Window 💞🏡(مـكتمـلة)

الحلقه-36 💞ماقبل الاخيرة

رواية : Window 💞🏡

للكاتبه :sαℓeмα🔏

٭٭٭٭٭٭٭٭٭٭٭٭٭٭٭٭٭٭٭

الساعه 2:30 ف القايله
عبدو روح من العمل خش للحوش لقاه مظلم عرف هاجر راقده خشلها للدار
لقاها راقده وخاشه ف بعضها وحاطه يديها ع بطنها وحاضنه تيشرت امتاع عبدو💚
عبدو ضحك ع منظرها وصبا قدام الزيانه ويسلح ف جاكيته
عبدو : قطوستي هيا نوضي😍
هاجر:😴😴
عبدو علق جاكيته وحل الستاره وخش الضي للدار
عبدو : هيا هاجر نوضي😊
هاجر كشرت وجهها : نبييي نرقققد☹😭 وقعدت تبكي
عبدو سلح تيشرته : باهي ارقدي خلاص وصكر الستاره ونطرح جنبها
هاجر وهي مغمضه عيونها قعدت تدور ع يد عبدو
عبدو ضحك ومدلها يده
هاجر شبكت صوابعها ف صوابعه وفتحت عيونها : يدك مصقعه
عبدو : اهاااا الجو مصقع وامبدري كانت تمطر💦
هاجر : اممم سمعتها وغمضت عيونها البس تيشرتك راك تمرض
عبدو : لالا قاعد تحت البطانيه مش حنمرض
هاجر حطت راسها ع ذراع عبدو ورقدت
عبدو يلعب بشعرها ويبوس فيها خدها وفأجاة اذكر
عبدو عقد حواجبه : عندك مراجعه اليوم ولالا
هاجر كانت نص راقده نص واعيه هزت راسها
عبدو : الساعه كم
هاجر كرت البطانيه ع كتفها : مانبيش نمشي
عبدو قعمز : شن هوا😠
هاجر فتحت عيونها وتدوي بيديهاا وتعيط : ماعنديش نيه نمشيلها الدكتوره درهتلي كبدي كل مره تقولي مش باين مش واضحه مش عارفه شنو نناناناننن😒 وبرمت وجهها للجهه الاخره
عبدو ضحك وحضنها من لاوره وباسها ع رقبتها : باهي نمشوا اليوم ونشوفوا وكان ماقالت شي شوفي وحده اخره
هاجر ساكته
عبدو باسها ع رقبتها : نحبك❤
هاجر ضحكت : انا لا مانحبكش وحطت راسها تحت المخده عشان معش يبوسها
عبدو حط راسها كيفها تحت المخده وحط شفايفه ع رقبتها
هاجر قعمزت : افففففف طار النوم
عبدو حرك حواجبه بأستفزاز: هضا المطلوب☺
هاجرر ضحكت : انت بارد 😂😥
عبدو قوس فمه بستهزاء: انا انحبك😞😂😂
هاجر ضحكت وصبت خشت للحمام دوشت وعبدو ضم الدار ع السريع وتغدوا ولبسوا ومشوا للدكتوره بعد جهد جهيد من عبدو طبعا لاقناع هاجر💞
٭٭٭٭٭٭٭٭٭٭٭٭٭٭٭٭٭٭٭
الساعه 5:23 العشيه 💙
هاجر خشت للدار وقعمزت ع السرير تحول ف وشاحها خش وراها عبدو واتكا ع الزيانه امقابلها
عبدو وهو حاط يديه ف جيوبه: شن قالتلك الدكتوره وبرم ع الزيانه يسقم ف شعره
هاجر حطت يدها ع بطنها وضحكت والدنيا مش سايعتها من الفرحه : نحنه الثلاثه كويسين ❤
عبدو مافهمش وبحت فيها من المرايه : كيف....!❤
هاجر ضحكت وشيرت ع روحها : انا كويسه وشيرت ع بطنها : وهنا كويسات💞
عبدو برم عليها وهو متفاجأ : كيف كيف قصدك ...؟
هاجر مدت يدها : تعال تعال ومسكت يد عبدو
عبدو قعمز امقابلها ع الوطا وهو ف حالة صدمه : شنو
هاجر تضحك ومدت لعبدو الصورة اللي عطتها لها الدكتوره : شوف وتشيرله ع الصوره وضحكت :تؤام ياعبدو وهنا الاثنين بنات 😍
عبدو يبحت فيها : تحكي جديات
هاجر : جد الجد واستغربت ف تصرف عبدو
عبدو صبا وقعد يبرم وحاط يده ع راسه
هاجر تلاشت الابتسامه من ع وجهها : حبيبي كنك .........زعلت قصدك؟😳
عبدو برم عليها وهو يضحك بصدمه: عليش بنزعل بس بس انا مش مصدق ...انتي متأكده😻
هاجر ضحكت وهزت راسها
عبدو نط عليها حضنها وهو يضحك ويعيط : تتتتييي انححببببببك انححببببببپببك واقسسسم بالللللله انحححببك❤
هاجر ضرباته ع كتفه : حيواااان فجعتني😂😂
عبدو يبوس ف هاجر : يعني توا بيقعدن عندي ثلاث بنات 😍
هاجر قوست فمها : بس انا مش كيفهن صاح😞
عبدو ضحك : انتي بروحك مافي كيفك حد انتي غلاي وحبيبتي وقلبي  💗
هاجر ابتسمت وقالت بصوت هادي : انحبك 💘
شويه وطلعوا عبدو وهاجر لحوش جدتهم وبلغوهم ع الخبر الحلو هضا وقعدوا لعند الليل وبعدها روحوا 💜
٭٭٭٭٭٭٭٭٭٭٭٭٭٭٭٭٭٭٭
بعد مرور اسبوعين 💐
الساعه6:03 العشيه
هاجر راقده ع السرير وتعبانه وتبكي
عبدو : باهي خلينه نمشوا للمستشفي عـ......
هاجر قاطعت عليه : لالالالللا مابيش نمشي للمستشفي تو شويه ونقعد كويسه
عبدو مدلها طااست الحليب اللي ف جنبه : باهي اشربي هذي من الصبح ماكليتي شي 😞
هاجر هزت راسها وبصوت تاعب : ماعنديش نيه 💔
عبدو : غير هيا اشربي حتي طشه عشان خاطري
هاجر قعمزت وخذتها منه : مش عندك عمل مفروض تمشي
عبدو سقم تقعميزته: لالا خلاص فوتي مش ماشي بنقعد امعاك💓
هاجر ادلك ف راسها: لالا انا تمام عدي حبيبي لعملك
عبدو : باهي هيا اشربي عشان انعدي
هاجر شربت طشه : افففف يزعم الكبد😭
عبدو يقرب ف الطاسه من فمها : غير هيا بس طشه اخره
هاجر تحرك ف راسها بمعني لالا وتبكي : مانبيييييش😭
عبدو مدلها طرف بسكويت : باهي خوذي هضا
هاجر حطت يديها ع وجهها وزادت تبكي : مانبييييييش مانبييش كنك انت 💔😭
عبدو نزل من السرير وهو متعصب : باهي باهي خلاص ومشا للصاله وهو يتمتم ويحاول يهدي : عقاب الوقت قعدت انت😂😂💔
هاجر سكتت وتمسح ف دموعها
عبدو قعد يبرم ف الصاله وحاط يده ع راسه ويفكر شويه وخش ع هاجر
عبدو اتكا ع باب الدار: شن رايك نحطك ف حوش جدي
هاجر قعمزت وتدلك ف رقبتها : عند من بنقعد
عبدو هز راسه وحل الدولاب يطلع ف دبشه : مانندريش اقعدي مع امي ولا امك ولاجدتي لاكن المهم مانقدرش نعدي للعمل ونخليك بروحك
هاجر تحول ف الغطا من عليها: به
صبت هاجر خشت للحمام دوشت ولبست وطلعت هي وعبدو حطها ف حوش عيت جده ومشا للعمل
خشت هاجر لقت لجين وولدها وبنتها وجدتها سلمت وقعمزت امعاهم
هاجر : جديده ماما قاعده
خيريه منطرحه ع السرير وكيف ياخذ فيها النوم شيرت بصبعها لالا
لجين : امي وعمتي مريم ونجاة ماشيات لعزاء وكلمني انا عشان انجي نقعد مع حني
هاجر هزت راسها وسكتت
علي ولد لجين مقعمز ف التركينه ويحذف عليهم ف الالعااب
لجين ماسكه بنتها ف حضنها وتهزب : ياحمار بطل راه انوضلك 😠
علي ضحك وطلع يجري
هاجر تلم ف شعرها : خاطرني ف حاجه
لجين ضحكت : شنو
هاجر غمضت عيونها وفتحتهن وحطت شفايفها ع بعض : اامممم خاطرني ف طين
لجين : شنو😨
هاجر عيونها قلوب: طيييين.... تراب يعني 😍
لجين : اعععع تبي تاكليه م..
قاطعتها خيريه : عدي جيبيلها من الصور ف تراب نظيف
لجين: تحكي جديات ياحني
خيريه تعصبت : امالا نلعب شنو مش مجربه الوحم انتي
لجين : بباهي لاكن مرات يضرها
هاجر تشير بيدها : لالا مايصيرلي شي هيا جيبي
لجين صبت
هاجر : حطيلي فيه شوية اميه 😍😂😂
لجين ضحكت بهزوه ومشت جابته ف تبسي وجت
هاجر مدتلها يدها : صبيني خلي نطلعوا للدار الاخره جديده رقدت تو العيال ينوضوها لجين صبتها وطلعن للدار الاخره
هاجر ماسكه التبسي وتحط ف صبعها وتغمسه ف الطين وتحطه ف فمها
لجين : ووووه عليكي كيف متحمله طعمه😲
هاجر : حاجه اقواى مني مش قادره انسيبه وحطت يدها ع بطنها مش عارفه اليوم ألم مش طبيعي خاطرني نحط يدي في فمي ونكرهن نطلعهن💔😂😂
لجين ضحكت ودير ف رضاعة بنتها : لا يطلعن من وين ماخشن بس
هاجر ضحكت : سخيفه 😅
خش عليهن احمد وهو ماسك كاس اميه
لجين : سراج جا
احمد : جا وتوا شايله اميه
هاجر خذت طشه من الطين ف فمها وقالت : معش تسلم يااحمد ..؟😁
احمد فنص فيها : شن اللي تاكلي فيها هضا يامقرفه
هاجر : مادخلكش
احمد : والله نحرش فييك عبدو وسمع صوت سراج ينادي : هياااا جايك وطلع
لجين وهاجر ضحكن
خش علي يجري وف يده سياره لعبه ويطير فيها فوق
لجين بنفاذ صبر: قعمز لوطه 😠
علي : ماامي نعب (نلعب)
لجين : قعمز العب لوطه السياره ماطيرش تمشي ع الوطا 😡
علي ماعدلش عليها وقعد يجري بيناتهن
وهاجر كل مايقرب منها تحط يدها ع بطنها خايفه يطيح عليها ولايخبطها
لجين : قعمز يافرخ
علي مستمر يلعب : اففف انتي مامي اصداع (صداع)😂 وقرب من هاجر : انبوستش😂
هاجر ضحكت من قلبها : حي ولدك يدوي خليجي 😂
لجين : مانحكيلك يطقطق من اجنابه حتي صيني يدوي ....قعمز ياعلي
هاجر : باهي بوسني من بعيد 💋
علي : لالا وقرب من هاجر بيصبي ف حجرها عشان يبوسها
هاجر يد ع بطنها واليد الاخره تبعد ف علي : باهي بشويه بس
لجين  تعصبت : ياعلي حول ......وعلت صوتها سراج سراج
علي خاف ووخر : لاص لاص ياماما (خلاص خلاص)
خش سراج : نعم شن في ، اهلين هاجر شن الامور
هاجر : الحمد لله كيف حالك انت
لجين تعيط : خوذه من تالا خلقتي الفرخ هذا
سراج ضحك وكر علي من يده : شن درت 😂
علي هز كتوفه ومشا يجري بره الدار وسراج لحقه
٭٭٭٭٭٭٭٭٭٭٭٭٭٭٭٭٭٭٭
الساعه 12:30 الليل💝
عبدو وهاجر بعد روحوا للحوش تعشوا وهاجر حست روحها مريضه فقررت ترقد عبدو قعد ساهر ف جنبها ع التلفون
هاجر سنونها يخبطن ف بعضهن من الصقع وتأن من الالم
عبدو طفا نقاله وقعمز : هاجر شن فيه
هاجر برمت وهي ترجف : صقععععع😖
عبدو حط يده ع راسها لقاها سااااااخنه

*حلقه برعاية "نص الجبنه"😂😂💔
انكمدت فيه قريب متت 👻  وانا نكتب  ،قريب ماصارش من الروايه ومالقيتوش من يكملها لكم ☺✌🏿
*حلقه ماقبل الاخيره وسبق وقتلكم اني قريب متت فيها 👆🏽تستحق التفاعل ولالا هي وروني

انحبكم ❤💋💋