Window 💞🏡(مـكتمـلة)

الحلقه- 25💞

رواية: Window 💞🏡

للكاتبه:sαℓeмα🔏

٭٭٭٭٭٭٭٭٭٭٭٭٭٭٭٭٭٭٭

دار برمه ع الحوش جت عينه ع الدار الي راقده فيها هاجر
خشلها
عبدو يوشوش : هاجر....!!
هاجر راقده
عبدو قعد يخربشلها ع رقبتها بي صوابعه
هاجر كشرت وقعدت تحك ف عيونها نفس العيال الصغار 🙊
عبدو يضحك : صبي
هاجر قعمزت : شن تبي
عبدو قعمز امقابلها : شي ....سادك نوم
هاجر: واللهي حرام عليك امنوضني عشان تقولي سادك نوم
عبدو ضحك : شكلك مش ناويه انديري شي ف الكوجينه
هاجر نفخت  : تي انا نمشي من هنا للحمام اندوخ تبيني انطيب ف الكوجينه
عبدو : لالا ارقدي ارقدي مادامك ادوخي فكيني من رعايشك😂
خش احمد للدار وكان عين مفتوحه وعين مسكره بحت فيهم وهوا يتأتأ : رمضان راهو ....تحشموا شويه 😂😂
هاجر وجهها انحمر من الحشمه وقالت : خليك ف حاللك انت
احمد : وسعي وسعي وعزق روحه جنب هاجر وطاح ع يدها
هاجر عيطت : احححححح يدي 😠وقعدت تضرب فيه ع ظهره
احمد مغمض عيونه ومش معدل عليها
هاجر متعصبه : اصلك بارد ماتحسش خزيييه 😥حلوف
عبدو صبا بيطلع وكر احمد من كراعه
احمد ماسك ف الفراش ويعيط
وهاجر تضحك
عبدو كان ايفش ف غله ف احمد : تي توا انا منوضيني عشان خبزه♨🍞
احمد : اهااا وبتصبي ف طابور طويل عريض ف الشمس😅..... اطلق كراعيييي 😣
عبدو طلق كراع احمد وطلع
احمد يعيط لعبدو :ابكي ابكي قول نبي قهوه.... نبي دخاني 🚬
وقعمز وماسك كراعه : ااااااه كراعي قريب طارت احيييه
هاجر صبت تمشي مع الساس وهي تضحك
..........
بعد مرور عدة ايام 🍃
ثالث يوم العيد😂
الساعه 1:15 م🏻
هاجر قاعده ف دارها
خشت عليها مريم : هاجر
هاجر : ايييييوه
مريم : انزلي لعمتك فاطمه مريضه شوفيها بلكي تبيك تساعديها ف الحوش
هاجر  : باه شويه غيرت دبشها ونزلت
دقت الباب ✊🏻
فتحلها احمد : اهلا
هاجر : اهلين شن الجو
احمد : تمام وخشوا هما الاثنين
هاجر : عمتي فاطمه وين
احمد شيرلها بيده : قاعده ف الكوجينه
خشت هاجر للكوجينه : عمتي فاطمه
فاطمه بصوت تعبان وكانت تغسل ف الماعين: اهلين ياهاجر
هاجر: نساعدك ف حاجه
فاطمه : الله يربحك تعالي كملي الماعين انعدي للحمام
هاجر قدمت للحوض : باه عدي
طلعت فاطمه من الكوجينه
وهاجر كملت تغسل ف الماعين وسارحه
خش عبدو للكوجينه يبي ياخذ القهوه امتاعه شاف هاجر ضحك ونخصها ف جنبها
هاجر انفجعت وجت تبي تعيط
عبدو حط يده ع فمها : اسسسس ياعليك شورخ🏽😂😂
هاجر دفاته : باااارد طيحتلي قلبي 😩
عبدو خذا القهوه امتاعه وقعمز ع الكرسي وهو يضحك عليها
هاجر بحتت فيه لقاته لابس اللبسه العسكريه
هاجر فنصت : ماشي للعمل ؟
عبدو يولع ف دخانه : اهاا ومرات مطول
هاجر تنهدت وسكتت
عبدو ضحك : لا تعليق
هاجر : انت عارفه تعليقي
عبدو ضحك : تمام مافيش داعي للنكد
خش احمد يضحك : تي دخان ف الكوجينه ياراجل
عبدو : تعال تعال حل الروشن بسرعه قبل تجي امي
احمد خش يحاول يحل الروشن : خووووووووف😅
احمد قعد يحاول يحل الروشن بس ماعرفش : تي كنه هضا😂
عبدو نفخ الدخان : حول وصبا يبي يحله بس ماقدرش
هاجر تكح من بنت الدخان : تي حول انت وياه
وحلت الروشن بكل سهوله
احمد وعبدو بحتوا ف بعضهم وضحكوا
هاجر : مش كل حاجه بالقوه💫
احمد بأندهاش : كيف حليتيه وراس امك
هاجر ضحكت : انت كنت تلف فيه بالعكس
احمد طلع وهو يضحك
عبدو مشا لداره
هاجر صبت ف فم الباب : ماقتليش !
عبدو يلبس ف جاكيته : شنو حبيبي..؟
هاجر وهي مضايقه : لعند امتا مطول
عبدو : مانندريش مرات كان عجبني الجو نروح بكره الصبح
هاجر سكتت ومن جوه تغلي
طلعت فاطمه من الحمام
هاجر مشتلها : شن تحسي ف روحك ياعمتي فاطمه
فاطمه مسكت ف يد هاجر : شيليني للدار
هاجر خشت هيا وعمتها فاطمه للدار
عبدو لحقهن : امي نشيلك للمستشفى
فاطمه : لالا زكمه بيسطه ماتستحقش عدي انت لعملك
عبدو يبحت فيها وساكت ومش راضي يسيبها
فاطمه : عدي ياعبوده واللهي مافيه حاجه وكان مرضت واجد تو نرن ع باتك يشيلني عبدو : اوكي 
فاطمه ابتسمت : مع السلامه
هاجر بحتت فيه وابتسمت وطلع عبدو
فاطمه بحتت ف هاجر : المريوح وين 
هاجر ضحكت : احمد.؟ ......انضني ف داره
فاطمه تكح: كلميه ليه
هاجر طلعت دقت ع احمد
احمد فتحلها
هاجر : تبيك امك
احمد مشا ل فاطمه ف دارها
هاجر بحتت لقت عبدو قدام الباب يلبس ف التمبر امتاعه
مشتله من غير ماتحس وصبت قدامه وتفرج عليه
عبدو كان مطبس ويربط ف الخيوط رفع راسه لقا هاجر مصبيه ابتسم وهز راسه بمعني كنك
هاجر خدودها انحمرن : اأأء شي😳
عبدو صبا امقابلها حط يده ع خد هاجر ويحرك فيها ويتحسس ف نعومة خدها💘
هاجر تبحت ف عبدو وقلبها يدق بسرعه💙
عبدو قرب منها ببطأ وكان يلعب باعصابها😍
هاجر غمضت عيونها ووخرت راسها بشويه 😳
عبدو باسها ع خدها وضحك : خووووافه 😂
هاجر زرتها الضحكه وسكتت ووجها احمممممر
عبدو :مانوصيكش ع امي وكان مرضت واجد رني عليه
هاجر ابتسمت: حاضر
عبدو طلع وهاجر ردت للدار لقت فاطمه توصي ف احمد ع دواء
شويه وطلع احمد للصيدليه وقعدت هاجر مع عمتها فاطمه
فاطمه : هاجر سلم بنيتي ماتقوليش لجين اني مريضه تو تنشغل عليه وخلاص وهي مازالت عروس
هاجر : به
٭٭٭٭٭٭٭٭٭٭٭٭٭٭٭٭٭٭٭
الساعه 6:00 العشيه🌸
عبدو مقعمز مع اصحابه علاء وعبدالله
عبدالله : تي وين ياعبدو معش نحقوا فيك قعدت تحب القعده ف الحوش ولا كيف صار ...؟
علاء يلقح لعبدو : زعمك عليش😉
عبدو ولع دخانه وبحت فيه ع جنب 😒
علاء ضحك 
عبدو صبا بعد من عليهم شويه واتصل بهاجر
عبدالله بحت ف علاء : شن قصته هضا
علاء ضحك وغمزله  : تبي تعرف اين قصه بالزبط 😉
عبدالله ضحك : قصدك عنده قصص عاطفيه
علاء : اهاااا تي خاطب الراجل
عبدالله انصدم:اووووف امتا صار الكلام هضا
علاء : لاه فتره
عبدالله : هضا عليش متغير😂😂
علاء: ماتقولش اني قتلك فكنه منه
عبدالله ضحك
٭٭٭٭٭٭٭٭٭٭٭٭٭٭٭٭٭٭٭
ف حوش اسامه
هاجر قاعده ف الدار هي وعمتها فاطمه ونجاة وخيريه ومريم كانن يهدرزن وهاجر قعمزت  ع نقالها بعد ماطيبتلهن القهوه ورن"عبدو"
هاجر طلعت للصاله وردت
هاجر: ايوه
عبدو: شن الامور
هاجر : تمام
عبدو :  كيف حال امي نرن عليها نقالها مقفل
هاجر: كويسه نقالها طافي و قاعد ف الشحن
عبدو : احمد قاعد
هاجر : لالا طلع من بدري
عبدو: اوكي
هاجر : باي وسكرت وعرفت انه ف جنبه حد هضا عليش كانت المكالمه جافه😂 خشت للدار
فاطمه ابتسمت : نبي هاجر تقعد امعايه اليوم
هاجر بحتت فيها وابتسمت تراجي ف رد امها
مريم سكتت
فاطمه : عبدو واسامه بايتين بره واحمد الله اعلم الساعه كم يروح خليها انكسد انا وياها
مريم :به
احمد خش للدار : السلام عليكم
الكل : وعليكم السلام
احمد قعمز ف جنب هاجر : منوره ع البصاصه
هاجر : شن تحكي انت
احمد : لازم تقولي لعبدو اني مش قاعد ف الحوش
هاجر : هو سألني وانا جاوبته
احمد : وانتي ماتقدريش تكذبي عليه .......طبعاً ماتحمليش
هاجر زرتها الضحكه: ااهااا مانتحملش وانت اللي غلطان كيف تطلع وتسيب امك مريضه
احمد متعصب: باه باه خلاص اللي سيبه هوا بتكمليه انتي
هاجر ضحكت
٭٭٭٭٭٭٭٭٭٭٭٭٭٭٭٭٭٭٭
الساعه 10:30 الليل🌸
هاجر تغسل ف اماعين العشاء واحمد يبرم امعاها ف الكوجينه
احمد : صار قتيلي بايته عندنه
هاجر : اهااا اامك اصرت اني نبات مش عارفه عليش
احمد : باهي كويس نلقا مع من انكسد
هاجر كملت غسل الماعين : كملت هيا
طلعت هاجر واحمد للصاله قعدوا يلعبوا بالصوني
وفاطمه منطرحه حداهم
فاطمه : اناا بنخش نرقد وانتي ياهاجر ارقدي ف دار عبدو
هاجر تخزرطت : لا تو نرقد ف دار لجين
فاطمه : دار لجين معبيه دبش مافيش وين تحطي كراعك
هاجر : باهي عادي نرقد ف الصاله
فاطمه : لالا صقع تو تمرضي هنا
هاجر سكتت
فاطمه خشت لدارها
احمد يبحت ف هاجر ويضحك
هاجر دفاته من وجهه : هيا العب ولا خليني نعدي
احمد : بترقدي
هاجر هزت راسها بمعني اهاا
احمد : وين 😉
هاجر حمقت : يااااا بارد😡
احمد يضحك : باهي خلاص عارفك مش قادره تصبري لاكن انكملوا الطرح هذا و عدي ☺
هاجر : ههههه مثقل دمك😒�
٭٭٭٭٭٭٭٭٭٭٭٭٭٭٭٭٭٭٭
الساعه 1:00 الليل🌸
خشت هاجر لدار عبدو خذت شههيق😍 وكانت البنه امتاعه ف كل مكان انطرحت ع سرريره وخذت مخدته ف حضنها❤ وتفكيرها ف عبدو وبس💕
الساعه 4:08 الفجر🌸
خش عبدو بكل هدوء للحوش ،خش لدار امه لقاها راقده شافها وطلع
خش لداره ف الظلام وتفاجأ بهاجر راقده ف سريره وكانت هذي احلي مفاجأه لاه بعد يوم طويل من الشغل
كان ضي القمر الي جاي من الروشن عاكس ع سريره اللي كانت راقده فيه ابتسم وطلع مفاتيحه ونقاله ودخانه وسلاحه 🔫و حطهن ع الزيانه قعمز ع حافة السرير قرب ع هاجر يلمس ف خدها ويتحسس فيه حط صبعه ع شفايفها ويممرر فيها😍❤
هاجر فتحت عيونها ببطأ :عبدو
عبدو ابتسم :عيونه
هاجر مزالت نعسانه :نحبك
عبدو ابتسم ع منظرها اللي يجنن كانت نص راقده ونص واعيه : وانا نموت فيك 💘
هاجر رفعت راسها وحطاته ع صدره ومسكت فيه : .......

*اسفه ع التأخير بس موضوع خارج عن إرادتي اضطريت انسكر فتره بس بجد فرحت بعد ماشفت ف ناس ولو عدد قليل امدور الروايه ويبيها ❤
*طلب وليش امر لكل حد قرأ الروايه يقيمها وكم يعطيها ع 10 ويساعدني ف النشر وشكراً
انحبكم 💋