جود قفلت الخط في تأثر وهي بتقول في نفسها * آآه آسر..... لييي تخليني اضطر اكذب عليك مره تانيه وارجع ليك الوهم ...واخليك ترجع تشك في نفسك من جديد ؟ وكمان ماجد داخل في الموضوع ؟ يارب سترك يارب يارب!!!
افضل حاجه اني اعتذر واتحجج بي اي حاجه ....
دخلت الغرفه ولقت ساره بترتب في هدوما في الشنطه.. قعدت جنبها وسألت في حزن:خلاص ح تسافري ؟ انا ما مطمنه خليني امشي معاك رجاءا 😔
ساره قربت منها وضمتا عليها وهي بتقول : م تخافي علي ي روحي انا ح اكون بخير ان شاء الله واذا حسيت اني ما مرتاحه ،،،،عندي غيرك منو؟! ح اتصل عليك طوالي!!
جود في حزن : طيب ربنا يشفيك ان شاء الله ويرجعك لينا بالسلامه ،،،،،
ساره قامت من جنبها وفتحت الدولاب وطلعت علبه ....جات قعدت جنبها وقالت وهي ماداها ليها : انا ما ح اشيل دي معاي ... سيبيها معاك اذا احتجتي اي حاجه اصرفيها ومشي الامور!
جود رجعت العلبه لي ساره وهي بتقول : مستحيل اشيل هديه زوجك ليك وشبكتك ... اطمني نحن ح نكون بخير والارزاق علي الله ومن بكره ح افتش شغل ...
ساره في اصرار : جود ابوي عيان وفي ايجار واكل وشراب وكهربا وووو ... خلي العلبه معاك م خسرانه حاجه واذا احتجتي اصرفيها علي طول 🙂
💟🖤💟🖤💟
ماجد اتصل بي جود ردت بعد تردد : اهلين ماجد
- مساء الخير
* يسعد مساك
- اممممم مشتاق ليك 😍
جود خفق قلبها بقوه وردت في حياء : بالاكتر
- ما نفسك تشوفيني ؟
* الوقت متأخر خليها يوم تاني ...
- لا
* ماجد مافي طريقه اطلع
- مشتاق ليك ولو ما شفتك ما برتاح❤
* ماجد اكيد ما جادي
- م كنت جيت قاطع المسافه دي كلها 😍
* مسافه شنو ؟😳 قصدك انت جيت ؟
- ايون 😊 واقف قريب من بيتكم نفسي اشوفك م قادر اعمل اي حاجه،،،، بس خمسه دقايق وارجعي تاني!!!
* طيب
قفلت الخط ونبضات قلبها متسارعه ... فتحت الدولاب طلعت عبايه سوداء وطرحه سوداء ولبستهم بسرعه وطلعت،،،،،
ماجد كان داخل العربيه ولما لمحا جايه من بعيد..... القي نظره علي الشارع.... لقاه شبه فاضي.... اتحرك عليها.....فتح ليها الباب القدام .....ركبت بسرعه واتحرك ....
- م عارف الحاصل لي شنو بقيت اشتاق ليك شديد ...
جود حنت راسا في خجل وما قالت حاجه وواصل هو : جود عايز اعرف مشاعرك تجاهي شنو؟ يا تري بتحسي بنفس احساسي تجاهك ؟
