Window 💞🏡(مـكتمـلة)

الحلقه التاسعه عشر💞

رواية : Window 💞🏡

للكاتبة :sαℓeмα🔏

٭٭٭٭٭٭٭٭٭٭٭٭٭٭٭٭٭٭٭
هاجر تشير بيديها :وين انعدي 😨
عبدو رفع البطانيه :خشي هنا😂
هاجر خشت وكانت واضحه😂
خيريه: عبدو شن ادير واعي
عبدو ارتبك : نتفرج ع التلفزون
خيريه عقدة حواجبها: اتفرج والتلفزون طافي
عبدو خبط راسه وهو يبحت ف البطانيه اللي تحتها هاجر : قصدي نلعب بالتلفون ...تفزون شنو.😅
خيريه :تلعب بالتلفون وهوا معزوق هنكي وهضا شن المنفوخ
عبدو ابتسم:هذينا امخاد😅
خيريه مشت للمطبخ :قول لهاجر تطلع المره هذي انا المره الجايه تطلعلك مريم اتوريك😏
عبدو 😨رفع ع هاجر البطانيه
هاجر تضحك وتحاول تمسك ف صوت ضحكتها
عبدو يبحت فيها وزارته الضحكه
هاجر ضحكت بصوت عالي شويه
عبدو حط يده ع فمها :اااااس فضح بيك 😂
هاجر حولت يده :ااحم تصبح ع خير
عبدو رفع تلفونه الطايح بعيد :خلي تلفونك مفتوح
هاجر اشرتله: باي وخشت للدار
خيريه خطمت من حدا عبدو :ربي يهدي ويصلح الحال
عبدو ضحك وحط يديه ورا راسه : امين😂😂
٭٭٭٭٭٭٭٭٭٭٭٭٭٭٭٭٭٭٭
ثاني يوم🍃
الساعه 3:17 ف القايله🌸
هاجر ركبت لحوشهم ومشت امعاها لجين
هاجر خشت للحوش وضحكت : الللللله رايفت ع حوشنه
لجين ضحكت : لكي واجد عليه
هاجر ابتسمت وهي تبحت ف تفاصيل الحوش: اه واللهي وخشت لدارها
لجين اتكت ع الباب: شن بتلبسي
هاجر حلت الدولاب وانطرحت ع السرير : مش عارفه
لجين : باهي صبي دوري
هاجر ضحكت وهز كتوفها: قاعده اندور من بعيد 😁
وسكتن شويه
هاجر : شريت قفطان من غادي شن رايك نلبسه
لجين قعمزت احداها: باهي وريه ليه
هاجر مشت جابت القفطان وكان قفطان كت ابيض قصييير حلو وبسيط 💓👗
لجين ضحكت بصوت عالي وقالت : هضا روب مش قفطان
هاجر حطت ايديها ف نصها : اتحنطي انتي😡
لجين انفلقت ضحك : لالا بجديات سمح البسيه 😂
استشورت هاجر شعرها ودارتله فلو بسيط ولبست اكسسوارتها وقبال وردي
ولجين لبست قونه امريكيه قصيره وبلوزه بيضه
هاجر دارت مسكره وتحط ف روجها الوردي💋: امشي بسرعه شوفيلي ف حد من خوتك ع الدروج ولا نلبس عبايه
لجين ضحكت بخبث : امممم وكان عبدو ع الدروج بتلبسي ولا لالا😂
هاجر عزقت فيها المخده : حيواااانه😂
لجين مشت تجري فتحت الباب لقت عبدو راكب لحوشهم
عبدو بحت فيها من فوق للوطه: ي نعن فيتك امشي البسي حاجه مسقمه طالعه ع الدروج هكي😡
لجين : قبل بنقولك خش هاجر تبيك لاكن ع هزيبتك هذي مانش
عبدو مايبيش ايبين انه طايح بوجه :خزي قليله ادب وركب
لجين ضحكت: غريبه ماخشش😄 وضبحت لهاجر وقالتلها انه مافيش حد انزلي و نزلت حست بحد سحبها
٭٭٭٭٭٭٭٭٭٭٭٭٭٭٭٭٭٭٭
عبدو كاين يبحت لعند شاف لجين نزلت خذا صباطه بيده ونزل عشان يديرش صوت
كان الباب مردود خش
هاجر كانت اتسكر ف باب دارها
عبدو نخزها ف جنبها
هاجر نطت من مكانها : ااااه فجعتني
عبدو ضحك :منضرك يجنن بالفجعه😂
هاجر تاخذ ف نفس: نعليا رعشتني
عبدو :وين ع الجمال هضا 😍
هاجر ابتسمت :حلو
عبدو قرب منها وو......🙊
٭٭٭٭٭٭٭٭٭٭٭٭٭٭٭٭٭٭٭
لجين مصدومه : فجعتني
سراج ميت ضحك😂
لجين : مش قتلي مش جايي اليوم
سراج: وانا نقدر مانشوفكش
لجين ابتسمت : نحبك❤🙊
سراج بصوت هادي :نموت فيك
سراج قرب منها
لجين هربت وغمزتله: وسع بالك العرس قريب😌
سراج: وسعت واجد غير تعالي بوسه بس
لجين نزلت: باي
سراج يعيطلها :والله نوريك
٭٭٭٭٭٭٭٭٭٭٭٭٭٭٭٭٭٭٭
ف عز انسجامهم😂❤
    دق الباب✊🏻
هاجر نفجعت :ههييي
عبدو ببرود :وين انعدي
هاجر فتحت دارها :خش بسرعه ودف فيه
عبدو يضحك :صباطي صباطي ف الممر
هاجر تجري خذت صباطه حطاته ف دارها مع عبدو 😂وسكرت عليه الباب
هاجر تعيط :هيا هي .....جيت ولبست جاكه امريكيه قصيره وفتحت
محمد خش بسرعه: ساااعه تفتحي الباب
هاجر بتوتر :ي بابا كنت ف الحمام
محمد:  وكنك مش لوطه اتساعدي ف البنات
هاجر ف خاطرها اجل الهزيبه لبعدين:توا كنت نازله
محمد يهزب فيها:عارفك انا ماتديري ف فايده راقده وخلاص لاتضمي لاشي
هاجر كشرت لانها عارفه عبدو يسمع : ححااضر انا نازله 😣
محمد: وين الأوراق اللي كانن هنا
هاجر خذت الاوراق من ع الطاوله ومدتهن لمحمد ونزل
هاجر فتحت ع عبدو الباب
عبدو يضحك :موضوع ناخذ وحده بايره
هاجر ضحكت :انت غير انزل شكلك بتاخذني للمقبره
عبدو ضحك ونزلوا
خشت هاجر للحوش جدتها وعبدو للصور
هاجر خشت لدار كانت فيها لجين وملاك وفرح
هاجر سلحت الجاكه : حي عليه من ماما
ملاك استغربت :عليش
هاجر شابكه يديها بتوتر : ع الوشم مازالت ماتندريش عليه
لجين تضحك: هي بتشوفه بتشوفه توا ولابعدين ....عدي قدام جديده تو ماتقدرش تقربك😂😂
هاجر ضحكت وطلعت خشت ع مريم ف الكوجينه
هاجر خذت نفس : ماما شن رايك ف اللبسه
مريم برمت عليها و انصدمت : امتا درتيه هضاااا😠وتضرب فيها ع كتفها
هاجر خافت ووخرت : تي بشويه بس
مريم علت صوتها : تعاااااالي هناااا
هاجر توخر : باهي شن بديريلي😩
مريم : عطك قطعه ف يدك امتا درتيه هضا
هاجر ضحكت ولبست جاكتها : تي علييش ياماما واللهي سمح
مريم كرتها من يدها وتعيط  : وتضحكي اخررره 😠
هاجر : تي باهي وطي صوتك يامااما😳
عبدو كان ف الصور سمع صوت عياط هاجر خش للكوجينه
عبدو استغرب :كنكم
هاجر كرست ورا عبدو : قوللها
عبدو مش فاهم شي : كنك ياعمتي مريم ...؟؟
مريم حامقه : شفتها شن دايره ف روحها 😠
عبدو فهمها ع الوشم : اهااا قصدي لا كنها 😊
هااجر من ورا عبدو  : مش عارفه عليش امكبره الموضوع
مريم تعيط : شنوووو
عبدو برم ع هاجر وزارته الضحكه : اسكتي انتي
هاجر حطت يدها ع فمها
عبدو بحت ف مريم : خلاص سامحيها المره هذي
مريم سكتت
هاجر : وااللهي كان خاطري فيه
مريم : تو انوريك عليها باهي......ااااااه امتا نجوزك ونتريح منك و من مصايبك  😪
هاجر وعبدو ضحكوا
مريم متعصبه وتشيرلها :هيا اطلعي قدامي
هاجر مازلت ورا عبدو  : ماديريلي شي
مريم عيطت :اطلعي قتلك
هاجرحولت من ورا عبدو وطلعت من الكوجينه وطلعت مريم وراه
مريم : ماتحشميش قاعده قدام ولد عمك هكي
هاجر : عادي لابسه جاكه😊
مريم قرصتها ف يدها: ومن لوطه
هاجر توجعت  : ااااححح  تي عادي ومشت للدار
مريم صفقت يديها ع بعض وهي متعصبه : مش عارفه منين جايبتها قلة الادب😡
هاجر قعمزت ف الدار هي والبنات
شويه وجن صحبات هاجر هبه وسلمى وفرح وجوري 💚
وخالت هاجر وخوالها وجيرانهم وكان الحوش مليان💨 ودايرين عزومه عشاء  كبيييييييير وذابحين علي شان هاجر ردتلهم🙈💝
هاجر تحكي هي وصحباتها
هاجر تحكي لسلمى :شن جوو صلووحه
سلمى : تي سيبته من زماااان لاكن توا طيحت واحد جديد ...طرف يابنات طررررف😍😂
هبه تضحك : تي باهيي اهدي بس تو انجوزه لكي
جوري بحت ف هاجر : انتي ياهاجر اللي عندك الجو كله هيا احكيلنه 😁
هاجر برمت وراها : وكان تسمعنه عمتي فاطمه😁
فرح ضحكت وصفقت👏🏿: اتجوزك لاه
هبه شهقت : اححححا كنكن اليوم كلكن بتجوزن 😂
هاجر قرصتها : الفاظك مش قاعدين ف المدرسه نحنه😂
٭٭٭٭٭٭٭٭٭٭٭٭٭٭٭٭٭٭٭
الساعه 3:05ف الليل
كلهم روحوا وتهاني ومنى يراجن ف سراج
منى ناعسه : تي كنه سراج معش جا نبي نروح نرقد
لجين : تأخر واجد رني عليه شوفيه
منى : لالا هوا يتأخر عادي اكيده تلقيه ف حوشه ايدير ف حاجه
هاجر ضحكت: تي اسكتيي يامنى راه لجين تذوب هنا 😂😍
لجين ابتسمت
شويه وخش سراج وعبدو وواضح انهم كانوا طالعين مع بعضهم
سراج صبا ف فم الدار وبحت ف امه :هياا
خيريه : وسع بالك كنك
سراج يتكسل : نعسان
تهاني صبت هي ومنى : باهي هي مع السلامه
وطلعوا
عبدو خش قعمز
هاجر لابسه بيجامتها و متكيه ف تركينه ف الدار ومضبطه الدب امتاعها تبي ترقد🐻💤
احمد بحت ف هاجر : مش عارف وين شايفها الطاقيه اللي ع الدب ..... انتي مركبتيها عليه
هاجر تخزرطت لانه الطاقيه امتاع عبدو :تي لاالا انت تهيالك
احمد : واللهي شايفها من قبل باهي
هاجر بتوتر : مش عارفه .....انا شاريتها من برلين من محل امقابل الفندق😊
احمد سكت
نجاة : غريبه بايته هنا بروحك
هاجر ضحكت : خايفه ماما تضربني 😂
احمد استغرب : عليش
هاجر : ع الوشم
احمد انصدم : اووووو درتي وشم وماتقوليليش
هاجر : مافيها شي صاح ي احمد😄
احمد وشوشلها : لا عادي اي حاجه تسعد خويه انا امعاها وغمزلها هاجر شرقت من الصدمه وقعدت تكح وتفنص ف احمد
احمد ابتسم بخبث: بسم الله كنك😂
لجين : انجيبلك اميه
هاجر تشير بيدها: لالاتمام وبحتت ف احمد : حيوان العيل هضا
لجين بحتت ف احمد وتنهدت : عارفينه حتي نحنه
عبدو مش فاهم : عليش شن دارلك
هاجر : لالاشي نبي نرقد انا وبرمت وجهها   
احمد صبا وركب لحوشهم وهو ميت ضحك علي هاجر ووجها كيف قعد
عبدو ولجين قعدوا ايهدرزوا مع خيريه ونجاة
عبدو بحت ف جدته :تي وين محمود ماشفتش بكل اليوم
خيريه : طلع من الصبح وقال ماشي مع اصحابه و بايت بره
نجاة ابتسمت وبحتت ف لجين : يودع ف ايام العزوبيه😂
لجين ضحكت وصبت : تصبحوا ع خير
عبدو قعد شويه ولحقها
٭٭٭٭٭٭٭٭٭٭٭٭٭٭٭٭٭٭٭

بعد مرور ايام🍃
الساعه 12:49ف الصبح
هاجرر بايته هي ولجين عند جدتها ناضت خشت للحمام وفطرت هي وجدتها وركبت لحوشهم
مريم : اهلا بست الحسن والجمال وينك
هاجر ضحكت : اهلين ياست الكل كنت لوطه
مريم : فطرتي
هاجر: يب ورن نقالها "لجين"
هاجر ردت : اهلا واخيراً نضتي
لجين ابتسمت : اهلين وينك نضت لقيتك مش قاعده
هاجر : ركبت لماماا
لجين : تمام قتلك
هاجر : نعم
لجين : بعدين شويه بنطلع مع احمد وبياخذ سيارة بابا عشان نكمل شري الدبش تطلعي امعايه
هاجر : عبدو وين
لجين : سألت ماما قالت طالع من الصبح مع اصحابه
هاجر : باهي تو انشوف ونقولك وسكرت الخط
هاجر تعيط من دارها : مامااا نبي نطلع مع لجين واحمد
مريم من الكوجينه : به
هاجر اتصلت بعبدو بس ماردش رنت عليه اكثر من مره بيش رد
عبدو رد :نعم
هاجر عرفاته مش فاضي او حداه حد فخشت ف الموضوع طول😁: نبي نطلع مع احمد ولجين
عبدو : لالا
هاجر استغربت : عليش
عبدو : فوتيها ياهاجر الطلعه امعاهم احمد وجيجه واجد
هاجر سكتت وهي متعقده
عبدو مستعجل : خلاص اوكي انا مش فاضي توا
هاجر : اوكي وسكرت
هاجر تفكر وتقول ف عقلها : زعمك نفوته ....تي لالافكيني ....تيي فوتيه هوا طالع مع اصحابه وانا ننحبس واللهي نطلع باهي😒
هاجر لبست ونزلت للجين وتن ارواحهن وطلعن هنا واحمد مشوا تغدوا بره وطلعوا للمحلات وداروا جو وكانت هاجر فررحانه بطلعه 😍
وهما ف السياره عبدو رن ع هاجر،هاجر قفلت تلفونها
هاجر تهمس ل لجين: حي عليا خوك يرن
لجين اتشوف للساعه :الساعه 10:58 اكيده ممزال ماروح
هاجر خافت : زعما ي ريتني ماطلعت 😱
لجين : اااس خلينا نستمعتوا ااحمد تكي ع المحل هضا
احمد : ارحمي امي وخلينه انروحوا 😪
لجين تنهدت : تي هضا بس وبعدها نروحوا
شويه وروحوا وخشن البنات للحوش وهن يضحكن ع احمد كيف ناعس و الصدمه كانت 😨عبدو مقعمز ف الصور يراجي فيهن احمد ركب للحوش وهاجر ولجين صبن قدام عبدو اللي كان وجهه مايتفسرش وحااااامق🔥

*ف الحلقه الجايه حنشوفوا الوجه الثاني لعبدو🔥😫
*ماتنسوش لايك ..تعليق..💚

نحبكم وووواجد💋