخري وهاجر مازالت راقده
نجاة :هاجر صبي نوضي سادك نوم
هاجر حطت يدها ع راسها :تي باهي
نجاة : نوضي عماتك جايات
هاجر ناضت وركبت لحوشهم دوشت و لبست سوريه دميه وسروال كريمي ورفعت شعرها فوق
ونزلت لقت باتها كيف امروح من العمل
ومقعمز هوا وعمها اسامه وخيريه ف الصاله ايهدرزوا
ولجين قاعده ف الكوجينه هي ومريم ونجاة وفاطمه ايسيقن ف الصور
هاجر خشت للمطبخ
لجين:تي وين هضا كله
هاجر :تي كنكم حاسديني ع شوية رقده
نجاة شهقت :شويه😨
هاجر ولجين ضحكن
لجين وشوشت لهاجر :تعالي اغسلي بدالي نعدي انوتي روحي سراج جاي
هاجر :شويه بس وطلعت من المطبخ ومشت للدار الي فيها عبدو لقاته لقاته راقد غطاته كويس ♥خذت نقالها وطفت عليه الضي وطلعت
.....................