Part 18
“please be okay”
[Author’s POV]
“នៅឈឺត្រង់ណាទៀតអត់?” Hoseok សួរដោយក្ដីបារម្ភ។
ពេលនេះ Yeonha ចេញពីពេទ្យហើយ កំពុងតែជិះឡានក្រុងត្រឡប់ទៅផ្ទះវិញ។ ត្រូវវបួសដល់ថ្នាក់នេះ នាងនៅតែសុំអង្វរគ្រប់គ្នាមិនឲ្យធ្វើឲ្យរឿងមួយនេះកក្រើក។ នាងមិនចង់ឲ្យ Jin ដឹង ហើយកាន់តែមិនចង់ឲ្យអ្នកស្រី Jung ដឹងទៀត។
Ri Bora និង Kong Sora ទាំងពីរនាក់សុទ្ធតែត្រូវបានបណ្ដេញចេញពីសាលាទាំងអស់។ Hoseok និយាយរួចហើយ មនុស្សដូចជាពួកនាង មិនសមនឹងនៅទីនេះធ្វើបាបអ្នកផ្សេងទៀតឡើយ។ ការបណ្ដេញចេញពីសាលាគឺជាការគម្រាមមួយ។ នៅលើសៀវភៅសិក្ខាគារឹករបស់ពួកនាងក៏បានចាររួចហើយដែរអំពីអ្វីដែលពួកនាងបានធ្វើ ដូច្នេះសាលាផ្សេងទទួលឬមិនទទួលវាលែងជារឿងរបស់គេទៀតហើយ។
Yeonha គ្រវីក្បាលយឺតៗ មិនចង់ឲ្យគេបារម្ភ។
ចាប់ពីថ្ងៃនោះមក Hoseok លែងហ៊ានដើរទៅឆ្ងាយពីនាងទៀត ទោះក្នុងចិត្តដឹងថាពេលនេះអស់មនុស្សដែលអាចមកធ្វើបាបនាងដូចពីរនាក់នោះទៀតហើយ។
“យើងមិនដឹងថាពួកឯងលាក់បានជិតល្អឬក៏ពួកយើងល្ងង់ទេ” Taehyung គ្រវីក្បាលព្រមទាំងនិយាយ។
“ច្បាស់ណាស់ថាពួកឯងល្ងង់!” Hoseok តប បណ្ដាលឲ្យគ្រាប់ភ្នែកជាច្រើនគូសម្លក់ទៅកាន់គេ។
“មិននឹកស្មានថាដើរជាមួយពួកឯងយូរហើយបែរជាមិនដឹងថាពីរនាក់ឯងរស់នៅក្នុងផ្ទះតែមួយ” Namjoon និយាយ រួចសើច។
“មែនហើយ ហួសចិត្តណាស់ពេលហ្នឹងគួរតែចាប់អារម្មណ៍ ពី Jin hyung ដែលត្រូវជាបងប្រុសរបស់ Yeonha!”
ពួកគេជជែកគ្នាយ៉ាងរីករាយនៅក្នុងភោជនីយដ្ឋានរបស់ Jin ។ ទោះសំឡេងឮប៉ុណ្ណាក៏គ្មាននរណាខ្វល់ព្រោះអ្នកដទៃដែលនៅក្នុងនោះក៏និយាយគ្នាមួយអស់ៗសំឡេងដូចគ្នា។
“ហើយរីកចម្រើនដល់ណាហើយ? ត្រូវការយកពួកយើងធ្វើជាអ្នកកំដរទេ?” Jungkook សួរ លើកចិញ្ចើមឡើងយ៉ាងខិលខូច ធ្វើឲ្យ Yeonha អៀនស្ទើរតែជ្រែកចូលទៅក្នុងដី។
YOU ARE READING
in a cruel world (KH)
Fanfictionពិភពលោកមួយនេះមានពេញទៅដោយភាពស្រស់បំព្រង តែនៅក្នុងពេលតែមួយ វាក៏បានលាក់បាំងនូវភាពឃោរឃៅពីខាងក្នុង។ teen au. [SLOW UPDATE]
