Window 💞🏡(مـكتمـلة)

الحلقه الاخيره ج2💞

رواية : Window 💞🏡

للكاتبه : sαℓeмα🔏

٭٭٭٭٭٭٭٭٭٭٭٭٭٭٭٭٭٭٭
شويه وطلعت الدكتوره 😳
عبدو وهبه صبوا بسرعه اما علاء يسمع فيهم وهو مقعمز
عبدو بتوتر : شن صاار....؟!
الدكتوره ابتسمت : مبروك جابت بنوتتين كيف القمر🙊💘♥
هبه ضحكت : كيف صحتهن😍
الدكتوره : وزنهن وحجمهن اكيده مش طبيعي لانهن جن ف الثامن لاكن كويسات
عبدو قاطعها : وهاجر
الدكتوره كشرت وجهها : حالتها مش مستقره قاعده ف الملاحظه
وعبدو انصدم: كيف ..؟!
الدكتوره: ماتخافش مش حاجه خطيره بس عندها صعوبه ف التنفس وداهشه واول ماتقعد كويسه نطلعوها لغرفتها وتشوفوها
هبه ابتسمت : تمام شكراً دكتوره
الدكتوره : العفو ومشت
هبه ابتسمت لعبدو وقالت : مبروك ايتربن ف عزك🌹
عبدو ابتسم والدنيا مش سايعته من الفرحه وقال : يبارك فيك
علاء صبا حضن عبدو وهو يضحك : مبروك مبروك ياابو البنات😂😋
عبدو ضحك : يبارك فيك ولعقبالك وغمزله😉
علاء ضحك
عبدو برم ع هبه : قصدك مانقدرش انشوفها هاجر توا
هبه ضحكت : ومن قالها انا انخششك لاكن كان شافك حد لا نعرفك ولاتعرفني 😂
عبدو ابتسم : تمام
علاء ضحك 😂
هبه حطت يدها ف جيبها وطلعت مفتاح ومداته لـ علاء : عدي لأخر المامر ثاني مكتب خش تريح فيه 💞
علاء خذا منها المفتاح : مكتبك ...؟!☺
هبه هزت راسها
مشا علاء للمكتب ،وهبه وعبدو للملاحظه مشت هبه بسرعه شافت الغرف لعند لقت الغرفه اللي فيها هاجر خشتلها وباركتلها وطلعت وخش عبدو 💛وهبه مشت لمكتبها الي قاعد فيه علاء💜
عبدو خش ع هاجر اللي كانوا عالقيلها خيوط التنفس ف خشمها وتوبوا الدم ف يدها
سكر الباب هاجر فتحت عيونها بعد ماكانن امسكرات وابتسمت وعيونها دموع
عبدو قرب منها وهو مبتسم : الحمدلله ع سلامتك ياعمري❤
هاجر ضحكت بتعب ومدت يدها لعبدو
عبدو مسك يدها وباسها وقعمز ف جنبها ع السرير و باس راسها وهو طاير من الفرحه 💞
نزلن دموع هاجر كيف السيل وهي مبتسمه 
عبدو حط يده ع خدها وقعد يمسحلها ف دموعها ويشوف ف ملامحها التاعبه وعيونها الحمر من كثر البكاء اللي مع ذلك مافقدنش جمالهن بل بلعكس زادت حلاوتهن💘
هاجر بتعب وبصوت باكي قالت : عبدو❤!
عبدو يمشي ف يده ع خدها : نعم ياعيون عبدو 💓
هاجر تبكي وقالت بصوت مبحوح : كرعيه مش حاسه بيهن 😭
عبدو يضحك : عادي ياحبيبي من تأثير البنج امتاع العمليه
هاجر تاخذ ف نفس وتبكي : واااعر 😭😭نبي كرعيه انا
عبدو ضحك وطبس حضنها بقوه
هاجر استسلمت لحضنه ورتخيت وقعدت تاخذ ف النفس
عبدو يهمس ف وذنها : انـحـبـك❤
...........
ف مكتب "هبه"🙊
علاء سلح جاكيته العسكريه وقعد بتيشرت نص كم حول لصقت الجرح اللي ف يده  وقعمز ع كرسي المكتب امتاع هبه ❤وحاط يديه ع وجهه ، شويه و هبه خشت للمكتب اللي ضيه طافي شافت علاء بنص كم سكرت الباب وقالت : مش صقع عليك 😯
علاء حول يديه من ع وجهه وقعد يدلك ف راسه المصدع : لالا انحس ف روحي ساخن 💢
هبه قربت منه وحطت يدها ع جبهته تشوف ف الحراره وبعدها قالت: مافيك شي
علاء مسك يدها وقاللها : قلبي اللي يوجع فيه 😍
هبه توترت وحولت يدها بسرعه وبرمت ع المكتب عدلت الاوراق اللي عليه وقالت بجديه : انا بنطلع توا ونخليك براحتك واتجهت للباب بخطوات سريعه
علاء تنرفز بعد مافشلن جميع محاولاته للتقررب منها وحسها تنفر فيه قال وهو يحاول يتحكم بغضبه : استني شويه
هبه تحاول تهرب منه : مستعجله خايفه اتجي حاله ومايلقونيش
علاء رفع راسه بعدما كان مطبس وبحت ف عيونها:دقيقه بس ....عطيني دقيقه 💔
هبه هزت راسها
علاء طبس راسه وبعدها رفعه وقال : ليش تهربي مني ....معقوله مش حاسه بيه
هبه غمضت عيونها بقهر وكانها كانت خايفه من السؤال هضا تنهدت ووخرت اتكت ع المكتب وعطاته بظهرها وقالت بصوت يرجف : خـايـفـه 😥💔
علاء عقد حواجبه واتكا ع الكرسي وقال : من شنو ....؟!
هبه تنهدت وهي تبحت قدامها وعاطيه علاء بظهرها : خايـفه....! خـايفه انتعلق بيك وانا عارفه انه نحنه مستحيل انكونوا لبعض 😢
علاء عدل تقعميزته وربع يديه وقال باسلوب جدي : ليش...؟!
هبه برمت عليه وهي منفعله : علاء ماتجبرنيش نحكي حاجه اناا مانبيش نحكيها 😩
علاء غمض عيونه لثواني وبعدها فتحهم رفع حاجبه وقال : ليش ..؟!
هبه عيونها لمعن ف الظلام من الدموع وتبحت ف علاء بنضرات ترجي "وكأنها اتقوله ماتضغطش عليه " لاكن علاء تجاهل نظراتها وهز راسه بمعني احكي
هبه برمت وجهها لقدام ومسحت دموعها اللي ع وشك النزول بقوه وقالت بجديه : لاكن مستحيل ترتبط بوحده كانت تشتغل خدامه ف الحواشين وانت من اغنى عائلة المنطقه 💔😰
علاء انصدم عقد حواجبه وقدم تكا مرافقه ع ركابه ومسح بيديه علي وجهه وقاللها :احكيلي ...كيف😓
هبه تنهدت بأستسلام : بابا توفي لما كان عمري شهرين ربتني ماما بعد ماتخلوا علينه عمامي وماما كانت ماعندهش خوت عندها اخت وحده بس وكانت حتي هي وراجلها حالتهم صعبه بدت ماما تشتغل ليل نهار علي شان توكلني تشتغل ف تنظيف الحواشين والمستشفيات والمصارف وتروح ف الليل اطيب طلبيات موالح وحلو لعند ماوصل عمري سبع سنين وخشيت للمدرسه مرضت ماما بروماتيزم من كثر ماكانت ترقد ف الصقع وتلبس ف دبش خفيف لانه ماعندهش حق دبش للشتاء ومن كثر ماكانت تغسل وتنظف ودبشها ديمه مبلول ،معش قدرت اتحرك ولا اتصبي كويس ولا تمسك الحاجات بيديها ومع ذالك اشتغلت لعند ماوصل عمري للتسع اسنين وقتها ماما معش قدرت وتأزمت حالتها بديت انا نشتغل وورثت عنها الخدمه الراقيه هذي ...وضحكت بقهر💔😢...بديت نشتغل مع بنت جيرانه نروح من المدرسه اتجي تاخذني ونمشوا للحواشين وانشوفوا شغلنه لعند ماكبرت وكنت انا وماما ملقطين مبلغ كويس كملت بيه قرايتي وتخرجت وبديت نشتغل ف الصبح دوام ف المستشفي وف الليل ممرضه ف الحواشين ونهتم بالناس المرضى اللي مايقدروش ايجوا للمستشفي لعند كونت روحي وشريت سياره وشقه كويسه ليا انا وماما
علاء انصدم قعد يبحت فيها ويستوعب ف الكلام كيف البنت القويه هذي كانت تنذل وتشتغل ف الحواشين كيف البنت الانيقه والجميله هذي كانت مبهدله وماعندهش دبش تلبسه
هبه عدلت تصبايتها ووخرت من علي الطاوله الي كانت متكيه عليها ومسحت ع وجهها وقالت : مافيش داعي اتقول شي انا.....
علاء صبه قدامها وقطع عليها وقال : نبـيـك ❤
هبه انصدمت😨
علاء بحت ف الوطا وبعدها رفع عيونه فيها : نبيـك ......نبـيك كيف ما انتي مايهمنيش شن كنتِ وشن شغلكلن بلعكس بعد حكيتيلي زدتي كبرتي ف عيني👌
هبه غمضت عيونها بقوه ونزلوا دموعها وعضت ع شفايفها
علاء ضحك : هيا دكتورتي ساد الدم اللي خذيتيه مني ماتزيديش تحرقيلي عقابه عطيني رقمك 💞
هبه فتحت عيونها وضحكت ع تفاهت علاء
علاء رشف خشمه وحط يده ع رقبته من لاوره وهذي اكثر حركه ايدير فيها لما يتوتر ولا ينحرج او حتي لما يقعد فرحان وقالللها : انـحـبـك❤
..............
عند عبدو وهاجر
هاجر تبكي : امتا نبي نشوفهن 😭
عبدو حط يده ع خدها ويعدللها ف التوبوا اللي ف خشمها : خلاص ياحبيبي بكاء توا اتشوفيهن ...حتي انا مازالت ماشفتهنش
هاجر خذت نفس وابتسمت : شن انسموهن 😍
عبدو هز كتوفه : منعرفش انا
هاجر تمسح ف دموعها : شن رايك ف رتـال و رتيـل
عبدو عقد حواجبه : وشن معناهن ....؟!
هاجر : هن الاثنين نفس المعني وهو ترتيل القرآن امبدري وانا نبكي ونعيط كانت ف ممرضه امصبيه عند راسي وتقرالي ف القرآن بجد كان صوتها راحه نفسيه وخطرن عليه الاسمين هذينه 💘
عبدو باسها ع خدها : حلوات اول وحده انسموها رتال والثانيه رتيل
هاجر هزت راسها
..........
الساعه 1:30 الليل 🌸
كانت هبه تمشي ف المامر ووراها عبدو وعلاء وكانوا متجهين للحضانه عشان يشوفوا "رتـال ورتـيل💕"
هبه تحكي من دون ماتبرم عليهم : توا حتشوفوا احلى مكان ف المستشفى كلها
ووقفوا قدام الغرفه اللي كانت بصدفه اليوم مليانه بيبيات كانوا تقريباً 12 ومن بينهم رتـال ورتـيل😍
قعد عبدو وعلاء يتفرجوا من الروشن وعلامات الصدمه باينه ع وجووهم😳
علاء ضحك بدهشه: محلاهم ♥
عبدو ابتسم : ماشاء الله واجدين ....بس وينهن هنا💘
هبه : انا انخش ونشيرلك عليهن من بعيد لانهن مش مطعمات والمناعه ناقصه مانقدروش نقربوهن لعند انتأكدوا من صحتهن
عبدو هز راسه وعيونه ف الـ Window  ويتفرج ع البيبيات
هبه جت تبي تخش لاكن الممرضه وقفتها : ممنوع تخشي
هبه فنصت فيها وقالت : حولي من قدامي😒
الممرضه عطتها الطريق
هبه تنفتر : حلوه والله حتي هذي قالتلك ممنوع 😡
علاء وعبدو ضحكوا
وخشت هبه ووقفت تحكي مع الممرضه اللي جوا
علاء رشف خشمه وحط يده ع رقبته من لاوره : حكتلي هبه امبدري انها...
قاطعه عبدو : نعرف
علاء بصدمه : وليش ماقتلي ...؟!
عبدو حط يديه ف جيوبه وهوا يتفرج ع هبه وهي تشوف ف الاسواره المربوطه ف يد كل بيبيي وقال : هي ماتبيش حد يعرف وانا احترمت رغبتها ، بس انت شن قتلها
علاء حط يده ورا رقبته ورشف خشمه مره ثاني وقال : قتلها عطيني رقمك وخذيته😁
عبدو ضحك : مبروك طيب فيك 😂😂
علاء ابتسم 
هبه شيرت لعبدو ع البيبي الصغيرونه واللي لابسه وردي ودارتله بيدها بمعني ✌
عبدو ضحك وقعدت يتأمل فيها وقال بهمس : رتـيل❤
هبه شافت البيبي اللي ف جنبها وبعدها تخطاته وشافت الثانيه وشيرتله بمعني👆
عبدو قعد يشوفلها زين وقال بهمس : رتـال❤
................
ثاني يوم💕
هبه قاعده ف مكتبها تلم ف حاجاتها بتروح ومعاها عبدو وعلاء
عبدو طلع باكوا دخان من جاكته وطلع السبسي وحطه ف فمه وقعد يتلمس ف جيوبه يدور ع الولاعه لعند لاقاها قاطعت عليه هبه انسجامه
هبه : ممنوع الدخان ف المستشفي☺🚭
عبدو بترجي : دقيقه بس راسي صداع مش راقد وما ندخانش واجد راه😖
هبه تبحت ف المامر وقالت : بسرعه
عبدو ولع دخانه وخذا جبدتين وجاه علاء قعد يكر منه ف السبسي : تي هات ياراجل قالولك الدخان ممنوع وتضر ف صحتك وصحت الناس اللي ف جنبك وحط السبسي ف فمه وخذا حتي هوا شفطتين 😂😂
هبه تفنص : تبي اطفي الخرا توا ولا شنو 😡
علاء متجه لسله الكناسه والسبسي ف فمه : حاضر حاضر وخذا اخر جبده وطفاه وعزقه 🚬
وعبدو يضحك عليه كيف هوا مش هاين عليه السبسي وهبه تفنص فيه
شويه وطلعوا من المكتب وهبه سكرت الباب ومشت
علاء شير لعبدو : ماتبي شي انا مروح
عبدو ابتسم : لالا سلامتك ياراس و  مشا لهاجر يشوف فيها ناضت اول لا
هبه كانت تفتح ف باب السياره سمعت صوت وراها لقاته علاء
علاء : احم 😊 
هبه ابتسمت : شنو ...؟
علاء يحك ف يديه ع بعضهن من الصقع: مروحه للحوش ؟
هبه هزت راسها وفتحت باب سيارتها وحطت الشنطه امتاعها وقالت : انعدي انجيب ماما من عند خالتي وبعدها انروح انا وياها للحوش😊
علاء اتكا ع السياره اللي وراه وحط يديه ف جيوبه : ووين تسكن خالتك..؟!
هبه ابتسمت : منطقه بعيده شويه يعني تسكن ف ......
علاء صبا بصدمه وقال بصوت عالي : نننننعم😠بتعدي لعند غادي بروحك
هبه وخرت من كثر مانفجعت من علاء : بنمشي بروحي اماله شنو يعني من بيروح بماما 😔
علاء بحت قدامه وقاللها : صبح والدنيا فاضيه والمنطقه بعيده امشي وانا تو نلحقك بالسياره ♥
هبه كيف بتدوي علاء ركب سيارته وسيباها
................
اما عبدو فمشا للحضانه شاف البنات 💕وبعدها مشا لهاجر دق الباب وخش
عبدو : السلام عليكم
لاكن مالقش من يرد عليه لانه هاجر كانت اتعارك هي والممرضه اللي تعلقلها ف التغذيه 😁
هاجر ادف ف الممرضه : اي اي يدي خلاص 😣
الممرضه تتأفأف :مابتش تركب تو انعدي انشوفلك دكتوره وطلعت
هاجر تبكي : اااااااي شوف ياعبدو يدي كيف خلتها ليه
عبدو شاف ليدها اللي كانت دم : ياروحي هاتي نمسحها لكي ومسحلها يدها من الدم وبعدها باسها وقال : اكيده انتي حركتي يدك
هاجر بنضرات برائه : لا والله لا 😔
عبدو باسها مره اخرى : باهي خلاص ساهله❤
هاجر عيونها دموع : عبدو امتا نبي نشوفهن كل مره انقول للممرضه اتقولي لا وانا بنموت ع شوفتهن😢
عبدو ضحك وقعد يمسح ع شعرها : بعيد السوء عليك من الموت بس انتي عارفه ياروحي انهن جايات ف الثامن وماعندهنش مناعه والتطعيمات ناقصات فخايفين عليهن
هاجر خذت نفس ودموعها خط ع خدها : باهي ماما وين نبي ماما انا 😭
عبدو يمسحلها ف دموعها : خلاص واللهي خلاص بكاء توا انكلمها امك ونعدي للدكتوره انخليها اتجيبلك البنات انـتي بس تريحي وفكينه من الدموع حبيبي
هاجر حطت يدها ع راسها : حاضر
عبدو ضحك وحط يده ع جبهته:عارفه مره مره من الفرحه نستك ومانستوعبش انه انا قعدت اب وعندي بنات لا ومِن مٓن ،من حبيبتي اللي طول عمري نحلم بيها❤🔥
هاجر ابتسمت بتعب : انـحبـك انـا❤✨
عبدو قرب منها : وانـا نعـشقك وانـموت ع التـراب اللي تمشي علـيه وباسها ع شفايفها💕
هاجر تحرك ف خشمها ع خشم عبدو : هيا عدي جيبهن
عبدو صبا : تمام وغطاها كويس وطلع
بعد خمس دقايق🕑
هاجر منطرحه وحاطه يديها ع راسها ومغمضه عيونها سمعت الباب انحل برمت لقتها امها وعمتها فاطمه
هاجر ضحكت وتحاول تقعمز : ماامااا😍
مريم ابتسمت وجت حضنتها : بنيتي الغاليه الحمدلله ع سلامتك ان شاء الله يتربن ف عزكم 💜
هاجر خشت ف حضن امها : الله يسلمك ،ماما كنكم طولتوا
مريم وخرت من عليها شويه : والله هضا هو ياماما نضنه وجينه نجاروا امس الطريق امسكره ماقدرنش انجو
فاطمه قربت من هاجر وضحكت: هجوري💞
هاجر حضنتها : عميمه كيف حالك
فاطمه حضنتها وباست ع راسها : كويسه كويسه وفرحانه قريب انطير بعد شفت بنياتي ان شاء الله يتربن ف عزك انتي وعبوده 💝
هاجر كشرت : حتي انتن شفتنهن ....ليش انا لا باهي😔
مريم كيف بتحكي قطع عليها حلت عبدو للباب
عبدو ضحك بعد شافهن
مريم اللي كانت مقعمزه ع السرير جنب هاجر صبت وسلمت عليه
مريم ابتسمت : مبروك ماجد عليك ياعبوده💗
عبدو ضحك: يبارك فيك💙
فاطمه جت لعبدو حضناته وبعدها حطت يديها ع خدوده : ياخيتي نجي وليدي كبر وقعد عنده بنيات💕😂
عبدو ضحك ويغير ف الموضوع : من جابكم ..؟😒
هاجر حطت يدها ع بطنها وقعدت تضحك ع منظر عبدو 
مريم : جابنه اسامه وقعد لوطه
هاجر : شن قالتلك الدكتوره
عبدو حك راسه : مالقيتهش 😕
مريم صبت : تو انعدي انا انشوفها
هاجر : تمام😞 وطلعت مريم وطلعت وراها فاطمه
هاجر :حبيبي
عبدو برم عليها :نعم ياروحي
هاجر بعيون مدمعه :شن فيها لو تمشيت شويا ومشينا شفناهن
عبدو عقد حواجبه وهز راسه : لالا الحركه مش كويسه
هاجر بترجي : لالا والله الدكتوره قالتلي انتمشا
عبدو سكت شويه وبعدها قرب منها ومسك يدها : هيا
هاجر صبت امعاه بصعوبه وطلعوا من الدار
شافوا فاطمه ومريم يهدرزن ف المامر
هاجر تهمس لعبدو : شفت الحمد الله ماعبيت عليهن😅
عبدو يدودش فيها ويضحك💜
مريم شافتهم قربت منهم هيا وفاطمه : الدكتوره مش قاعده ،قاعده الممرضه بس وماتقدرش تعطيهن
هاجر وقفت: لا خلاص عدن انتن للدار وانا انتمشا مع عبدو انشوفهن
فاطمه :غير سلم بنتي ماتعبيش روحك امشو بالشويه
عبدو: حاضر
بعـد دقايـق
هاجر اتشوف من الwindow هيا وعبدو💕
هاجر مبتسمه وعيونها دموع :عبـدو شوف حلاتـهن
عبدو باسها من خدهـا :زيك بالضبط
هاجر ابتسمت :اححي شوف الوقت كيف يجري😊
عبدو ضحك : من كم سنـه كنت انشـوف فيك من window دارك واليوم انشـوفو ف بنيـاتنا💘👌
هاجر مسكـت يده بقـوه : انحبـك وانحـب الوقت اللي جمعنـي بيك
٭٭٭٭٭٭٭٭٭٭٭٭٭٭٭٭٭٭٭
ثاني يوم 🍃
الساعه 12:30 الظهر 🌸
طلعت هاجر من المستشفي لحوشها وجتها جدتها خيريه وفاطمه ومريم
هاجر مقعمزه ف دار المعيشه هي وعبدو وفاطمه ومريم كانت ف الكوجينه ادير ف غداء وخيريه ف الحمام
عبدو مقعمز ع الصالون وحاط رتال ع كرعيه وعاقد حواجبه ويبحت فيها ومستتغرب فيها كيف مكشره وجهها وعاقده حواجبها😙
هاجر مقعمزه وف حضنها رتيل ترقد فيها بحتت ف رتال وضحكت ع تعابير وجهها
فاطمه ضحكت وهي تبحت ف رتال وعبدو وقالت : خطرت عليه عبدو زمان وهو صغير قعد اسبووع كامل وهو عاقد حواجبه لعند خفنه عليه ايجيه شد عضلي😂😂
هاجر ماتت ضحك وعبدو ابتسم
فاطمه ناضت : هاتي خلي انشيلها للدار رتيل مادامها رقدت
هاجر : به ومدتها لها طلعت فاطمه برتيل حطتها ع السرير وردت
عبدو : امي خوذي امعاكي رتال
فاطمه غمزت لهاجر من دون مايشوفها عبدو وقالت : شيلها انت
عبدو انصدم وخاف 😂وقال : انا😨
فاطمه هزت راسها
عبدو هز راسه يمين ويسار : ياامي تربحي تعالي خوذيها واقسم بالله قاعد ع اعصابي خايفها تتفترك بين يديه 😂😂
فاطمه ضحكت وخذتها وطلعت
خيريه خشت عليهم ف الدار وهي شايله ف يدها البوم
خيريه : هاجر شوفي امس شن لقيت ومدتلها الالبوم
هاجر خذاته وضحكت : صوري ☺
خيريه ابتسمت : تفرجي عليه انا ماشيه انصلي الظهر وطلعت وخلتها هي وعبدو
عبدو جا قعمز احداها : تره وريني😻
وقعدوا يقلبوا ف الالبوم ويتفرجوا وكانن صور هاجر من لما كان عمرها يوم لعند وهي كبيره😍
لعند وقفوا ع صورة كانت تجمعهم هما الاثنين عبدو♥هاجر
هاجر ضحكت وحطت يدها ع الصوره : تذكرها
عبدو ابتسم : ياسلام وهو ف حد ينسي اليوم هضا 😋
قبل حوالي 12 سنه 🍃
كان عمر هاجر 8 سنين وعبدو عمره 13سنه
كان عبدو مروح من المدرسه هو و صاحبه لما شاف هاجر تلعب ف الشارع مع العيال😀 واول مالمحت عبدو مشت تجري للحوش وكأنها شافت غول وعبدو يجري وراها يبي يمسكها قبل ماتخش لجدته ،وهاجر خايفه وتجري لانها عارفه شن بيصيرلها كان عبدو مسكها وصلت هاجر لعند الصاله امتاع حوش جدتها وخشت تجري وراء الدولاب عشان عبدو مايشوفهش وهي كانت متعوده تكرس غادي
عبدو خش للصاله كيف الثور الهايج وشاف هاجر وهي خاشه وراء الدولاب قدم بيمسكها من يدها وهاجر تهرب ويطيح الدولاب ويتكسرن الماعين اللي فيه 😨
عبدو وخر بسرعه عشان مايطيح عليه شي اما هاجر فقعدت ف مكانها مصدومه
طلعت من الدار جدتها ومريم مفجوعات من الدوشه اللي صارت وشافن هاجر مصبيه مريم مسكتها مع وذنها وتعيط عليها: شن اللي درتيه هضا ....؟😡
هاجر تبكي وتبحت ف عبدو : مام م..مش ناا😭
عبدو بحت ف هاجر بنضرت شماته وطلع وسيبها
مريم خذت هاجر للمربوعه وعطتها طريحه 😂
ف الليل 💚
هاجر ولجين يلعبن ف الصالة امتاع حوش جدتهن بـِ البمبلينات
خش عليهن عبدو
هاجر قعمزت ع الصالون وكشخت عليه😄
عبدو جا لهاجر ومدلها طرف شوكلاطه كانوع من الاعتذار وقاللها : هاكي 🍫😒
هاجر برمت وجهها للجهه الثانيه من دون ماتشوف شن مدلها
عبدو وهو يكشخ : نحكي امعاكي ...انتي هيييه 😡
لجين بحتت ف هاجر : حي ياهاجر جابلك شكلاطتك
طبعاً هاجر كانت اتحب الشوكولاطه وعندها نوع معين اتحب تاكله كان لونه ازرق كانوا عيال الشارع يحسابوا انه هاجر من كثر ماتاكل ف الشوكولاطه الزرقه قعدن عيونها زرق فأسموها شوكولاطة هاجر❤🍫😂
هاجر تبحت ف السقف وتفكر تسامحه او لا وفي نفس الوقت مش قادره تستغنه ع الشوكولاطه ♥
عبدو : نعطيها لي لجين راه كان ماتبيش
هاجر برمت عليه : لا نبي وخذتها منه بنفتره😏
لجين تضحك
هاجر وهي تفتح ف الشكولاطه غيرت تقعميزتها ورفعت كرعيها علي الصالون وكانت لابسه قفطان احمر قصير وشعرها قرنين ظفيره 🙊لما رقت كرعيها تعرت من لوطه ورقا قفطانها 😂😂
عبدو فنص فيها : سقمي تقعميزتك😠😬
هاجر تاكل ف الشكولاطه وتهز ف قرونها : مادخلكش 😒
خش عليهم احمد يجري وإلتقطلهم صوره بـِ الكاميرا امتاع جدته
لجين شهقت : حي عليك من جديده😱
احمد يبحت ف الصوره اللي كانت فيها هاجر تاكل ف الشكولاطه ومتعريه من لوطه 😁وعبدو يهزب فيها ونص وجه لجين وطشه من صبع احمد اللي كان ع العدسه وهو يصور😂😂
فـي الـوقـت الحـالـي 🌈
هاجر ضحكت وتكت راسها ع كتف عبدو وقالت: محلاك لما كنت صغير 💞🙊
عبدو : ليش توا شين😒😂
هاجر ضحكت وهزت راسها بمعني اهاااا🙈
عبدو وخر من جنبها وقال بصدمه : نعم نعم 😨😂
هاجر تضحك وتهزا عليه : احلى واحد ف الشينين واقسم بالله 😝😂
عبدو : تو تشوفي باهيو😒
هاجر ميته ضحك ع عبدو وكيف تعقد
خشت فاطمه : كنكم اتناقروا 😂😚
عبدو بحت ف هاجر وضحك : تعالي تعالي ياامي اسمعي كنتك شن قالت 😏
٭٭٭٭٭٭٭٭٭٭٭٭٭٭٭٭٭٭٭
ف العشـيه ...🌹
جو خوال عبدو وخوال وخالت هاجر و لجين وسراج وعماتهم ومحمود وساره يباركوا وقعدوا لعند الليل وداروا عشاء عائلي وبعدها روحوا كلهم وقعدت مريم مع هاجر وفاطمه روحت عشان احمد واسامه مافيش من يقعد امعاهم
الساعه 12:30 ⭐
عبدو طلع بعد روحوا من عندهم الناس يدير ف مشاويره
هاجر منطرحه ف دار النوم ع السرير وحاطه سماعات ف وذانها وتسمع ف القران
مريم قاعده ف دار البنات اللي كانت فيها بابين ، باب يفتح ع الصاله وباب يفتح ع دار النوم امتاع عبدو وهاجر ، ومعاها رتـال ورتـيل راقدات
شويه وهاجر بدا ياخذ فيها النوم لاكن ناضت لما استحركت عبدو خش للدار
عبدو علق جاكيته وانطرح ف جنبها بدبشه وقال بتوشوش خايف البنات ينوضن : شن تسمعي
هاجر قربت منه وفكت وحده من السماعات وحطتها لاه ف وذنه
عبدو قرب من هاجر حضنها وقعد يسمع هو وياها ف القـرآن 💘
شويه وكملت السوره بحت عبدو ف هاجر لقاها راقده حول النقال والسماعات حطهن ع الكميدينو و غطاها وصبا خذا دبشه وطلع بدل وبعدها رقد
...........
الساعه 4:45 الليل 🌸
ناضت هاجر علي صوت البنات يبكن وصوتهن قالب الدنيا😂👶
جت تبي تصبي بس ماقدرتش لانه عبدو كان لاف يديه عليها
قعدت تهز فيه مع كتفه : عبدو .....عبدو حبيبي
عبدو قلب وجهه للجهه الاخره: هههممممم😥
هاجر : نوض نبي نشوف ماما
عبدو قعمز وهو يحك ف عيونه ويتمتم : افففف ياربي من اولها هيا هكي😩😂
هاجر قعمزت وكيف تبي تصبي دق باب الدار ✊
مريم : هاجر
هاجر : نعم
مريم : واعيه ؟
هاجر : خشي ياماما
مريم خشت وجايبه امعاها رتيـل ف حضنها تبكي😭
مريم : خوذيها شويه انعدي انديرلهن رضاعات
هاجر خذت رتـيل وقالت : جيبي رتـال تو يمسكها عبدو
مريم طلعت تجيب فيها
اما عبدو كان مقعمز كيف المسطول ويبحت فيهن وخلاص 😂😣مازال خاطره يرقد
هاجر تهز برتيل : لا يمامي لاخلاص وبحتت ف عبدو : عدي خوذ رتال من ماما بيش اتعدي للكوجينه
ع خشت مريم وجايبه رتـال اللي منفحمه من البكا😖
خذاها منها عبدو
مريم تسقملها ف بطانيتها وهي ف حضن عبدو : غطيها كويس سلم وليدي داركم مسقعه
عبدو هز راسه وغطا رتال وقعد يلف بيها ف الدار ويهز فيها بيش تسكت😂
ومريم مشت للكوجينه
وهاجر اتكت ع السرير بعدما رتيل سكتت ف حضنها وبدا ياخذ فيهن النوم هن الاثنين💤
عبدو بعد دقايق 🕑من البرم والهز سكتت رتال
عبدو طبس وحطها ع السرير بشويه ردت تبكي من جديد😋
رفعها بسرعه عشان ماتنوضش رتـيل وهاجر وقعمز ع الوطا واتكا ع السرير وحطها ف حضنه سكتت وهي عاقده حواجبها ودوب ماحاله عيونها👀💞
عبدو ضحك وبحت ليدها الصغيرونه ومسكها باسها وهو مبتسم والدنيا مش سايعته من الفرحه رتـال مسكت ف صبع عبدو بيدها الصغيرونه والناعمه🙊💝 وتحرك ف كرعيها من تحت البطانيه وفتحت فمها الصغنون 😍وتثاوب
عبدو ضحك وطبس باسها ع خدها و يشم ف ريحتها اللي تجنن😚
خشت مريم وهي توشوش وماسكه الرضاعات : شن صار..؟
عبدو رفع راسه وبحت ف رتيل وهاجر وابتسم : سكتن خلاص
مريم حطت الرضاعات ع الكميدنوا وقال : هاتها باهي خلي نشيلها للدار
عبدو ضحك وهو يوشوش : لالا خليها كيف رقدت عدي انتي تريحي
مريم ابتسمت : به تصبح ع خير
عبدو : وانتي من اهله
طلعت مريم وسكرت الباب
وعبدو قعد يتأمل ف رتـال لعند رقد ع الوطا وهي ف حضنه💞
٭٭٭٭٭٭٭٭٭٭٭٭٭٭٭٭٭٭٭
بـعـد مـرور سـنـتـيـن 🌈