Window 💞🏡(مـكتمـلة)

الحلقه -22💞

رواية : Window 💞🏡

للكاتبه :sαℓeмα🔏

٭٭٭٭٭٭٭٭٭٭٭٭٭٭٭٭٭٭٭
ملاحظه : اسفه لاني طولت ومارديتش ع التعليقات بخصوص موضوع توقيف الروايه بس كان عندي ظرف، وبنسبه لموضوع توقيف الروايه فالموضوع هضا مش بيدي بلعكس بيدكم انتم يعني كل ما شجعتوني وعلقتوا سواء نقد اواعجاب فهضا يفرحني ويعطيني نيه نكتب💓، بس انه انا نكتب وما نلقش حد يحطلي حتي لايك فهضا يضايق فيه وخصوصاً انه هذي روايتي الاوله

شكرا❤ً

٭٭٭٭٭٭٭٭٭٭٭٭٭٭٭٭٭٭٭

مريم ع راحتك وطلعت
هاجرر دزت مسج ل عبدو كلهم روحوا الا انا وامك اصرف❤
--------------------
عند العرسان☻
عبدو عاطيهم هديه يومين ف الفندق❤
لجين خشت للغرفه
سراج وراها: مثقل امه الزح مش عارفه كيف متحملتيه
لجين ترفع ف البرنوص: اوف انخنقت
سراج ذااااب 😍:ااخ من الجمال ❤
لجين متوتره وتبحت ف الوطا: هيا نصلوا
سراج ضحك : هي
صلوا وبدلت لجين وكانت ليلتهم حلوه كلها حنان💛🌸
--------------------
ف الغرفه الثانيه 💚
محمود يسلح لساره ف البرنوص
ساره ارتمت ف حضنه❤
محمود حضنها وضحك : نعليا منها حبيبتي المستعجله😂
ساره ضرباته ع كتفه :خزي عليك انراجي ف اللحضه هذي معاك
محمود ابتسم :ماتتصوريش قديش فرحان بيك
ساره ضحكت :وانا مش عارفه كيف بنوصفلك حبي لكي
محمود ضحك : تعالي تو انوريك
وكان محمود مستعجل 😂❤
والحب من عيونهم يلمع😘💓
----------------
فاطمه : كلمت عمك تو يجينا
هاجر تلبس ف عبايتها :باهي تمام
فاطمه رن تلفونها : هذا عبدو وردت
فاطمه بعد كملت مكالمتها: هيا تعالي نطلعوا
طلعوا وكان سياره اسامه وسياره عبدو مدرسه
هاجر تحشمت
فاطمه :عدي هدرزي انتي وخطيبك غير ردي بالك تسمعها امك تاكلنا شربات😂
هاجر تحشمت :وعمي شن انقوله 😳
فاطمه : خليه عليه انا
هاجر تبحت ف عبدو ف السيارة وساكته
فاطمه: هي ماتطولوش راه نحرش فيكم
هاجر هزت راسها وركبت مع عبدو
الطريق كلها لاتخلو من مغازلت عبدو ليها❤
هاجر: خطرها امببدري ليش خشيت 😡
عبدو ماسك يدها ويسوق: والله ي عمري ماكتت ناوي انخش طلعت لجين من السياره مسكتني معاها ماكنتش حاسب حساب حتى اللبسه
هاجر ف خاطرها" نعليا هذا قصده لبسته شينه مالا كان لبس لبسه سمحه ع قولته كيف😍😍"
عبدو كان لابس سوريه بيضه وسروال جينز اسود وجاكه رسميه 💜
عبدو ضحك : غرتي عليا
هاجر ابتسمت :اكيده وانا نقدر مانغرش عليك انحبك ❤
عبدو باس يدها :انموت فيك
كل كلام الحب مايوصف غراامي🎶
كاانت هاجر وعبدو ف قمة الراحه والرومنسيه
وصلوا للحوش وكان قدام الباب منذر واحمد
هاجر نزلت وهي بتخش
منذر بحت ف هاجر وابتسم : تي وين ع الحلاوه هذي كلها ياهاجر
هاجر بحتت فيه من فووووووق للوطه ومشت وسيباته😒
احمد يبحت قدامه ويضحك : مهززززب😂
منذر متعصب : نعم ...دويتلي
احمد هز راسه
منذر جاه
احمد زارته الضحكه : تي حول وحق ربي كان سمعك عبدو راه صفاك🔫😂
منذر دفه وهوا زارته الضحكه: باهي اسكت
احمد امصبي ع روس صوابعه ع شان يقعد طوله : ماتمدش يدك يامهزب 😂
عبدو من بعيد: احمد فوته وتعال نبيك
احمد دف منذر ومشا لعبدو جري
٭٭٭٭٭٭٭٭٭٭٭٭٭٭٭٭٭٭٭
هاجر خشت للحوش وكانت اخر الواصلين
البنات اول ماشافنها جنها جري
منى : وراس امك احكيلي
هاجر تضحك : شن نحكي
فرح : بلا طروح عارفينك كنتي مع عبدو
هاجر ابتسمت : فوتني انا وتعالن انكسدوا ع لجين
ملاك ضحكت بحماس : هيا هيا 👿
هاجر : ووووه وانتي ماتصدقي
ورنن ع لجين لاكن كان نقالها مقفل
هاجر : مش فاضيتلكن خلاص هي 😂😂
منى : حتحكيلي غصبن عنك
هاجر هربت منهن : بعدين بعدين
٭٭٭٭٭٭٭٭٭٭٭٭٭٭٭٭٭٭٭
ثاني يوم🍃
الساعه 3:24 القايله
احمد يبرم ف الصور ويكلم ف اسيل
اسيل : ليا واجد ماشفتكش عادي انتقابلوا اليوم ياحبيبي
احمد : مش عارفه اليوم مش فاضي خليها بكره
اسيل : انا بكره مانقدرش نطلع 😳
احمد ساكت ويفكر
اسيل : باهي ياحمودي عندك حاجه اهم مني
احمد : تي باهي باهي خلاص
اسيل ضحكت
احمد : انتلاقوا ف كافي .....الساعه سته اوكي
اسيل : تمام باي✋🏼
احمد : اوكي وسكر
قعمز ع الكرسي وقعد يفكر
قعد ايحس انه اسيل تغيرت عليه وانها تحاول تسيطر عليه
خش عبدو من الشارع بحت فيه وركب
احمد قعد شويه وخش لحوش جدته
لقا هاجر تهدرز هيا وجدتها ف الدار
احمد : هاجر انجيبلك دبشي تحدديه ليه
هاجر : به
خيريه : شن خطرها عليك هاجر توا من كان يحددلك من قبل
احمد : لجين وتوا هاجر بتمسك مكانها😂
هاجر : باهي هي عدي جيبه
احمد طلع
خيريه : من جدك بتحدديله
هاجر : شن فيها ياجديده
خيريه : فوتيه انتي مش ملزومه بيه عنده ام حددي لي خطيبك بس
هاجر ضحكت : تي حرام ياجديده اكيده عمتي فاطمه مش فاضيه هضا عليش جاني
خيريه سكتت
هاجرر طلعت للصاله وقعدت تراجي ف احمد
احمد نزل ومعاه الدبش هاجر قعدت تحدد وهو مقعمز ف جنبها ويحكيلها
احمد : مش عارفه نحس فيها متغيره ومعش عندي فيها ثقه
هاجر : واللهي دوختني مش قتلي تحبها
احمد : اهاا نحبها لاكن نحس فيها تكلم ف غيري حتي قصة المذكره وبداية تعرفي عليها انضني ماكانتش صدفه
هاجرر انصدمت : كيف يعني
احمد : مازاالت مش متأكد لاكن انضني دايرتها لكمين واحد قبلي وكمين واحد بعدي بس انا ممكن الوحيد اللي تقربت منها
هاجر : واللهي انا مافهمت شي لاكن 90% ممكن تكون تضحك عليك مادامك انت شاك فيها هكي
خش عبدو لقا احمد مقعمز جنب هاجر و يحكي هو وياها بصوت واطي قرب منهم وصبا فوق روسهم : شن تحكوا
احمد : مش شورك
هاجر ابتسمت : موضوع خاص 😊
عبدو عقد حواجبه و طلع وهوا قاتله الفضول وبيعرف شن يحكوا
احمد ضحك : مش عارفه الزح حظي كنه معفن هكي
هاجر :البنات ديما يحبن الشاب العصبي والواعر ويكون جنتل يعني وانت العكس
احمد ضحك : مهزبات مايجنش االا بالعين الحمراء
هاجر : ايوه بالزبط 😂😂 ومدتله الدبش
احمد خذاه منها : وانتي وحده منهن وصبا
هاجر : خزيييه ياحيوان 😤
ركب احمد لحوشهم لبس وطلع
وهوا ماشي ف الطريق رن عليه صاحبه حاتم
احمد :ايوه
حاتم : شكوكك ف محلهن
احمد انصدم : عليش شن عرفت
حاتم : كانت تكلم ف منصور ال..... وتوا تكلم ف نزار ال ...... من دفعتنه حتي هوا
احمد حمق : يعني امعايه انا
حاتم تنهد : اهاا
احمد : باهي اوكي منور ياحاتم
حاتم : شن بدير
احمد : تو نقولك بعدين اوكي وسكرر
ومشا للكافي الي بيقابل فيه اسيل وهو حامق ومايحق ف شي قدامه🔥
خش للكافي لقاها مقعمزه وتراجي فيه
احمد قعمز وهوا يحاول يمسك اعصابه
اسيل ابتسمت : اهلاً
احمد رفع راسه وبحت فيها : كم واحد تكلمي فيه غيري
اسيل انصدمت : كيف 😨
احمد يحكي وهو مسكر سنونه وبصوت واطي : ردي 😡
اسيل تبكي : بس واللهي يااحمد انت الوحيد الي حبيته وتعلقت بيه
احمد : باهي بطلي كذب ودموع التماسيح هذينه وجا بي صبي
اسيل مسكت يده : احمد سألتك بالله واغلى شي عنك ماتسيبنيش انا نحبك
احمد ضحك بأستهزاء :اغلى شي عندي صار وفك يده منها ومشا
اسيل حطت راسها ع الطاوله وقعدت تبكي
هي صاح كانت بتضحك علي احمد بس بعدها حباته من جدها ومعش قدرت تستغنى عليه❤
...........
ف الحوش 🏡
الساعه 6:30م
روحن عمات هاجر فوزيه وتهاني
هاجر كانت تسيق ف الصور و كاانن عندهم جاراتهم ومقعمزه امعاهن خيريه ووفاطمه ومريم ونجاة ف الكوجينه
هاجر تسيق وتغنى
شافت عبدو خش للحوش مستعجل
هاجر مشت وراه لاكن ماطقتش فيه
هاجر : ربي يستر هضا كنه 😳
شويه ونزل عبدو يجري
هاجر صبت قددامه : كنك شن في 😳
عبدو داهش ومستعجل: بعدين بعدين
هاجر انفجعت : تي كنك 😨
عبدو وقف ياخذ ف نفس ويدوي : احمد
هاجر رعشت : كنه😨
عبدو : ......

شن اتوقعوا ايصير لأحمد ؟
*لو حبيتي الروايه ساعديني ف نشرها وديري تاغات لصحباتك 👩❤
*ماتنسوش الايك⭐والتعليق🌷