Window 💞🏡(مـكتمـلة)

الحلقه-29 💞

رواية :Window 💞🏡

للكاتبة : sαℓeмα🔏

٭٭٭٭٭٭٭٭٭٭٭٭٭٭٭٭٭٭٭
الساعه 5:00 العشيه🌸
هاجر وعبدو ركبوا للطياره وقعمزوا ف مكانهم
هاجر تضحك : مش مصدقه انه خلاص نقدروا نمشوا لاي مكان من دون مانخافوا انه يزرق علينه حد🙊
عبدو ابتسم و بحت فيها بنضره تجنن💘
...............
ثاني يوم 🍃
الساعه 7:30 الليل بتوقيت برلين🌸
خش عبدو وهاجر للفندق ومشوا للجناح امتاعهم كان ولااروع إيطل ع منضر المدينه الي كان يجنن🌇
هاجر كانت ف قمت السعاده والضحكه من الوذن للوذن😃
هاجر حطت شنطتها ووشاحها ع الكنبه وعزقت روحها ع السرير وتبحت ف عبدو :اااااااااه ماتتصورش قديش فرحانه☺
عبدو انطرح ف جنبها ومسك يدها: ان شاء الله ديمه فرحانه ياقلبي
هاجر حطت يدها ف شعرها وتبحت ف الصقف : وانت معايه ديمه فرحانه😚
عبدو ابتسم
واكتفوا بنضراتهم لبعض لدقايق لعند هاجر رقدت من التعب 💤
وعبدو قعد يتامل فيها ويبوسه فيها ع خده ويدها وفمها😍
...............
الساعه10:00ف الليل🌸
عبدو امصبي ع المرايه يمشط ف شعره وينادي لهاجر اللي راقده ع السرير : هاجر بيبي هيا نوضي
هاجر تحك ف عيونها: همممم
عبدو يخربشلها ع رقبتها :  نوضي😚
هاجر قعمزت وبحتت ف عبدو لقاته لابس وموتي روحه ع سنقت عشره وكان منضره يجنن لابس سوريه سوده وعليها جاكه جلد سوده وسروال اسود وكاويش ابيض😍
هاجر تبحت فيه وفاتحه فمها 😳
عبدو شيرلها بيده : اوووي وين مشيتي
هاجر ضحكت وهزت راسها يمين ويسار : معاك معاك .....بنطلعوا ؟!
عبدو حط يديه ف جيوبه وضحك : اكيده هيا بسرعه وتي روحك الا اذا كنتِ تبي حاجه اخري وغمزلها😉
هاجر صبت ع السرير وتهز ف يدها بمعني لا وتضحك: لالااالا نايضه خلاص😝
عبدو ضحك : انراجيك بره وطلع للصاله يتفرج ع التلفزون
هاجر خشت للحمام دوشت وطلعت لبست ومكيجت ولفت وشاحها وبخت البارفان امتاعها وطالعه ولا اروع 🙊
طلعت للصاله وجت من ورا عبدو اللي منسجم ف التلفزون حطت يديها ع رقبته وتحكي بدلع : انا واتيه ❤
عبدو برم عليها وابتسم: شن رايك نلغو الطلعه ونقولك سر😋
هاجر كشررت : عبدووووو 😔
عبدو :باهي هيا وصبا بحت فيها :تي وين ع الجمال هذا كله كان مش عارفك متجوزه راه خطبتك😂💘🙅
هاجر ضحكت بصوت عالي : شننننووو 😂😂
عبدو ابتتسم: شن بنديرلك جننتيني وصبا قدامها سكرلها الكبوطه امتاعها
هاجر فتحاته للنص : خنقتني 😖
عبدو :صقع بره و حط يديه ع افخادها
هاجر يبست ف مكانها : باهي شن ادير‼
عبدو ينزل ف سروالها : عليش مرقيه امه السروال قاعد امقشب من لوطه 😡
هاجر تحول ف يديه : تي باهي حول وانت ماصدقت اتلمس 😒😂
عبدو خبطها ع راسها : امشي ياأم لسان 😂
هاجر ضحكت و مسكت ف يده وطلعوا ⤵
تعشوا ف افخم واحلا مطعم كان عبدو حاجز فيه وكان جو رومنسي وبعدها طلعوا يدهوروا ويسترجعوا ف ذكرياتهم 💓
وهما مروحين
هاجر وقفت : اااااه كرعيه اول مره نمشي المسافه هذي كلها 😳
عبدو ضحك : تبي انشيلك
هاجر ردت تمشي : وبعدك هنا نوعيتهم ادير العار ف الشارع ماحد ايدورك😂
عبدو رفع حواجبه: ايوا
وقاطع كلامهم صوت تامر ولد صاحب محمد بات هاجر (اذكرتوه ❔)
تامر ضحك : هاجر شن الجوو😄
هاجر ابتسمت بمجامله : اهلين كيف حاللك
عبدو يبحت فيهم ومستغرب وعقد حواجبه
تامر : تمام غريبه عمي محمد ماقالش انه جاي
هاجر ضحكت :لالا ماجتش مع بابا جيت مع عبدو راجلي
وبحتت ف عبدو : هذا تامر ولد صاحب بابا الدكتور عيسى عرفته
عبدو عاقد حواجبه والدخان يطلع مع وذانه وسلم ع تامر بلقوة
تامر مد يده : اهلا
عبدو قانط ع يده : اهلين كيف الحال
هاجر تبحت ف عبدو كيف ماسك يد تامر وزارتها الضحكه😏
تامر بحت ف يده : الحمد لله شن جوك انت😖
عبدو عاقد حواجبه : ميه ميه وطلق يده
تامر : خلاص انتلاقوا مره اخرى ان شاء الله مبروك عليكم
هاجر ابتسم : يبارك فيك ..باي ومشوا
عبدو يمشي ومتعقد : منو هضا
هاجر استغربت: ماهو قتلك 
عبدو حامق ع الاخر : مش سامع بيه من قبل انا😡
هاجر تمشي وراه: لما جينه هنا تقابلنه امعاهم ف نفس الفندق بالصدفه
خشوا للفندق
عبدو يمشي وينفتر:  تو انتفاهموا فيه الموضوع هضا وبعدين هوا كيف يحكي امعاكي هكي
هاجر تمشي وراه ومستغربه : تي شن قال هوا كنك كبرت الموضوع....؟
خشوا للجناح امتاعهم
عبدو عزق الجاكه أمتاعه ع الصالون وخش للدار قعمز ع السرير وهو حامق
هاجر خشت وراه : تي كنك ياعبدو
عبدو متنرفز ويحاول يحكي بهدوئ : انا اللي قهرني خاطي دوته الزفته امعاكي انك انتي مش حاكيتيلي عليه
هاجر ادير ف وجه البرائه : تي باهي يابيبي انا ف حياتي كلها تلاقيت امعاه مرتين يعني مش موضوع عشان نحكيلك عليه 😞
عبدو ساكت ولاوي وجهه
هاجر قعمزت احداه: عبودتي ....تي باهي توا بتخرب يومنه علشان وجه البنت هذا
عبدو زراته الضحكه برم وجهه ومابش ايبين
هاجر بترجي: عبدو 😔❤
عبدو ساكت برم خذا باكوا الدخان طلع سبسي وحطه ف فمه وقعد ايدور ف الولاعه
هاجر خذت الولاعه من جنبها وولعتله الدخان وهي تبتسم 💓
عبدو برم وجهه للجهه الاخره وينفخ ف الدخان
هاجر صبت بعد فشلن محاولاتها للتودد مع عبدو وقالت  : انا بنغير دبشي وخذت دبشها وخشت للحمام (حشاكم)
لبست روب حريري وناعم لونه رصاصي ف الوردي قصيررر ولفت شعرها وطلعت قعمزت ف جنب عبدو ع السرير
هاجر حطت يدها ع كراعه وتمشي فيها بدلع
عبدو مستمر يدخن وساكت
هاجر حطت يدها علي يد عبدو وتبحت فيه وتذبل ف عيونها😋
عبدو مش قادر يقاومها و زارته الضحكه ع منضرها وكيف ادير حط السبسي ف الطفايه وهو ساكت
هاجر حطت يدها ع لحيته وتبحت فيه وتبتسم
عبدو ضحك ودفها وقال بصوت عالي : تي بطلي😂
هاجر طاحت ع السرير وهي تضحك : وووه فجعتني 😳😂
عبدو بحت فيها وهو مبتسم واتكا ف جنبها : يانعليا نا منضرك يجنن رايحه كيف القنطشه 😂😍 "اللي مايعرفش القنطشه هي انثي الفأر😂😂💔"
هاجر تعصبت و دفاته : مصمطك حول توا انا قنطشه.😡
عبدو ضحك ومسكلها ايديها : واللهي انبصر امعاكي بعدين تعالي هنا وين بتصبي مش امبدري اتنابشي 😍
هاجر اتفك ف يديها : حول خيرت رايي
عبدو ضحك بصوت عالي ورفع حاجبه : بجوك هيا 😏
هاجر تضحك ودايره روحها متعصبه : حول متقلك ومتقل دمك😂
عبدو ماسكلها ايديها ويبوس فيها ع خدها وفمها ويضحك
هاجر تضحك وتعيط : يامامااا تي حول حوووول خطانييي😂
عبدو : .....
وكيف بيبدوا ف ال🙊 رن نقال هاجر
هاجر : اطلقني النقال يرن اكيده ماما
عبدو تعصب : اففف مش وقته الزح
هاجر خذت النقال ولقتها لجين
هاجر تضحك :هذي لجين 
هاجر صبت وردت عليها :اهلين ياصبيتي شن تبي عقاب الليل
لجين ضحكت : حي واللهي راحت من بالي قصة فرق التوقيت شن حالك ياكنتنه
هاجر تحكي من راس خشمها وهيا تضحك : كويسه
لجين : وينكم ياامسخين ماتقولوش عندكم هل يسألوا عليكم حتي بعد وصلتوا ماكلمتوش
هاجر تضحك: مش فاضيين
لجين : ياناعليا ياهاجر الحوش كساد من دونكم امبدري كنت بنروح احمد مابش ايخليني
هاجر ادف ف عبدو اللي كان يكر فيها من قفطانها : خليهم ايكسدوا شويه يعرفوا قيمتنه بالذات احمد
عبدو مستمر يكر فيها وهاجر تصارع فيه😂❤
هاجر شيرت بيدها : شويه
لجين استغربت :شنو ...؟
هاجر ضحكت: لالا نحكي مع خوكي قريب يكلب😂
لجين : باهي معناته انا بنسكر وانتي بعد اتكملي صياعتك كلمي امك تسأل عليك
هاجر تضحك : تمام
لجين : باي وسكرت
هاجر حطت النقال ع الكميدينو : عبدو نحنه كم بنقعدوا هنا ..؟
عبدو مسكها من يدها ويبوس فيها : مش وقتها الدوه هذي وتعالي انقولك ❤
هاجر تضحك : باهي
......................
بعد مرور شهر 💟
عبدو وهاجر روحوا من شهر العسل اللي مشوا فيه لبرلين وميونخ  ..💓ودارولهم عزومه كبيره ف حوش جدتهم جو خوال هاجر وصحباتها وخوال عبدو ومشت كلها ضحك وكانت هاجر تحكيلهم علي جو برلين وكيف مشا شهر العسل امتاعهم اما عبدو كان بره مع اصحابه وشباب العيله😚
الساعه 12:30 ف الليل
بعد روحوا الناس كلهم هاجر قعمزت ف الدار هي وخيريه وفاطمه و مريم ولجين ومحمود واحمد وساره وعمتهم فوزيه وبناتها وتهاني ومني
عبدو كان مع اصحابه وبعد روحوا خش للحوش صبا ف فم الباب : هااجر
فاطمه : خش ياعبدو مافي حد
عبدو خش : السلام عليكم
الكل : وعليكم السلام
علي ولد لجين جا يزحف ف اتجاه عبدو ومدله ايديه وهو يضحك يبيه يرفعه
عبدو رفعه وهو يضحك قعد ايبوس فيه
انتصار تلعب بشعرها  : يهبل ياعبدو طالعلك
هاجر طبست تبحت فيها زين وعطتها نضره بعدها اتكت وهي اتمتم : ياعليك حاله وخلاص😡
محمود مقععمز تالاها ويضحك بصوت واطي : براحه ياوحش 😂
احمد يضحك : ياريته غير ايطيقك هوا 😂
انتصار :من عليوه بلعكس
منى تضحك: واووووه والكفوف اللي امبدري عطاهن لكي ف الكوجينه😂
فوزيه قاطعتهم : هيييه بسم الله كنكم مع بنتي 😅
خيريه :خلاص انهوا الموضوع
هاجر لفت ع امها : ماما بابا وين ...؟
مريم : باتك ف العمل اليوم من لما طلع العصر معش جا
هاجر برمت ع فاطمه :وعمي اسامه وين اختفاء ...؟
فأطمه ضحكت : عمك اسامه راقد من بدرررررري
هاجر بحتت ف عبدو، عبدو شيرلها بحواجبه وعيونه بمعني هيا
هاجر صبت ومشت للدار الاخره تلبس ولحقتها لجين
لجين متنكده : ماقتلكش انا ع مصيبتي الثانيه
هاجر تلف ف وشاحها ع المرايه :شنو ..؟
لجين تنهدت: حامل من اسبوعين
هاجر فرحت وبرمت عليها : باهي مبروك
لجين هزت كتوفها: مانبيش انا
هاجر : .......

*ارجوكم اللي عجباته الروايه ويقرا فيها يساعدني ف نشرها 💕✋🏼
*شكراً ع التعليقات الحلوه برغم من انهن طشه 😂والمتابعون ف صمت مش خاصرين شي راكم كان حطيتوا لايك او تعليق 😢

انحبكم 💋💋