مديحه مسكت الشنطه وبقت تتفقد فيها وهي بتقول : ايهاب جاب لي حاجات كتيره جدا بس دي برضو من حقي ....
وعلي فكره مافي وحده قالت لي مبروك منكم
لميس : اسمعي انا مطوله بالي ليك بس م تختبري صبري اكتر من كده فعلا اخر الجزا اذي ....
مديحه : عقبالكم يلا سلام ... ما لقيتي ليك عريس لحدي اسي ي جود ؟آسر كويس بس بصراحه كان عينه من المرحومه ....
لميس : انتي الممكن تشيلي هم الحاجه دي عشان كده بتقابضي في الرجال من طرف بس جود الف مين يتمناها ...
جود عاينت ليها في احتقار وقالت : الزمي حدودك وراعي حرمه الموت ولو سمحتي من غير مطروده ....
بعد طلعت وقفلت الباب لميس سألت في حيره : الهبله دي قصدها شنو ؟
جود : انسيك منها 😒
🍬🍬🍬🍬🍬🍬🍬🍬🍬🍬🍬🍬🍬🍬
اماني بعد خصلت اشراف علي شغل نانا وصحت هتان من النوم وكمان جهزت الفطور ... جرس الباب رن ويوسف قام من قدام التلفزيون عشان يفتح ووقف مسافه وبعدها جا داخل ومعاه اثيوبيه وده خلي اماني تسأله في دهشه :دي منو دي ؟
يوسف : وحده رسلوها ناس مكتب الاستقدام بالخطأ بس م حبيت ارجعا وخطرت في بالي فكره 🤔
اماني عاينت للبت من فوق لي تحت وردت : فكره شنو دي ؟ بعدين نانا قايمه بي شغلها كويس وم عندي نيه اغيرها ...
يوسف : لا لا ... منو القال ليك ح نستغني عن نانا ي زوله فكرتي انو بناتك محتاجين لي بت ووضعهم م بسمح فاااا شنو نقوم نوديها ليهم ... جود شغاله وساره عيانه ولميس طول الوقت من شركه لي شركه ومن مصنع لي مصنع المسكينه تعمل معاينات وتفتش في شغل ... انا شايف انو الشغاله تخفف عنهم اعباء البيت.... ياخ اذا مسكت ليهم الغسيل والمكوه ساي كفايه وانا متكفل بي مرتبا وم تجيبي لي بناتك سيره انو انا البدفع القروش عشان م يتحسسو ....
اماني قربت منو وطبطبت علي كتفه في حنان وهي بتقول : تسلم كتير يوسف 😊 اتخيل ما خطرت في بالي حاجه زي دي ...
يوسف : هههه ولا انا بس من شفت البت دي قلت بسسس ربنا جابا لينا عشان تساعد بناتنا ..
اماني في دهشه: بناتنا ؟
يوسف : ايوه ...بناتك هم بناتي ...بعدين ديل اخوات هتان م تنسي ودي اغلي حاجه في حياتي ...
اماني : شكرا يوسف ربنا يخليك لينا ان شاء الله
يوسف : بعد صلاه الجمعه امشي قيلي معاهم انتي وهتان وودي الشغاله وتعالو المساء
اماني : حلو جدا 😍
سكتت حبه وبعدها : يوسف
يوسف وقف واتلفت عاين ليها : ايوه
