Window 💞🏡(مـكتمـلة)

الحلقه السابعه عشر 💞

رواية  Window 💞🏡

للكاتبه:sαℓeмα🔏
٭٭٭٭٭٭٭٭٭٭٭٭٭٭٭٭٭٭٭

لاكن الصدمه انه هاجر كانت مش ف الدار عبدو فتح الباب وخش وهو يدور بعيونه ع هاجر ومصدوم وخايف ومش فاهم شي كانت حرب مشاعر ف داخله بين الخوف والحب والصدمه🔥
شويه عبدو وحس بحد حضنه من الخلف وسمع صوت يعرفه كوييييييس💕
هاجر : رايفت عليك 🔥
عبدو غمض عيونه براحه وخذا نفس وبرم عليها حط يديه ع خدودها  : حبيبي وين كنتي 😩
هاجر شيرتله ع الممرضه اللي كانت مصبيه قدام الباب وقالت : كنه انتمشوا ف المامر😊
عبدو طبس عليها ورفعها ودفن راسه ف رقبتها وحضنها بكل قوته لعند ضلوعها خشوا ف بعض 😂😂💔🔥
هاجر كانن كرعيها ف الهواء بسبب فرق الطول الكبير بينها وبين عبدو ولافه يديها ع رقبة عبدو وراسها ع كتفه
عبدو وهوا رافعها قعمزها ع السرير وقعمز ع ركابه قدامها
هاجر حطت يديها ع لحية عبدو وتحرك فيهن :وين بابا وماما
عبدو مسك يدها وباسها ف كفها : قاعدين ف الحوش ومايعلموش اني جيت هنا
هاجر حكت عيونها بنعاس 💤
عبدو صبا ومسكها من يديها ومددها ع السرير وغطاها :ارقدي مادامك ناعسه💘
هاجر مدت يدها لعبدو المصبي قدامها :بس انا نبيك ترقد انت قبل واضح عليك التعب😞
عبدو انطرح ف جنبها وحط راسه ع صدرها : و انتي
هاجر : مش جايني نوم ارقد انت شويه وبعدها انا
عبدو رفع راسه وبحت فيها : عالفجر نوضيني
هاجر هزت راسها
عبدو ابتسم: متأكده تقعدي واعيه نعبا عليكي
هاجر ابتسمت وهزت راسها بمعني اهاا
عبدو بحركه سريعه طبع ع شفايفها بوسه خفيفه 💋
هاجر انصدمت ووجها انحمر وتحشمت 😳
عبدو طبس راسه وضحك وهو راقد ع صدرها كان تاعب ومحتاج حد يطبطب عليه
هاجر قعدت تلعب بشعر عبدو لعند رقد ف حضنها نفس العيل الصغير ، جا وقت الفجر هاجر نوضت عبدو خش توضأ وصلى لما كمل الصلاه لقا هاجر راقده قعمز ع الكرسي لجنبها لعند جو محمد ومريم
٭٭٭٭٭٭٭٭٭٭٭٭٭٭٭٭٭٭٭
بعد ايام 🍃
ف المستشفى 🏥🌻
هاجر ف الدار هي وامها وعلقيلها الكيماوي😢
وعبدو ومحمد ف المكتب امتاع الدكتور
الدكتور : ممكن هذي تكون اخر جرعة كيماوي
محمد : كيف يعني
الدكتور : يعني ممكن الجرعه هذي تقضي ع المرض بالكامل
عبدو برجاء : ان شاء الله
الدكتور : بعد الجرعه انديرولها تحاليل و نشوفوا
محمد وعبدو طلعوا ومشوا لهاجر
هاجر اول ماخش باتها وعبدو قعدت تمسح في دموعها وتحاول تمسك روحها قدامهم بس مش قادره
عبدو اتكا ع الباب وقعد ايبحت فيها وساكت
محمد قعمز ف جنبها
هاجر تبكي وبحتت ف باتها : كنها هذي اوعر من اللي قبل😭
محمد مسك يدها : تو كنت عند الدكتور ياهاجر عارفه شن قالي
هاجر بحتت فيه وضحكت وهي اتألم : شنو بنموت بكره😅
مريم حمقت : مش قتلك معش تحكي هكي
عبدو بحت فيها وضحك وقعد يهز ف راسه
محمد : قالي انه الجرعه هذي ممكن تكون اخر وحده
هاجر تبكي وتألم ومش امعاه😭
مريم : ان شاء الله ياربي
بعد ساعه او اكثر🍃
كملت جرعة الكيماوي وتريحت هاجر شويه و جا وقت التحليل😖
محمد : هاجر تقدري تصبي
هاجر دوب ماتدوي من التعب وتبكي : ااااااه راسي
محمد طبس عليها وشالها گأنها بنت صغيره
هاجر مضبطه باتها وحاطه راسها ع كتفه وتبحت ف عبدو ومريم اللي كانوا يمشوا وراها
خشت هاجر ادير ف التحليل
ومحمد امصبي ف المامر ومريم ماسكه فيه وتبكي وتدعي وعبدو وساكت ويبرم ف الممر💔
شويه وطلعت هاجر وقعمزت ع  الكرسي ويراجوا ف نتيجة التحليل وكلهم ساكتين بس من جوه يغلوا 🔥
هاجر مقعمزه واحطه راسها بين ايديها وتفكر ف خيبة الامل الي حتصيرلهم بعد ما الدكتور ايقول انه المرض مازال قاعد و كان تفكيرها كله سلبي
مريم دموعها ينزلوا وهي تدعي ف سرها
عبدو قعد يبرم ف المامر ويفكر وكان قلبه بيطلع من الخوف عليها💔
شويه وطلع الدكتور مبتسم
محمد خذا نفس : شن صار
الدكتور ضحك : النتيجه ايجابيه ومافيش اثر للمرض
مريم ضحكت وانهارت من البكا : الحمد الله ياربي....الحمدلله
عبدو من الفرحه عيونه تعبن دموع برم للساس وقعد يمسح فيهن💘
هاجر رفعت راسها وهي تسمع فيهم ومش مصدقه 
محمد طبس قدامها
هاجر اضبطاته وقعدت تبكي 😭💙
محمد رفعها وهو يضحك
هاجر دموعها ينزلوا ومبتسمه وحاطه راسها ع كتف باتها
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
بعد ثلاثة ايام  🍃🌹
- يوم اللي بيروح فيه عبدو بعد ماقعد شهرين ونص مع هاجر
الساعه 3:49 العشيه
عبدو كان ف الفندق يلم ف دبشه وبعد كمل مشا للمستشفى
خش للدار
مريم :ماشي توا
عبدو هز راسه بمعني اهااا : الطياره الساعه 4
هاجرر بارمه وجهه وماتبيش تبحت فيه عشان ماتبكيش
مريم جت وسلمت عليه : ان شاء الله توصل طيب وسامحنه ف تعبك 😌
عبدو ابتسم : ماعنديش فيها جميل😊
وبحت ف هاجر : اوكي
هاجر ابتسمت ومدتله يدها :باي 😞
عبدو سلمم عليها : ان شاء الله تروحي طيبه
مريم ومحمد : ان شاء الله وطلع عبدو ومشا امعاه محمد عشان ايوصله للمطار
بعد نص ساعه💞
وصل لهاجر مسج من عبدو "تمنيت انحصلك بروحك بس هلك مايفهموش ف الجو 😄"
هاجر ضحكت لما قراته ودزتله "طمني لما توصل"
٭٭٭٭٭٭٭٭٭٭٭٭٭٭٭٭٭٭٭٭
ثاني يوم ف ليبيا ❤
الساعه 4:03 ف العشيه
احمد كمل محاضراته وقاعد مع اصحابه كمال - حاتم -يوسف
كانوا ايهدرزوا واحمد يحكي امعاهم وكان ايبحت ف اسيل اللي كانت امقعمزه بعيد بروحها وواضح انها تراجي ف حد
حاتم كان ايعاكس ف بنت امخطمه من قدامهم
كمال كره من وجهه : بشويش ع رقبتك بس
حاتم ضحك : تي كنك ياراجل
يوسف بحت ف احمد : هي نروحوا
احمد : للا لا انا مازلت مطول و جاي بسيارت عبدو
يوسف : اوكي ومشا ولحقه كمال
احمد بحت ف حاتم : تي درق وجهك ياراجل 😂ومشا
قعمز قريب من اسيل شويه وقعد ايراقب فيها
بعد ساعه اواكثر
الجامعه قريب تفضا واسيل مازالت ماروحت
احمد مل ويبي يروح بس مش هاين عليه يروح ويسيبها قعد شويه ومشالها
احمد : بايته هنا امالا☺
اسيل ضحكت : اهلاً
احمد ابتسم : اهلين
اسيل : مش عارفه كنه السواق طول
احمد :انروح بيك
اسيل : لالا شكراً ، قالي نص ساعه ونجيك
احمد قعمز ف جنبها وبحت ف الساعه امتاعه : نص ساعه قلتيلي ااااااه .......به تو انراجوه نص ساعه
اسيل ابتسمت وسكتت
احمد قعد ع نقاله
واسيل كانت تقرا وواضحه انها ماده مجننتها و تقلب ف الصفاحي ومش عارفه من وين تبدا
احمد بحت فيها : كنك
اسيل بتذمر: ماعرفتش نقراها مادة الاستاذ..... هبلتني
احمد ضحك : الحمد لله مصفيها بأمتياز 💪
اسيل فرحت : صااااح باهي عادي تقريني فيها
احمد : ماتبيلهش يوم هذي
اسيل : باهي كيف ايصير
احمد ضحك واستغل الفرصه : لو ماعندكش مانع عطيني رقمك وانا نرن عليك وكل مره انتلاقوا ف مكان ونقريك😉
اسيل : تمام وملت عليه الرقم
احمد سكت شويه وصبا : هي هي فاتت النص ساعه شكله فك فيك السواق الخايب هضاا
اسيل : لالا شكراً تو نصرف
احمد : تي غير هيا بس
اسيل سكتت شويه بعدها لقت الجامعه شبه فاضيه : به وصبت امعاه
ومشوا للسياره
وقعدوا ساكتين اسيل كانت بترطب الجو
قالتله : سيارتك سمحه
احمد قبل بيكذب ويقول انها سيارته بس بعدها حس انه كذبته حتنكشف فقال : واللهي مش سيارتي هيا امتاع خوي
اسيل : امممم وكانت تبي تركب من لاوره طبعاً
احمد بحت فيها : مش السواق انا ☺
اسيل رفعت حواجبها : كيف😏
احمد :تعالي من قدام عشان مانقعدش نبرم ف وجههي لما نحكي امعاكي😁
اسيل ضحكت : سبب مش مقنع هضا
احمد يضحك :حي عليك مازلت جديد ع السواقه راه ...نقتلك😵😂
اسيل ضحكت وقعمزت من قدام كانت متحشمه بس مشوها بضحكه
احمد : عادي نسألك
اسيل :تفضل
احمد : خوتك وباتك وين وعليش دايريلك سواق
اسيل عيونها دمعن : بابا متوفي
احمد بأسف: اااه سامحيني خطرت عليك
اسيل مسحت دموعها : لا عادي
وابتسمت : وخوت عندي واحد اسمه قيس عمره ثلاث سنين وانت
احمد : عندي خو اكبر مني عبدالرحمٰن مواليد 97 ولجين 98 وبعدها انا
اسيل ضحكت : يعني انت الصغير 😂
احمد ضحك  : ماتغلطيش كنه الصغير
وبعدها قعدت اسيل توصفله ف حوشهم
رن نقال احمد " عبدو "
احمد رد : هااا
عبدو : زيد نهق زي الحمار باهي
اسيل سمعاته ومسكت ضحكتها
احمد نفخ: نعم
عبدو : تعال خوذني من المطار
احمد : مانقدرش
عبدو : عليش مش عندك السياره
احمد : بعدين انتفاهموا مغير توا مستحقلها السياره ضروري كلم محمود انت وسكر عليه قبل يحكي
احمد : يلعن جد السكنان يرعش ع سيارته
اسيل : استغربتها من بدري انه خو يعطي سيارته لخوه
احمد : واللهي هوا مش عاطيها ليه انا مستغل فرصة انه مش قاعد فانسرق فيها
اسيل ضحكت: امممم
شويه ووصلها لحوشهم وروح لقا عبدو قدامه ف الحوش😁
٭٭٭٭٭٭٭٭٭٭٭٭٭٭٭٭٭٭٭
..............
بعد شهر ونصف 💙📅
-عبدو كمل امتحاناته وتخرج وهاجر كانت لحظه بلحظه امعاه ف الامتحانات وفي حفل التخرج🎓
-لجين وسراج ومحمود وخطيبته ساره اتفقوا انهم يديروا عرسهم مع بعضهم لما تروح هاجر💛
-احمد كان ايكلم ف اسيل ويتقابل هوا وياها عشان ايقريها ونعجبوا ببعض وكانت اسيل ترن عليه ف الليل بسبلت القرايه😁
- اما هاجر فكانت صحتها ترد زي قبل وكانت تعالج ع شعرها 🙍💞
.......
هاجر كانت ماشيه هي وباتها لعياده ادير ف جلسات ع شعرها بيش ايرد كيف قبل 💇
الساعه 10:30 ف الصبح💝
روحت هاجر وباتها للفندق
باتها قعد لوطه يحكي مع دكتور يعرفه
وهاجر ركبت للجناح امتاعهم
مريم : شن صار
هاجر سلحت وشاحها وتشوف ف شعرها ع المرايه : مش عارفه انحس فيه معش تغير
مريم : لالا رايح ماشاء الله
هاجر تثاوب : باهي انا بنخش نرقد
مريم : اليوم بنطلعوا انتغدوا بره
هاجر : باه مازال بدري نرقد وبعد تبوا تطلعوا نوضوني 
خشت هاجر للدار اللي كان يرقد فيها عبدو
ونطرحت ع السرير : ااااااااه قديش مرايفه عليك ياعبودتي💘
مريم :شن قلتي
هاجر : لالا ندوي بروحي وسكرت باب الدار
طلعت طاقية عبدو و الدبله ولبستهن للدب اللي جابه لها
هاجر ضحكت وتحكي للدب : مقاسك بالضبط 😂😍
واضبطاته خذت نقالها و اتصلت بعبدو
٭٭٭٭٭٭٭٭٭٭٭٭٭٭٭٭٭٭٭٭
الساعه 1:25 ف الليل🌸
-عند عبدو 👆🏽
كان كيف مروح للحوش
ركب  ع الدروج لما وصل حوش عمه محمد
رن نقاله "هاجر❤"
عبدو ضحك وقعمز عند روشن دارها ورد
هاجر : هااي💓
عبدو ضحك : عارفه وين قاعد انا توا
هاجر استغربت : وين!
عبدو ضحك : قدام الروشن
هاجر ضحكت : روشن داري !  ،كنك
عبدو : واللهي كنت راكب وانتي رنيتي
هاجر : اممم
عبدو : شن الامور
هاجر : تمام قلت انرن عليك قبل مانرقد وترقد انت
عبدو : ماتقوليليش ساهره لعند الصبح
هاجر : لالا بس توا روحت من العياده وبنرقد
عبدو : اوكي
هاجر كيف بتحكي وخش عليها باتها من دون سابق انذار😨
هاجر انصدمت وبان ف صوتها الخوف : باهي فروحه انكلمك بعدين 😁
عبدو زراته الضحكه : باهي اوكي وسكر
هاجر سكرت وطفت النقال حطاته ف جنبها : نعم يابابا
محمد : وتي روحك بنطلعوا توا
هاجر  كيف بتحكي رن نقالها "فرح "
محمد : كنها رنت اخره
هاجر ضحكت بصدمه: مش عارفه بلكي نست اتقولي حاجه 😨
خشت مريم وبحتت ف الدب : من نين جبتيه هضا؟
هاجر كانت داسته ع هلها : شريته انا لما طلعت وردت ع فرح وقعدت توتي ف روحها وبعدها طلعت هي وهلها وادهوروا وتغدوا بره
٭٭٭٭٭٭٭٭٭٭٭٭٭٭٭٭٭٭٭٭
ثاني يوم❤🌷
عبدو يكلم ف هاجر فيديو
:صباح الخير
هاجر : صباح النور وتثاوب
عبدو :هذي النوضه مالا
هاجر اتكسل :اها نضت ع رنتك
عبدو :فتحتي فيس
هاجر انفجعت :لا شن فيه 😨
عبدو بتوتر :لاشي نسأل بس
هاجر :اها
عبدو يمسح ع لحيته :كلمنكش صحباتك
هاجر: امس كنت نكلم فيهن
عبدو بتوتر : ........

*الله الله ف التفاعل 🌟والتعليقات
*واسفه لو ف اي خطأ املائي او غيره

انحبكم واااجد💋